დღის TOP 10 მნიშვნელოვანი ამბავი:
1. ქართულ პროდუქტზე არნახული მოთხოვნაა
სოფლის მეურნეობაში წელს 1,2 მილიარდი დოლარის ექსპორტი დაიგეგმა, რაც უპრეცედენტოდ მაღალი მაჩვენებელია.
2. სურსათი 16.2%-ით, სამედიცინო პროდუქცია 17.9%-ით გაძვირდა
აგვისტოში წლიურმა ინფლაციამ ბოლო ათწლეულის მორიგი რეკორდი მოხსნა და 12.8%-ს მიაღწია. ინფლაციის ფორმირებაზე ყველაზე დიდი გავლენა სურსათის 16.2%-იანმა გაძვირებამ გამოიწვია.
3. ბიზნეს სექტორი: ბრუნვა 56,7%–ით, საშუალო ხელფასი – 214 ლარით გაიზარდა
საქართველოში II კვარტალში ბიზნეს სექტორის ბრუნვის მოცულობა 2020 წლის შესაბამის პერიოდთან შედარებით 56.7%–ით გაიზარდა და 35 მლრდ ლარი შეადგინა.
4. კომერციული ბანკების 1,2–მილიარდიან მოგებას ანალიტიკოსები საყურადღებოდ მიიჩნევენ
სავალუტო რყევები, გაზრდილი საკომისიოები და რეფინანსირების მაღალი განაკვეთი - 3 ძირითადი ფაქტორია, რაც ანალიტიკოს ნიკა შენგელიას შეფასებით, კომერციული ბანკების მოგებაზე ახდენს გავლენას.
5. ქართული ცხვრის სულადობა წლიდან წლამდე უცვლელად, 1 მილიონის დონეზეა
მეცხვარეთა ასოციაციის ხელმძღვანელი ბექა გონაშვილი სახელმწიფოს მხრიდან ყურადღებას ითხოვს. მისი თქმით, წლების განმავლობაში ცხვრის სულადობის ზრდა ვერ ხერხდება და ამის მთავარი მიზეზი საძოვრების სიმცირეა.
6. მეორადი ტანსაცმლის ბაზრობის მოვაჭრეები გაიფიცნენ
სადგურის მოედანზე მეორადი ტანსაცმლის ბაზრობის თანამშრომლები გაფიცვას განაგრძობენ, მათი მთავარი მოთხოვნა ფართზე იჯარის გადასახადის მოხსნაა, მანამ სანამ საზოგადოებრივი ტრანსპორტის მუშაობაზე დაწესებული შეზღუდვები არ მოიხსნება.
7. კოვიდ ვაქცინამ ბოლო 3 თვეში 200 000-ზე მეტი ადამიანი გადაარჩინა სიკვდილს
მოსახლეობის რაოდენობასთან შეფარდებით, საქართველო კოვიდით გარდაცვლილთა რაოდენობით მსოფლიოში, ბოლო კვირებში, პირველ ადგილზეა.
8. Grandpa Dato's toys – ამ ბრენდით ქართული ხის სათამაშოები ექსპორტზე გავა
ხის სათამაშოებზე მომუშავე მეწარმე, წალენჯიხელი დავით მოსიძე პროდუქციის გაყიდვას უკვე სპეციალური ინტერნეტ-მაღაზიის საშუალებით შეძლებს. წარმოება სულ რამდენიმე წელიწადს ითვლის, თუმცა მან მომხმარებელთა წრის გაფართოება და პოპულარობაც შეძლო, რითაც მთავრობის და წამყვანი საერთაშორისო ორგანიზაციის ყურადღებაც მიიქცია.
9. საქართველოში მოსავლის აღების მექანიზება რეალობა ხდება
სამეგრელოს ფერმერთა კავშირის თავმჯდომარეს ოთარ შეროზიას თქმით, ორგანიზაციაში შემავალი თხილის 18 მსხვილი მწარმოებლიდან თითქმის მესამედი მოსავლის კრეფის დროს კომბაინებს იყენებს, დანარჩენები კი ამ კუთხით ინვესტირებას გეგმავენ.
10. ერდოღანის „გიჟური პროექტი“
სტამბულის ახალი არხი, როგორც ჩანს, ერდოღანის მიერ 2013 წელს დაწყებული 4 მასშტაბური ინფრასტრუქტურული პროექტიდან ბოლო იქნება. მაშინ მთავრობამ $200–მილიარდიანი გრანდიოზული სამშენებლო სამუშაოების დაწყების შესახებ განაცხადა. პროექტების საერთო ხანგრძლივობა 10 წელიწადს შეადგენდა.
მთავარი ამბები
