დღის TOP 10 მნიშვნელოვანი ამბავი:
1. ევროკავშირის დახმარების შეჩერების გამო ინვესტორები საქართველოს მაღალი რისკის ზონაში გადაიყვანენ
გია ხუხაშვილი: „ევროკავშირის 75 მილიონიანი დახმარების შეჩერება ნიშნავს მინიმუმ ათჯერ მეტის დაკარგვას, რადგან ყველა პოტენციური ინვესტორი ამ ფაქტის გამო, საქართველოს გადაიყვანს მაღალი რისკის ზონაში და შეაჩერებს აქტივობას. პოლიტიკურ შედეგებზე აღარაფერს ვამბობ“.
2. რთველი 2021-ის ერთ-ერთ პრობლემად მევენახეები ყურძნის დაბალ შაქრიანობას მიიჩნევენ
რთველი 2021-ს საწყის ეტაპზე მევენახეები დარგში ყველაზე მეტ პრობლემად ფასსა და ხარისხს მიიჩნევენ. მიუხედავად იმისა, რომ მოსავლის ჩაბარების პროცესი დაიწყო, მევენახეები ამბობენ, რომ სტანდარტით განსაზღვრული ხარისხის დაკმაყოფილება ბევრს უჭირს, პრობლემა კი უმეტესწილად ყურძენში შაქრიანობის დონეს უკავშირდება.
3. უკიდურესი ანტისანიტარია თბილისის საერთაშორისო აეროპორტში – რა ანგრევს ქვეყნის იმიჯს?!
სანამ ტურისტები ნარიყალას, მცხეთას, უფლისციხეს ან ყაზბეგს ნახავდნენ, აეროპორტის უკიდურესად დაბინძურებული ტერმინალი მოხვდებოდათ თვალში.
4. რამ წაახალისა საქართველოში დიზელის კონტრაბანდა
საქართველოში საწვავი, განსაკუთრებით კი, დიზელი, 100%-ით ძვირი ღირს, ვიდრე მოსაზღვრე აზერბაიჯანში. ფასების ასეთი მკვეთრი სხვაობა ქვეყანაში აღურიცხავი საწვავის შემოტანის წინაპირობას ქმნის, რისი კონტროლიც რეალურად შეუძლებელია.
5. ამცრელი ავტობუსების გრაფიკი დარღვეულია – აცრის მსურველები ამაოდ ელოდებიან
წესით, განსაზღვრულია ავტობუსების მოძრაობის გრაფიკი და ლოკაციებიც თითო უბანში, მინიმუმ, სამია, თუმცა აცრის მსურველებს სხვადასხვა მისამართზე ყოველდღიურად უშედეგოდ უწევთ ლოდინი, რის გამოც მოსახლეობაში დიდი დაბნეულობაა.
6. 150+ ლარი ხელფასი - საქართველოს ბანკი საარსებო მინიმუმზე ნაკლებს იხდის
ბოლო დღეებში სოციალურ ქსელში საქართველოს ბანკის განცხადება გავრცელდა. ბანკი პოტენციურ კონსულტანტებს სრულ განაკვეთზე 150 ლარს + ბონუსს სთავაზობდა.
7. მუნიციპალური ტრანსპორტის შეზღუდვა 13 სექტემბრამდე გახანგრძლივდა
საქართველოში გაუარესებული ეპიდვითარების გამო, მუნიციპალური ტრანსპორტი მოძრაობაზე დაწესებული შეზღუდვა 13 სექტემბრამდე რჩება ძალაში.
8. სკოლებში სწავლა 4 ოქტომბრამდე დისტანციურად ჩატარდება
სკოლებში სასწავლო პროცესი 15 სექტემბრიდან 4 ოქტომბრამდე დისტანციურ რეჟიმში განახლდება.
9. ივლისში ეკონომიკა 9.9%-ით გაიზარდა
ივლისში საქართველოს ეკონომიკის ზრდის ტემპმა, გასული წლის ანალოგიურ პერიოდთან შედარებით, 9.9% შეადგინა, აპრილიდან მოყოლებული ეს პირველი შემთხვევაა როცა, ზრდის ტემპი ერთნიშნაა.
10. მიკროსაფინანსოების აქტივები ბანკების 3%-ზე ნაკლებია
მიკროსაფინანსო ორგანიზაციების ჯამურმა აქტივებმა 2021 წლის მეორე კვარტლის ბოლოსთვის 1.573 მლრდ ლარი შეადგინა, რაც იმავე პერიოდის საბანკო აქტივების 2.8%-ს უთანაბრდება.