დღის TOP 10 მნიშვნელოვანი ამბავი:
1. ახალი შეზღუდვები - 25 აგვისტოდან კვების ობიექტების მუშაობის ხანგრძლივობა 1 საათით მცირდება
25 აგვისტოდან კვების ობიექტების მუშაობა, ნაცვლად 23:00 საათისა, დასაშვები იქნება 22:00 საათამდე.
2. გლობალურ ბაზრებზე სურსათის გაძვირების ახალ ტალღას ელიან
როგორც საერთაშორისო კვლევებისა და პროგნოზირების ცენტრის ხელმძღვანელი, ანალიტიკოსი ნიკა შენგელია „კომერსანტთან“ ამბობს, გაძვირების ტენდენცია არა თუ შეიცვლება, პირიქით – გაგრძელდება კიდეც, ხოლო პიკს წლის ბოლოსთვის მიაღწევს.
3. საით წავა ლარი – ეროვნული ბანკის პროგნოზი
წლის დარჩენილ პერიოდში ლარის დოლართან მიმართებაში 3%-ით გამყარებას ითვალისწინებს საქართველოს ეროვნული ბანკის (სებ) ოპტიმისტური სცენარით ხოლო პესიმისტური სცენარი გაცილებით მკვეთრ – 10%–იან გაუფასურებას პროგნოზირებს.
4. საქართველოში ყოველი მეექვსე მოქალაქე ღატაკია
გარდა იმისა, რომ მოსახლეობა გაღარიბდა და შემწეობის მიმღებთა წრე გაფართოვდა, მუდმივად მატულობს იმ ადამიანთა რაოდენობა, რომელიც შემწეობას ითხოვს. მათი რიცხვი 1 მილიონს აღემატება.
5. რუსეთმა სავალუტო ფონდისგან $18 მლრდ მიიღო, საქართველომ – 406 მლნ
სსფ–ის ისტორიაში რეკორდული მოცულობის სპეციალური სასესხო უფლების განაწილება ორგანიზაციის წევრ ქვეყნებზე ორშაბათს, 23 აგვისტოს შევიდა ძალაში – საერთაშორისო სავალუტო ფონდის წევრები 456 SDR–ს მიიღებენ, რაც $650 მლრდ–ის ექვივალენტია.
6. მეწარმეები რქაწითელს, სავარაუდოდ, 90 თეთრად ჩაიბარებენ
მართალია, ყურძნის კონკრეტული ღირებულება ჯერ გამოკვეთილი არ არის, თუმცა ინდუსტრიაში უკვე იციან, რომ 1 კგ. ყურძნის აფსი სულ მცირე 90 თეთრი იქნება.
7. ენგურჰესის გაუმჯობესებული წარმადობის გამო ელექტროენერგიის გენერაცია 23%-ით გაიზარდა
გენერაციის ზრდა ძირითადად მხოლოდ ენგურჰესის რეაბილიტაციის შედეგად გაზრდილი წარმადობის ხარჯზე მოხერხდა. მოხმარება კი ყველაზე მეტად ოკუპირებულ აფხაზეთში გაიზარდა.
8. ბიტკოინს მნიშვნელოვან გაძვირებას უწინასწარმეტყველებენ
როგორც პროფესორი გოჩა თუთბერიძე აცხადებს, ფინანსურ ბაზრებზე პროცესები ბიტკოინის სასარგებლოდ არის მიმართული.
9. Bloomberg: გათხევადებული გაზი ევროპას ამ საწვავის დეფიციტისგან ვერ იხსნის
გათხევადებული გაზის ტერმინალების ფართო ქსელი ევროპას ზამთარში მოსალოდნელი გაზის დეფიციტისგან ვერ იხსნის - ბოლო თვეებში ამ ტიპის საწვავის მიწოდება ევროპაში მინიმუმამდე დაეცა და პერსპექტივები ბევრად უკეთესად არ გამოიყურება.
10. პორტუგალიელი აგრონომი: საქართველოს ლურჯი მოცვის ინდუსტრიის შექმნის შანსი აქვს
პორტუგალიელი აგრონომი ხორხე დუარტე USAID-ის სასოფლო-სამეურნეო პროგრამის ინიციატივით საქართველოს ესტუმრა, და ქვეყანაში ლურჯი მოცვის ინდუსტრიის განვითარების პერსპექტივები შეაფასა.