დღის TOP 10 მნიშვნელოვანი ამბავი:
1. ლაშა ტალახაძე ორგზის ოლიმპიური ჩემპიონია
ლაშა ტალახაძე ოლიმპიური ჩემპიონი მეორედ გახდა. დამოუკიდებელი საქართველოს ისტორიაში ეს პირველი შემთხვევაა. ოლიმპიურ ოქროსთან ერთად ტალახაძემ ტოკიოში 3 მსოფლიო რეკორდიც (ატაცი 223 კგ, აკვრა 265 კგ, ორჭიდის ჯამი 488 კგ) მოხსნა.
2. სებ–მა მონეტარული პოლიტიკის განაკვეთი 0.5%–ით 10%–მდე გაზარდა
საქართველოს ეროვნული ბანკის (სებ) მონეტარული პოლიტიკის კომიტეტმა 4 აგვისტოს სხდომაზე რეფინანსირების განაკვეთის 0.5 პროცენტული პუნქტით გაზრდის გადაწყვეტილება მიიღო. მონეტარული პოლიტიკის განაკვეთი 10.0 პროცენტით განისაზღვრა.
3. რეფინანსირებაზე მიბმული 140 ათასზე მეტი სესხი გაძვირდა
140 000-ზე მეტ პირს ლარში აღებული სესხი გაუძვირდა. 2008 წლის ოქტომბრის შემდეგ რეფინანსირების განაკვეთი ორნიშნა არასდროს ყოფილა.
4. თემურ ჭყონია: გახარიას ბიზნესწრეებში ცუდი რეპუტაცია არ ჰქონია
თემურ ჭყონია „ქართული ოცნების“ ლიდერის ირაკლი კობახიძის მიერ გიორგი გახარიას მეტსახელის („ბოლი“. რედ.) გასაჯაროებასთან დაკავშირებით ამბობს, რომ გუნდის შიგნით რა ხდება არ იცის, ხოლო გარეთ - ბიზნესმენთა წრეში, გახარიას ცუდი რეპუტაცია არ ჰქონდა.
5. როგორ აპატარავებს ინფლაცია ხელფასს
2021 წლის ივლისის 1000 ლარი მსყიდველუნარიანობით გასული წლის ივლისის 895 ლარს გაუტოლდა.
6. ახალი კოვიდ შეზღუდვები ფიტნესის ინდუსტრიას დაანგრევს
შესაძლო შეზღუდვებზე „კომერსანტთან“ Aspria-ს დირექტორის ოთარ თავყელიშვილი საუბრობს. იგი იზიარებს ირაკლი ღარიბაშვილი აზრს და ამბობს, რომ მესამე „ლოქდაუნი“ ბიზნესისთვის დამანგრეველი იქნება.
7. შაფრანი - ოქროს ფასის სანელებლის წარმოება საქართველოშიც ვითარდება
შაფრანი, რომელიც გემოვნური და სამკურნალო თვისებებით უძველესი დროიდან დიდად ფასობს, უკვე საქართველოშიც მოჰყავთ – ამ სანელებლის პირველმა მწარმოებელმა მერაბ ინასარიძემ ახალი სეზონისთვის მზადება დაიწყო.
8. ნათია თურნავას ობიექტების 1 ლარად გაყიდვის იდეა არ მოსწონს
ეკონომიკის მინისტრის ნათია თურნავას თქმით, ქვეყნისთვის მნიშვნელოვანია არამარტო ერთჯერადი ეფექტი, რომელიც სჭირდება ბიუჯეტს, არამედ ის, თუ რა ინვესტიციას განახორციელებს ბიზნესი და რამდენ ადამიანს დაასაქმებს.
9. ოლიმპიადამ ტოკიოში პანდემიის მძლავრი ტალღა გამოიწვია
როდესაც მომავალში ისაუბრებენ ტოკიოს ოლიმპიურ თამაშებზე, პირველი რასაც გაიხსენებენ, იქნება ის, რომ ერთი კვირის მანძილზე ქალაქში კორონავირუსით დაავადებულთა რაოდენობა 217%-ით გაიზრდა და დღიურმა დაინფიცირებამ 10 000-ს გადააჭარბა.
10. ლუკაშენკომ ევროკავშირს ათასობით აზიელი ლტოლვილი შეასია
2 აგვისტოს მონაცემებით, ლიეტუვივს მესაზღვრეებმა 3832 არალეგალი მიგრანტი აღმოაჩინეს, რომლებიც ბელარუსის საზღვართან იმპროვიზირებულ კარვების ქალაქში ცხოვრობდნენ. მათ შორის 2555 - ერაყელი იყო.