დღის TOP 10 მნიშვნელოვანი ამბავი:
1. პანდემიამ რუსთავის ავტობაზრობა თითქმის უფუნქციოდ დატოვა
რუსთავის ბაზრობა შეიძლება დაიკეტოს. ამის შესახებ „კომერსანტთან“ საუბარში ავტოდილერებმა განაცხადეს.
2. ირაკლი ღარიბაშვილი - ვაქცინაციაზე გადის ეკონომიკის შენარჩუნების გზა, იმიტომ, რომ ქვეყანა ვეღარ გაუძლებს დაკეტვებს და შეზღუდვებს
„ვაქცინაციაზე გადის ეკონომიკის შენარჩუნების გზა და ზოგადად, ამ სიტუაციის გადარჩენის გზა, იმიტომ, რომ ქვეყანა ვეღარ გაუძლებს დაკეტვებს და შეზღუდვებს...“.
3. „მტკიცე სული 2021“ - როგორ დაეხმარება საერთაშორისო სამხედრო წვრნები საქართელოს
იმის გასარკვევად, თუ რა მნიშვნელობას ატარებს წვრთნები და როგორ აუმჯობესებს საქართველოს არმიის ბრძოლისუნარიანობას Commersant სამხედრო ანალიტიკურ ჟურნალ არსენალის მთავარ რედაქტორს ირაკლი ალადაშვილს დაუკავშირდა.
4. გიგა ზედანიამ „სეისმური მონიტორინგის ცენტრის“ გამჭვირვალობის პრობლემა სასწრაფოდ უნდა გადაჭრას - არჩილ კაიკაციშვილი
„სეისმურ ინფორმაციაზე ხელმისაწვდომობა შეზღუდულია და დაინტერესებული მეცნიერებისა თუ პოტენციური ინვესტორებისთვის ის, პრაქტიკულად, დახურულია“.
5. ცესკოს თავმჯდომარე 6 თვით გიორგი კალანდარიშვილი იქნება
საქართველოს ცენტრალური საარჩევნო კომისიის თავმჯდომარე 6 თვით გიორგი კალანდარიშვილი იქნება. პარლამენტმა ის მეოთხე მცდელობაზე დღეს, 2 აგვისტოს აირჩია. კალანდარიშვილის კონკურენტმა გიორგი სანტურიანმა ხმების საჭირო რაოდენობა ვერ მოაგროვა.
6. ვაშინგტონი ამერიკელებს საქართველოში მოგზურობისგან თავის შეკავებისკენ ეპიდვითარების გამო მოუწოდებს
ტურიზმის სამნიშნა პროცენტული ზრდის ფონზე, ამერიკის შეერთებული შტატების სახელმწიფო დეპარტამენტი საკუთარ მოქალაქეებს კოვიდის გამო საქართველოში მოგზაურობისგან თავის შეკავებიკენ მოუწოდებს.
7. რომ არა ხარისხის პრობლემა, ქართულ თხილზე აშშ–ში დიდი მოთხოვნა იქნებოდა
მეწარმეები მიმდინარე სეზონზე კიდევ უფრო მეტ მოსავალს ელიან, თუმცა მსოფლიო ბაზარზე წარმატების მისაღწევად თხილის ხარისხის გაუმჯობესებაა აუცილებელი.
8. სამხრეთ კავკასიის მილსადენის ტექნიკური ოპერირება BP-მ SOCAR-ს გადააბარა
სამხრეთ კავკასიის მილსადენის ტექნიკური ოპერატორის როლი კომპანია ბი-პი ექსპლორეიშენ (შაჰ დენიზ) ლიმიტედმა კომპანია სოკარ მიდსთრიმ ოპერეიშენს ლიმიტედს გადააბარა.
9. სასტუმრო „ბორჯომი-ლიკანი“ მე-3 აუქციონზეც ვერ გაიყიდა
„საპარტნიორო ფონდის“ მიერ გასაყიდად გამოტანილი სასტუმრო „ბორჯომი-ლიკანი“ ვერც მე-3 აუქციონზე გაიყიდა, მიუხედავად იმისა, რომ პირველ აუქციონთან შედარებით ფასი თითქმის $13 მლნ–ით ნაკლები იყო.
10. ციფრული ეპოქის მსხვერპლები - Kodak, Polaroid, Nokia
2012 წელს Kodak-მა ფოტოაპარატების წარმოებაზე საბოლოოდ უარი განცხადა და დღეს, ძირითადად, პრინტერებს უშვებს.
2017 წელს Polaroid ბაზარზე ციფრული ფოტოაპარატ OneStep-ით დაბრუნდა, რომელსაც საკმაოდ კარგი გაყიდვები აქვს, თუმცა, წინა ათწლეულების წარმატება საბოლოოდ წარსულში დარჩა.
ფინურმა კონცერნმა თავისი ადგილი ისტორიაში უკვე დაიმკვიდრა - მობილური ტელეფონების არსებობის ისტორიაში 10 ყველაზე გაყიდვადი მობილური ტელეფონიდან 7 - სწორედ Nokia-ს მოდელია.
მთავარი ამბები
