დღის TOP 10 მნიშვნელოვანი ამბავი:
1. საქართველოში ,,მწვანე წყალბადის“ წარმოებაში ინვესტირებით Toyota Tsusho Corporation დაინტერესდა
მალე საქართველოში შესაძლოა ახალი ინოვაციური საპილოტო პროგრამა დაიწყოს, რომელიც ,,მწვანე წყალბადის“ წარმოებას უკავშირდება.
2. აუთვისებელი ბაზარი და თავისუფალი ვაჭრობის პერსპექტივები იაპონიასთან
მიმდინარე წლის იანვარ-ივნისში, საქართველომ იაპონიაში ექსპორტზე $10.6 მლნ-ის პროდუქცია გაიტანა. ამ მაჩვენებლით საექსპორტო პარტნიორებში ამომავალმა მზის ქვყანამ 24-ე ადგილი დაიკავა.
3. ჯანდაცვაში საქართველოში ჯიბიდან გადახდების წილი 48%–ს, ევროპის ქვეყნებში კი 30%-ს შეადგენს
ჯანმრთელობაზე მიმდინარე დანახარჯებში ჯიბიდან გადახდების წილი (48% 2018 წელს) კვლავ აღემატება ჯანმოს ევროპული რეგიონის ქვეყნების საშუალო მაჩვენებელს (30%).
4. „ნუტრიმაქსი“ თევზის კომბინირებული საკვების წარმოებას იწყებს
კომპანიის წარმომადგენელმა რევაზ ლაფაჩმა „კომერსანტს“ უთხრა, რომ სამომავლოდ თევზის სანაშენე მეურნეობების კომბინირებული საკვებით მოამარაგებას გეგმავენ, რომლებიც დღეს ამ პროდუქტის დეფიციტს განიცდიან.
5. რუსეთში ვაშლის თვითღირებულება საბაზრო ფასს ასცდა – შეზღუდავენ თუ არა ქართული ხილის იმპორტს?
რუსეთმა, შესაძლოა, ვაშლის იმპორტს შეზღუდვა დაუწესოს. ყოველ შემთხვევაში, ასეთი მოთხოვნით რუსმა მეხილეებმა მიმართვა უკვე გაუგზავნეს ქვეყნის პრემიერ მიშუსტინს.
6. ავტოსკოლის რამდენი გაკვეთილია საკმარისი მართვის მოწმობის ასაღებად
ავტოსკოლა ,,ავტომობილის“ ხელმძღვანელი, მძღოლ-ინსტრუქტორი თამაზ თოფაძე აცხადებს, რომ მინიმუმ, 20-25 გაკვეთილი აუცილებელია იმისთვის, რომ მოსწავლემ სრულად შეძლოს დაეფლოს თეორიულ და პრაქტიკულ ცოდნას და გავიდეს გამოცდაზე.
7. BOOKING, GOOGLE, FACEBOOK–სა და სხვა კომპანიებს დღგ-ს გადახდის ვალდებულება 1-ელ ოქტომბრამდე გადაუვადდათ
საქართველოსა და ევროკავშირს შორის გაფორმებული ასოცირების შეთანხმების თანახმად, 2021 წლის 1-ლი იანვრიდან ამოქმედდა ცვლილებები საგადასახადო კანონმდებლობაში, რომლის მიზანია საქართველოს დღგ-ის კანონმდებლობის ევროპულ კანონმდებლობასთან დაახლოვება.
8. საქართველო–რუსეთს შორის ავიამიმოსვლის უპირობოდ აღდგენა არ უნდა მოხდეს
„საქართველოს და რუსეთს შორის ფრენების უპირობოდ და მოლაპარაკებების გარეშე აღდგენა არ უნდა მოხდეს“, - ამის შესახებ სამოქალაქო პლატფორმა 20/20–ის თავმჯდომარემ ვასო ურუშაძემ განაცხადა.
9. ევროპაში გაზი $500-მდე გაძვირდა
„გაზპრომი“ ევროპაში უკრაინის გავლით გაზის მიწოდების ზრდაზე უარს ამბობს, რამაც 1000 კბ/მ ცისფერი საწვავის ფასების მკვეთრი - $500-მდე ზრდა გამოიწვია.
10. საქართველოში ლურჯი მოცვის სეზონი მთავრდება
საქართველოში ლურჯი მოცვის მოსავლის აღება რამდენიმე დღეში დასრულდება. ადგილობრივი მწარმოებლების აზრით, 2021 წლის სეზონი ივნისის ბოლოს რუსეთში ექსპორტთან დაკავშირებული პანიკის და ფასების ვარდნის მიუხედავად, მთლიანობაში, წარმატებული იყო.