დღის TOP 10 მნიშვნელოვანი ამბავი:
1. მასობრივი ვაქცინაციის ცენტრები კვირის ბოლომდე მომზადდება
იმუნიზაციის პროცესის შეუფერხებლად და კიდევ უფრო სწრაფი ტემპებით წარმართვის მიზნით, მასობრივი ვაქცინაციის ცენტრები მიმდინარე კვირის ბოლომდე უნდა მომზადდეს.
2. რა ღირს ყველაზე ძვირი ქართული ღვინო
როგორც ,,კომერსანტთან“ მეწარმე თამაზ ომანაძე ამბობს, ყველაზე ძვირად, 3000 ლარად, 2012 წელს ჩამოსხმული ,,უსახელოური“ გაიყიდა.
3. ქვეყნები, რომლებიც პანდემიამდელ ეკონომიკას დაუბრუნდნენ
ეპიდემიის გამო შექმნილ ეკონომიკურ მდგომარეობას რიგმა ქვეყნებმა თავი დააღწიეს. სტატისტიკოს სოსო არჩვაძის ინფორმაციით, 27-მა ქვეყანამ გასულ წელს მშპ არათუ შეამცირა, არამედ გაზარდა 2019 წელთან შედარებით.
4. „მწვანე სამყარო“ - კომპანია, რომელმაც 11 ტენდერი უხარისხოდ შეასრულა
2016 წლიდან 2020 წლის ნოემბრამდე სახელმწიფომ სულ 13.695 მლრდ ლარის ტენდერი გამოაცხადა, ყველაზე დიდი შემსყიდველი 1.76 მლრდ ლარით საავტომობილო გზების დეპარტამენტი აღმოჩნდა.
5. 520-ე დადგენილებაზე მუშაობას BAG იწყებს - როგორია მარიანა მორგოშიას გეგმები
საქართველოს ბიზნეს ასოციაციის აღმასრულებელ დირექტორს უკვე ერთი თვეა რაც ახალი მოადგილე მარიანა მორგოშია ჰყავს. გააძლიერებს თუ არა საჯარო და კერძო სექტორებში მუშაობის მრავალწლიანი გამოცდილების მქონდე მენეჯერი ქვეყნის ყველაზე მსხვილ ბიზნეს ასოციაციას და რა მიმართულებით იმუშავებს ის.
6. დღეს ქვეყანაში საწვავის გაიაფების ყველა წინაპირობა არსებობს
“ახალგაზრდა ფინანსისტთა და ბიზნესმენთა ასოციაცია“ – აფბა, საწვავის ბაზარზე არსებულ მდგომარეობას აფასებს და აცხადებს, რომ დღეს როგორც საერთაშორისო ბაზარზე ფასწარმოქმნაზე მოქმედი, ასევე ადგილობრივი პარამეტრები იძლევა იმის საშუალებას, რომ საქართველოში დაიწყოს საწვავის გაიაფება.
7. 6 თვეში ბენზინისა და დიზელის იმპორტი გაიზარდა, საავიაციო ნავთის შემცირდა
წლის პირველ ნახევარში ბენზინის, დიზელისა და საცხებ-საპოხი მასალების იმპორტი გაიზარდა, საავიაციო ნავთი კი შემცირდა. ინფორმაციას ნავთოპროდუქტების იმპორტიორთა კავსირი ავრცელებს.
8. ჩრდილოვანი მაინინგი - აფხაზეთში კრიპტოვალუტის გამომუშავების აკრძალვა ქაღალდზე დარჩა
აკრძალვის მიუხედავად, ოკუპირებულ აფხაზეთში ბიტკოინის მაინინგის პროცესმა ძალები უფრო მეტად მოიკრიბა, რასაც რეგიონში ელექტროენერგიის მოხმარების მოცულობის ზრდა ადასტურებს.
9. 10-ჯერ მაღალი საპროცენტო სარგებლის მიუხედავად, დეპოზიტების ლარიზაციის მაჩვენებელი 25%-ზე ნაკლებია
ბანკებში ფიზიკური პირების დეპოზიტების ლარიზაციის მაჩვენებელი 25%-ზე ნაკლებია. მიუხედავად იმისა, რომ ლარში განთავსებულ ანაბარს თითქმის 10-ჯერ მეტი საპროცენტო სარგებელი ერიცხება და 6 თვეში 5%-ით გამყარდა, ეროვნული ვალუტის მიმართ ნდობა კვლავ დაბალია.
10. Moody's: პანდემიამ ყველაზე მეტად ტურიზმზე დამოკიდებული ქვეყნები დააზარალა
სარეიტინგო სააგენტომ Moody's დაადგინა, რა ტიპის ქვეყნები დაზარალდნენ პანდემიისგან ყველაზე მეტად და მომავალში რა სახის პრობლემები გახდება მთავარი გამოწვევები როგორც ცალკეული ქვეყნებისთვის, ასევე მთლიანად გლობალური ეკონომიკისთვის.