„დღევანდელი შეზღუდვები შემოდგომაზე სოფლის პროდუქტის ფასს გააძვირებს“-მომავლის ფერმერი

„დღევანდელი შეზღუდვები შემოდგომაზე სოფლის პროდუქტის ფასს გააძვირებს“-მომავლის ფერმერი

access_time2020-04-23 10:50:36

მრავალ გამოწვევასთან ერთად, რომლის წინაშეც საქართველო დგას ერთ-ერთი ხილისა და ბოსტნეულის შემნახველი,  სამაცივრე მეურნეობის არ არსებობაა. ფერმერებს, რომლებსაც ამ პერიოდისთვის საკუთარი წარმოების რეალიზაცია ჰქონდათ გათვლილი, პროდუქციის გაყიდვა გაუჭირდათ. სამომავლოდ კი, კონკრეტულად, შემოდგომაზე  ბაზარზე გაძვირებულ პროდუქტს მივიღებთ.

 

გარდა ამისა, კორონავირუსის პრევენციის მიზნით, რიგი აკრძალვების გამო,  სოფლის მეურნეობის პროდუქტებით  მაღაზიების მომარაგების პრობლემა შეიქმნა. პრობლემაა აქვთ ადგილობრივ მეურნეებსაც, რომლებსაც ავტომობილების აკრძალვის გამო, მიწის ნაკვეთებამდე ანუ  ადგილამდე მისვლა უჭირთ,შესაბამისად, პრობლემაა მოსავლის მოვლა. 

 

„საქართველოს ფერმერთა ასოციაციის“ თავმჯდომარე ნინო ზამბახიძე სოფლის მეურნეობაში დღეს არსებულ რამდენიმე პრობლემაზე საუბრობს. ერთ-ერთი მოსავლის  აღების შემდგომ ხილისა და ბოსტნეულის მთელი წლის განმავლობაში ბუნებრივად შენახვაა. მანამ კი კორონავირუსის პრევენციის მიზნით დაწესებული აკრძალვების გამო, ფერმერები თავიანთი მოსავლის მოვლას და ახლის დათესვას ვერ ახერხებენ, რაც სამომავლოდ, პროდუქტის კრიზისს გამოიწვევს.

 

 


„ჩვენი დღევანდელი გამოწვევა არის, სოფლის მეურნეობის პროდუქტის შენახვა, რადგან მთელი წლის განმავლობაში ქვეყანაში უნდა  არსებობდეს ჩვენს მიერ წარმოებული პროდუქტი. ეს კი ამავდროულად სასურსათო უსაფრთხოებას ნიშნავს და ეს მომენტი მსოფლიოში  პირველ ადგილზეა. კორონავირუსის შედეგად   მსოფლიო ფიქრობს  იმაზე, რომ ექსპორტი შეამციროს.სხვა ქვეყნებში ექსპორტის შემცირება ჩვენთან და ჩვენნაირ ქვეყნებთან იმპორტის შემცირებას გამოიწვევს,  თუ ჩვენ არ გვექნება  შემნახველი მეურნეობები,მათ შორის,  ხილის და ბოსტნეულის, ძალიან სერიოზული გამოწვევის წინაშე დავდგებით.

 

ქართული მეურნეობისთვის დღეს ასევე  პრობლემას წარმოადგენს ისიც, რომ გადაადგილება შეზღუდულია, დაკეტილია აგრარული ბაზრები, ქვეყანა არის  კარანტინში და ტურისტული ნაკადი, რომელიც ყველაზე დიდი მოხმარების წყარო იყო, ფერმერებისთვის შეზღუდულია.ასევე ჩვენ გვაქვს აგროკალენდარი, რის მიხედვითაც თუ ახლა არ დაიწყო  დარგვა და დათესვა, სამომავლოდ, სერიოზული პრობლემა შეგვექმნება. ყველაფერმა შეიძლება მოიცადოს ეკონომიკაში, გარდა სოფლის მეურნეობისა“-აღნიშნავს ნინო ზამბახიძე.

 

„მომავლის ფერმერის“ ხელმძღვანელის რუსუდან გიგაშვილის განმარტებით,  დღევანდელი შეზღუდვა, რომელიც ფერმერებზეც გავრცელდა და საქმიანობა შეეზღუდათ, შემოდგომაზე  ბოსტნეულისა და ხილის ღირებულებას  გააძვირებს.


„სოფლის მეურნეობაში ჩართული ადამიანების უმრავლესობა არ არის დარეგისტრირებული როგორც იურიდიული პირი. ამის გამო მათზე  ვერ შეძლეს საშვის გაცემა და ეს სისტემა მათთვის მოუქნელი აღმოჩნდა.გადაადგილების პრობლემის გამო, კი სათბურებამდე ვერ მიდიან, რის შედეგადაც უზიანდებათ მოსავალი.ტრანსპორტირების გამო  საადრეო ბოსტნეულის რეალიზების პრობლემაც შეიქმნა და პროდუქტი სარდაფში ულპებათ.ყველგან, სადაც საადრეო ბოსტნეული და ხილი მოიყვანეს, ყველა ზარალზეა. ახლო პერიოდიში ბაზარზე ახალი და ჯანსაღი პროდუქტების დეფიციტი აუცილებლად გაჩნდება, ცოტა გრძელვადიან პერიოდში კი უფრო ზუსტად შემოდგომაზე, სამეურნეო სურსათზე ფასი საგრძნობლად გაიზრდება.სოფლის მეურნეობა ისეთი სფეროა, ყოველ წუთს დიდი მნიშვნელობა აქვს, ახლა უნდა დაიწყოს ფერმერმა დარგვა და დათესვა, თორემ თუ ვერ მოასწრო, ქვეყანა მოსავლის გარეშე დარჩება.”-ამბობს რუსუდან გიგაშვილი.



ნათია ლომიძე 




„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI

„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI
access_time2023-04-25 14:00:33
საერთაშორისო რესპუბლიკური ინსტიტუტი (IRI) საზოგადოების აზრის კვლევას აქვეყნებს. კითხვაზე, ვის მისცემდნენ ხმას, საპარლამენტო არჩევნები მომავალ შაბათს რომ ტარდებოდეს, 19% ქართულ ოცნებას ასახელებს, 14% ერთიან ნაციონალურ მოძრაობას.  მოქალაქეებს დაუსვეს კითხვა - საპარლამენტო არჩევნები რომ მომავალ შაბათს ტარდებოდეს, რომელ პარტიას მისცემდით ხმას? (თუ მისცემდით) / თქვენ მიერ არჩეული პარტია რომ ბიულეტენზე არ ყოფილიყო, სანაცვლოდ ვის მისცემდით ხმას? (თუ...

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს
access_time2023-04-25 13:30:40
„საერთაშორისო რესპუბლიკური ინსტიტუტის (IRI)“ ახალი კვლევის თანახმად, გამოკითხულთა 91%-ს ყველაზე მეტად საქართველოს პატრიარქი ილია მეორე მოსწონს.   ამავე კვლევის თანახმად, რეიტინგში მეორე ადგილს თბილისის მერი კახა კალაძე იკავებს, რომელიც გამოკითხულთა 52%-ს მოსწონს, 48%-ით მესამე ადგილზეა საქართველოს პრეზიდენტი, სალომე ზურაბიშვილი, რომელსაც მოსდევს პრემიერ-მინისტრი ირაკლი ღარიბაშვილი 43%-ით.   ცნობისთვის, IRI-ის კვლევა 2023 წლის 4-23 მარტის პერიოდში...

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც
access_time2023-04-25 12:50:16
უკრაინამ წარმატებით ჩაატარა სამაშველო ოპერაცია სუდანის ტერიტორიიდან მოქალაქეების ევაკუაციის მიზნით. სულ გამოიყვანეს 138 ადამიანი, მათ შორის უცხოელები. ამის შესახებ უკრაინული მედია თავდაცვის სამინისტროს მთავარი სადაზვერვო სამმართველოს პრესსამსახურზე დაყრდნობით იუწყება. აღნიშნულია, რომ ოპერაცია უკრაინის პრეზიდენტის აპარატთან და საგარეო საქმეთა სამინისტროსთან კოორდინაციით დაზვერვის მთავარმა დირექტორატმა განახორციელა. „წარმატებული...

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI
access_time2023-04-25 13:15:07
IRI-ს კვლევის მიხედვით, გამოკითხულთა 39 პროცენტი აცხადებს, რომ ნებისმიერ გარემოებაში ხმას არ მისცემდა „ერთიან ნაციონალურ მოძრაობას“.   კითხვაზე რომელ პარტიას არ მისცემდით ხმას, ნებისმიერ გარემოებაში, შედეგები შემდეგნაირად გადანაწილდა, „ერთიანი ნაციონალური მოძრაობა – 39%; „ქართული ოცნება“ – 34%; „კონსერვატიული მოძრაობა – ალტ-ინფო“ -16%; „გირჩი მეტი თავისუფლება – ზურაბ გირჩი ჯაფარიძე“ – 13%; „პატრიოტთა ალიანსი, დავით თარხან-მოურავი და ირმა ინაშვილი“ – 13%; „გირჩი“ -13%;...

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო
access_time2023-04-25 12:30:09
მიხეილ ლომთაძის Kaspi.kz-მა შეერთებულ შტატებში შესვლისთვის მზადება დაიწყო. ამის შესახებ ნათქვამია კომპანიის 2023 წლის პირველი კვარტლის ანგარიშში, რომელიც გამოქვეყნდა ორშაბათს, 24 აპრილს. ანგარიშის მიხედვით, ყაზახური ფინტექი მომზადების „ადრეულ ეტაპზეა“, „რადგან ნებისმიერი ტრანზაქცია, რა თქმა უნდა, ბაზრის პირობებზეა დამოკიდებული. ჩვენ ვხედავთ ბევრ პოტენციურ სარგებელს აშშ-ს სიაში, მათ შორისაა გაფართოება, უფრო მრავალფეროვანი აქციონერთა ბაზა და გაზრდილი სავაჭრო ლიკვიდობა“, -...


მსგავსი სიახლეები

up