“დღესაც საქართველოში არ არსებობს იმ დონის ინჟინერი, რომელსაც შეუძლია ააწყოს ან  შეაკეთოს ქარხნებში დამონტაჟებული აღჭურვილობა“ - ქართული ევოლუცია - ПТУ-დან პროფესიულ კოლეჯამდე

“დღესაც საქართველოში არ არსებობს იმ დონის ინჟინერი, რომელსაც შეუძლია ააწყოს ან შეაკეთოს ქარხნებში დამონტაჟებული აღჭურვილობა“ - ქართული ევოლუცია - ПТУ-დან პროფესიულ კოლეჯამდე

access_time2019-08-11 14:00:02



საქართველოში ჯერ კიდევ საბჭოთა დროიდან უყვარდათ ტრაბახი უმაღლესი განათლების მქონე ადამიანების დიდი რაოდენობით, ასევე მეცნიერებათა დოქტორების, პროფესორების, დოცენტების და აკადემიკოსების ერთ-ერთი ყველაზე მჭიდრო კონცენტრაციით მოსახლეობის რიცხოვნობასთან შედარებით.



ამაზე ძალიან ადვილი იყო საუბარი საბჭოთა პერიოდში, როდესაც დიპლომი ცოდნაზე მეტად ფასობდა და ფულის კეთება ხდებოდა ძირითადად ნახევრად კანონიერი ხერხებით, სხვადასხვა სქემებით, მსხვილი რუსი ჩინოვნიკების დათრობით და მოსყიდვით.
იმ პერიოდში იყო მოწინავე სპეციალისტების და თავის საქმეში პროფესიონალების მცირე ფენა უცოდინართა ზღვაში და ალბათ ეს გაგრძელდებოდა დაუსრულებლად - თუმცა, ამპარტავანი უვიცების აღლუმს წინ აღუდგა თავად დრო - საბჭოთა კავშირი დაიშალა და ყველაფერი დადგა თავის ადგილას.



ნათლად გამოჩნდა ვინ ვინ არის. ისიც გახდა აშკარა, რომ არავითარი „მაღალგანათლებული მოსახლეობა“ საქართველოს არ ჰყავს. აღმოჩნდა, რომ საქართველოში მეტი პროფესორი და აკადემიკოსია, ვიდრე ანალოგიური ზომის ევროპულ ქვეყნებში და ამავე დროს კარგი შემდუღებლები შემოგვყავს თურქეთიდან.



აღმოჩნდა, რომ დღესაც კი, 2019 წელს საქართველოში არ არსებობს იმ დონის ინჟინერი, რომელსაც შეუძლია ააწყოს და აუცილებლობის შემთხვევაში, შეაკეთოს მცირერიცხოვან ქარხნებში დამონტაჟებული აღჭურვილობა. ქართველი სპეციალისტები მეტ-ნაკლებად კარგად მართავენ უკვე დაყენებულ დანადგარებს, თუმცა საშუალო სირთულის პრობლემის გაჩენის შემთხვევაში, სასწრაფოდ უწევთ სპეციალისტების მოწვევა უცხოეთიდან - შესაბამისი დანახარჯებით.



საბჭოთა განათლების სისტემის მემკვიდრეობა საქართველოში არის ადამიანი, რომელიც ლამაზად მეტყველებს, არის კარგი მოსაუბრე, იცის ბევრი ლექსი, არაუშავს მღერის, მაგრამ არ იცის არაფერი კონკრეტული, არ ფლობს არანაირ მნიშვნელოვან უნარ-ჩვევას.



გავიხსენოთ 90-ანი წლები - მაშინ ახალი შემოსული იყო სპეციალობები, რომლებიც დაკავშირებული იყო კომპიუტერთან - პროგრამისტი, ქსელური ინჟინერი და ა.შ. დღეს ალბათ არავის ახსოვს და წარმოსადგენადაც ძნელია, მაგრამ იმ დროს „კომპიუტერშიკების“ უმეტესობა იყვნენ ან აქაური რუსები, ან სომხები, ან რუსულენოვანი ქართველები.



ამ ვითარებამ დაიწყო შეცვლა მხოლოდ 2000-ანების დასაწყისში, როდესაც კომპიუტერებით დაინტერესდნენ ქართულენოვანი ახალგაზრდები.
პარალელურად, ქართველები ჯიუტად იხდიდნენ საკმაოდ სერიოზულ თანხებს შვილების უცოდინრობაში - დიპლომომანია არ გამქრალა სსრკ-სთან ერთად და გადმოაბიჯა უკვე დამოუკიდებელ საქართველოშიც.



ასობით ვითომ უმაღლესი სასწავლებელი არიგებდა დიპლომებს, როგოც კარტოფილს და ბოლოს და ბოლოს მოხდა ის, რაც იყო მოსახდენი - ოღონდ ბევრად უფრო ადრე - სიმბოლურ-რიტუალური განათლების ფასი მკვეთრად დაეცა.




არა, ეს არ ნიშნავს, რომ დიპლომომანია მოკვდა - ბევრ ქართველ ახალგაზრდას ურჩევნია იყოს საერთაშორისო დიპლომატიის ფაკულტეტის დაუსაქმებელი კურსდამთავრებული, ვიდრე შემდუღებელი, რომელზეც მიდის ნადირობა სამშენებლო კომპანიებში.



ამიტომაც, ყველაზე პოპულარული სპეციალობები ქართულ უმაღლეს სასწავლებლებში კვლავ რჩება მენეჯმენტი, ადმინისტრირება, მართვა...
თუმცა, არის ერთი მნიშვნელოვანი სხვაობა - საზოგადოების თვალში დიპლომმა დაკარგა საკრალური მნიშვნელობა. დღევანდელ საქართველოში დიპლომი არ განსაზღრავს ადამიანის წარმატება-წარუმატებლობის საკითხს.



მენტალური ცვლილებების ერთ-ერთი ყველაზე მნიშვნელოვანი ინდიკატორი არის საშუალო-პროფესიული განათლების მოულოდნელი ზრდა საქართველოში.



საბჭოთა დროში ქართველისთვის სამარცხვინო იყო სწავლა პროფტექნიკურ სასწავლებელში - არაერთხელ გაიგონებდით - რა გაუჭირდა სამაგისოდ და რატომ სწავლობს ПТУ-ში?“.



ქართველი ახალგაზრდისთვის ამ ტიპის სასწავლებელთან მიკარებაც კი ითვლებოდა ცხოვრებისეული მარცხის მაჩვენებლად.
ეს იმის მიუხედავად, რომ მსოფლიო სტატისტიკა აჩვენებს - რაოდენ გასაკვირიც არ უნდა იყოს, განვითარებულ ქვეყნებში პროფესიული კოლეჯი დამთავრებული აქვს ბევრად უფრო მეტ ადამიანს, ვიდრე უნივერსიტეტი.



მაგალითად, 24-64 წლის ასაკის მოქალაქეების შორის უმაღლესი განათლება აქვს იტალიაში 17%-ს, გერმანიაში - 27%-ს, ჰოლანდიაში 32%-ს, შვეიცარიაში -40%-ს. განვითარებულ სამყაროში ყველაზე მაღალი მაჩვენებელი აქვს კანადას - 54%.



მსოფლიოში პირველ ადგილზე უმაღლესი სასწავლებლების დიპლომირებული სპეციალისტების რაოდენობით 1 სულ მოსახლეზე არის... აბა თუ მიხვდებით - რომელი ქვეყანა? დიახ, რუსეთი - 60%.



თუმცა, ეს არის მხოლოდ ქვეყნების მცირე ნაწილის რეიტინგი, რომელშიც არ ფიგურირებენ საქართველო, აზერბაიჯანი, სომხეთი, ყირგიზეთი და ა.შ..



დღეს მსოფლიო ეკონომიკაში იზრდება პროფესიონალი ტექნიკოსების ფასი და საქართველომ, თავისი ჭარბი რაოდენობის ექიმებით, საერთაშორისო მარკეტინგის და მენეჯმენტის სპეციალისტებით ჯერ ვერ აუწყო ფეხი ამ ტენდენციას.



თუმცა, დამაიმედებელი ნიშნები ბევრია - უმაღლეს სასწავლებელში არჩაბარება სულ უფრო და უფრო ნაკლებად არის ოჯახი წევრების ტრაგედია, სულ უფრო ხშირად ახალგაზრდები ანებებენ თავს უსარგებლო სწავლას, რომლის ფულიც მათ ოჯახებს არა აქვს და სულ უფრო მეტი ადამიანი სწავლობს პროფესიულ კოლეჯში.



კერძოდ, 2018 წელს პროფტექნიკურ კოლეჯებში ჩაირიცხა 13 000-ზე მეტი ახალგაზრდა - მათ შორის სახელმწიფო სასწავლებლებში 8775, კერძოში - 4356.



ყველაზე მოთხოვნადი პროფესიებია მზარეული, IT-სპეციალისტი, ელექტრიკოსი, მკერავი, შემდუღებელი, და ა.შ.
ეს ჯერ მხოლოდ პროცესის დასაწყისია და პროფესიული სასწავლებლების მსმენელთა რაოდენობა ჯერაც მნიშვნელოვნად ჩამოუვარდება უმაღლესებში ჩარიცხული ახალგაზრდების რაოდენობას - 41 600.



თუმცა, თვითონ ის ფაქტი, რომ ელექტრიკოსობა უკვე არაა სირცხვილი და სულ უფრო მეტ ადამიანს ურჩევნია იყოს დასაქმებული შემდუღებელი, ვიდრე ქრონიკულად უმუშევარი ტოპ-მენეჯერი, იძლევა იმედს, რომ საქართველოშიც მოვა დრო, როდესაც კარგი ელექტრიკოსი არ იქნება დეფიციტში.



თენგიზ აბლოთია





„არავინ არ მისცემს „ქართულ ოცნებას“ უფლებას, რომ გზას გადაუხვიოს და ქვეყანა პროპორციულ არჩევნებზე არ გადავიდეს“ - ლევან კობერიძე

 „არავინ არ მისცემს „ქართულ ოცნებას“  უფლებას, რომ გზას გადაუხვიოს და ქვეყანა პროპორციულ არჩევნებზე არ გადავიდეს“ - ლევან კობერიძე
access_time2019-11-12 20:10:35
„საეჭვოა ის, რომ „ქართული ოცნება“ ამ ხალხის მოთხოვნას მხარს დაუჭერს და ბოლომდე მიიყვანს. რა პროცესი მიდის უმრავლესობის შიგნით, გაურკვეველია. თავიანთი შიდა სამზარეულოს პრობლემები, ქვეყნის რეალურ პრობლემებად იქცა.  ამიტომაა მნიშვნელოვანი გუნდში გამჭვირვალობა იყოს.“ - ასე აფასებს საქართველოს პარლამენტის დამოუკიდებელი დეპუტატი ლევან კობერიძე დღეს პარლამენტში განვითარებულ...

ოპოზიციის კანონპროექტი ჩავარდა, ჩავარდება თუ არა „ქართული ოცნების“ მიერ შემოთავაზებული ვარიანტი

ოპოზიციის კანონპროექტი ჩავარდა, ჩავარდება თუ არა „ქართული ოცნების“ მიერ შემოთავაზებული ვარიანტი
access_time2019-11-12 19:16:27
საქართველოს პარლამენტმა ოპოზიციის ინიცირებულ საკონსტიტუციო ცვლილებებს, რომლის მიხედვით 2020 წლის საპარლამენტო არჩევნები სრულად პროპორციული წესით ჩატარდება, მხარი არ დაუჭირა. ახლა კენჭისყრაზე უნდა დადგეს უმრავლესობის მიერ მომზადებული კანონპროექტი, რომელიც პროპორციული არჩევნების ნულოვანი ბარიერით ჩატარებას გულისხმობს. კენჭისყრამდე კი ქართული ოცნების დეპუტატებმა საკითხის დამატებით განხილვა მოითხოვეს.   საპარლამენტო ოპოზიციამ იმ განცხადებებს, რომელიც სხდომათა...

„არ გაბედო ჩვენი გადაგდება! არ გაბედო კანონის ჩაგდება“ - პარლამენტთან აქცია დაიგეგმა

„არ გაბედო ჩვენი გადაგდება! არ გაბედო კანონის ჩაგდება“ - პარლამენტთან აქცია დაიგეგმა
access_time2019-11-12 18:51:39
საპარლამენტო უმრავლესობის რამდენიმე დეპუტატმა პროპორციულ სისტემაზე გადასვლას მხარი არ დაუჭირა, რის გამოც გაჩნდა ეჭვი, რომ „ქართული ოცნება" კანონპროექტის ჩაგდებას აპირებს.   „დღეს პროპორციულის კენჭისყრაა - არ გაბედო ჩაგდება! - ამ ტიპის განცხადებით გამოდიან ფეისბუქზე პროპორციული სისტემაზე გადასვლის მომხრეები, რომლებიც 20:00 საათზე პარლამენტთან გამაფრთხილებელი აქციის გაიმართვას გეგმავენ.   „პარლამენტში დღეს საკონსტიტუციო ცვლილებების განხილვა დაიწყო, რომლის...

თავისუფლების მოედანზე სასტუმრო „მონოგრაფი“ დეკემბერში გაიხსნება

თავისუფლების მოედანზე სასტუმრო „მონოგრაფი“ დეკემბერში გაიხსნება
access_time2019-11-12 17:50:48
თავისუფლების მოედანზე  5-ვარსკვლავიანი სასტუმრო “მონოგრაფი“, რომლის გახსნა  აგვისტოში იგეგმებოდა პირველ სტუმარს დეკემბერში მიიღებს.  ამის შესახებ „კომერსანტს“ „მონოგრაფის“ პრესსამსახურში განუცხადეს.სასტუმროს ფასადი კულტურული მემკვიდრეობის ძეგლს წარმოადგენს, რის გამოც სარესტავრაციო სამუშაოების დასრულება გაჭიანურდა. როგორც ცნობილია, სასტუმროში  100 ადამიანი დასაქმდება. პროექტის განმახორციელებელი  დეველოპერული  კომპანია Well House-ია. მაღალი...

გიორგი კერპულაძე-„შემოსავალი რაშიც გვაქვს, იმ ვალუტაში დავზოგოთ“

გიორგი კერპულაძე-„შემოსავალი რაშიც გვაქვს, იმ ვალუტაში დავზოგოთ“
access_time2019-11-12 17:30:57
„ანაბრების არსებობა მნიშვნელოვანია ეკონომიკისთვის. ბანკი ანაბრებს იზიდავს და შემდგომ გასცემს სესხებს, შესაბამისად, რაც უფრო მეტი თანხა იზოგება ლარში, მით უფრო მეტი საშუალებაა,რომ ეკონომიკა დაკრედიტდეს და უცხოეთიდან არ შემოვიტანოთ თანხა,“ - აღნიშნავს რადიო კომერსანტის რუბრიკა ფინანსურ მრჩეველში გიორგი კეპულაძე. მისი ინფორმაციით, არსებობს რამდენიმე ტიპის ანაბარი, მათ შორისაა, ვადიანი ანაბარი, როცა დიდ თანხას ვდებთ ბანკში და მას გარკვეული დროის შემდეგ პროცენტი...


მსგავსი სიახლეები

up