„დღეს თუ გამონაბოლქვია, ხვალ იქნება დაგროვილი აკუმულატორი, რომელიც ასევე პრობლემურია“-ნავთობკომპანიები ელექტრომობილებით ავტოპარკის განახლებაზე

„დღეს თუ გამონაბოლქვია, ხვალ იქნება დაგროვილი აკუმულატორი, რომელიც ასევე პრობლემურია“-ნავთობკომპანიები ელექტრომობილებით ავტოპარკის განახლებაზე

access_time2018-10-26 16:00:00

სამთავრობო გეგმას, რომელიც საქართველოში ელექტრომობილების შემოყვანას და შემდეგ ქარხნის მშენებლობას გულისხმობს, ნავთობკომპანიების წარმომადგენლები აფასებენ. ამ იდეა უფრო დეტალურად დღეს ჟურნალისტებთან შეხვედრისას უფრო დეტალურად ბიძინა ივანიშვილმა ისაუბრა.


  როგორც „კომერსანტთან“   „ვისოლ პეტროლოლიუმ ჯორჯიას“  გენერალურმა  დირექტორმა  ვასილ ხორავამ განაცხადა, ეს ტრენდი სწრაფად ვერ განხორციელდება და  ამას საკმაოდ დიდი დრო დასჭირდება. მისი ვარაუდით, ამისთვის ქვეყანამ ბევრი საფეხური უნდა გაიაროს.


 როგორც ხორავა განმარტავს, ეს ყველაფერი ელექტროენეგიის მოხმარებას გაზრდის, რაც საბოლოო ჯამში ფასზეც აისახება. „დღეს რატომ გადადის ელექტროენერგიაზე? ეკოლოგიურის გარდა ეკონომიურის ფაქტორია, რადგან უფრო იაფი ღირს და მომხმარებლისთვის იაფი ჯდება. თუმცა, არის ეკოლოგიური ფაქტორიც, რადგან ელექტრომანქანა ისე არ აზიანებს გარემოს, როგორც საწვავი,“-აცხადებს ხორავა.

 

 

მისივე განცხადებით,  ავტოპარკის ელექტრომობილებით  განახლების შემთხვევაში თავს იჩენს მეორე პრობელმა - დიდი რაოდენობით აკუმულატორის უტილიზაცია რამდენად საზიანო იქნება, ან როგორ მოხდება  მათი გადამუშავება. ხორავა აცხადებს, რომ  ეკოლოგიის თვალსაზრისით,  ესეც  დიდი თავისტკივილი იქნება.



 „დღეს თუ გამონაბოლქვია, ხვალ იქნება დაგროვილი აკუმულატორი, რომელიც ასევე პრობლემურია. რაც შეეხება ჩვენს ხედვას, კომპანია „ვისოლი“ ხელს უწყობს ამ მიმართულებას და აქვს კიდეც  ქალაქში რამდენიმე დამტენი სადგური.   ახლა ვამატებთ  სწრაფ  დამტენებს, რომლის საშუალებითაც მომხმარებელი  მანქანაბს 30 წუთში დატენის“-აცხადებს ხორავა.

 

 

მისივე შეფასებით, ძალიან რთულია გათვალო რა იქნება გრძელვადიან პერსპექტივაში, თუმცა, „ვისოლი“ საჭიროების შემთხვევაში  აუცილებლად მოერგება და ალტერნატიულ გზას იპოვის.

 

 

„2006-2007 წლებში როდესაც გაზის ინფრასტრუქტურის  გაკეთება მოხდა ,ესეც ეკოლოგიური და ეკოლოგიური ფაქტორიდან გამომდინარე იყო. დღეს ჩვენს კონკურენტებთან შედარებით ერთ-ერთი ყველაზე დიდი გაზის ქსელი გაგვაჩნია. ასევე იქნება ელექტრომანქანების შემთხვევაშიც,“ აცხადებს ხორავა.

 

 

რაც შეეხება იმას, აქვს თუ არა ელექტრომობილების განვითარებას საქართველოში პერსპექტივა, ხორავა აცხადებს, რომ უახლოეს მომავალში 100 პროცენტით ვერ განახლდება ავტოპარკი, თუმცა, გარკვეული დოზით, საწვავი  შეიძლება ჩაანაცვლოს.


 

 

„მე მხარს ვუჭერ  დივერსიფიკაციას, როდესაც მომხმარებელს შეეძლება აირჩიოს  გაზზე ჰყავდეს მანქანა, საწვავზე თუ ელექტრომობილით იმოძრაოს. სწორი მიდგომააა, რომ არცერთი პროდუქტის მწარმოებელმა არ იგრძნოს პრიორიტეტულად თავი და ამიტომ არ იყოს სპეკულაციური ფასები. მაშინ, როდესაც მარტო ნავთოპროდქტებზე იყო დამოკიდებულება, ვნახეთ, რომ ხანდახან 1 ბარელი 100 დოლარზე მეტი ღირდა. ასე რომ, ენერგოპროდუქტების დივერსიფიკაცია იძლევა საშუალებას, რომ ფასი დაბალანსდეს“-აცხადებს ხორავა.

 

 ლუკოილ ჯორჯიას გენერალური დირექტორის მოადგილე შავლეგ მიშველაძე  განმარტავს, რომ ეს ბიზნესი და მიმართულება მომავლის პერსპექტივაა და ამაზე ახლა დეტალურად საუბარი რთულია. თუმცა, როგორც მიშველაძე აღნიშნავს, ადამიანი რასაც არ უნდა წარმოადგენდეს და რასაც არ უნდა ქმნიდეს, ვალდებულია შვილების მომავალზე იზრუნოს. მისი შეფასებით, თუ ელექტრომობილების რაოდენობა ქვეყანაში ჭარბად იქნება წარმოდგენილი, ეს მხოლოდ კარგი იქნება, რადგან გარემოზე პოზიტიურად აისახება.



„თუ ავტოპარკის 5 პროცენტი იქნება ელექტრომობილები, ეს რაციონალირად არ გამოიყურება, ხოლო თუ იქნება 50 პროცენტი, რა თქმა უნდა რაღაცას მოვიფიქრებთ და ფეხს ავუწყობთ იმ რეალობას, რაც ქვეყანაში იქნება“-აცხადებს მიშველაძე.


 

როგორც ცნობილია, ქართული ოცნების თავმჯდომარეს, ბიძინა ივანიშვილს სურს, რომ გაზაფხულიდან ჩაატაროს ექსპერიმენტი და აბასთუმანი ელექტრომანქანების რეგიონად აქციოს. მისი თქმით, სახელმწიფოს არ აქვს საშუალება და ადგილობრივებს თვითონ დაეხმარება.


 

მოვახერხებ, რომ წელსვე პრეცედენტი შეიქმნას და აბასთუმანში იმოძრავებენ მხოლოდ ელექტრომანქანები, - აღნიშნა ივანიშვილმა ინტერვიუს დროს.


 

მისივე თქმით, აბასთუმანში 800 ოჯახი ცხოვრობს და ზოგს უყიდის ელექტრომანქანას, ხოლო ზოგს სხვა მხრივ დაეხმარება. როგორც ივანიშვილი განმარტავს, სწორად განვითარების შემთხვევაში ათი წლის შემდეგ საქართველო შეიძლება, გახდეს პირველი ქვეყანა, სადაც მხოლოდ ელექტროავტომობილები იმოძრავებენ.


 

ქვეყანაში ელექტრომანქანების შემოყვანაზე მწვანე პოლიტიკის პრეზენტაციის დროს ისაუბრა პრემიერ-მინისტრმა, მამუკა ბახტაძემაც. მისი თქმით, მომავალი ათი წლის განმავლობაში ქვეყანაში მოქმედი ავტოპარკი 90 პროცენტი ელექტრომობილებით შეიცვლება.


 

სამთავრობო გეგმის თანახმად, საქართველოში ელექტრომობილების შემოყვანა დაიწყება, ერთი წლის განმავლობაში კი 2 000-ზე მეტი ელექტრომობილი შემოვა ე.წ. ჩარ შჰარინგ-ის, ანუ საზიარო ავტომობილების პრინციპით.


 

თბილისში ელექტროავტობუსების შემოყვანაზე ისაუბრა ქალაქის მერმა, კახა კალაძემაც. მისი თქმით, 2020 წლიდან დედაქალაქში 18-მეტრიანი 200-მდე ელექტროავტობუსი იმოძრავებს.



ავტორი: სოფო ქსოვრელი 

 

 

 

 

 





შარლ მიშელის დოკუმენტს „ქართულმა ოცნებამ“ და ოპოზიციის ნაწილმა ხელი მოაწერა - შეთანხმების ტექსტს ამ ეტაპზე არ უერთდება „ნაცმოძრაობა“ და „ევროპული საქართველო“

შარლ მიშელის დოკუმენტს „ქართულმა ოცნებამ“ და ოპოზიციის ნაწილმა ხელი მოაწერა - შეთანხმების ტექსტს ამ ეტაპზე არ უერთდება „ნაცმოძრაობა“ და „ევროპული საქართველო“
access_time2021-04-19 22:30:00
შარლ მიშელის დოკუმენტზე - „საქართველოს წინსვლის გზა“ ხელისუფლებასა და ოპოზიური პარტიების ნაწილს შორის შეთანხმება შედგა. დოკუმენტს ხელი რამდენიმე წუთის წინ, ორბელიანის სასახლეში მოეწერა. კერძოდ, შეთანხმების ტექსტს ოპოზიციური სპექტრიდან ხელი მოაწერეს „სტრატეგია აღმაშენებლის“ თავმჯდომარე გიორგი ვაშაძემ, „ლელოს“ ლიდერებმა - ბადრი ჯაფარიძემ და მამუკა ხაზარაძემ, „რესპუბლიკური პარტიის“ თავმჯდომარე ხათუნა სამნიძემ, „მოქალაქეების“ თავმჯდომარე ალეკო ელისაშვილმა და „გირჩის“...

სუპერლიგას ევროპელი ლიდერებიც ეწინააღმდეგებიან - ყველაფერი ახალი ლიგის შესახებ

სუპერლიგას ევროპელი ლიდერებიც ეწინააღმდეგებიან - ყველაფერი ახალი ლიგის შესახებ
access_time2021-04-19 19:00:59
სუპერლიგის შექმნა ასეთი რეალური არავის ეგონა. თუმცა გუშინ ღამით ოფიციალურად შექმნეს ახალი ტურნირი და მაშინვე დაიწყო ვარაუდები, პრეტენზიები და მუქარები. მივყვეთ მოვლენებს.   12-მა კლუბმა გადაწყვიტა, რომ უეფასა და ღარიბი გუნდებისთვის ფულის გაყოფა არ სურთ და ახალი ტურნირის შექმნა მოიფიქრეს. ინიციატორები ფლორენტინო პერესი და ანდრეა ანიელი იყვნენ. რეალის ბოსი პრეზიდენტი იქნება, იუვეს ხელმძღვანელი და მანჩესტერის მფლობელი ჯოელ გლეიზერი - ვიცე-პრეზიდენტები.   ლა...

დოლარისგან გათავისუფლება და მოსახლეობის კონტროლი - რისთვის ქმნის ჩინეთი ახალ ციფრულ ვალუტას?!

დოლარისგან გათავისუფლება და მოსახლეობის კონტროლი - რისთვის ქმნის ჩინეთი ახალ ციფრულ ვალუტას?!
access_time2021-04-19 20:00:01
გასულ წელს ჩინეთმა  საკუთარი ციფრული ვალუტის გატესტვა დაიწყო, რომლის გამოყენებისთვისაც საჭირო არ იქნება ბანკში ანგარიშის ქონა და არც ინტერნეტი. ხელისუფლება აცხადებს, რომ ეს გადახდის სისტემას უფრო ხელისაწვდომს გახდის, ხოლო ეკონომიკას დოლარისგან დამოუკიდებელს. ექსპერტები კი ეჭვობენ, რომ ამ გზით მთავრობა მოსახლეობის კონტროლის კიდევ ერთ მექანიზმს ქმნის. რისთვის სჭირდება ჩინეთს ციფრული ვალუტა,  რომელიც გამოსაცდელად უკვე რამდენიმე მილიონობით გადაეცა...

დღის top 10 საინტერესო ამბავი

დღის top 10 საინტერესო ამბავი
access_time2021-04-19 21:00:13
დღის top 10 საინტერესო ამბავი: რეფინანსირების ისტრუმენტი , რომელსაც ეროვნული ბანკი იყენებს ლარის კურსზე დამატებითი წნეხია ლარის კურსზე გავლენას ეროვნული ბანკის ქმედებები, ბიუჯეტის ხარჯვის გრაფიკი და მოლოდინებიც ახდენს, მთგან...

19 აპრილი - რეგიონში ქართული ლარი გამყარდა, თურქული ლირა და სომხური დრამი გაუფასურდა

19 აპრილი - რეგიონში ქართული ლარი გამყარდა, თურქული ლირა და სომხური დრამი გაუფასურდა
access_time2021-04-19 18:00:59
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 19 აპრილის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 16 პუნქტით გაუფასურდა. შედარებისთვის, დაახლოებით 62 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 19 აპრილის ვაჭრობის შედეგად (რომლის ოფიციალური კურსი 20 აპრილისთვისაა) ეროვნული...


მსგავსი სიახლეები

up