დავით ბეგიაშვილი: „ ქვეყანაში ბიზნესმენებთან ხელისუფლების მხრიდან  არაფორმალური  ურთიერთობები არსებობს“

დავით ბეგიაშვილი: „ ქვეყანაში ბიზნესმენებთან ხელისუფლების მხრიდან არაფორმალური ურთიერთობები არსებობს“

access_time2018-10-12 12:00:11

„დღეს ქვეყანაში ჩამორთმეული ქონება ისე არ ბრუნდება, თუ ბიზნესმენი კონკრეტულ სქემაში არ ჩაერთვება,“-ასეთ განცხადებას „კომერსანტთან“ ბიზნესმენი დავით ბეგიაშვილი აკეთებს, რომელიც ჰოლდინგური კომპანია „ვაკე-5-ისა“ და „ალბატროს ჯგუფის“ დამფუძნებელია.


 

როგორც ცნობილია, დავით ბეგიაშვილის მიმართ სისხლისსამართლებრივი დევნა წინა ხელისუფლების დროს დაიწყო და 2013 წელს შეწყდა. ბიზნესმენი უზენაესმა სასამართლომ გაამართლა და შემოსავლების სამსახურის მოთხოვნა, რომელიც შპს ალბატროსს 3 მილიონი ლარის გადახდას ავალებდა, ბათილად ცნო, ქონებას კი ყადაღა მოეხსნა.


2013 წლის თებერვალში ბიზნესმენი ამბობდა, რომ ქონება დაუბრუნდა. მოგვიანებით კი გაირკვა, რომ მისთვის ქონების დაბრუნება არ მომხდარა, ეკონომიკის სამინისტრომ ქონების დაბრუნება მხოლოდ 3 თვით მოახდინა.



დღეს  ბეგიაშვილი განმარტავს, რომ ქვეყანაში ხელისუფლების მხრიდან ბიზნესმენებთან არაფორმალური  ურთიერთობები არსებობს.


„ინფორმაცია მაქვს, რომ ქონება ისე არ ბრუნდება, თუ ბიზნესმენი კონკრეტულ სქემაში არ ჩაერთვება. იქ  პირობებს დებენ და ხელშეკრულებებს აფორმებენ იმასთან დაკავშირებით, რომ მათ არავისთან არ ექნებათ დავა  და პრეტენზია. ის, ვინც ჩამორთმეული ქონება  დაიბრუნა, 99 პროცენტი ამ სქემის მონაწილეა. სხვა გამოსავალი არ არის,“-აცხადებს ბეგიაშვილი.



 

კითხვაზე,  აღიქმება თუ არა  „ომეგა ჯგუფის“ საქმე სახელმწიფოს მხრიდან ბიზნესზე ზეწოლად, ბეგიაშვილი განმარტავს, რომ აღნიშნული ქეისი კითხვის ნიშნებს ნამდვილად ბადებს. ამიტომ, ხელისუფლებამ პასუხი აუცილებლად უნდა გასცეს.


 

რაც შეეხება საერთაშორისო არბიტრაჟის საქართველოში დაფუძნებას, ბეგიაშვილი აცხადებს, რომ  ამ ნაწილში პრობლემას  ვერც ეს ინსტიტუტი მოაგვარებს.  


ხან კომისიები შეიქმნა, ხან რა, ეს არის ახალი ინსტიტუტი, რომელიც რაღაცას გაარკვევს. საერთაშორისო, რა თქმა უნდა, ავტორიტეტულია, მაგრამ ცუდია ის, რომ ქვეყნის შიგნით სასამართლო სისტემა გამართული არ არის. თუ ჩვენ გვაქვს პრეტენზია დემოკრატიულ ქვეყანაზე და დემოკრატიულ ღირებულებებზე, ეს ქვეყნის შიგნით უალტერნატივოდ უზრუნველყოფილი უნდა იყოს. ლონდონის არბიტრაჟი და სტრასბურგის ევროპული სასამართლო ისედაც არსებობს  მსოფლიოში. თუმცა, პრობლემა შიდა სასამართლო სისტემაა.



არბიტრაჟი უფრო სარეკომენდაციო ხასიათის არის  და არ არის ის ინსტრუმენტი, რომელიც პრობლემას გადაჭრის. ქვეყნის შიგნით არსებობს პროკურატურა და სასამართლო, სადაც რეფორმაა  გასატარებელი. ის რომ საქართველო ჰაბი იქნება, ეს ცოტა ლირიკა მგონია, რადგან ჯერ შიდა პროცესებია მოსაგვარებელი და შემდეგ დანარჩენი.“ აღნიშნავს ბეგიაშვილი.


ავტორი: სოფო ქსოვრელი 

 

 






რუსეთის ტუროპერატორების ასოციაცია - რუსი ტურისტები მაინც ჩამოდიან საქართველოში

რუსეთის ტუროპერატორების ასოციაცია - რუსი ტურისტები მაინც ჩამოდიან საქართველოში
access_time2019-06-26 18:30:58
რუსეთის მოქალაქეების უმრავლესობა, ვინც გეგმავდა ამ ზაფხულს საქართველოში ჩასვლას, არ აუქმებს შეკვეთილ ტურებს - იუწყება რუსეთის ტუროპერატორების ასოციაცია. „ნეგატიური პროგნოზების მიუხედავად, შექმნილი სიტუაცია არაა კრიტიკული. ტურების გაუქმების მაჩვენებელი მინიმალურია,“ - განაცხადეს ასოციაციაში. როგორც აღმოჩნდა, რუს ტურისტებს არ აშინებთ საავიაციო მიმოსვლის აკრძალვის - ასოციაციის მონაცემებით, ამჟამად საქართველოში წამსვლელები ჯავშნიან ბილეთებს...

საქართველოს ბიზნეს ასოციაციის განცხადება - ასოციაციის წევრები სრულად ვიზიარებთ ქართული საზოგადოების გულწრფელ და სამართლიან პროტესტს

საქართველოს ბიზნეს ასოციაციის განცხადება -  ასოციაციის წევრები სრულად ვიზიარებთ ქართული საზოგადოების გულწრფელ და სამართლიან პროტესტს
access_time2019-06-26 16:45:37
საქართველოს ბიზნეს ასოციაცია, როგორც ყველაზე მსხვილი ბიზნეს გაერთიანება, რომელიც სამოცდაათზე მეტ მსხვილ კომპანიას აერთიანებს, ბოლო დროს საქართველოში განვითარებულ მოვლენებს ასოციაციის რიგით მეექვსე ყრილობაზე მიღებული განცხადებით გამოეხმაურა. ასოციაციის მე-6 ყრილობა 25 ივნისს გაიმართა, სადაც სხვა საკითხებთან ერთად ასოციაციის სამეთვალყურეო საბჭოსა და სხვა მმართველი ორგანოების წევრები იქნენ...

როგორ უყურებენ ქართულ-რუსული ურთიერთობების გამწვავებას აფხაზეთში

როგორ უყურებენ ქართულ-რუსული  ურთიერთობების  გამწვავებას აფხაზეთში
access_time2019-06-26 20:00:15
რუსეთ და საქართველოს შორის მორიგი გამწვავება  დიდ ინტერესს იწვევს აფხაზურ საზოგადოებაში და ალბათ ფარისევლობა იქნება იმის თქმა, რომ ეს ამბავი ვინმეს ეწყინა. სოციალური ქსელების მომხმარებელთა დიდი ნაწილის დამოკიდებულება ამ მოვლენებისადმი შეიძლება შეფასდეს როგორც „დაიმსახურეს და მიიღეს“. - წერს ekhokavkaza.  (მასალაში მოხსენიებულ აფხაზეთის რესპუბლიკას ან აფხაზეთის ხელისუფლებას „კომერსანტი“ რადიკალურად ემიჯნება. მასალას გთავაზობთ უცვლელად...

„საქართველოს ბიზნეს ასოციაციაში“ რადიკალური ცვლილებები იგეგმება -„გვსურს პარლამენტში ჩვენი წარმომადგენლობა გვყვავდეს“

„საქართველოს ბიზნეს ასოციაციაში“ რადიკალური ცვლილებები იგეგმება -„გვსურს პარლამენტში  ჩვენი წარმომადგენლობა გვყვავდეს“
access_time2019-06-26 16:00:06
„საქართველოს ბიზნეს ასოციაციაში“ ბევრი რამე შეიცვლება“- ასეთ განცხადებას „საქართველოს ბიზნეს ასოციაციის“ უკვე პირველი ვიცე-პრეზიდენტი ლაშა პაპაშვილი „კომერსანტთან“ აკეთებს. მისი ინფორმაციით, ასოციაციაში გუნდი მთლიანად შეიცვალა, არჩეულია “საქართველოს ბიზნეს ასოციაციის პრეზიდენტი“ — სოსო ფხაკაძე, ასევე ახალი აღმასრულებელი დირექტორი -ლევან ვეფხვაძე, მეორე ვიცე-პრეზიდენეტი -არჩილ კონცელიძე. როგორც პაპაშვილი განმარტავს, ასოციაცია...

სომხეთი ცდილობს გახდეს რუსეთ და საქართველოს შორის ტრანზიტის ცენტრი - ერევანიდან თბილისამდე და პირიქით ავტობუსები უფასო იქნება

სომხეთი ცდილობს გახდეს რუსეთ და საქართველოს შორის ტრანზიტის ცენტრი - ერევანიდან თბილისამდე და პირიქით ავტობუსები უფასო იქნება
access_time2019-06-26 15:00:58
რუსეთსა და საქართველოს შორის ბოლოდროინდელი დაძაბულობის შემდეგ, სომხეთი ცდილობს გახდეს რუსეთსა და საქართველოს შორის ავიამიმოსვლის ტრანზიტის ცენტრი. ქვეყნის სამოქალაქო ავიაციის სამმართველოს სტეპან პაიასლიანის თქმით, ავიაკომპანიებს შორის უკვე დაიწყო შესაძლებელი ვარიანტების განხილვა. „მაგალითად, შეიძლება რუსეთიდან თვითმფრინავით ჩასვლა ერევანში, იქედან კი უფასო ავტობუსით თბილისამდე და პირიქით. ასევე...


მსგავსი სიახლეები

up