„შვეიცარიული Camille Bloch-ის საქართველოში შემოსვლამ, პირველ რიგში, თხილის ხარისხის  გაზრდას და ამ სფეროში ცოდნის  ამაღლებას უნდა შეუწყოს ხელი„

„შვეიცარიული Camille Bloch-ის საქართველოში შემოსვლამ, პირველ რიგში, თხილის ხარისხის გაზრდას და ამ სფეროში ცოდნის ამაღლებას უნდა შეუწყოს ხელი„

access_time2019-01-30 09:00:56


„ისეთი ტიპის კომპანიის, როგორიც არის  შვეიცარიული Camille Bloch-ი, საქართველოში შემოსვლამ, პირველ რიგში, თხილის ხარისხის  გაზრდას და ამ სფეროში ცოდნის  ამაღლებას უნდა შეუწყოს ხელი, “— აცხადებს კომერსანტთან კომპანია „აგრო სოლუშენსის“ კომერციული დირექტორი ირაკლი ჩიქავა.


როგორც ცნობილია, იტალიური ბრენდ „ფერეროს“ შემდეგ, საქართველოში თხილის პლანტაციების გაშენებით შოკოლადის მწარმოებელი  შვეიცარული კომპანია Camille Bloch-ი დაინტერესდა. კომპანია სწორედ ქართული თხილით აპირებს ცნობილი პროდუქტის - “რაგუსას” გაკეთებას, რომელიც პირველად ბაზარზე რამდენიმე ათეული წლის წინ გამოჩნდა. 


რა პერსპექტივა აქვს ქართულ თხილს, არის თუ არა კონკურენტუნარიანი საერთაშორისო ბაზარზე  და რითი ინტერესდებიან  ისეთი ცნობილი ბრენდები  როგორიცაა „ფერერო“ და  Camille Bloch-ი?

 

 „დღეს ქართული თხილი საერთაშორისო ბაზარზე კონკურენტუნარიანი არ არის“ - ამის შესახებ „კომერსანტს“ კომპანია აგრო სოლუშენსის“ კომერციულმა  დირექტორმა   ირაკლი ჩიქავამ განუცხადა. მისი შეფასებით, ქვეყნისთვის თხილის მიმართულება ახალი არ არის და საქართველო საკმაოდ აქტიურია ამ კულტურის წარმოების კუთხით. თუმცა, პრობლემად რჩება ხარისხი, რაც პირდაპირ კავშირშია განათლებასთან.

 

 ჩიქავას განმარტებით, როგორც კი ქვეყანა თანამედროვე ტექნოლოგიების დანერგვას დაიწყებს და ცოდნის იმპორტს გააკეთებს, თხილის მიმართულებით ხარისხიც გაუმჯობესდება.


„ ისეთი ტიპის კომპანიის, როგორიც არის შვეიცარიული Camille Bloch-ი, საქართველოში შემოსვლამ, პირველ რიგში, თხილის ხარისხის გაზრდას და ამ სფეროში ცოდნის ამაღლებას უნდა შეუწყოს ხელი. ამის ნათელი მაგალითია, 2007 წელს იტალიური ბრენდი „ფერეროს“  საქართველოში შემოსვლა, რომელმაც სამეგრელოში  მიწა შეიძინა, გააშენა თხილის პლანტაციები, ჩამოიტანა ტექნოლოგიები და  ძალიან ბევრი ადგილობრივი დაასაქმა. გარდა ამისა, ამ კომპანიის შემოსვლამ კონკურენცია გაამძაფრა, რამაც თხილის ხარისხი გააუმჯობესა,- აცხადებს ირაკლი ჩიქავა.


 

2007 წლიდან სტატისტიკას თუ გადავხედავთ, თხილის ექსპორტი მზარდი იყო (2007 წელს თხილის ექსპორტი 65, 122 მლნ ლარი), „ფერეროს“ შემოსვლის შემდეგ თხილის ექსპორტი მკვეთრად გაიზარდა და 2016 წელს 178.904 მლნ ლარი შეადგენს.  აღნიშნული ციფრები მეტყველებს იმაზე, რომ მაშინ  „ფერეროს“ შემოყვანამ სტანდარტი ასწია, ცოდნა ადგილზე ხელმისაწვდომი გახდა.


 

„საქართველოს აქვს  აქვს შესანიშნავი კლიმატური და ნიადაგობივი გარემო იმისთვის, რომ წარმოებული პროდუქცია ძალიან კარგი იყოს. რაც ქართულ თხილს აკლია -  ეს აგროტექნოლოგიაა.თუ შვეიცარიელები ან სხვა დაინტერესებული მხარე ჩამოიტანს ამ გამოცდილებას, ბუნებრივია, ხარისხიანის წარმოება შესაძლებელი იქნება. ის, რომ დღეს ქართულ თხილს არ უვარგა ხარისხი, ამის მიზეზი არა ლოკაცია, არამედ სწორად მოვლა-არმოვლაა. თანამედროვედ მოვლის შემთხვევაში შესაძლებელია საკმაოდ კონკურენტული ხარისხის მქონე პროდუქტი დადოს საქართველომ, აღნიშნავს ჩიქავა.


რატომ არ არის ქვეყანაში ამ მიმართულებით სახელმწიფო პროგრამები და თხილის კულტურა უნდა იყოს თუ არა ქვეყნისთვის პრიორიტეტი, ჩიქავა განმარტავს, რომ მსგავსი ტიპის პროგრამები ხელს უწყობს ამათუიმ კულკტურის პოპულარიზაციას. თხილის კულტურა კი საქართველოში პოპულარულია. ერთადერთი, რასაც გავრცელება სჭირდება, ეს არის ის, რომ  ამ კულტურის სწორად მოვლით, ბევრად უკეთესი მოსავლის მიღებაა შესაძლებელი. მისივე განმარტებით, ქართული თხილი  დღეს მსოფლიოს ტოპ ხუთეულშია შესული (თურქეთის, იტალიის, აშშ-სა და აზერბაიჯანის შემდეგ).


 

„წლების განმავლობაში ქართველი ფერმერი თხილის პლანტაციას ისე ვერ ამუშავებდა, რომ მისგან მაქსიმალური ეფექტი მიეღო,“- აღნიშნავს „კომერსანტთან„ საუბარში საქართველოს თხილის მწარმოებელთა  ასოციაციის თავჯდომარე  გიორგი თოდუა. მისი განმარტებით, მუდმივად, ქართველები იმით კმაყოფილდებოდნენ, რაც ველურად მოდიოდა.


„ინდუსტრია რაც უფრო განვითარდება, მით უფრო განვითარდება რეგიონიც. არ აქვს მნიშვნელობა  ინვესტორი ქართველი იქნება თუ უცხოელი.  მთავარია, ის საკითხს სერიოზულად მიუდგეს. თხილის ბაღების გაშენების და შემდგომი მოვლის თვალსაზრისით, პერსპექტივა ნამდვილად არის. უახლოეს პერიოდში, თხილის მიმართულებით საკმაოდ საინტერესო პროგრამების ამოქმედება იგეგმება, რაც ინდუსტრიაში საკმაოდ წინ გადადგმული ნაბიჯი იქნება,“ აღნიშნავს თოდუა.



როგორც ცნობილია, შოკოლადის მწარმოებელი ცნობილი შვეიცარიული კომპანია Camille Bloch-ი საქართველოში შემოსვლით დაინტერესდა. ამავე მიზნით, საქართველოში ბიზნესი იტალიურმა  ფერერომ  2007 წელს  შვილობილი კომპანიის - აგრიჯორჯიას - დაარსებით დაიწყო, რომელშიც წილის 100%-ს თავად ფლობს. ამჟამად კომპანიის საკუთრებაში  დაახლოებით, 3 000 ჰექტარი სასოფლო-სამეურნეო დანიშნულების მიწაა, რომლის ნაწილი პრივატიზების პროგრამის ფარგლებში მთავრობის აუქციონზე შეიძინეს, ნაწილი - კერძო მესაკუთრეებისგან.


რაც შეეხება თხილის ექსპორტს,  2018 წლის ნოემბერში, წინა წლის ნოემბერთან შედარებით, საქართველოდან თხილის ექსპორტი 52 პროცენტით შემცირდა.საქსტატის მონაცემებით, 2017 წლის ნოემბერში ექსპორტმა 1 900 ტონა შეადგინა,2018 წლის ანალოგიურ პერიოდში კი  კი 915 ტონა. შემცირდა თხილის ექსპორტი ევროკავშირის ქვეყნებშიც.



ავტორი: სოფო ქსოვრელი 





სილქნეტი განცხადებას ავრცელებს კომპანიის ყოფილ თანამშრომელთა მცირე ჯგუფის მიერ პროვოცირებული ბოლოდროინდელი ქმედებების შესახებ

სილქნეტი განცხადებას ავრცელებს კომპანიის ყოფილ თანამშრომელთა მცირე ჯგუფის მიერ პროვოცირებული ბოლოდროინდელი ქმედებების შესახებ
access_time2020-09-30 18:55:13
ბოლო პერიოდში, სილქნეტის აბონენტთა მომსახურების მიმართულების ყოფილთანამშრომელთა მცირე ჯგუფის მიერ ხდება სხვადასხვა არხებით მცდარი ინფორმაციის გავრცელება კომპანიასთან დაკავშირებით, თითქოს კომპანიაში მიმდინარეობს გაფიცვა, სამუშაო პირობების გაუმჯობესების მოთხოვნით. ეს ინფორმაცია სინამდვილეს არ შეესაბამება და შეცდომაში შეჰყავს მედია საშუალებები და საზოგადოება. კომპანიის აბონენტთა მომსახურების მიმართულება გამართულად მუშაობს და სრული დატვირთვით...

30 სექტემბერი - რეგიონში მხოლოდ ქართული ლარი გამყარდა

30 სექტემბერი - რეგიონში მხოლოდ ქართული ლარი გამყარდა
access_time2020-09-30 18:05:31
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ გამოქვეყნებული 30 სექტემბრის ვაჭრობის შედეგად, ქართული ლარის კურსი 8 თეთრით გამყარდა და ერთი აშშ...

საქართველოში მზის პირველ ელექტროსადგურს ახალი ინვესტორი ააშენებს

საქართველოში მზის პირველ ელექტროსადგურს ახალი ინვესტორი ააშენებს
access_time2020-09-30 16:00:57
საქართველოში მზის პირველ ელექტროსადგურს ახალი ინვესტორი ააშენებს. "უდაბნოს მზის ელექტროსადგურის“ პროექტისთვის ინვესტორის შერჩევა წლის ბოლომდე დაიწყება. თითქმის, 1 მლნ დოლარით შემცირდა პროექტის საინვესტიციო ღირებულება და 5 მგვტ-იანი ელექტროსადგურის აშენებას ინვესტორი 3,5-4 მლნ დოლარად შეძლებს. "უდაბნოს მზის ელექტროსადგური“ საგარეჯოში, სოფელ უდაბნოს მიმდებარე ტერიტორიაზე აშენდება და მისი წლიური გამომუშავება დაახლოებით, 7 მლნ კვტ/სთ...

COVID-19-ის რეგულაციების დარღვევისთვის საქმიანობა 5-ს შეუჩერდა,10 000 ლარით კი 100-მდე ობიექტი დაჯარიმდა - ბექა ფერაძე

COVID-19-ის რეგულაციების დარღვევისთვის საქმიანობა 5-ს შეუჩერდა,10 000 ლარით კი 100-მდე ობიექტი დაჯარიმდა - ბექა ფერაძე
access_time2020-09-30 15:00:44
შრომის ინსპექციამ, Covid 19-ის საპრევენციოდ არსებული პროტოკოლის დარღვევის გამო ჯარიმასთან ერთად საქმიანობა 5 ობიექტს შეუჩერა. ამასთან, ინსპექციამ 100-მდე ობიექტი 10 000 ლარით დააჯარიმა. ამის შესახებ, ,,ბიზნესპრესნიუსს“ შრომის პირობების ინსპექტირების დეპარტამენტის ხელმძღვანელმა განუცხადა. ბექა ფერაძე იმ კრიტიკულ შეუსაბამობებზე საუბრობს, რის გამოც, ინსპექციამ გაზრდილი მანდატის პირობებში, ობიექტის მიმართ ჯარიმის უმაღლესი ფორმა...

13:00 საათის მონაცემებით, Bloomberg-ზე ერთი დოლარი 3.2069 ლარად ივაჭრება, ბანკებში კი 1 დოლარი 3.3000 ლარი ღირს

13:00 საათის მონაცემებით, Bloomberg-ზე ერთი დოლარი 3.2069 ლარად ივაჭრება, ბანკებში კი 1 დოლარი 3.3000 ლარი ღირს
access_time2020-09-30 13:30:28
Bloomberg-ის სავაჭრო პლატფორმაზე 13:00 საათისთვის ერთი დოლარი 3.2069 ლარად ივაჭრება. პლატფორმაზე ვაჭრობა დღეს 3.2537 კურსით დაიწყო. საქართველოს ეროვნული ბანკის მიერ გუშინ დადგენილი კურსით, ერთი აშშ დოლარის ოფიციალური ღირებულება 3.2878 ლარია. შედარებით განსხვავებულია კომერციულ ბანკებში არსებული კურსი. „თიბისი ბანკში“ 1 აშშ დოლარის ყიდვა 3.3000 ლარადაა შესაძლებელი, ხოლო მისი გაყიდვა - 3.2200 ლარად. „საქართველოს ბანკში“ 1 დოლარის ყიდვა...


მსგავსი სიახლეები

up