„დღეს ეკონომიკას არ მართავენ ეკონომიკური განათლების მქონე ადამიანები,სიღარიბის მიზეზიც ესაა“

„დღეს ეკონომიკას არ მართავენ ეკონომიკური განათლების მქონე ადამიანები,სიღარიბის მიზეზიც ესაა“

access_time2018-10-03 18:30:00

ქვეყანაში რომ სიღარიბეა ეს ფაქტი UNICEF-ის კვლევამაც დაადასტურა, რომლის მიხედვითაც, საქართველოში მოსახლეობის 69% ღარიბია, 24% სიღარიბის ზღვართან ახლოს, საშუალო კლასს მხოლოდ 7% წარმოადგენს. „კომერსანტი“ დაინტერესდა, რატომ ვერ მოხერხდა დღემდე სიღარიბის სრულად დაძლევა თუ არა, მისი შემცირება მაინც. ამის გასარკვევად ეკონომისტს, პროფესორ ლადო პაპავას ვესაუბრეთ. მისი განცხადებით, ქვეყანაში არასწორი ეკონომიკური პოლიტიკაა, რასაც საფუძველი ჯერ კიდევ სააკაშვილის მმართველობის პერიოდში ჩაეყარა.


 

როგორც ბ-ნი ლადო განმარტავს, ნაციონალური მმართველობის დროს შემოსული ინვესტიციები ძირითადად  არა ეკონიმიკის რეალურ სექტორში, არამედ უძრავ ქონებაში იდებოდა. ქვეყანას ჰქონდა ეკონომიკური ზრდა, თუმცა, ეს ინკლუზიური არ იყო. უძრავ ქონებაში ჩადებული კაპიტალი  სპეკულაციურია და ის არ ქმნის არც სამუშო ადგილებს და არც სიმდიდრეს.  აქედან გამომდინარე, ბ-ნი ლადო აცხადებს, რომ ეკონომიკური პოლიტიკა, რასაც ყოფილი პრეზიდენტი მიხეილ სააკაშვილი ახორციელებდა, აბსოლუტურად მცდარი იყო.


 

„როდესაც სააკაშვილი  ამბობს, რომ 2008 წელს გლობალურმა ეკონომიკურმა კრიზისმა საქართველოს ვერაფერი დააკლო, ტყულია, რადგან ეკონომიკურ კრიზისს გადაგვარჩინა არა სააკაშვილის პოლიტიკამ, არამედ იმან, რომ საქართველოს 2008 წლის ზაფხულში თავს დაესხა რუსეთი და როგორც აგრესიის მსხვერპლს, საერთაშორისო თანამეგობრობამ დახმარების სახით 4,5 მილიარდი აშშ დოლარი გამოგვიყო. დამატებით, საერთაშორისო სავალუტო ფონდმა მოგვცა 1,350 მილიარდი დოლარი. 4,5 მილიარდი აშშ დოლარიდან კი 2 მილიარდი აშშ დოლარი გრანტი იყო. რა თქმა უნდა, გლობალური კრიზისი საქართველოს არ დაეტყო, სწორედ ეს იყო საქართველოსათვის „ომის პარადოქსი“.


 

რაც შეეხება „ქართულ ოცნებას“, როდესაც ბიძინა ივანიშვილი იყო პრემიერ-მინისტრი, მაშინ საქართველოს მთავრობას, კონკრეტულად კი ფინანსთა მინისტრ ნოდარ ხადურს და ეკონომიკის მინისტრს გიორგი კვირიკაშვილს დაავალა შეემუშავებინათ ქვეყნის სოციალურ-ეკონომიკური განვითარების სტრატეგია, დოკუმენტი, რომელსაც ”საქართველო 2020” ჰქვია. ის შემუშავდა მხოლოდ ფინანსთა მინისტრის ხელმძღვანელობით და ამ პროცესში ჩართული იყო საერთაშორისო ორგანიზაციების წარმომადგენლები და ქართველი ეკონომისტები. დოკუმენტი აგებულია იმაზე, რომ საქართველოში სწორედ ინკლუზიური ეკონომიკა უნდა განვითარდეს. სხვა სიტყვებით უნდა გვქონდეს ისეთი ეკონომიკური ზრდა, რომელშიც ადამინები მიიღებენ მონაწილეობას. ამისთვის კი უნდა შეიქმნას არაერთი საწარმო, განვითარდეს ეკონომიკის რეალური სექტორი. დოკუმენტზე მუშაობა ირაკლი ღარიბაშვილის პრემიერ-მინისტრობის დროს დასრულდა, 2014 წლის ზაფხულში კი დამტკიცდა. მაშინ ირაკლი ღარიბაშვილმა მთავრობას მისცა დავალება, რომ ყველა სამთავრობო სტრუქტურას ამ სტრატეგიიდან გამომდინარე უნდა შეემუშავებინა ყოველწლიური სამოქმედო გეგმები და წარედგინა მთავრობაში. სამწუხაროდ, ღარიბაშვილი ჩაანაცვლა გიორგი კვირიკაშვილმა და ეს ყველაფერი დავიწყებას მიეცა, რადგანაც ეკონომიკის არმცოდნე კვირიკაშვილმა აქცენტი პრიმიტიულ ოთხპუნქტიან გეგმაზე აიღო, რაც ახალი პრემიერის, ბატონი მამუკა ბახტაძის მთავრობაში, საბედნიეროდ, დავიწყებას მიეცა“-აცხადებს ბ-ნი ლადო.




მისი განმარტებით, ქვეყანას  ეკონომიკური განვითარების სტრატეგია მხოლოდ ფორმალურად გააჩნია, რადგან დოკუმენტი ”საქართველო 2020” ოფიციალურად გაუქმებული არ არის.


 

კითხვაზე, როგორ უნდა ვებრძლოთ სიღარიბეს, ბ-ნი ლადო გამარტავს, რომ ამისათვის საჭიროა ინკლუზიური ეკონომიკური ზრდა. მისი განცხადებით, ქვეყანაში მთავარი პრინციპია დარღვეული. კერძოდ, ბ-ნი ლადოს ინფორმაციით, დღეს ეკონომიკას არ მართავენ ეკონომიკური განათლების მქონე ადამიანები. მაგალითად, ბ-ნი კვირიკაშვილი პროფესიით ექიმი იყო, რომელსაც შემდეგ ბიზნეს ადმინისტრირების მიმართულებით ჰქონდა მიღებული განათლება. დღესაც მოქმედი ეკონომიკის მინისტრი პროფესიით კვლავ ექიმია.


 

„პარლამენტში, როდესაც მისი კანდიდატურა განიხილებოდა, თქვა რომ ქვეყანას არ უნდა ისეთი ეკონომიკური ზრდა, რომელიც მიიღწევა ქარხანის აშენებით. არადა, სინამდვილეში მხოლოდ ისეთი ეკონომიკური ზრდა გვჭირდება, რომელიც საწარმოების შექმნა-ამოქმედებას დაეფუძნება. რაც შეეხება ფინანსთა მინისტრს, ის აუცილებლად უნდა იყოს მაკროეკონომისტი, როგორიც იყო, მაგალითად, ბატონი ნოდარ ხადური. მა უნდა იცოდეს მაკროეკონომიკა. დღეს კი ამ თანამდებობაზე არის ადამიანი, რომელიც ფინანსური მენეჯერია. ამას კი კავშირი არ აქვს ქვეყნის მაკროეკონომიკასთან. ამიტომ მთავარი პრობლემა არაკომპეტენტურობაში და არაკვალიფიციურობაშია. ყველა დარგს სჭირდება სპეციალისტი“-აცხადებს ბ-ნი ლადო.



საქართველოს პრემიერ-მინისტრის პოზიციების გასამყარებლად, ბ-ნი ლადო მიიჩნევს, რომ მან უნდა შექმნას სათათბირო ორგანო - ეკონომიკურ მრჩეველთა საბჭო, რომლებშიც შევლენ წამყვანი ეკონომისტები და რომლების დაეხმარებიან ბ-ნ მამუკა ბახტაძეს ეკონომიკური პოლიტიკის შემუშავებაში. ”ეკონომიკურ მრჩეველთა საბჭო წარმატებით მუშაობს აშშ-ის პეზიდენტის დასახმარებლად, და ამ გამოცდილების გაზიარება აუცილებელია საქართველოსთვისაც“- აცხადებს პროფესორი ლადო პაპავა.


ავტორი: სოფო ქსოვრელი 





ომის ზღვარზე - რუსეთი უკრაინის საზღვართან ჯავშანტექნიკის რაოდენობას ზრდის

ომის ზღვარზე - რუსეთი უკრაინის საზღვართან ჯავშანტექნიკის რაოდენობას ზრდის
access_time2022-01-20 19:00:25
რუსეთის მხრიდან უკრაინაზე თავდასხმის ალბათობა ამ დრომდე ნარჩუნდება. მძიმე ტექნიკა და 100 ათასზე მეტი ჯარისკაცი მოსკოვს მეზობელი ქვეყნის საზღვრიდან არ გაჰყავს და კონტიგენტს თითქმის ყოველდღე ცოცხალი ძალითა თუ ჯავშანტექნიკის დამატებითი ერთეულებით ავსებს. დასავლეთი პუტინს სანქციებით ემუქრება, წარსულის გამოცდილება აჩვენებს, რომ კრემლში სანქციების არ ეშინიათ, თუმცა სანქციებსაც გააჩნია, ერთია ალუმინის მომპოვებელი საწარმოს მეწილისთვის ვიზის არ მიცემა და მეორე საერთაშორისო საბანკო გადარიცხვების...

20 იანვარი - ლარის კურსი უმეტეს ვალუტასთან მიმართებით გამყარდა

20 იანვარი - ლარის კურსი უმეტეს ვალუტასთან მიმართებით გამყარდა
access_time2022-01-20 18:00:08
20 იანვრის ვაჭრობის შედეგად ლარი აშშ დოლართან მიმართებაში 0.15 თეთრით 3.0825- მდე გამყარდა. Bloomberg-ის პლატფორმაზე დღის ბოლოს კურსმა 3.0800 შეადგინა. საერთაშორისო ვალუტებიდან ლარი ევროსთან 1.50 თეთრით 3.4980-მდე, ბრიტანულ ფუნტთან 0.02 თეთრით 4.1990 -მდე, 1000 სომხურ დრამთან კი 1.36 თეთრით 6.3946-მდე, 100 რუსულ რუბლთან 0.66 თეთრით 4.0305-მდე, აზერბაიჯანულ მანათთან 0.08 თეთრით 1.8160-მდე გამყარდა.  თურქულ ლირასთან 0.14 თეთრით 0.2293-მდე...

დღის TOP10 საინტერესო ამბავი

დღის TOP10 საინტერესო ამბავი
access_time2022-01-20 21:00:32
დღის TOP10 საინტერესო ამბავი:     1. თბილისი - 190 მლნ ლარი, ბათუმი - 105 მლნ ლარი, ქუთაისი - 30 მლნ ლარი - მუნიციპალიტეტების ინფრასტრუქტურული გეგმები საქართველოს მთავრობამ 2022 წლის სახელმწიფო ბიუჯეტის გადამუშავებული ვერსია წარადგინა. ბიუჯეტის განახლებული ვერსია ხარჯების ზრდას...

„აირზენას“ შეძენით ჩინური და არაბული კომპანიები არიან დაინტერესებული

„აირზენას“ შეძენით ჩინური და არაბული კომპანიები არიან დაინტერესებული
access_time2022-01-20 20:00:00
„საქართველოს ეროვნული ავიაკომპანიის „აირზენას“ შესაძენად უკვე არის დაინტერესება ჩინური და არაბული კომპანიის მხრიდან“. ამის შესახებ „ჯორჯიან ეარვეისის“ ყოფილმა დირექტორმა, „საქართველოს ბიზნეს ბროკერიჯის“ დამფუძნებელმა რომან ბოკერიამ რადიო „პალიტრასა“ და „პალიტრანიუსის“ გადაცემაში „საქმე“ განაცხადა. მისივე თქმით, ხელშეკრულებით არაბული კომპანიის დასახელება არ შეუძლია, რაც შეეხება ჩინურ მხარეს, ბოკერიას თქმით, „აირზენას“ შეძენით დაინტერესებულია სინჩუანის პროვინციის...

ქეთევან დედოფლის გამზირი იკეტება - სრული რეაბილიტაცია დაიწყო

ქეთევან დედოფლის გამზირი იკეტება - სრული რეაბილიტაცია დაიწყო
access_time2022-01-20 14:55:00
ისნის რაიონში, ქეთევან დედოფლის გამზირის სრული რეაბილიტაცია დაიწყო, - ამის შესახებ დედაქალაქის მერმა, კახა კალაძემ თბილისის მუნიციპალიტეტის მთავრობის სხდომაზე ისაუბრა. ინფორმაციას თბილისის მერიის პრესსამსახური ავრცელებს. როგორც დედაქალაქის მერმა აღნიშნა, ინფრასტრუქტურული სამუშაოები რამდენიმე ეტაპად წარიმართება, პირველ ეტაპზე კი ქეთევან დედოფლის გამზირზე მიწისქვეშა კომუნიკაციები განახლდება. „ვიწყებთ ქეთევან დედოფლის გამზირის სრულ რეაბილიტაციას. ინფრასტრუქტურული პროექტი...


მსგავსი სიახლეები

up