დაბადების დღედ 18 თებერვალი ამ წერილის გამო ავირჩიეთ.
„როსტიკ!
როგორ ხარ? გწერ სამსახურიდან (კადეტთა კორპუსიდან), უკვე მოვეწყვეთ, ვმუშაობთ, ვაკეთებთ ამ კადეტთა კორპუსს, უნდა გადავაკეთოთ რუსთაველის საზოგადოებისთვის. შეგიძლია, აწი გვწერო საერთო წერილები. 25 თებერვალს თბილისში იქნება სამგლოვიარო (სატრაურო) მიტინგი, მიძღვნილი საქართველოს გასაბჭოებისადმი. აბა! შენ კიდევ ემსახურები მანდ სატანას. დაადე მაგათ და წამოდი.
გაგა. 18. 02. 89“.
ეს წერილი გაგა კიკნაძემ ირაკლი როსტომაშვილს სვერდლოვსკის სამხედრო ნაწილში გაუგზავნა.
პერესტროიკის პერიოდში რუსთაველის საზოგადოებასთან შეიქმნა არქიტექტურულ-დიზაინერული კოოპერატივი „მზიური“, ხელმძვანელი გია აბულაძე, არქიტექრორები გაგა კიკნაძე, მიკა ყრუაშვილი, ლევან მუშკუდიანი, ირაკლი როსტომაშვილი. პირველი დიდი პროექტი იყო ძველი კადეტთა კორპუსის რეკონსტრუქცია, სადაც ბინა დაიდო რუსთაველის საზოგადოებამ და „ივერთბანკმა“.
1992-ში დაფუძნდა კომერციული ბინათმშენებლობის კოოპერატივი „არსი“ და ხილიანისა და ყიფშიძის ქუჩებზე დაიწყო მშენებლობა. 94-95-ში გაკორტდა „ივერთნბანკი“, 95-დან მშენებლობა გაჩერდა და „არსმა“ ფულად დაკარგა 810 000 დოლარი. 1995-დან 2001-მდე ვალს ისტუმრებდა, მაგრამ მთლიანად ვერ მოერია. 2000-ის ბოლოს ახალი მენეჯმენტი მოვიდა და სლოგანი „არსს“~ ვალი აქვს“ შეიცვალა სლოგანით „არსი“ ვალს ისტუმრებს“. 2003 წელს მთლიანად გამოვიდა კრიზისიდან – „არსმა“ ვალი გაისტუმრა!“ ძველი მშენებლობები დასრულდა, დაიწყო ახალი დიდი პროექტები.
2008 წლის აგვისტოს ომს უმძიმესი კრიზისი მოჰყვა, დარჩა ბევრი ვალდებულება და ბევრი დასაკმაყოფილებელი კლიენტი. კრიზისის პერიოდში თანამშრომელთა რაოდენობაც ნელ-ნელა შემცირდა. თავდაუზოგავი და დაუღალავი შრომით, რწმენით, რომ ყველაფერი გამოვიდოდა, საბოლოოდ ეს კრიზისიც გადაილახა.
2013 წელს ახალი შესაძლებლობა გამოჩნდა.
დღეს არსი 31 წლის გახდა. 31 წელს ახალი პროექტებით, ახალი გამოწვევებით და ახალი დირექტორით ვხვდებით .
ბევრი ადამიანი მოვიდა და წავიდა, მაგრამ ვინც არსელი გახდა, ვინც ეს ,,წოდება“ მიიღო, არსელად დარჩა.
არსელებო, გილოცავთ დაბადების დღეს!
არსელები.
(NS)