დღეიდან, შემოსავლების სამსახურის განახლებული ვებგვერდი სრული დატვირთვით იმუშავებს

დღეიდან, შემოსავლების სამსახურის განახლებული ვებგვერდი სრული დატვირთვით იმუშავებს

access_time2021-01-20 17:57:59

ფინანსთა სამინისტროს შემოსავლების სამსახური გაცნობებთ, რომ 20 იანვრიდან, უწყების განახლებული ვებგვერდი www.rs.ge მომხმარებელს სრული დატვირთვით მოემსახურება.


„ახალი დიზაინითა და დამატებითი ფუნქციებით, ვებგვერდი მაქსიმალურადაა მორგებული გადასახადის გადამხდელის მოთხოვნებზე და ბევრად უფრო მარტივია მისი გამოყენება.



ვებგვერდის განახლების პროექტი წარმოადგენს შემოსავლების სამსახურის სერვისების განვითარების 2019-2020 წლების სტრატეგიისა და 2021 წლის სამოქმედო გეგმის შემადგენელ ნაწილს, რომლის უმთავრესი მიზანია, თანამედროვე ტექნოლოგიებისა და ინოვაციური მიდგომების გამოყენებით არსებული მომსახურების კიდევ უფრო სრულყოფა და განვითარება.



აღსანიშნავია, რომ ვებგვერდის განახლების პროცესი გერმანიის საერთაშორისო თანამშრომლობის საზოგადოების (GIZ) მხარდაჭერით 2019 წელს დაიწყო და 2 ეტაპად განხორციელდა. საწყის ეტაპზე, განისაზღვრა ვებგვერდის სტრუქტურა, საიტის ერთიანი სტილი და დიზაინი, ხოლო მეორე ეტაპზე - კონტრაქტორი კომპანიის მიერ, ფუნქციონალური სამუშაოების დასრულების შემდეგ, შემოსავლების სამსახურის ტექნიკურმა გუნდმა სრულად გამართა ელექტრონული სერვისები.




უწყების განახლებულ ვებ-პორტალზე, სრულად შეიცვალა და თანამედროვე ტენდენციებს მოერგო ვებგვერდის დიზაინი და სტრუქტურა. ამასთან, აღსანიშნავია, რომ შემოსავლების სამსახურის მისიისა და საქმიანობის მასშტაბურობის გათვალისწინებით, შესაძლებლობის ფარგლებში, მინიმალისტურად დაიგეგმა მთავარი გვერდი, სადაც განთავსდა ყველაზე ხშირად ძებნადი ინფორმაცია. საკონსულტაციო მონაცემები დაიყო ორ ძირითად ჯგუფად - ფიზიკური პირი და იურიდიული პირი ხოლო გადასახადის გადამხდელთა უკეთ ინფორმირების მიზნით, სპეციალური სივრცე დაეთმო საკანონმდებლო სიახლეებს,  რომელთა ფილტრაცია მარტივად არის შესაძლებელი. განახლებული ვებგვერდი მომხმარებელს, COVID-19- თან დაკავშირებულ სხვადასხვა ინფორმაციას, ასევე, რეკომენდაციებსა და რეგულაციებსაც სთავაზობს.



შემოსავლების სამსახურის ახალ ვებგვერდზე განთავსდა 200-მდე განახლებული საკონსულტაციო სტატია, რომელთა უმეტესობა, უკვე ითარგმნა ინგლისურ ენაზე. ასევე, განახლდა შემოსავლების სამსახურის საქმიანობასთან დაკავშირებული 300-მდე საკანონმდებლო აქტი და მედია სიახლეების განთავსების არე.



ვებგვერდის სატესტო რეჟიმში მუშაობისას, დაინერგა ახალი საკომუნიკაციო არხი - RS ჩათი, რომლის მეშვეობითაც კონსულტაციის გაწევა სრული დატვირთვით უახლოეს მომავალში იქნება შესაძლებელი. აღსანიშნავია, რომ ვებგვერდის მართვის პროცესში, მნიშვნელოვანი ადგილი დაეთმო უკუკავშირის პროგრამის ანალიზს, რომელიც მომხმარებელს საშუალებას აძლევს დააფიქსიროს მოსაზრებები ვებგვერდის გაუმჯობესებასთან დაკავშირებით.



ფინანსთა სამინისტროს შემოსავლების სამსახურის ახალი ვებგვერდის შექმნაში მნიშვნელოვანი წვლილი შეიტანეს საქართველოს ბიზნეს ასოციაციის, საქართველოს ბანკებისა და საქართველოს დამსაქმებელთა ასოციაციების, ასევე, საქართველოს მცირე და საშუალო საწარმოთა ასოციაციის წარმომადგენლებმა. ამასთან, პროქტის ფარგლებში, აქტიური თანამშრომლობა შედგა საქართველოს ბიზნეს ომბუდსმენის აპარატისა და საქართველოს საერთაშორისო საავტომობილო გადამზიდავთა ასოციაციის წარმომადგენლებს შორის.



შემოსავლების სამსახურის განახლებული ვერსიის გაშვებიდან, დღემდე, ვებგვერდს 9 მილიონზე მეტი ნახვა აქვს, ხოლო დღიურად, საშუალოდ 65 000 მომხმარებელი სტუმრობს“ – ნათქვამია ინფორმაციაში.







სახმელეთო საზღვრების გახსნა, ვაქცინაცია, კურორტების დარეკლამება — კერძო სექტორის რეკომენდაციები ტურიზმის სწრაფად აღსადგენად

   სახმელეთო საზღვრების გახსნა, ვაქცინაცია, კურორტების დარეკლამება — კერძო სექტორის რეკომენდაციები ტურიზმის სწრაფად აღსადგენად
access_time2021-03-03 13:00:06
ტურიზმის სექტორში მომუშავე კომპანიებმა, მათ შორისაა სტუმროების ქსელი „ინნ ჯგუფი“, ტურ კომპანია კლარკ რობინსონი, სასტუმროების ფედერაცია, „კა მენეჯმენტ გრუპი“, ტურ. კომპანია „კამერტონ თრეველი“, ტურ. კომპანია „იბერია ტურს პლიუსი“ და რამდენიმე სხვა,  ტურიზმის დარგის სწრაფი აღდგენისთვის საჭირო...

2020 წელს თურქეთის გარდა, საქართველო და სხვა ყველა მეზობელი ქვეყანა რეცესიაში იყო

2020 წელს თურქეთის გარდა, საქართველო და სხვა ყველა მეზობელი ქვეყანა რეცესიაში იყო
access_time2021-03-03 11:32:45
გასული წელი მთელი მსოფლიოსთვის და მათ შორის, საქართველოს მეზობელი ქვეყნებისთვის მნიშვნელოვანი ეკონომიკური გამოწვევებით იყო სავსე.   პანდემიის პირობებში გლობალურად არსებული მოთხოვნისა და მიწოდების შოკების შედეგად ეკონომიკური აქტივობა მსოფლიოში შენელდა. რა თქმა უნდა, ეკონომიკის შენელებამ კვალი ჩვენს რეგიონსაც დაატყო. როგორც ოფიციალური სტატისტიკა გვიჩვენებს, 2020 წელს თურქეთის გარდა, საქართველო და სხვა ყველა მეზობელი ქვეყანა რეცესიაში იყო.   2020 წელს...

ლოპოტას დამფუძნებელი გოგა მაისურაძე გარდაიცვალა

ლოპოტას დამფუძნებელი გოგა მაისურაძე გარდაიცვალა
access_time2021-03-03 10:35:05
დღეს ლოპოტა რიზორთის დამფუძნებელი გოგა მაისურაძე გარდაიცვალა. როგორც ცნობილია, ბიზნესმენი მძიმე დაავადებას დიდი ხანი ებრძოდა. კომერსანტი სამძიმარს უცხადებს გარდაცვლილის ოჯახს

დღის Top 10 საინტერესო ამბავი

დღის Top 10 საინტერესო ამბავი
access_time2021-03-02 21:00:39
დღის Top 10 საინტერესო ამბავი: 1.გაზრდილი საპროცენტო განაკვეთები და შემცირებული სესხების მოცულობა - საბანკო სექტორის იანვრის თვე 2021 წელი ქართულმა საბანკო სექტორმა მოგებით დაიწყო, რომლის მოცულობა 113.36 მლნ ლარს შეადგენს. თუმცა წინა წლის დეკემბერთან შედარებით შემცირებულია საპროცენტო შემოსავლები და...

მერაბ ჟორდანია ვენის „აუსტრიას“ პრეზიდენტი ხდება

მერაბ ჟორდანია ვენის „აუსტრიას“ პრეზიდენტი ხდება
access_time2021-03-02 17:20:09
მერაბ ჟორდანია ტიტულოვანი ავსტრიული კლუბის - ვენის "აუსტრიას" პრეზიდენტი იქნება. ამის შესახებ ადგილობრივი საიტები იტყობინებიან. საინტერესოა წერილი, რომელიც wien.orf.at-მა გამოაქვეყნა: მწვანე შუქი პარტნიორობისთვის "ვენის "აუსტრიას" ფინანსურ მომავალთან დაკავშირებით სიტუაციას წესით მალე უნდა მოეფინოს ნათელი. ახალი პარტნიორი ჯერ ოფიციალურად არ წარუდგენიათ, მაგრამ კლუბში ამბობენ, რომ მოლაპარაკება პოზიტიური შედეგით...


მსგავსი სიახლეები

up