დევნილების 27-წლიანი რიგი ბინისთვის

დევნილების 27-წლიანი რიგი ბინისთვის

access_time2019-09-30 21:45:50

1 ოქტომბერს იწურება ვადა, რომელიც დევნილებმა ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს მისცეს. აქციის მონაწილეები, მე-14 დღეა, ბინების დროულად გადაცემას ითხოვენ.

 

40-მდე ოჯახის წევრი სამინისტროს შესასვლელში და კიბეებზე ზის. რამდენიმე დღის წინ კარავიც გაშალეს. ისინი მოითხოვენ ბინებით ჯერ აფხაზეთის „ძირი ოჯახები“ დააკმაყოფილონ, მერე კი ყველა დანარჩენი.

 

„ჯერ ძირი ოჯახი დააკმაყოფილონ და მერე ახლად დაქორწინებულები და ასე შემდეგ. კი, უნდა გამრავლდეს საქართველო, მაგრამ იმის შვილი, იმის შვილიშვილი... მოიცადონ ცოტა, ერთი და იგივე ოჯახი იღებს სამ ბინას“, - ამბობს აქციის ერთ-ერთი მონაწილე, რომლის თქმით, ის, უკვე 27 წელია, ქირით ცხოვრობს.

 

„კორუფციაც არის! ერთ ოჯახს რომ მესამე ბინას აძლევენ, აბა, სხვა რა არის?! 5 წლის წინ ჩემთან კაცი იყო მოსული, ხუთოთახიანი ბინა 5 ათასი დოლარი დაგიჯდებაო. მე არ მქონდა და რომც მქონოდა, რატომ მივცემდი, როცა ისედაც მეკუთვნის. ვინც მათ კრიტერიუმებს არ აკმაყოფილებს, იმან რა უნდა ქნას? მაღალი ქულა რომ გქონდეს, ან ონკოლოგიური ავადმყოფი უნდა იყო, ან ინვალიდობა უნდა გქონდეს. ერთი ფეხი კუბოში უნდა გედგას და უნდა მოასწრო იმ კუბოს დადება საკუთარ სახლში. რაც უფრო დაქცეული ხარ და სიკვდილის კარამდე მისული, მით უფრო მაღალი ქულა გაქვს. თან ბევრი ფიქტიური საბუთებით იღებს ამ ქულებს“, - ამბობს აქციის მონაწილე ნანა ბუკია.

 

დევნილების თქმით, ქულების სისტემა მუდმივად იცლება და არასოდეს არის გასაგები, ამა თუ იმ ქულას ვინ რის გამო იღებს. არის შემთხვევები, როცა არც ავადმყოფობა ჭრის.

 

„მაქვს კიბო და მეკუთვნის სამოთახიანი ბინა, მაგრამ მაინც აქ ვდგავარ“, - განაცხადა ერთ-ერთმა.

 


აქციის მონაწილეა სამი შვილის დედა ხათუნა გუჯეჯიანი.

 

„მამაჩემმა, ჯემალ გუჯეჯიანმა, სასამართლოს მიმართა. სასამართლომ დაამტკიცა, რომ ეკუთვნის ბინა. ომის ვეტერანია და წლების წინ უნდა მოეცათო, მაგრამ ჯერაც არ მიუციათ“, - ამბობს ის.

 

 

ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტის მოადგილე გიორგი წოწკოლაური ამბობს, რომ დევნილებს ბინები გადაეცემათ იმ თანხის მიხედვით, რომელიც ბიუჯეტშია განსაზღვრული. ბინის მიღების კრიტერიუმები საერთაშორსო ორგანიზაციების დახმარებით შეიმუშავეს და მასში „ძირი ოჯახის“ ცნება არ არსებობს. უპირატესობა იმას ეკუთვნის, ვისაც საცხოვრებელი არა აქვს.

 

„ამიტომ, შესაძლებელია გაიყოს ოჯახი და გაყოფილი ოჯახიდან, ვინც გამოეყო, ის მოხვდეს კრიტერიუმებში. კანონი არსებობს და ვმოქმედებთ კანონის ჩარჩოებში. ეს ხალხი, ვინც პროტესტს გამოთქვამს, შესაძლებელია ოქტომბრის დასაწყისში, კომისიის სხდომის დასრულების შემდეგ, დაკმაყოფილდეს ბინებით. ვისაც ეკუთვნის და ვინც უპირატეს მდგომარეობაშია, სწორედ ის ხალხი მიიღებს ამ 960 ბინას, რომელიც ახლა თბილისში ნაწილდება“, - ამბობს გიორგი წოწკოლაური.

 

უკვე 2020 წელს ბინების გადაცემა მთელი საქართველოს მასშტაბით 6 ათასამდე ოჯახისთვის იგეგმება, სულ ბინები კიდევ 40 ათასამდე ოჯახისთვის არის გადასაცემი.

 

ექსპერტი კონფლიქტების საკითხებში პაატა ზაქარეიშვილი ამბობს, რომ დევნილების ბევრი პრეტენზია მართლაც საფუძვლიანია, რადგან ქულების მინიჭების კრიტერიუმები ბუნდოვანი და გაუმჭვირვალეა:

 

 

„არ მჯერა, რომ სისტემური კორუფცია იყოს, მაგრამ კრიტერიუმები არ არის ნათელი. კიდევ ერთი პრობლემა ის არის, რომ ყველას თბილისში უნდა ცხოვრება, რაც შეუძლებელია. ამის გამო დგას რიგები და ბევრს მოთმინება აღარ ჰყოფნის. რაც შეეხება ძირ ოჯახებს, მეც მგონია, რომ მათ უნდა მიიღონ სახელმწიფოს დახმარება და არა შთამომავლობამ“.

 

სახალხო დამცველის 2018 წლის ანგარიშში ნათქვამია, რომ თბილისში 2016 წლის შემდგომ დევნილთა გრძელვადიანი განსახლება განხორციელდა მხოლოდ ნგრევადი და სიცოცხლისათვის საფრთხის შემცველი, ასევე სახელმწიფოსთვის მნიშვნელოვანი ობიექტებიდან (ჯამში, 190 ოჯახი). შესაბამისად, 2017-2018 წლებში თბილისში რეგისტრირებულ დევნილებს არ მისცემიათ შესაძლებლობა სამინისტროსთვის საცხოვრებლით უზრუნველყოფის თხოვნით მიემართათ. თუ რა იყო ხელის შემშლელი მიზეზი, სახალხო დამცველის აპარატისთვის უცნობია.


წყარო: რადიო თავისუფლება




„მოვიგებთ და შემდეგ შევიკრიბებით“ - ოპოზიციას Covid 19-თან გამკლავების კონკრეტული გეგმა არ აქვს

„მოვიგებთ და შემდეგ შევიკრიბებით“ - ოპოზიციას Covid 19-თან გამკლავების კონკრეტული გეგმა არ აქვს
access_time2020-10-20 10:00:08
მმართველი გუნდის ეპიდსიტუაციასთან გამკლავების სტრატეგიას განსაკუთრებით წინასაარჩევნოდ, აქტიურად აკრიტიკებს თითოეული მოწინააღმდეგე პარტია. თუმცა ... ორ კვირაში არჩევნებია, ოპოზიციური პარტიების უმრავლესობას სჯერა, რომ არჩევნების შემდეგ საპარლამენტო პროცესებში მონაწილეობას მიიღებს.  „კომერსანტი“ დაინტერესდა თავად პარტიებს რა გეგმა აქვთ  გამწვავებულ ეპიდსიტუაციასთან გასამკლავებლად, არსებობს თუ არა კონკრეტული გეგმა მათ პროგრამაში, გარდა ეკონომიკური პროგრამებისა, რომელზეც დაუსრულებლად...

19 ოქტომბერი - რეგიონში ყველა ვალუტა გამყარდა

19 ოქტომბერი - რეგიონში ყველა ვალუტა გამყარდა
access_time2020-10-19 18:30:02
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ გამოქვეყნებული 19 ოქტომბრის ვაჭრობის შედეგად, ქართული ლარის კურსი უმნიშვნელოდ გამყარდა და ერთი აშშ დოლარის ღირებულებამ 3.2117 ლარი...

დღის Top 10 საინტერესო ამბავი

დღის Top 10 საინტერესო ამბავი
access_time2020-10-19 21:00:58
დღის Top 10 საინტერესო ამბავი     1. კომერსანტის ექსკლუზივი - პერსონალური მონაცემების დაცვის მიზნით, ამოქმედებული დადგენილება თუ წინასაარჩევნოდ დაგეგმილი ქაოსი კოვიდ სტატისტიკაში   კორონავირუსის პირველი შემთხვევის დადასტურებიდან რვა თვის შემდეგ, კომერსანტმა...

Le Figaro: კომენდანტის საათის შემოღების გამო მაკრონს აჯანყება ემუქრება

Le Figaro: კომენდანტის საათის შემოღების გამო მაკრონს აჯანყება ემუქრება
access_time2020-10-19 20:30:21
დღეს ორი განსხვავებული საფრანგეთი არსებობს, ერთი რომელიც კომენდანტის საათში კორონავირუსის გამო 21.00-დან 6.00-მდე ჩაკეტეს და  მეორე, რომელიც ცხოვრების გაგრძელებას ცდილობს, თუ ამას ინფექციის გავრცელების სიჩქარე დააცდის.   ემანუელ მაკრონმა არჩევანი მკაცრი ზომების და დიდ ქალაქებში კომენდანტის საათის სასარგებლოდ გააკეთა და ამით რეალურ რისკზე წავიდა.   სწორედ დიდ ქალაქებში, პირველ რიგში პარიზში, პანდემიამ ყველაზე მძიმე სოციალური  ჭრილობები დატოვა,...

Financial Times: ეკონომიკური აღდგენა არათანაბარი იქნება

Financial Times: ეკონომიკური აღდგენა არათანაბარი იქნება
access_time2020-10-19 19:30:29
როდესაც კორონავირუსი ჩინეთის ტერიტორიას გასცდა და პანდემია დაიწყო, ყველა ეკონომიკა მსოფლიოში ერთბაშად და უნისონში ჩამოიშალა. ყველა ქვეყანაში ეკონომიკური მაჩვენებლები მკვეთრად შემცირდა ისეთ დონეზე, რომელიც კაცობრიობას მშვიდობიანობის დროს არ უნახავს.   ამის შემდეგ აგრესიული ფისკალური და მონეტარული რეაქცია დაიწყო, ასევე სხვადასხვა ქვეყნებში ვირუსის წარმატებული შეკავება, მაგალითად ჩინეთში.   საერთაშორისი სავალუტო ფონდის პროგნოზის...


მსგავსი სიახლეები

up