დევიდ კრამერი: დასავლეთის მეგობრები საქართველოში მოულოდნელად ცეცხლის ქვეშ აღმოჩნდნენ

დევიდ კრამერი: დასავლეთის მეგობრები საქართველოში მოულოდნელად ცეცხლის ქვეშ აღმოჩნდნენ

access_time2019-09-20 16:07:25

„როდესაც გასულ თვეში საქართველოს დედაქალაქ თბილისში ჩავედი კონფერენციაზე, არ ველოდი, რომ აღმოვჩნდებოდი აშშ-ის საელჩოს შენობის წინ გამართული ბრაზიანი დემონსტრაციის ყურადღების ცენტრში, ან თავს დამესხმოდნენ პროსამთავრობო ტელეარხის ეთერიდან“, - წერს ფლორიდის საერთაშორისო უნივერსიტეტის მკვლევარი, მაკკეინის ინსტიტუტის ადამიანის უფლებათა და თავისუფლებათა ცენტრის დირექტორი, დევიდ კრამერი „ვაშინგტონ პოსტში“ გამოქვეყნებულ საავტორო სტატიაში.


მიუხედავად იმისა, რომ საქართველო „დემოკრატიის კუნძულია“ ავტორიტარული რეჟიმების ზღვაში, კრამერის თქმით, ახლა ქვეყანაში აღმასვლას განიცდიან პრორუსული ძალები, „რითაც შეიძლება აიხსნას ქართული პოლიტიკის ყურადღების ცენტრში მისი მცირე ხნით მოხვედრაც“.


ოპოზიციურმა „პატრიოტთა ალიანსმა“, რომელიც პრორუსულ ძალად არის მიჩნეული საქართველოში, 15 სექტემბერს საპროტესტო აქცია გამართა აშშ-ის საელჩოსთან, სადაც საქართველოს პარლამენტის ვიცე-სპიკერი „პატრიოტთა ალიანსიდან“ ირმა ინაშვილი ამერიკელი მკვლევრებისა და ყოფილი დიპლომატებისთვის, დევიდ კრამერისა და მეთიუ ბრაიზასათვის, ქვეყანაში შემოსვლის აკრძალვის ინიციატივით გამოვიდა.



„საქართველოში დრო იცვლება. პოლიტიკური ვითარება უფრო დაძაბული და პოლარიზებული მომეჩვენა, ვიდრე ბოლო წლების განმავლობაში, საქართველოში ჩემი წინა ათეულობით ვიზიტის დროს. მმართველი პარტია „ქართული ოცნების“ წევრებმა პირობა დადეს, რომ გაანადგურებენ ოპოზიციას, რაც ზრდის განხეთქილებას საზოგადოებაში. არსებობს საფრთხე, რომ დაძაბულობამ დუღილის წერტილს მიაღწიოს“, - წერს დევიდ კრამერი „ვაშინგტონ პოსტში“ გამოქვეყნებულ სტატიაში.


დევიდ კრამერი საქართველოში მთავრობის ცვლილებებსაც ეხება, კერძოდ, პრემიერ-მინისტრად გიორგი გახარიას დანიშვნას იმ ფონზე, როდესაც ოპოზიცია მისი შინაგან საქმეთა მინისტრის პოსტიდან გადაყენებას მოითხოვდა რეზინის ტყვიების გამოყენებით 20 ივნისის მიტინგის დარბევისა და 240-მდე ადამიანის დაშავების ფონზე.


„ამის ნაცვლად, რამდენიმე თვის შემდეგ, „ქართული ოცნების“ წინააღმდეგობრივმა ლიდერმა, მილიარდერმა ბიძინა ივანიშვილმა, ეს ძლიერ სადავო ფიგურა პრემიერ-მინისტრის პოსტზე წარადგინა. გახარია ძლიერ წინააღმდეგობრივი ფიგურაა. გასულ კვირაში, პარლამენტში დამტკიცების დროს მან პირდაპირ მიმართა ოპოზიციას: „მე თქვენ დაგამთავრებთ“, - წერს დევიდ კრამერი წერილში, რომელსაც „ვაშინგტონ პოსტი“ აქვეყნებს.


რადიო თავისუფლება 





დღეს ჩინეთიდან საქართველოში ჩამოსული მგზავრები კორონავირუსზე აეროპორტში შემოწმდებიან

დღეს ჩინეთიდან საქართველოში ჩამოსული მგზავრები კორონავირუსზე აეროპორტში შემოწმდებიან
access_time2020-01-25 16:30:27
...

„თიბისი ბანკის“ დირექტორთა საბჭოში ცვლილებებია - ვინ ტოვებს ბანკს

„თიბისი ბანკის“ დირექტორთა საბჭოში ცვლილებებია - ვინ ტოვებს ბანკს
access_time2020-01-25 15:16:25
„თიბისი ბანკის“ დირექტორთა საბჭოს ერთ-ერთი წევრი დავით ჭყონია ტოვებს. ამის შესახებ ინფორმაცია თიბისი...

კორონავირუსით დაავადებულებისთვის ჩინეთში სპეციალურ ჰოსპიტალს 6 დღეში ააშენებენ

კორონავირუსით დაავადებულებისთვის ჩინეთში სპეციალურ ჰოსპიტალს 6 დღეში ააშენებენ
access_time2020-01-25 10:00:11
ჩინეთის ქალაქ უხანში ახალი კორონავირუსით დაავადებულებისთვის დროებითი საავადმყოფოს მშენებლობა დაიწყო. ამის შესახებ რუსული „კომერსანტი“ წერს და ვიდეოს...

ანაკლია და საქართველოს ადგილი „ახალი აბრეშუმის სავაჭრო გზაზე“

ანაკლია და საქართველოს ადგილი „ახალი აბრეშუმის სავაჭრო გზაზე“
access_time2020-01-25 18:00:28
შუა საუკუნეებში საქართველოს საგარეო პოლიტიკური კურსი ძირითადად სამხრეთით - სომხეთისა და შირვანისკენ (თანამედროვე აზერბაიჯანი) იყო მიმართული. წერილობით წყაროებში შემორჩენილი მწირი ინფორმაციის თანახმად, შავი ზღვის მიმართულებას ნაკლები ყურადღება ეთმობოდა. მხოლოდ XVII საუკუნიდან მოგვეპოვება მრავალი ცნობა ხელსაყრელი საპორტო ადგილის შესახებ, რომელიც უკვე “ანაკლიად” მოიხსენიება.   აღსანიშნავია, რომ ანაკლიის საპორტო აქტივობა დაემთხვა დასავლეთ საქართველოში საქალაქო ცხოვრების ზოგად...

სოსო გალუმაშვილი - სახელმწიფო მზად არ არის მწარმოებლის გაფართოებული ვალდებულებების დანერგვისთვის

სოსო გალუმაშვილი - სახელმწიფო მზად არ არის მწარმოებლის გაფართოებული ვალდებულებების დანერგვისთვის
access_time2020-01-25 11:00:19
სახელმწიფო მზად არ არის მწარმოებლის გაფართოებული ვალდებულებების დანერგვისთვის, რაც კომპანიების მიერ წარმოების შედეგად წარმოქმნილი ნარჩენების გადამუშავებას გულისხმობს, – ამის შესახებ საქართველოს პირველი არხის გადაცემა „ბიზნესპარტნიორის“ თანაწამყვანმა და კომპანია „ჯეპრას“ დამფუძნებელმა, სოსო გალუმაშვილმა გადაცემაში დღეს განაცხადა.   გადაცემაში ნარჩენების გადამუშავების მნიშვნელობა და მასთან დაკავშირებული გამოწვევები განიხილეს. დისკუსიის დროს აღინიშნა, რომ ნარჩენების...


მსგავსი სიახლეები

up