დეველოპერული კომპანიები - ქვეყანაში გრძელვადიანი პროექტები ფინანსური სახსრების ნაკლებობის გამო არ ხორციელდება

დეველოპერული კომპანიები - ქვეყანაში გრძელვადიანი პროექტები ფინანსური სახსრების ნაკლებობის გამო არ ხორციელდება

person access_time2016-10-12 15:30:09

დეველოპერული კომპანიები გრძელვადიან პროექტებს რამდენიმე მიზეზის გამო არ ახორციელებენ. ამის შესახებ განცხადებას დეველოპერული კომპანიების პირველი პირები „კომერსანტთან" მას შემდეგ აკეთებენ, რაც საქართველოში უძრავი ქონების კომპანია TERNES Real Estate Fund-ს დამფუძნებელმა საშა ტერნესმა რადიო „კომერსანტთან" საუბრისას განაცხადა, რომ საქართველოს უძრავი ქონების ბაზარზე ძალიან ცოტა კომპანიაა, რომელსაც გრძელვადიანი ხედვა აქვს.

 


საშა ტერნესის განმარტებით, უძრავი ქონების ბაზარზე დომინანტი პოზიციებით აქვთ დეველოპერულ კომპანიებს, რომლებიც აშენებენ სახლებს და მალევე ყიდიან. „ძალიან ცოტა მოთამაშეა გრძელვადიანი ხედვით, რომელიც აშენებს სახლებს იმ მიზნით, რომ შეინარჩუნოს და გრძელვადიანი გაქირავებით მიიღოს შემოსავალი. " - აცხადებს ტერნესი.


„კომერსანტი" დაინტერესდა, რატომ არ ინტერესდებიან დეველოპერული კომპანიები გრძელვადიანი პროექტების განხორციელებით და რატომ ანიჭებენ უპირატესობას მოკლევადიან პროექტებს?

 

 


სამშენებლო კომპანია „ივერონის" დამფუძნებელი არჩილ ჯაყელი ამბობს, რომ ამ შემთხვევაში ორი პრობლემაა. პირველი, ფინანსური რესურსების ნაკლებობა და მეორე, გასაქირავებელ ობიექტებზე შემცირებული მოთხოვნა. მისი თქმით, ასეთი პროექტების დროს, კომპანია მიზერულ შემოსავალს მიიღებს,შესაბამისად, დიდი ინვესტიციის ამდენი ხნით გაჩერება არ უღირს.



„საცხოვრებელი კორპუსების გაქირავებიდან მიღებული შემოსავალი კიდევ უფრო მცირე იქნება. კომერციულს კიდევ უფრო აქვს ფასი. დეველოპერისთვის კი ეს კომერციულად არც საინტერესოა და არც მომგებიანი. ვინც მშენებლობას იწყებს, ასე თუ ისე, მაინც გაყიდვებზეა მიბმული. ყველას აქვს იმის რესურსი, რომ დაიწყოს, საძირკველი ამოიყვანოს, 3 სართულამდე ააშენოს, თუმცა, თუ გაყიდვები არ დაახმარა, კატასტროფამდე შეიძლება მივიდეს. ჩვენ გვქონდა მსგავსი შემთხვევები,მაშინ კომერციული ფართები ვერ გავაქირავეთ"-აცხადებს ჯაყელი.

 


კომპანია „რედიქსის" დამფუძნებელი ლაშა პაპაშვილი ამბობს, რომ სრულად ეთანხმება საშა ტერნესის მოსაზრებას, თუმცა, ამბობს, რომ ქვეყანაში გრძელვადიანი პროქეტებით დეველოპერების არ დაინტერესების მიზეზი ფინანსური სახსრების ნაკლებობაა. მისი თქმით, დღეს სამშენებლო კომპანიები დიდ კაპიტალს ვერც სესხის სახით იზიდავენ.


როგორც პაპაშვილი განმარტავს, კომპანია „რედიქსი" ძირითადად მსგავსი, გრძელვადიანი პროექტებით არის დაკავებული და მას საკმაოდ წარმატებით ახორციელებს. მცირე კომპანიები კი ასეთ დიდ კაპიტალს ამდენი ხანი ვერ გააჩერებენ. მისი თქმით, პრობლემაც აქედან გამომდინარეობს.



„ჩვენ უამრავი გრძელვადიანი პროექტი გვაქვს. ვაქირავებთ საოფისე ფართებს, სასტუმროებს. რაც შეეხება საცხოვრებელ კორპუსებში გრძელვადიან პროექტებს, ვთვლი, რომ  უამრავი ქონებაა მიწოდებული ბაზარზე გასაქირავებლად,შედეგად, ასეთ სეგმენტში შესვლა და განვითარება ცოტა გაჭირდება. აპარტოტელის პრინციპით თუ იმუშავებს, შეიძლება მომგებანი იყოს და გაამართლოს"-აცხადებს პაპაშვილი.

 


დეველოპერული კომპანია "ჯიდიჯის" დამფუძნებელი ბეჟან წაქაძე აცხადებს, რომ დღეს კლიენტების 20-25 პროცენტი ბინებს გაქირავებისთვის ყიდულობს. შედეგად, ბაზარი გაჯერებულია და დეველოპერების ამ სეგმენტში შესვლა კომერციულად მომგებიანი არ იქნება.



„ჩემს მიერ აშენებულ კორპუსებში 1-2 ოთახიანი ბინები ძალიან სწრაფად იყიდება. საზოგადოება უძრავ ქონებას შემდგომში გაქირავებისთვის ყიდულობს. დეველოპერი კი იმის დეველოპერია რომ უნდა აშენოს, გაყიდოს და შემდეგ ახალი დაიწყოს. მსგავსი პროექტები მომგებიანი იქნება, თუმცა, ეს ბიზნესის სხვა სფეროა. შენ თუ მშენებელი ხარ, უნდა აშენო და გაყიდო. მე ასე მიმაჩნია"-აცხადებს წაქაძე.


 




წინანდლის კლასიკური მუსიკის რიგით მეორე ფესტივალი დასრულდა

წინანდლის კლასიკური მუსიკის რიგით მეორე ფესტივალი დასრულდა
access_time2020-09-25 09:55:39
წინანდლის მამულში 4 დღის განმავლობაში კლასიკური მუსიკის საერთაშორისო ფესტვივალი ჩატარდა.  2020 წელს შექმნილი...

ჯანდაცვა ბიზნესია და ეს სისტემა უნდა დაიგეგმოს - ინტერვიუ დავით სერგეენკოსთან ჯანდაცვის პოლიტიკაზე

ჯანდაცვა ბიზნესია და ეს სისტემა უნდა დაიგეგმოს - ინტერვიუ დავით სერგეენკოსთან ჯანდაცვის პოლიტიკაზე
access_time2020-09-25 12:00:07
ჯანდაცვის ყოფილი მინისტრი დავით სერგეენკო „ქართული ოცნების“ ხელისუფლებაში მოსვლიდან 7 წლის განმავლობაში მინისტრის თანამდებობას იკავებდა, დღეს კი დავით სერგეენკო „ქართულმა ოცნებამ“ საბურთალოს მაჟორიტარობის კანდიდატად წარადგინა. „კომერსანტთან“ ექსკლუზიურ ინტერვიუში ჯანდაცვის ყოფილი მინისტრი ჯანდაცვის პოლიტიკაზე, გატარებულ რეფორმებზე, 520-ე დადგენილებაზე, საყოველთაო დაზღვევაზე ისაუბრა.   -როგორ შეაფასებთ განვლილ...

„ვისოლი“ Smart Pay ფორმატის ავტოგასამართი სადგურების ქსელს ავითარებს

„ვისოლი“ Smart Pay ფორმატის ავტოგასამართი სადგურების ქსელს ავითარებს
access_time2020-09-25 09:55:07
„ვისოლმა“ რუსთავში, შარტავას ქ. #4-ში Smart Pay ფორმატის ავტოგასამართ სადგურ “სმარტის” სუპერმარკეტთან ერთად გახსნა და ქალაქში მომხმარებელს მგზავრობის და საწვავის ღირებულების გადახდის ახალ ფორმა შესთავაზა. რუსთავის კომპლექსი, უკვე მეოთხე ობიექტია საგურამოში, ქუთაისსა და ოქროყანაში გახსნილი „ვისოლის“ მომსახურების ცენტრების შედგომ, სადაც მომხმარებელი საწვავის შეკვეთასა და მისი ღირებულების გადახდას „სმარტში“ სასურველი პროდუქტების შეძენასთან ერთად ახერხებს ორმაგი დატვირთვის გარეშე. Smart Pay...

24 სექტემბერი - რეგიონის ვალუტებს შორის ქართული ლარი რეკორდული სისწრაფით უფასურდება

24 სექტემბერი - რეგიონის ვალუტებს შორის ქართული ლარი რეკორდული სისწრაფით უფასურდება
access_time2020-09-24 18:10:43
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. გუშინ გამართულ საქართველოს ეროვნული ბანკის სავალუტო აუქციონზე სებ-მა 40 000 000 აშშ დოლარი გაყიდა, თუმცა მიუხედავად ამისა 24...

დღის Top 10 საინტერესო ამბავი

დღის Top 10 საინტერესო ამბავი
access_time2020-09-24 21:30:36
დღის Top 10 საინტერესო ამბავი:   1. კრედიტების გაიაფების იდეას მივესალმები, რადგან ყოფილ ბანკირს უკეთესად ესმის ეს საკითხი - კახა ოქრიაშვილი ხაზარაძის ინიციატივას ემხრობა „კრედიტების გაიაფების იდეას მივესალმები, რადგან ყოფილ ბანკირს უფრო ესმის ეგ საკითხი. ჯობია ბევრი კრედიტი გასცე და...


მსგავსი სიახლეები

up