2020 წელს გუდაურში ერთ-ერთი მასშტაბური პროექტი მარშალ გუდაური დასრულდება. რატომ შეირჩა გუდაური „მარშალ დეველოპმენტის“ პირველი პროექტის ადგილმდებარეობად და რით არის გამორჩეული მარშალ გუდაური ? - რადიო „კომერსანტს“ საახალწლო ეთერში კომპანიის აღმასრულებელი დირექტორი ნუცა ხიდირბეგაშვილი ესაუბრა.
მისი განმარტებით, კომპანია „მარშალ დეველოპმენტისთვის“ 2019 წელი იყო ყველაზე მნიშვნელოვანი წელი მისი არსებობის ისტორიაში. წელს საფუძველი ჩაეყარა რამდენიმე მნიშვნელოვან პროექტს. „დავიწყეთ „მარშალ გუდაურის“ პირველი ბლოკი,რომელიც მდებარეობს გუდაურის ცენტრში და მისი არქიტექტურიდან და სამშენებლო სპეციფიკიდან გამომდინარე, ვიმედოვნებთ,რომ იქნება გუდაურის ლენდმარკი. იგი წარმოადგენს აპარტჰოტელის ტიპის რეზიდენციას და იდეალურია საინვესტიციოდ.
გუდაური საქართველოს მოწინავე კურორტია, აქ ინვესტიციის გაწევა ყველაზე საინტერესოა, კონკურენციაც ნაკლებია და გაქირავების კუთხით, ფასი არ იცვლება. სხვა კურორტებზე, თუნდაც დედაქალაქში ფასი მერყეობს სხვადასხვა ვითარებიდან გამომდინარე, თუმცა გუდაურში ფასი სტაბილურია და ჩადებულ თანხას ძალიან მოკლე ვადაში იღებ. გვაქვს პატარა გეგმარების ბინები, ვაბარებთ რემონტით, ფასი დემოკრატიულია,თუმცა გუდაური, ზოგადად არ არის ის კურორტი,სადაც დაბალი ფასით გამოირჩევიან დეველოპერები,- აღნიშნავს ნუცა ხიდირბეგაშვილი. მისი თქმით, ბინები საშუალო შემოსავლების მქონე ადამიანებზეა გათვლილი.
პროექტი დაფინანსებულია სრულად თიბისი ბანკის მიერ, იპოთეკური სესხი მარტივი პროცესია, კარგი პირობებით. პროექტი ძალიან ლამაზია ვიზუალურად, მდებაორებს წამყვან ლოკაციაზე, აქვს sky in და sky out კონცეფცია. ერთ სივრცეშია მოქცეული უამრავი სხვა სივრცე, რომელიც კომფორტს უქმნის მობინადრეს.
ბოლო წლებია, საქართველოში მშენებლობის ბუმია დაწყებული, ფასებმა ბევრ რეგიონში დაიწია, თუმცა გუდაურზე ამას ვერ ვიტყვთ. ძალიან კარგია,რომ ამდენი დეველოპერი არსებობს, გვაქვს ჯანსაღი კონკურენცია, ყველა დეველოპერი ცდილობს,რომ თავისი ინდივიდუალური დიზაინითა და ხარისხით გამოიჩინოს თავი სხვა დეველოპერებისგან და უფრო კარგი პროდუქტი დადოს,- ამბობს ნუცა ხიდირბეგაშვილი.