დეველოპერები მერის განცხადებას K2 კოეფიციენტის მატების და გაყიდვის აკრძალვის შესახებ დადებითად აფასებენ

დეველოპერები მერის განცხადებას K2 კოეფიციენტის მატების და გაყიდვის აკრძალვის შესახებ დადებითად აფასებენ

access_time2019-02-15 18:00:34

დეველოპერები დედაქალაქის მერის ახალ  გადაწყვეტილებას, თბილისის ზოგიერთ ტერიტორიაზე მაღალსართულიანი შენობების მშენებლობის აკრძალვასთან დაკავშირებით, დადებითად აფასებენ. მათი აზრით, მრავალწლიანმა გამოცდილებამ აჩვენა, რომ დეველოპერულ ბაზარზე ერთიანი თამაშის წესები უნდა დამკვიდრდეს, რათა სამშენებლო ბიზნესი მეტად დარეგულირდეს და ჯანსაღი კონკურენცია იყოს. სამშენებლო სექტორის წარმომადგენლები მიიჩნევენ, რომ K2 კოეფიციენტის მატების აღკვეთა ფასებზე და მოთხოვნაზე გავლენას არ იქონიებს.


„ჯიდიჯი პლუსის“ დამფუძნებელ ბეჟან წაქაძის განცხადებით, მნიშვნელოვანია სამშენებლო ბიზნესში ერთიანი თამაშის წესების არსებობა, რადგან წარსულში კარგ მშენებლად მხოლოდ ის ითვლებოდა, ვინც მაღალ კოეფიციენტზე აკეთებდა სწორებას. წაქაძის თქმით, ახალი ინიციატივა ბაზარზე სიტუაციას დაარეგულირებს.


“K2 მატების და გაყიდვის აკრძალვის შემდეგ, არავის ექნება ილუზია, რომ მშენებლობის პროცესში კოეფიციენტს მოიმატებს. ბაზარი კონკრეტული კოეფიციენტის დადგენის საკითხს შეეჩვევა და პროცესიც დროთა განმავლობაში დარეგულირდება. არ მგონია ბიზნესი დაზარალდეს, რადგან ყველა ერთნაირ პირობებში აღმოჩნდება,“ - განაცხადა წაქაძემ.


ბიზნესმენი მიიჩნევს, რომ მომავალში, ბინების ყიდვისას, მომხმარებელს ადგილმდებარეობის და არქიტექტურის თვალსაზრისით, მრავალფეროვანი არჩევანის საშუალება ექნება, ხოლო მაღალსართულიანი შენობების განთავსება ქაოტურად აღარ მოხდება.


დეველოპერული კომპანია „ბინადარის“ დამფუძნებლის გოგა ტალახაძის განცხადებით, ახალი რეგულაცია მისაღებია, რადგან ინვესტორისთვის განსაზღვრული იქნება, სად რა უნდა აშენდეს. მისივე მოსაზრებით, ბინების ფასზე და მოთხოვნაზე ახალი რეგულაცია გავლენას არ იქონიებს.



„ეს დროული და სწორი ინიციატივაა, რადგან არ შეიძლება ყველგან მაღალი შენობის აშენება. კარგია, თუ ბაზარზე მდგომარეობა დარეგულირდება და K2 კოეფიციენტის მატება და გაყიდვა აღიკვეთება,“ - აღნიშნა გოგა ტალახაძემ.


თბილისის მერიის გადაწყვეტილებით, მშენებლობაზე აღიკვეთება K2 კოეფიციენტის  მატება და გაყიდვა. კახა კალაძის თქმით, კოეფიციენტის გადამეტების მავნე პრაქტიკამ ხელი შეუწყო ქალაქის დამახინჯებას. თბილისის მერის განცხადებით, სამშენებლო სექტორის წარმომადგენლებმა ეს ინიციატივა ძალიან სწორად გააანალიზეს. მერის განცხადებითვე, ის პრაქტიკა, რომელიც 2005 წლიდან იყო დამკვიდრებული, თბილისის მერიისა და საკრებულოს უმრავლესობის გადაწყვეტილებით, ერთხელ და სამუდამოდ დასრულდება.


ახალი რეგულაცია გავრცელდება ყველა ნებართვასა და გრგ-ზე, რომელიც რეგულაციის ამოქმედების მომენტიდან იქნება მიღებული წარმოებაში.


K2 გვიჩვენებს, თუ რა მოცულობის შენობის აგებაა დასაშვები, რაც გამოითვლება შემდეგნაირად: თუ მიწის ნაკვეთი 400 კვ.მ-ია, ნორმატიული K2 კი 1.8, საპროექტო K2-ს მივიღებთ : 400*1.8=720 კვ.მ (ესე იგი შენობის სართულების საერთო ფართი არ უნდა აღემატებოდეს 720 კვ.მ-ს.


ლიკა გურაბანიძე







„ოლიგოპოლიური ნიშნების მატარებელი, არაფორმალური ჯგუფების გავლენების მიერ მართული ბიზნეს გარემო -ბიზნესომბუდსმენის აპარატი გასაუქმებელია“

„ოლიგოპოლიური ნიშნების მატარებელი, არაფორმალური ჯგუფების გავლენების მიერ მართული ბიზნეს გარემო -ბიზნესომბუდსმენის აპარატი  გასაუქმებელია“
access_time2019-11-11 18:23:03
პარლამენტის დამოუკიდებელი დეპუტატი ლევან კობერიძე სოციალურ ქსელ „ფეისბუქში“ სტატუსს აქვეყნებს, რომელსაც „კომერსანტი“ უცვლელად გთავაზობთ: „ბიზნესომბუდსმენის აპარატი არის გასაუქმებელი - ეს არის ზედმეტი ხარჯი ქვეყნის ბიუჯეტისთვის და “ხელისუფლებასთან საქმის დალაგების” არსის მატარებელი სტრუქტურა - სიმართლე არის ეს! - თუ ქვეყანაში იქნება სამართლიანი, ღია, კონკურენტული გარემო და გამჭვირვალე ეფექტიანი ბიუროკრატია, ბიზნესომბუდსმენები საჭირო არიან - ამის...

„უკვე ვხედავთ მკაფიო ინტერესს პრინციპულად განსხვავებული ბაზრებიდან“ – Hotel Collection International-ის რეგიონალური ოფისის ხელმძღვანელი

„უკვე ვხედავთ მკაფიო ინტერესს პრინციპულად განსხვავებული ბაზრებიდან“ – Hotel Collection International-ის რეგიონალური ოფისის ხელმძღვანელი
access_time2019-11-11 19:30:30
“რუსული ემბარგოსგან გამოწვეული კრიზისი სამწუხაროდ კახეთში ვიგრძენით ძალიან მწვავედ”, აცხადებს Hotel Collection International-ის რეგიონალური ოფისის ხელმძღვანელი ქეთი მიქაშავიძე. თუმცა მისივე განმარტებით, ალტერნატიული ბაზრების ჩანაცვლებით სექტორმა გარკვეულწილად დანაკარგის მეტნაკლები დაბალანსება მოახერხა. „წლევანდელ სეზონთან დაკავშირებით მოლოდინი გვქონდა განსაკუთრებული, სხვადასხვა რეგიონში ველოდით უკეთეს შედეგებს ვიდრე სამწუხაროდ მივიღეთ. კახეთში მომუშავე...

„შეზღუდული მანდატის მიუხედავად, ლექვინაძე მხარეებისთვის სათქმელის სწორად მიწოდებას ახერხებდა“- ბიზნესის შეფასება

„შეზღუდული მანდატის მიუხედავად, ლექვინაძე  მხარეებისთვის სათქმელის სწორად მიწოდებას ახერხებდა“- ბიზნესის შეფასება
access_time2019-11-11 18:30:31
„ბატონ ირაკლი ლექვინაძესთან ყველა საკითხი, რომელიც ჩვენ გვინდოდა მიგვეტანა მივიტანეთ და მან კარგი კომუნიკატორისა და შუამავლის როლი შეასრულა.“ - ასე აფასებს კომპანია „ნატახტარის“კორპორაციულ საქმეთა დირექტორი ნიკიოლოზ ხუნძაკიშვილი ბიზნესობუდსმენის ირაკლი ლექვინაძის განვლილ საქმიანობას ბიზნესომბუდსმენის პოსტზე. როგორც ცნობილია, ირაკლი ლექვინაძემ და მისმა მოადგილემ ლევან...

ილონ მასკი: მთავარი ინჟნერიც რიგითი მუშა უნდა იყოს

ილონ მასკი: მთავარი ინჟნერიც რიგითი მუშა უნდა იყოს
access_time2019-11-11 20:30:20
SpaceX და Tesla-ს დამაარსებელი ილონ მასკი სან-ფრანცისკოში  კოსმოსური სტარტაპების გამოფენაზე   სიტყვით  გამოვიდა. ღონისძიების ორგანიზატორი აშშ-ს სამხედრო -საჰაერო ძალები და კოსმოსურ ინდუსტრიაში მომუშავე კონსალტინგური კომპანია Starburst Aerospace იყო . გამოფენაში მონაწილეობა  75-მა კოსმოსურმა სტარტაპმა მიიღო , რომელმაც ა თავისი პროდუქცია საინვესტიციო ფონდებს და სამხედროებს...

#იმოგზაურევისოლთანერთად - საქართველოს დაცულ ტერიტორიებზე მედია-ტური გაიმართა

#იმოგზაურევისოლთანერთად  - საქართველოს დაცულ ტერიტორიებზე მედია-ტური გაიმართა
access_time2019-11-11 15:00:01
„ვისოლ ჯგუფის“ და გარემოს დაცვისა და სოფლის მეურნეობის სამინისტროს დაცული ტერიტორიების სააგენტოს ორგანიზებით, საქართველოს დაცულ ტერიტორიებზე მედია-ტური გაიმართა. ტურში მონაწილეობა საქართველოში მოქმედი მედია-საშუალებების წარმომადგენლებმა, ბლოგერებმა და ინფლუენსერებმა მიიღეს. მედია-ტური ოთხივე სეზონზე საქართველოში შიდა ტურიზმის ხელშეწყობას და დაცული ტერიტორიების სააგენტოს და „ვისოლ ჯგუფის“ ერთობლივი პროექტის #იმოგზაურევისოლთანერთად ახალი ეტაპის ფარგლებში დაგეგმილი სოციალური მედია გათამაშების...


მსგავსი სიახლეები

up