კოოპერატივებით დაზარალებული ოჯახებისთვის ბინების მშენებლობა ბაზარზე კონკურენციას შექმნის

კოოპერატივებით დაზარალებული ოჯახებისთვის ბინების მშენებლობა ბაზარზე კონკურენციას შექმნის

access_time2018-05-16 16:00:40

კოოპერატივებით დაზარალებულ 3 ათასამდე ოჯახს მერია საცხოვრებელ ფართს გადასცემს. ეს განცხადება თბილისის მერმა კახა კალაძემ გააკეთა.

„კომერსანტი“ დაინტერესდა რას შეცვლის დეველოპერულ და სამშენებლო ბაზარზე მერის ახალი ინიციატივა.

სამშენებლოების ზოგიერთი წარმომადგენელი კონკურენციაზე საუბრობს.

 

დეველოპერული კომპანია GDG+ის დამფუძნებლი ბეჟან წაქაძის განცხადებით, ბაზარზე კონკურენცია თავისთავად იქნება, თუმცა ამ ეტაპზე მერიის მხრიდან გარკვეული დეტალების დაზუსტება უნდა მოხდეს.

 

„მერის მიერ გაკეთებული განცხადება თავისთავად ჰუმანურია, რადგან ის დაზარალებულებს ეხმარება. თუმცა ის დეველოპერები, ვინც სამშენებლო სამუშაოებში მონაწილეობას მიიღებენ თავისთავად ეს ბაზარზე კონკურენციას შექმნის. ამ ეტაპზე ძალიან ბევრი დეტალია გასარკვევი მაგალითად ის, თუ მერია როგორი ფორმით ჩაატარებს ტენდერს და მასში მონაწილეობას ვინ მიიღებს,“ - აღნიშნა წაქაძემ.



განსხვავებულ აზრზეა სამშენებლო კომპანია „ივერონის“ ერთ-ერთი დამფუძნებელი არჩილ ჯაყელი და მას მიაჩნია, რომ ტენდერებში მონაწილეობის მიღება მცირე კომპანიებმაც უნდა შეძლონ.


„ეს თემა აქტუალურია და საინტერესოა მერია როგორ დატვირთვას მისცემს, როგორი ფორმით მოხდება მშენებლობები და ის თბილისის იერსახეს რამდენად მოუხდება.  ასევე კარგი იქნება თუ მცირე კომპანიებს მიეცემათ ტენდერებში და მშენებლობაში მონაწილეობის უფლება, რათა ბაზარზე მათაც გაუჩნდეთ შანსი,“ - აღნიშნა ჯაყელმა.

 

მთავრობის სხდომის დაწყებამდე თბილისის მერმა კახა კალაძემ რამდენიმე მნიშვნელოვან საკითხზე გაამახვილა ყურადღება. ერთ-ერთი თემა, რასაც კახა კალაძე შეეხო ეს კოოპერატიევებით დაზარალებული 3 ათასამდე ოჯახია. მერის თქმით, 90-იანი წლებიდან მოყოლებული ეს ადამიანები ბინის გარეშე არიან დარჩენილები, ახლა კი დროა მათი დაკმაყოფილება მოხდეს.

 

„ესენი არიან სახლემწიფოს მიერ დაზარალებული ოჯახები, რომელთან თავის დროზე მთავრობას გადაუხადეს ფული ფართისთვის, თუმცა დღემდე საცხოვრებელი ბინის მოლოდინში არიან. ამიტომ, მივიღეთ გადაწყვეტილება ეს პრობლემა ჩემი მერობის პერიოდში სრულად მოგვარდეს. აღსანიშნავია ისიც, რომ  მიწის ნაკვეთები, რომელზეც  სახლების მშენებლობა უნდა განხორციელებულიყო, ნაციონალური მოძრაობის დროს პრივატიზირებულ იქნა სხვა პირებზე, თუმცა დღევანდელი გადაწყვეტილებით პრობლემა მაინც მოგვარდება“, - განმარტავს კალაძე.

 

მერის განცხადებით, სახლების მშენებლობისთვის პირველ ეტაპზე გამოიყოფა 16 ჰექტარი მუნიციპალიტეტის საკუთრებაში არსებული მიწა, რომელიც მინიმუმ 800 ოჯახს დააკმაყოფილებს. უახლოეს მომომავალში კი დაგეგმილია დამატებითი ისევ მუნიციპალიტეტის მიწების გამოყოფა. რაც შეეხება ოჯახების საცხოვრებელი ფართებით დაკმაყოფილების, რიგითობას, კახა კალაძის განცხადებით,  პრიორიტეტი სოციალურად დაუცველ ოჯახებს მიენიჭებათ.


ავტორი: ლიკა გურაბანიძე




გია ნოდია: ივანიშვილი აბუჩად იგდებს პრეზიდენტის ინსტიტუტს და "ოცნებას" არ ენოდბა

გია ნოდია: ივანიშვილი აბუჩად იგდებს პრეზიდენტის ინსტიტუტს და
person access_time2018-08-16 19:38:45
პოლიტოლოგი გია ნოდია აცხადებს, რომ ბიძინა ივანიშვილის გადაწყვეტილება რომ მმართველ პარტიას არ ჰყავდეს საკუთარი კანდიდატი საპრეზიდენტო არჩევნებზე ორმაგი აბუჩად აგდებაა. როგორც პოლიტოლოგი Facebook-ში წერს, ის ერთი მხრივ აბუჩად იგდებს პრეზიდენტის ინსტიტუტს, ხოლო მეორე მხრივ "ქართულ ოცნებას", რომელსაც უნდობლობას უცხადებს.   ბიძინა ივანიშვილის გადაწყვეტილება, არ დააყენოს კანდიდატი საპრეზიდენტო არჩევნებში, ორმაგი აბუჩად აგდებაა. ერთი მხრივ ის აბუჩად იგდებს პრეზიდენტის...

კომპანია „სფერო დეველოპმენტი“ „სვეტის“ წინააღმდეგ სამართლებრივ დავას იწყებს

კომპანია „სფერო დეველოპმენტი“  „სვეტის“ წინააღმდეგ სამართლებრივ დავას იწყებს
person access_time2018-08-16 18:31:58
 „სფერო დეველოპმენტი“, სამშენებლო კომპანია „სვეტის“ წინააღმდეგ, რომელთანაც მიმდინარე წლის მაისში ნასყიდობის  წინარე ხელშეკრულება გააფორმა, სამართლებრივ დავას...

პარლამენტს აზარტული თამაშების შესახებ კანონში ცვლილებები შეაქვს, მაგრამ მიღებას ისევ აჭიანურებს

 პარლამენტს აზარტული თამაშების შესახებ კანონში ცვლილებები შეაქვს, მაგრამ მიღებას ისევ აჭიანურებს
person access_time2018-08-16 20:00:00
ცოტა ხნის წინ საქართველოს პარლამენტის იურიდიულ საკითხთა კომიტეტის თავმდჯომარემ ლევან გოგიჩაიშვილმა „აზარტული თამაშების შესახებ“ კანონპროექტში მორიგი ცვლილებების შეტანა დაანონსა. როგორც ლევან გოგიჩაიშვილმა „კომერსანტს“ განუცხადა, აღმასრულებელ ხელისუფლებასთან უკვე შეთანხმებულია და მნიშვნლოვნად გადამუშავდება „ლატარიების, აზარტული და მომგებიანი თამაშობების მოწყობის შესახებ“ კანონში ცვლილებების საკანონმდებლო პაკეტი. ცნობილია, რომ  ცვლილებები პარლამენტის პლენარულ...

სებ: ლარი 3 თეთრით გამყარდა

სებ: ლარი 3 თეთრით გამყარდა
person access_time2018-08-16 16:53:00
...

შრომის უსაფრთხოების კონტროლს ეკონომიკური საქმიანობის ყველა სფერო დაექვემდებარება

შრომის უსაფრთხოების კონტროლს ეკონომიკური საქმიანობის ყველა სფერო დაექვემდებარება
person access_time2018-08-16 16:55:31
შრომის ინსპექტორის უფლებები გაიზრდება და  უსაფრთხოების კონტროლს  ეკონომიკური საქმიანობის ყველა სფერო დაექვემდებარება.  ეს იმას ნიშნავს, რომ 1 აგვისტოდან ამოქმედებული ნორმები მხოლოდ  მომეტებული საფრთხის შემცველ, მძიმე, მავნე და საშიშპირობებიან სამუშაოებზე არ...


მსგავსი სიახლეები

up