Deutche welle: როგორ აპირებს ევროკომისია ენერგოკრიზისის დაძლევას

Deutche welle: როგორ აპირებს ევროკომისია ენერგოკრიზისის დაძლევას

access_time2021-10-14 20:00:34

ევროკავშირში ენერგომატარებლებზე ფასების კატასტროფული ზრდის გამო სულ უფრო შფოთავენ. 13 ოქტომბერს ევროკომისიამ დაამტკიცა მისაღები ზომები, რომლებმაც ფასების ზრდის შედგები უნდა შეარბილონ და ასევე ენერგოსისტემა უფრო მდგრადი გახადონ.

 


პირველ რიგში ევროკომისია გაზის გაძვირების მიზეზებს ასახელებს. პირველია ენერგომატარებლებზე მოთხოვნის მკვეთრი ზრდა ეკონომიკის პოსტპანდემიური აღდგენის პირობებში. იმის გამო, რომ გაზი მნიშვნელოვან როლს ელექტროგენერაციაშიც ასრულებს, გაზთან ერთად ელექტროენერგიაც გაძვირდა.

 


კიდევ ერთი ფაქტორია ანომალურად ცივი ზამთარი და ასეთივე გაუსაძლისად ცხელი ზაფხული, რის გამოც გათბობის და გაგრილების სისტემების გამოყენების ზრდამ გაზსაცავების დაცარიელება გამოიწვია.

 


შესაბამისად, ევროკავშირში გაზის მარაგები ჩვეულებრივ სიტუაციასთან შედარებით ბევრად მცირეა - რეზერვუარები 78%- ითაა შევსებული, მაშინ, როდესაც ბოლო წლის მანძილზე ეს მაჩვენებელი 90%-ზე დაბლა არ ჩამოსულა.

 


ევროკომისიის დოკუმენტში რუსეთიც ნახსენებია, თუმცა, მაქსიმალურად ნეიტრალურად - ხაზგასმულია, რომ რუსეთის მხრიდან მოსალოდნელზე დაბალი მიწოდების მიუხედავად, „გაზპრომი“ ევროპელ პარტნიორების წინაშე აღებულ საკონტრაქტო ვალდებულებებს მთლიანად ასრულებს.

 


 მოსკოვისადმი პრეტენზია იმაშია, რომ ის ევროპას გაზის დამატებით რაოდენობას არ აწვდის, თუმცა აქვე აღნიშნულია, რომ ამას შესაძლოა საბაზრო ახსნა ჰქონდეს - გაზზე მოთხოვნა ბოლო თვეებში აზიაშიც გაიზარდა და იქ ბუნებრივი აირი უფრო მაღალ ფასში იყიდება.


 


ევროკომისია ასევე არ იზიარებს ბევრი ევროპელი პოლიტიკოსის მოსაზრებას, თითქოს რუსეთის მხრიდან ასეთი საქციელი „ჩრდილოეთის ნაკადი-2“-ის ამუშავების ნებართვის გაჭიანურების გამო შანტაჟია - დოკუმენტში ეს პროექტი ძალიან ფრთხილადაა ნახსენები „შესაძლო ანტიკონკურენტული ქცევის“ კონტექსტში.

 


ენერგეტიკის პრობლემის ერთადერთ ფუნდამენტურ გადაწყვეტად ბრიუსელში განახლებად ენერგიას მიიჩნევენ, თუმცა, აღიარებენ, რომ სუფთა ენერგიაზე გადასვლა ათწლეულების საკითხია.

 


არსებული კრიზისის გადასაწყვეტად ევროკომისიამ რამდენიმე მოკლე და საშუალოვადიანი ინსტრუმენტი წარადგინა. პირველ რიგში გეგმა მომხმარებლების და ბიზნესისთვის დახმარების გაწევას გულისხმობს - ზომებს შორისაა სოციალურად დაუცველი მოქალაქეებისთვის სუბსიდიების გამოყოფა.

 


მეორე ზომაა ენერგოკომპანიებისთვის გადასახადების შემცირება, რაც მათ ტარიფების დაწევის შესაძლებლობას მისცემს. ევროკომისია ასევე აუცილებლად მიიჩნევს მომხმარებლებს დაცვას ელექტრო და გაზმომარაგების პერიოდული შეწყვეტისგან.

 


ევროკავშირი ასევე აპირებს გაზის მიღების გაზრდას რამდენიმე ქვეყნიდან - კონკრეტული ქვეყნები ნახსენები არაა - ნორვეგიის გარდა.

 


საშუალოვადიან ზომებს შორისაა გაზის შენახვის ეფექტურობის ზრდა და ქვეყნებს შორის საცავებთან მეტი წვდომა - მაგალითად, ზოგიერთ ქვეყანაში შეიძლება საცავები სავსე იყო, მეორეში კი - ბოლომდე დაცლილი.

 


ევროკომისია ასევე განიხილავს გაზის მარაგის შექმნისთვის ერთიანი შესყიდვების შესაძლებლობას და ენერგიის შენახვის ტექნოლოგიების განვითარების სტრატეგიას.

 


ბრიუსელში სწრაფ შედეგებს არ ელოდებიან - მოკლევადიან პერსპექტივაშიც კი, ევროკომისიის ვარაუდით, გაზი უკეთეს შემთხვევაში 2022 წლის აპრილში გაიაფდება.

 

dw.com





ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო

ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო
access_time2021-10-21 11:55:49
ტერაბანკმა მცირე და საშუალო ბიზნესის დაფინანსებისთვის ევროპის საინვესტიციო ბანკისგან 6 მილიონი ევრო მიიღო. თანხა მთლიანად ამ სეგმენტის გაჯანსაღებასა და განვითარებას, COVID-19-ის პანდემიით გამოწვეული ზიანის შემცირებასა და სწრაფ რეაბილიტაციას მოხმარდება.   სესხი ევროპის საინვესტიციო ბანკის მცირე და საშუალო ბიზნესის განვითარების ინიციატივის ნაწილია, რომელიც საქართველოში ამ სეგმენტისთვის დაფინანსების ხელმისაწვდომობისა და ადგილობრივი საბანკო სექტორის...

„კრისტალმა“ ბიზნეს პროცესების მართვის ახალი სისტემა დანერგა

„კრისტალმა“ ბიზნეს პროცესების მართვის ახალი სისტემა დანერგა
access_time2021-10-21 09:55:18
ფინანსური ჩართულობის ორგანიზაცია „კრისტალი“ ციფრული ტრანსფორმაციისკენ მნიშვნელოვანი ნაბიჯების გადადგმას აგრძელებს. სწორედ ამ სტრატეგიის ნაწილს წარმოადგენს ძირითადი ბიზნეს პროცესების მართვის ახალი სისტემა - „ალტას“ პროგრამული უზრუნველყოფა, რომლის დანერგვაც კომპანიამ წარმატებით დაასრულა. „ალტას“ პროგრამული უზრუნველყოფა, რომლითაც მანამდე არსებული ძირითადი ბიზნესპროცესების მართვის სისტემა ჩანაცვლდა, გაცილებით მოქნილი და საბანკო სფეროში აპრობირებულია...

დღის TOP10 საინტერესო ამბავი

დღის TOP10 საინტერესო ამბავი
access_time2021-10-20 21:00:05
დღის TOP10 საინტერესო ამბავი:     1. ინტერნეტ–გადახდების რაოდენობა 100%-ით გაიზარდა - როგორ შეცვალა პანდემიამ მომხმარებლის ქცევა კოვიდ პანდემიის ფონზე საბარათე ოპერაციებისა და ბარათით გადახდების მაჩვენებლები რადიკალურად შეიცვალა, რადგან პანდემიის დასაწყისში ვირუსის შემანელებელ ერთ-ერთ ფაქტორად...

აფხაზეთში მაინერების ამოღება ელექტროენერგიის მოხმარებას 5-7%-ით შეამცირებს

აფხაზეთში მაინერების ამოღება ელექტროენერგიის მოხმარებას 5-7%-ით შეამცირებს
access_time2021-10-20 19:00:27
ბოლო 2-3 წელია, აფხაზეთის დე-ფაქტო მთავრობა კრიპტოვალუტის მაინინგს ებრძვის და რამდენიმე ათასი ერთეულის ამოღება ოფიციალურადაც დაადასტურა. თუმცა ქართველი ენერგეტიკოსები ამ პროცესის მიმართ უნდობლობას აშკარად ამჟღავნებენ. ენერგეტიკოს გია არაბიძეს აღსრულების მექანიზმი სუსტი ეჩვენება. თუმცა ოკუპირებულ რეგიონში მაინინგის ამოღების ფაქტების საფუძველზე ასკვნის, რომ აფხაზეთს შესაძლებლობა აქვს ენერგომოხმარება 5-7%-ის ფარგლებში შეამციროს. ,,მაინინგს აფხაზეთი ებრძვის...

ლუკოილის შეთავაზება მომხმარებლებს

ლუკოილის შეთავაზება მომხმარებლებს
access_time2021-10-20 16:55:36
ლუკოილი იმ გლობალური კომპანიების მცირე ჯგუფს მიეკუთვნება, რომელიც უკვე ხანგრძლივი პერიოდია ოპერირებს ქართულ ბაზარზე და მომხმარებელიც კარგად იცნობს. სწორედ ლუკოილი იყო პირველი ნავთობკომპანია, რომელმაც ქართულ ბაზარზე უმაღლესი ხარისხის ევრო 5 სტანდარტის საწვავი შემოიტანა. ხარისხის მაღალ სტანდარტთან ერთად ლუკოილ ჯორჯიას მუდმივად გამოარჩევს ხელმისაწვდომი ფასები, რაც საწვავის ფასების საერთო მატების ფონზეც კი შესამჩნევია და მომხმარებლის კეთილგანწყობას იმსახურებს.   ლუკოილ...


მსგავსი სიახლეები

up