ოფისების ნაცვლად სახლებიდან მუშაობა კლიმატის დაცვის იდეალურ საშუალებადაა მიჩნეული - ნაკლები ტრანსპორტი, ნაკლები მივლინებები..

თუმცა, ეს ასე მხოლოდ ერთი შეხედვითაა...

პანდემიის გამო მილიონობით ადამიანი ონლაინ-რეჟიმში გადავიდა - მივლინებები, მოხსენებები, კონსულტაციები - ეს ყველაფერი ან საერთოდ გაუქმდა, ან დისტანციურ ფორმატში გადავიდა.

ავიაგადაზიდვები, რომლებზეც СО2-ის ატმოსფეროში გამოყოფის 2% მოდის, 85%-ით შემცირდა. ეკოლოგები ზეიმობენ, და დარწმუნებულები არიან, რომ გრძელვადიან პერსპექტივაში ონლაინ-საქმიანობა შესაძლოა ერთგვარი პანაცეა გახდეს კლიმატისთვის.

მარგამ ყველაფერი ასე მარტივად არაა - ინტერნეტ-აქტიურობაც თავის ეკოლოგიურ კვალს ტოვებს.

კვლევითი ცენტრის The Shift Project-ის მონაცემებით, მხოლოდ ონლაინ-ვიდეოს ყურება წელიწადში 300 მლნ. ტონა СО2 გამოყოფს - ეს გლობალური დაბინძურების 1%.

პორნოსაიტების დათვალიერება ჰაერში იმდენივე СО2-ს გამოყოფს, რამდენსაც სრულფასოვანი ეკონომიკურად განვითარებული ქვეყანა, მაგალითად, ბელგია.

ექსპერტების შეფასებით, 2025 წლისთვის ჰაერის დაბინძურებაში ციფრული ტექნოლოგიებს წილი 8%-ს მიაღწევს.

ელექტრონული წერილებიც ისეთი უწყინარი არაა, როგორც ერთი შეხედვით ჩანს - ერთი ელექტრონულ წერილი 4 გრამ СО2-ს გამოყოფს.

დისტანციურ მუშაობაზე გადასვლის გამო ელექტრონული კომუნიკაციების მნიშვნელობა მკვეთრად გაიზარდა.

მარკეტინგული კომპანია Hubspot-ს მონაცემებით, ბრიტანულმა კომპანიებმა ელექტრონული ფოსტით 2% მეტ წერილს აგზავნიან, ვიდრე პანდემიამდე, ეს კი ეკობალანსზე უარყოფითად მოქმედებს.

გამოდის, რომ სახლის ოფისი მაინც და მაინც მწვანე არ ყოფილა.

პროგრამისტის ჯერი მაკგოვერნის თქმით, 1 საათიანი ონლაინ-თათბირი 250 დღის მანძილზე 3 კგ. СО2-ს გამოყოფს. ჩვეულებრივი აუდიოზარი ატმოსფეროში 8 გრამ СО2-ს უშვებს, ხოლოდ ვიდეოზარი - 1,1 კგ.-ს/

„სამუშაო სახლიდან კარგია, თუ ის ამცირებს ხანგძლივი მივლინებების რაოდენობას. მაგრამ თუ ამ დროს სახლში გათბობა ან კონდიციონერია ჩართული, და მთელი დღე კომპიუტერი მუშაობს - სახლიდან მუშაობა ეკოლოგიური თვალსაზრისით უარესია ვიდრე სახლიდან სამსახურში ყოველდღიურად სიარული“ - მიიჩნევს მკვლევარი ბერნარ ლი.

კონდიცირებაზე მსოფლიო ენერგეტიკის დანახარჯების 10% მოდის. თუ ადამიანები სახლიდან მუშაობას გააგრძელებენ - მოთხოვნა კონდიცირებაზეც გაიზრდება.

გამოდის მოჯადოებული წრე.

საბოლოო ჯამში, ეს ენერგოეფექტურობის საკითხია - თუ კომპიუტერები, მონაცემთა ბაზები, გათბობა, და კონდიცირება „ბინძურ’ ენერგიაზე მუშაობს დისტანციური მუშაობა ბუნებისთვის ისეთივე მავნე იქნება, როგორც ავიაგადაფრენები.