ნავთობზე მოთხოვნის მკვეთრმა ვარდნამ შავი ოქროს შენახვის ადგილების დეფიციტი გამოიწვია - ამ დროისთვის, მსოფლიოში არსებული შემნახველი რეზერვუარების მხოლოდ 23%-ია თავისუფალი.

თანაც, ეს იმის გათვალისწინებით, რომ ნედლეულს უკვე არა მხოლოდ მისთვის შექმნილ საცავებში, არამედ ტანკერებშიც ინახავენ - ეს უპრეცედენტო შემთხვევაა, რადგანაც აქამდე ტანკერები როგორც ნავთობსაცავები ჯერ არავის გამოუყენებია.

ნავთობის საერთაშორისო ბაზარი საგანგებო მდგომარეობაშია. საერთაშორისო ენერგეტიკული სააგენტოს მონაცემებით, მოთხოვნა შემცირდა მესამედით, დღე-ღამეში კი 20-30 მლნ. ბარელი ჭარბი ნავთობი მოიპოვება.

ამიტომაც, რეზერვუარები სწრაფად ივსება - ანალიტიკური კომპანიის Kpler-ს მონაცემებით, სახელმწიფო ნავთობსაცავებში ამ დროისთვის დარჩენილია თავისუფალი ადგილი 368 მლნ. ბარელისთვის, ხოლო კომერციულებში - კიდევ 902 მლნ.

ჩვეულებრივ სიტუაციაში ეს შეადგენს გლობალური ნავთობმოპოვების 2კვირის მოცულობას.

დღეისთვის ყველაზე მეტი თავისუფალი ადგილი ნავთობსაცავებში აშშ-ს და ჩინეთს აქვთ - მათი ჯამური ტევადობაა 100 მლნ. ბარელი.

40 მლნ. ბარელის მიღება იაპონიას და სამხრეთ აფრიკას შეუძლიათ, და კიდეც 20 მლნ.-ის საუდის არაბეთს, სამხრეთ კორეას, კანადას, ინდოეთს, ემირატებს, ბრიტანეთს და იტალიას.

„თუმცა, ეს შეფასებითი მოცულობებია. თანამგზავრული ფოტოგადაღება რეზერვუარების გადავსებაზე მეტყველებს. საცავების შევსების ტემპები წარმოუდგენლად გაიზარდა -იანვარში საცავებში საშუალოდ შედიოდა დღე-ღამეში 3,3 მლნ. ბარელი, ხოლო აპრილში 3,5 მლნ. თავისთავად ზრდა ერთი შეხედვით კატასტროფულია, მაგრამ ამ დროს უკვე არსებული ნავთობი არ იხარჯება. სწორედ ამიტომ ივსება საცავები - მეტი ნავთობი მოდის ვიდრე მიდის. ბალანსი დაირღვა“- ამბობს Kpler-ის ექსპერტი ჰენრიხ ბუტი,.

მისი თქმის ასევე 100-დან 150 მლნ. ბარელამდეა გაზრდილი ნავთობის მარაგები ტანკერებში.

„ტანკერები მცურავი საცავების როლში ძალიან აქტიურად გამოიყენება, რადგანაც ხმელეთზე არსებული საცავები ან სავსეა, ან უკვე დარეზერვებულია. ძალიან დიდი პრობლემები აქვთ იმათ ვინ ნავთობს მოიპოვებს, მაგრამ შენახვის პრობლემაზე წინასწარ არ იზრუნა.მათ მოუწევთ დიდი ფულის გადახდა, ისიც იმ შემთხვევაში თუ ისინი მოახერხებენ რეზერვუარებში თავისუფალი ადგილების მოძიებას“ - მიიჩნევს ბუტი.

მისი თქმით, ბოლო 2 კვირის მანძილზე ფასები ნავთობასაცავებში და ტანკერებში ნედლეულის განთავსებაზე, თითქმის გაორმაგდა. სიტუაციის გაუმჯობესება არაა მოსალოდნელი.

გაურკვეველია, რამდენად მოახერხებენ ნავთობმომპოვებელი ქვეყნებში წარმოების შემცირებას.

„ხშირად, შეთანხმებების მიუხედევად, ისეთი ქვეყნები, როგორც რუსეთი და საუდის არაბეთი, შეთანხმებულზე მეტ ნავთობს მოიპოვებდნენ. დღესაც ასეა. მაგალითად, ბოლო კვირის მანძილზე საუდის არაბეთს საერთაშორისო ბაზარზე დღეში 10 მლნ. ბარელი ნავთობი გამოჰქონდა. ეს ბევრად მეტია, ვიდრე 7 მლნ. რომელსაც ეს ქვეყანა 2020 წლის პირველ თვეებში ყიდდა“ - ამბობს ექსპერტი.