„ცოტა რთული ამოცანა დამისახეთ. თუ მკითხავთ კონკრეტულ კანონს, გეტყვით რამდენად აქვს საზოგადოების კეთილდღეობაზე პირდაპირი ასახვა“

„ცოტა რთული ამოცანა დამისახეთ. თუ მკითხავთ კონკრეტულ კანონს, გეტყვით რამდენად აქვს საზოგადოების კეთილდღეობაზე პირდაპირი ასახვა“

access_time2019-02-11 09:00:05


"2018 წელს 705 კანონი მივიღეთ, თითოეული კანონი იქმნებოდა მოსახლეობაზე ზრუნვით, თითოეულ ოჯახში კეთილდღეობის შეტანის სულისკვეთებით", -  განაცხადა რამდენიმე დღის წინ პარლამენტის თავმჯდომარემ ირაკლი კობახიძემ 2019 წლის საგაზაფხულო სესიის გახსნისას.


„კომერსანტი“ დაინტერესდა და „ქართული ოცნების“ დეპუტატებს მიმართა, დაესახელებინათ ამ 705 კანონიდან სამი კონკრეტული კანონი, რომელიც მოსახლეობის კეთილდღეობისკენ იყო მიმართული.  


 ჯანმრთელობის დაცვისა და სოციალურ საკითხთა კომიტეტის თავმჯდომარე აკაკი ზოიძეს არ გასჭირვებია 705 კანონიდან 3 კანონის გამოყოფა.

„კანონი შრომითი უსაფრთხოების შესახებ და დაგროვებითი პენსიის შესახებ — უცებ ეს ორი კანონი გამახსენდა. ვფიქრობ, რომ ძალიან ბევრ ადამიანს მოუტანს კეთილდღეობას. ჩემს სფეროში მახსენდება კანონი პალიატიური მზრუნველობის შესახებ, რომელიც ქრონიკული დაავადებების მქონე ადამიანების ცხოვრების ხარისხს გააუმჯობესებს. არსებობს სახელმწიფო ბიუჯეტის შესახებ კანონი, სადაც ბევრი ცვლილება მივიღეთ, შესაბამისად, აღმოიფხვრება სიღარიბე ბავშვებში - ეს 2019 წელს მოხდება რადგან,  50-ლარიანი დახმარების გაცემა დაიწყება. რს იქნება იმის საწინდარი, რომ აღარ არსებობდეს უკიდურესი სიღატაკე. ბიუჯეტში არის ქრონიკული ავადმყოფების პროგრამა, რომელიც 50-მდე გაზრდის იმ წამლების დასახლებას, რომლებიც ხელმისაწვდომი იქნება სიმბოლურ ფასში ან ნახევარ ფასად, იმისდა მიხედვით, რომელ კატეგორიას მიეკუთვნებიან. მაგალითად, პენსიონერებს თვეში პენსიის მესამედი ეხარჯებათ მედიკამენტებში, პრაქტიკულად, ეს ნიშნავს, რომ პენსიის მესამედი მოემატათ, რადგანაც ეს ხარჯი აღარ ექნებათ. ეს ცვლილება,  პირველი იანვრიდან აისახება მოსახლეობის კეთილდღეობაზე,“ - აცხადებს აკაკი ზოიძე.


ევროპასთან ინტეგრაციის  კომიტეტის თავმჯდომარეს  თამარ ხულორდავა აცხადებს, რომ 2018 წელს საკანონმდებლო ორგანოში ძალიან ბევრი კანონი მიიღეს და ყველა კანონს აქვს მოსახლეობაზე პრაქტიკული ასახვა. აქედან გამომდინარე, სამი კონკრეტული კანონის დასახელება უჭირს.


 „არ მინდა ნაკლებად მნიშვნელოვანი კანონი ვთქვა და უფრო მნიშვნელოვანი გამომრჩეს. რა თქმა უნდა, ძალიან მნიშვნელოვანი იყო საპენსიო რეფორმა, თავისი მნიშვნელობით, მგონია, რომ ის არის ყველაზე წონადი. შეიძლება, დღეს და ხვალ საზოგადოების კეთილდღეობა არ გამოიწვიოს, მაგრამ გრძელვადიან პერსპექტივაში მოსახლეობაზე დადებითად აისახება. 



 ძალიან მნიშვნელოვანი იყო ასევე ოკუპირებულ ტერიტორიაზე ჩვენი მოსახლეობის მეტი ჩართულობის უზრუნველსაყოფად მიღებული ინიციატივა, რომელსაც საზოგადოება იცნობს სახელწოდებით - ნაბიჯი უკეთესი მომავლისკენ. ეს არის ინიციატივა, რომელიც ხელს უწყობს იმას, რომ ხელოვნური ბარიერით გახლეჩილი საზოგადოება ბოლომდე არ მოწყდეს ერთმანეთს,“ — განაცხადა თამარ ხულორდავამ.


-  საპენსიო რეფორმაზე ამბობთ, რომ მომავალში აისახება მოქალაქეების ცხოვრებაზე, მაგრამ თუ შეგიძლიათ დაგვისახელოთ გასულ წელს მიღებული ისეთი კანონები, რომლებმაც უკვე მოახდინეს გავლენა მოსახლეობის კეთილდღეობაზე?


 „ცოტა რთული ამოცანა დამისახეთ. თუ მკითხავთ კონკრეტულ კანონს, გეტყვით რამდენად აქვს საზოგადოების კეთილდღეობაზე პირდაპირი ასახვა.


 ვიტყოდი იმას, რომ  2018 წელს ამოქმედდა რეგულაციები თუნდაც ავტომობილის ტექნიკური დათვალიერების შესახებ. ეს რეგულაციები ნამდვილად უკეთესობისკენ შეცვლის ჩვენ ქალაქში არსებულ მდგომარეობას, რადგან ერთი მხრივ, უსაფრთხოებას შეუწყობს ხელს და, მეორე მხრივ, გარემოსთან დაკავშირებული სერიოზული პრობლემებისგან დაგვიცავს.


 გარდა ამისა, იყო საგადასახადო კუთხით გარკვეული ინიციატივები, რომლებიც მცირე ბიზნესის წახალისებისკენ და საგადასახადო წნეხის მოხსნისკენ იყო მიმართული. ვფიქრობ,  ესეც ძალიან მნიშვნელოვანი იყო და შეიძლება ვთქვათ, რომ უკვე აისახება იმ ადამიანებზე,  ვინც კერძო სექტორში არიან დასაქმებულები.


ერთ-ერთი მნიშვნელოვანი პროექტი არის შრომის უსაფრთხოების საკითხები, რაც ყველა სფეროსთვის ვერ მოწესრიგდა, მაგრამ მძიმე, საშიშ და მავნე პირობიან ნაწილში მაინც მნიშვნელოვანი ნაბიჯი გადაიდგა და 2019 წელს შემდეგი ნაბიჯები მოჰყვება,“ - აცხადებს თამარ ხულორდავა.



„ქართული ოცნების“ დეპუტატიი რაკლი მეზურნიშვილი:   „პირველი, რაც მახსენდება, ეს არის სამართლიანი თამაშის წესების შემოღება კომერციული ბანკებისთვის. დარეგულირდა ზოგადად ზედა ჭერი, რომელიც მოხსნილი იყო ჯერ კიდევ 2007 წელს.  მნიშვნელოვანი იყო შრომის უსაფრთხოების კუთხით შემოღებული რეგულაციები. ძალიან ბევრი ტრაგიკული შემთხვევა გვქონდა.  ასევე მნიშვნელოვანია საჯარო სამსახურის შესახებ კანონი, რომელიც არეგულირებს და იცავს ადამიანის უფლებებს და ზოგადად, ახალი კონსტიტუცია უმნიშვნელოვანეს როლს შეასრულებს ჩვენი ქვეყნის წინსვლაში, რაც, საბოლოო ჯამში, აისახება მოსახლეობის კეთილდღეობაზე.“



ბაჩო ადამია





ჩვენი ხელისუფლება აშშ-ს მუდმივად ატყუებს,ისინი ყველაფერს ძალიან კარგად ხედავენ- ფრონტერა

ჩვენი ხელისუფლება  აშშ-ს  მუდმივად ატყუებს,ისინი ყველაფერს ძალიან კარგად ხედავენ- ფრონტერა
access_time2020-07-08 17:00:38
 „ჩვენი ხელისუფლება მუდმივად ატყუებს აშშ-ს და ისინი ყველაფერს ძალიან კარგად ხედავენ. ეკონომიკის მინისტრმა ამერიკის ელჩს შეხვედრაზე უთხრა, რომ 34 პროცენტითაა გაზრდილი ამერიკული ინვესტიციები საქართველოში. თუმცა, ამ ამერიკულ კომპანიებში ჩამოთვლილია რატომღაც ქართული ტელეკომპანია   POSTV და  სხვა კომპანიები, რომელთა 90 პროცენტი შექმნილია ირანული კაპიტალით საქართველოში. არანაირი ინვესტიციები არ გაზრდილა ჩვენს ქვეყანაში და  რაც დრო გადის მეტი სიცხადე შედის...

შემოსავლიანი სექტორები ბანკებისთვის

შემოსავლიანი სექტორები ბანკებისთვის
access_time2020-07-08 16:00:33
2019 წელი საქართველოს საბანკო სისტემისთვის მნიშვნელოვანი გარდაქმნების პერიოდი იყო. პასუხისმგებლობიანი დაკრედიტების სისტემის ამოქმედებამ, რომელიც 2020 წლის აპრილში ნაწილობრივ შემსუბუქდა, ძირეულად შეცვალა ის მოდელი, რომელიც მოქალაქეთა დაკრედიტების მიმართულებით წლების განმავლობაში არსებობდა. შემოსავლების დადასტურების გამკაცრებული მოთხოვნების და PTI კოეფიციენტების განსაზღვრას ქვეყანაში საცალო სესხების ზრდის ტემპის ვარდნა მოჰყვა. ზოგიერთი კატეგორიის საცალო სესხების პორტფელი...

საცურაო აუზები გასახსნელად ემზადებიან - შეზღუდვები ღირებულებაზე აისახება

საცურაო აუზები გასახსნელად ემზადებიან - შეზღუდვები ღირებულებაზე აისახება
access_time2020-07-08 15:00:41
„საცურაო აუზებში 6 კვ/მ-ზე დაშვებულია მხოლოდ ერთი ადამიანი, აუზებში/ აბაზანებში აუცილებელია წყლის ცვლა, ლაბორატორიული კონტროლი 10 დღეში ერთხელ, დისტანცია შეზლონგებს შორის“ - ამ და სხვა რეკომენდაციებით აუზები შემოწმების შემდეგ უახლოეს დღეებში ფუნქციონირებას ეტაპობრივად იწყებენ.  ჯანდაცვის სამინისტრომ ახალი კორონავირუსით გამოწვეულ COVID-19-თან დაკავშირებით...

მთავრობამ გამოგვირეცხა ტვინი, რომ უკეთ გაგვაკონტროლოს-ფადი ასლი

 მთავრობამ გამოგვირეცხა ტვინი, რომ უკეთ გაგვაკონტროლოს-ფადი ასლი
access_time2020-07-08 13:20:04
საერთაშორისო სავაჭრო პალატის საბჭოს თავმჯდომარე ფადი ასლი  განცხადებას ავრცელებს და ქვეყნის მოქალაქეებს მიმართავს. „კომერსანტი“ მას უცვლელად გთავაზობთ:  „ღია წერილი ქართველ ხალხს ჩემო თანამემამულენო, მე გწერთ დამწუხრებული გულით; ამ წლის მარტიდან მოყოლებული ათასობით თქვენგანმა დაკარგა სამსახური, დახურა ბიზნესი, დაიხრჩო ვალებში და ოჯახის შენახვის საშუალება აღარ გაქვთ. ეს ყველაფერი ხდება ვირუსის გამო, რომელიც უარეს შემთხვევაში მოსახლეობის 0.05%ს კლავს და მათთვის...

შპს „ყვარლის ედემის“ ადმინისტრაციამ „ქართულ ოცნებას“ მარტში 65 000 ლარი შესწირა

შპს „ყვარლის ედემის“ ადმინისტრაციამ „ქართულ ოცნებას“  მარტში 65 000 ლარი შესწირა
access_time2020-07-08 13:01:37
შპს „ყვარლის ედემის“ მფლობელებმა და დირექტორმა 2020 წლის 20 და 23 მარტს „ქართულ ოცნებას” ჯამში 65,000 ლარი შესწირეს და რამდენიმე დღეში საქართველოს ტურიზმის ეროვნული ადმინისტრაციისგან გამარტივებული შესყიდვის გზით 277,300 ლარიანი კონტრაქტი მიიღეს. ამის შესახებ „საერთაშორისო გამჭირვალობა საქართველოს“ კვლევაშია აღნიშნული.  „სასტუმროს 2013-2019 წლებში 400,000 ლარის ღირებულების გამარტივებული სახელმწიფო შესყიდვის კონტრაქტები აქვს გაფორმებული, თუმცა აქამდე...


მსგავსი სიახლეები

up