დეპუტატები ადასტურებენ ტაბულას ინფორმაციას, რომ კენჭისყრამდე ივანიშვილის გზავნილი მიიღეს

დეპუტატები ადასტურებენ ტაბულას ინფორმაციას, რომ კენჭისყრამდე ივანიშვილის გზავნილი მიიღეს

access_time2019-02-22 15:30:45

საპარლამენტო უმრავლესობის წევრები, ნუკრი ქანთარია და მამუკა მდინარაძე ადასტურებენ ტაბულას მიერ გავრცელებულ ინფორმაციას, რომ უმრავლესობის წევრებმა პარტიის ხელმძღვანელობისგან მიიღეს მესიჯი, არ დაეჭირათ მხარი ეკა ბესელიას კანონპროექტისთვის მოსამართლეების უვადოდ დანიშვნის 2024 წლამდე გადატანის შესახებ.


თქვენ ვინ გითხრათ, არ ვიცი. წავიკითხე, სადაც უნდა მოსულიყო. რახან თქვენ გაქვთ, ე.ი მოგონილი არ არის. წერილის გავრცელება სწორი არ მგონია. არ არის ეს მიზანშეწონილი, შიდა არის ესა და ის, რომ მოხვდა თქვენთან, ესეც არასწორია. ივანიშვილი წერილში არ ფიგურირებდა. უმრავლესობის ლიდერი თვითონ მივლინებაში იყო, - უთხრა ნუკრი ქანთარიამ ტაბულას.


მამუკა მდინარაძე კი ამბობს:


“რა არის ამაში უცნაური, როდესაც პოლიტიკური ხელმძღვანელობა პარტიაში ამბობს, რომ თუ არაკონსტიტუციურ კანონს მხარს უჭერთ, თუ არარაციონალურ, მიზანშეუწონელ და ისეთ კანონს მხარს უჭერთ, რომ დაანგრევს საერთოდ ერთერთ შტოს ხელისუფლების ზოგადად და აქ არის სასამართლო ხელისუფლებაზე საუბარი, ასეთი კანონის მხარდაჭერა თან იმ პირობებში, როდესაც საუბარია პარტიის გადაწყვეტილებაზე, რომ მსგავს კანონებს და მსგავს ანსტიკონსტიტუციურ ქმედებებს არ მივყოთ ხელი, მე მგონი, ამაში უცნაური არაფერი არ არის რა მნიშვნელობა აქვს (ვისგან მივიღეთ მესიჯი), შეიძლება, მე ვყოფილიყავი, ბიძინა ივანიშვილი ჩვენს ჩატში არ არის.



ტაბულას ინფორმირებული წყაროს ინფორმაციით, პარლამენტის თავმჯდომარემ ირაკლი კობახიძემ უმრავლესობის დეპუტატებს ბიძინა ივანიშვილის სახელით მესიჯი გაუგზავნა. მასში წერია, რომ ეკა ბესელიას ინიცირებული კანონპროექტის მხარდაჭერა ქართული ოცნების და საპარლამენტო უმრავლესობის დატოვებას ნიშნავდა.


კონსტიტუციისა და პოლიტსაბჭოს პოზიციის საწინააღმდეგო გადაწყვეტილების მხარდაჭერა, მით უმეტეს იმ პარტიასთან კონსენსუსით, რომელიც ჩვენ ყველამ ერთად ჩავაბარეთ წარსულს 2012 წელს, არის კონსტიტუციისა და პარტიის წინააღმდეგ გადადგმული ნაბიჯი. შესაბამისად, კანონპროექტის მხარდაჭერა ნიშნავს გადაწყვეტილების მიღებას პარტიისა და საპარლამენტო უმრავლესობის რიგების დატოვების შესახებ - წერია მესიჯში, რომელიც ტაბულას წყარომ მიაწოდა.


ბესელიას და ოცნების დეპუტატების ნაწილის კანონპროექტს მოსამართლეების შესახებ პარლამენტმა მხარი არ დაუჭირა. 45 იყო მომხრე, 17 წინააღმდეგი. ამის გამო, ეკა ბესელიამ დღეს ქართული ოცნება და საპარლამენტო უმრავლესობა დატოვა.


ეკა ბესელია და კიდევ 8 დეპუტატი ითხოვდა, რაიონულ და სააპელაციო სასამართლოებში მოსამართლეების უვადოდ გამწესება 2025 წლამდე გადადებულიყო. ამ პოზიციას საპარლამენტო უმრავლესობის 8 წევრი იზიარებდა: ეკა ბესელია, ლევან გოგიჩაიშვილი, გედევან ფოფხაძე, ოთარ ჩრდილელი, ზვიად კვაჭანტირაძე, კობა ნარჩემაშვილი, ალექსანდრე ერქვანია, ლევან კობერიძე, ასევე, ფრაქცია საქართველოს პატრიოტების წევრი დავით ჭიჭინაძე.



ტაბულა




მაჭავარიანი: ბევრი ევროპული ქვეყანა ისურვებდა, ვალის ასეთი დაბალ მაჩვენებელს

მაჭავარიანი: ბევრი ევროპული ქვეყანა ისურვებდა, ვალის ასეთი დაბალ მაჩვენებელს
access_time2019-11-15 14:30:45
„დღეის მდგომარეობით, მთლიან შიდა პროდუქტთან მიმართებაში ვალი 45 პროცენტია. 41 პროცენტიდან ზრდა კურსის ვარდნამ გამოიწვია“, – ეს განცხადება საქართველოს ფინანსთა მინისტრმა ივანე მაჭავარიანმა,პარლამენტის სხდომაზე 2020 წლის ბიუჯეტის წარდგენისას გააკეთა. მისი თქმით, ბევრი ევროპული ქვეყანა ისურვებდა, საქართველოს მსგავსად ვალის ასეთი დაბალი მაჩვენებელი ჰქონდეს: „რამდენად საგანგაშოა ამჟამად არსებული ვალის ნიშნული? ჩვენ ვამბობთ, რომ ეს ნიშნული არ არის...

„არცერთ სტრუქტურას პასუხი არ აქვს“ -ცნობილი ექიმი მე-6 დღეა ტყვეობაშია

„არცერთ სტრუქტურას პასუხი არ აქვს“ -ცნობილი ექიმი  მე-6 დღეა  ტყვეობაშია
access_time2019-11-15 16:00:13
საოკუპაციო ხაზთან ცნობილი ტრავმატოლოგის ვაჟა გაფრინდაშვილის დაკავებიდან თითქმის ერთი კვირა გავიდა, თუმცა,ხელისუფლებამ ამ ფაქტის შესახებ  გატაცებიდან მხოლოდ, ოთხი დღის შემდეგ გაავრცელა ინფორმაცია და კონკრეტულად ვერც ის თქვა, რა კეთდება იმისათვის,რომ გაფრინდაშვილი  ცხინვალის იზოლატორიდან გათავისუფლდეს. დღეს კი, ცნობილი გახდა, რომ ოკუპირებული  ახალგორის  სასამართლომ, საქართველოს მოქალაქე ვაჟა გაფრინდაშვილს, ორთვიანი...

არჩილ თალაკვაძე: არჩევნებს ხალხის ნდობა იგებს და არა ცალკე აღებული საარჩევნო მოდელი

არჩილ თალაკვაძე: არჩევნებს ხალხის ნდობა იგებს და არა ცალკე აღებული საარჩევნო მოდელი
access_time2019-11-15 15:09:56
„პროპორციულ საარჩევნო სისტემაზე გადასვლა „ქართული ოცნების“ ინიციატივა იყო თავის დროზე. სწორედ ჩვენი გუნდის ძალისხმევით ჩაიწერა კონსტიტუციაში, რომ 2024 წლიდან არჩევნები სრულად პროპორციული სისტემით გაიმართება“-ამის შესახებ უმრავლესობის ლიდერმა, პარლამენტის თავმჯდომარე არჩილ თალაკვაძემ რამდეიმე წუთის წინ გამართულ ბრიფინგზე განაცხადა.  „ასევე „ქართული ოცნების“ ინიციატივა იყო პროპორციულ საარჩევნო სისტემაზე 2020 წლიდან გადასვლა, რასაც, როგორც ვნახეთ, სამწუხაროდ, დეპუტატთა...

BAG ორგანიზებით, ასოციაციის წევრი კომპანიები შრომის კანონმდელობაში დაგეგმილი ცვლილებების განსახილველად დღეს ეკონომიკურ ექსპერტებს შეხვდენენ

BAG ორგანიზებით, ასოციაციის წევრი კომპანიები შრომის კანონმდელობაში დაგეგმილი ცვლილებების განსახილველად დღეს ეკონომიკურ ექსპერტებს შეხვდენენ
access_time2019-11-15 14:00:59
საქართველოს ბიზნეს ასოციაციის (BAG) ორგანიზებით, ასოციაციის წევრი კომპანიები შრომის კანონმდელობაში დაგეგმილი ცვლილებების განსახილველად დღეს ეკონომიკურ ექსპერტებს შეხვდენენ. შეხვედრის ფარგლებში BAG-იმ გააცნო ექსპერტებს თავიანთი შენიშვნები, ხედვები და რეკომენდაციები ვადიანი შრომითი ხელშეკრულების დადების საფუძვლების შეზღუდვაზე, სტაჟირების დაქვემდებარებაზე შრომის კოდექსით განსაზღვრული სტანდარტებისადმი, ასევე საუბარი შეეხო ზეგანაკვეთური სამუშაო დროის ლიმიტირებების საკითხებს,...

„ბიუჯეტის მისაღებად,პარლამენტში საკმარისი უმრავლესობა გვყვავს, თუმცა, არ გამოვრიცხავ, რომ სამომავლოდ ის ხელოვნურად დაშალონ“

„ბიუჯეტის მისაღებად,პარლამენტში   საკმარისი უმრავლესობა გვყვავს, თუმცა, არ გამოვრიცხავ, რომ სამომავლოდ ის ხელოვნურად დაშალონ“
access_time2019-11-15 17:00:21
პროპორციულ საარჩევნო სისტემაზე გადასვლასთან დაკავშირებით, საპარლამენტო უმრავლესობის მიერ მომზადებულმა საკონსტიტუციო ცვლილებებმა პარლამენტში პირველი მოსმენით კენჭისყრაზე ხმების საკმარისი რაოდენობა ვერ მიიღო. კანონპროექტის ჩაგდების შემდეგ, საპარლამენტო უმრავლესობა დატოვეს თამარ ჩუგოშვილმა, თამარ ხულორდავამ, სოფიო ქაცარავამ, გიორგი მოსიძემ, ირინა ფრუიძემ, დიმიტრი ცქიტიშვილმა,ზაზა ხუციშვილმა, მარიამ ჯაშმა, გიორგი ბეგაძემ და ასევე „ქართული ოცნება-კონსერვატორების“ წევრებმა - გიგა ბუკიამ, მუხრან...


მსგავსი სიახლეები

up