ხელისუფლება აცდენილია დემოკრატიულ კურსს და დაკავებულია საკუთარი ძალაუფლების კონსოლიდაციით, ასეთ შემთხვევაში, აშშ-ს მხარდაჭერა და ელჩის ფიზიკურად ყოფნა აუცილებელია - ბათუ ქუთელია

ხელისუფლება აცდენილია დემოკრატიულ კურსს და დაკავებულია საკუთარი ძალაუფლების კონსოლიდაციით, ასეთ შემთხვევაში, აშშ-ს მხარდაჭერა და ელჩის ფიზიკურად ყოფნა აუცილებელია - ბათუ ქუთელია

access_time2019-09-05 15:00:17

„პირველ რიგში, მნიშვნელოვანია, რომ გვეყოლება ამერიკის ელჩი. ჯერ გასავლელია კონგრესის პროცედურები და ამას დრო დასჭირდება, მაგრამ სავარაუდოდ ელჩი ნოემბერში უკვე ფიზიკურად აქ იქნება. ფაქტია, ძალიან მნიშვნელოვანი და კრიტიკული წელია საქართველოსთვის, რადგან იწყება საარჩევნო ციკლი; ასევე გასათვალისწინებელია, რომ „ქართული ოცნება“ დემორკატიის ხარისხის კუთხით ძალიან ბევრ შეცდომას უშვებს და არასწორ ნაბიჯებს დგამს - ამ მოცემულობაში მნიშვნელოვანია სტრატეგიული პარტნიორი ქვეყნის ელჩის ყოფნა ქვეყანაში. ესა ერთ-ერთი ფაქტორია იმისა, სწორად წარიმართოს დემოკრატიული პროცესები და არა ისე, რაც ბოლო პერიოდში ვიხილეთ,“ ასე აფასებს ატლანტიკური საბჭოს ვიცე პრეზიდენტი ბათუ ქუთელია აშშ-ის პრეზიდენტის დონალდ ტრამპის მიერ საქართველოში სრულუფლებიანი ელჩის პოზიციაზე კელი დენიანის კანდიდატურის წარდგენას.




როგორც ქუთელია „ კომერსანტთან“ განმარტავს, აღნიშნული გადაწყვეტილება ძალიან მნიშვნელოვანია და დადებით გავლენას იქონიებს ქვეყნის პოლიტიკურ განვითარებაზე. 



რამდენადაა დაკავშრებული ელჩის წარდგენა წინა დღის გახარიას პრემიერობის კანდიდატად დასახელებასთან; ეს რაიმე გზავნილი ხომ არაა?  


-  არამგონია პირდაპირი კავშირი იყოს. ზედმეტად დიდი პატივია  გახარიას პერსონისთვის, რომ სპეციალურად მის ან ღარიბაშვილის დანიშვნას უკავშირდებოდეს ელჩის წარდგენა. გზავნილი ბევრად მკაფიო იყო, როდესაც ამერიკის სახელმწიფო მდივანს, მაიკლ პომპეოს შეხვდა უკვე ყოფილი პრემიერი მამუკა ბახტაძე. მკვეთრი და მკაცრი გზავნილები მოვისმინეთ, მაგრამ როგორც ჩანს ხელისუფლება ცდილობს არც თუ ისე თანმიმდევრული იყოს ამ მიმართებით;  ბოლოს გადადგმული ნაბიჯები ამის დასტურია. „ქართულმა ოცნებამ“ ან ზუსტად ვერ გაიგო რა გზავნილები ჰქონდა პომპეოს, ან გაიგო მაგრამ სხვა გზა აირჩია. ამიტომაც აშშ-ს სახელმწიფო მდივნისა და ბახტაძის შეხვედრის შემდეგ, სავარაუდოდ უფრო დაჩქარდა ელჩის დანიშვნა. თანაც ყველამ ვიცით, რომ ხელისუფლება წინა კანდიდატურის დაბლოკვას შეეცადა.


როგორ აისახება აშშ-ს ელჩის  კელი დენიანის საქართველოში ყოფნა ქვეყანაში მიმდინარე პოლიტიკურ პროცესებზე?




ბოლო 25 წლის განმავლობაში ქართულ-ამერიკული ურთიერთობა ძალიან თანმიმდევრულია და სტრატეგიულად ვითარდებოდა. აღნიშნული რამდენიმე ძირითად ფაქტორს ითვალისწინებს: ესაა თავდაცვა და უსაფრთხოება (აქ მარტო საქართველო არ იგულისხმება, მათ შორისაა მთლიანი რეგიონი და  ამერიკის ინტერესები რეგიონში); ესაა ეკონომიკა და ვაჭრობა (საქართველოს ეკონომიკური კეთილდღეობის გარდა იგულისხმება სატრანსპორტო დერეფანი, სტრატეგიული ინფრასტრუქტურა და ა.შ.); მესამე კომპონენტია ხალხთა შორის ურთიერთობა, ანუ განათლება და კულტურების გაცვლა; მეოთხე  და ძალიან მნიშვნელოვანი - დემოკრატიული ინსტიტუტების მშენებლობა და დემოკრატიის ხარისხის ამაღლება.


საქართველო დარჩება ამერიკის პარტნიორად მხოლოდ იმ შემთხვევაში თუ  შეინარჩუნებს დასავლეთის კურსს და თუ აქ იქნება დემოკრატია. ამიტომ აქ უკვე თავად ამერიკის   ჩართულობა, რომ საქართველომ  არ გადაუხვიოს დემოკრატიულ განვითარებას და ეს მოსახლეობის აბსოლუტური უმრავლესობის სურვილია, ძალიან მნიშვნელოვანია. სამწუხაროდ ხელისუფლება აცდენილია საზოგადოების სურვილებს და დაკავებულია საკუთარი ძალაუფლების კონსოლიდაციით - ასეთ შემთხვევაში, ბუნებრივია, აშშ-ს მთავრობის მხარდაჭერა და ელჩის ფიზიკურად ყოფნა აუცილებელია.


ელჩის ჩამოსვლა მხოლოდ რიტორიკული მხარდაჭერა არაა. ესაა ამერიკის მნიშვნელოვანი ბერკეტების გამოყენება, რაზეც დამოკიდებულია ჩვენი უსაფრთხოება და დემოკრატიული განვითარება.


-საქართველოს ამერიკის ელჩი არ ჰყავდა თითქმის წელიწად-ნახევარი. რა გავლენა მოახდინა ამან ქვეყნის განვითარებაზე?

 

არ იყო სასარგებლო ფაქტი. ეს მგრძნობიარე და მოწყვლადი პერიოდი გახლდათ. წინა კანდიდატის დაბლოკვაც საკმაოდ მავნებლური ნაბიჯი იყო „ქართული ოცნების“ მხრიდან და არც თუ სასიამოვნო ლაქად დააჩნდება ჩვენს დიპლომატიურ ურთიერთობას. დროებით მოვალეობის შემსრულებლის გამოგზავანა მაშინ, როცა საპრეზიდენტო არჩევნების წინა პერიოდი იყო  უარყოფითად აისახა პროცესებზე და ყველას გვახსოვს როგორი დარღვევებით ჩაიარა ამ არჩევნებმა. ამიტომ მსგავსი რომ აღარ განმეორდეს 2020 წლისთვის, ჩვენი ამერიკელი პარტნიროების ჩართულობა პროცესებში და მხარდაჭერა უმნიშვნელოვანესია.


შეგახსენებთ, ამერიკის შეერთებული შტატების პრეზიდენტმა დონალდ ტრამპმა საქართველოში აშშ-ის საგანგებო და სრულუფლებიანი ელჩის თანამდებობაზე კელი დეგნანი   წარადგინა. ამერიკის შეერთებულ შტატებს საქართველოში ელჩი 2018 წლის აპრილიდან არ ჰყავს. ელჩ იან კელის სწორედ ამ დროს ამოეწურა უფლებამოსილების ვადა. წარდგენილი ელჩის კანდიდატურას სენატმა უნდა დაუჭიროს მხარი.


კელი დენიანი კარიერული დიპლომატია, რომელიც ამ დროისათვის აშშ-ის საზღვაო ძალების ევროპის ხელმძღვანელობის პოლიტიკური მრჩეველია. ის ასევე იყო იტალიაში აშშ-ის მისიის ხელმძღვანელის მოადგილე, ასევე, სახელმწიფო დეპარტამენტის აღმასრულებელი მდივნის მოადგილე, კოსოვოში აშშ-ის მისიის ხელმძღვანელის მოადგილე.


 თეთრი სახლის ინფორმაციით, 25-წლიანი კარიერის განმავლობაში კელი დენიანი აშშ-ის წარმომადგენლობებში მუშაობდა, მათ შორის, ნატოში (ბელგია), ანკარაში (თურქეთი) და ა.შ.

 მას  მიღებული აქვს Northwestern University-ის ბაკალავრის ხარისხი ჟურნალისტიკაში, ასევე, სამართლის დოქტორის ხარისხი სამხრეთ კალიფორნიის უნივერსიტეტში.


სალომე ლემონჯავა




ლიბერთის და რუსთაველის თეატრის ერთობლივი ახალი სოციალური პროექტი

ლიბერთის და რუსთაველის თეატრის ერთობლივი ახალი სოციალური პროექტი
access_time2019-12-05 14:50:25
5 დეკემბერს, ლიბერთი ბანკსა და რუსთაველის თეატრს შორის ურთიერთ თანამშრომლობის მემორანდუმი გაფორმდა.  5 დეკემბრიდან, ლიბერთის სოციალური ბარათის მფლობელები, მათ შორის პენსიონრები და სახელმწიფო სოციალური სარგოს მიმღები პირები, რუსთაველის თეატრის მიერ გამართული სპექტაკლების ბილეთებს 30%-იანი ფასდაკლებით შეძლებენ. ერთობლივი სოციალური პროექტის თანახმად, ფასდაკლების მისაღებად ბილეთების შეძენა უნდა განხორციელდეს ლიბერთის სოციალური ბარათით თეატრის სალაროში განთავსებულ ლიბერთის...

„ბიძინა ივანიშვილის ინიციატივა ქართველი ემიგრანტების ცხოვრებას რადიკალურად გააუმჯობესებს“

„ბიძინა ივანიშვილის ინიციატივა ქართველი ემიგრანტების ცხოვრებას რადიკალურად გააუმჯობესებს“
access_time2019-12-05 18:30:54
ბიძინა ივანიშვილის განცხადებამ საზღვარგარეთ ქართველი ემიგრანტების ლეგალურად დასაქმებასთან დაკავშირებით, საზოგადოებაში აზრთა სხვადასხვაობა გამოიწვია. ძირითადად ამ ინიციატივას უარყოფითი შეფასებები მოყვა.   „ბანკებისა და ფინანსების" აზრით „ბიძინა ივანიშვილის ინიციატივა ქართველი ემიგრანტების ცხოვრებას რადიკალურად გააუმჯობესებს“, კომერსანტმა ამ განცხადების და ინიციატივის შინაარსის შეფასება სთხოვა საზღვარგარეთ მოღვაწე ბიზნესმენს, ვასილ ბაბლუანს, რომელიც საქართველოშიც ახორციელებს...

Apple-ის ჩაძირვას პაბლო ესკობარის ძმა აპირებს

 Apple-ის  ჩაძირვას პაბლო ესკობარის ძმა აპირებს
access_time2019-12-05 19:00:14
1993 წელს მოკლული კოლუმბიელი ნარკობარონის პაბლო ესკობარის ძმამ, რობერტო ესკობარმა დრეკადი სმარტფონი გამოუშვა, რომელიც 350 დოლარი ღირს - ეს ამ მოდელის ყველაზე იაფი ტელეფონია მსოფლიოში.   რობერტო ესკობარი აპირებს Apple-ის ჩაძირვას და იმის დამტკიცებას, რომ კარგი სმარტფონი 1000 დოლარზე ნაკლები შეიძლება ღირდეს.   მოდელი სახელწოდებით Escobar Fold 1, წარმოადგენს ჩინური Royole FlexPai ოქროსფერ ანალოგს და მისი რეალური ფასი 1400...

„საარჩევნო წელი მოდის და მთავრობა ცდილობს ხალხს ინფრასტრუქტურული სამუშაოებით მოაწონოს თავი“

„საარჩევნო წელი მოდის და მთავრობა ცდილობს ხალხს ინფრასტრუქტურული სამუშაოებით მოაწონოს თავი“
access_time2019-12-05 17:30:48
საქართველოს რეგიონული განვითარებისა და ინფრასტრუქტურის სამინისტრომ მიმდინარე წლის 11 თვეში ბიუჯეტიდან 1.67 მილიარდი ლარი აითვისა. უწყების ინფორმაციით სამინისტროს 11 თვის ბიუჯეტის შესრულება 2019 წელს ისტორიულად ყველაზე მაღალია. ეკონომიკის ექსპერტი ზვიად ხორგუაშვილი მიიჩნევს, რომ რეგიონული განვითარებისა და ინფრასტრუქტურის სამინისტროს ბიუჯეტის სიდიდე არჩევნების მოახლოებასთან ერთად უფრო იზრდება, რათა...

რა ზიანი შეიძლება მიადგეს კერძო ბიზნესს აქციზის დაუგეგმავი და სწრაფი ზრდის შედეგად

რა ზიანი შეიძლება მიადგეს  კერძო ბიზნესს  აქციზის დაუგეგმავი და სწრაფი ზრდის შედეგად
access_time2019-12-05 16:30:07
ბიზნესი საქართველოს მთავრობას მოუწოდებს სიგარეტზე აქციზი ეტაპობრივად გაიზარდოს. მათი თხოვნაა, ეტაპობრივად გაიზარდოს მხოლოდ ფიქსირებული გადასახადი, ადვალური კი პირვანდელ ნიშნულს დაუბრუნდეს. სექტორი იმ უარყოფით შედეგებზე საუბრობს რომელიც ბიზნეს აქციზის დაუგეგმავი და სწრაფი ზრდის შედეგად მიადგება. კომერსანტი თამბაქოს ინდუსტრიის განცხადებას უცვლელად გთვაზობთ. „იმპორტირებულ ფილტრიან სიგარეტზე ადვალური გადასახადის გაზრდამ 2019 წლის განმავლობაში მისი რამდენიმე ეტაპად გაძვირება გამოიწვია....


მსგავსი სიახლეები

up