დეკემბერში აფხაზებმა ენგურჰესის და ვარდნილჰესის მიერ წარმოებული ელექტროენერგიის 89% წაიღეს

დეკემბერში აფხაზებმა ენგურჰესის და ვარდნილჰესის მიერ წარმოებული ელექტროენერგიის 89% წაიღეს

access_time2017-01-26 19:30:17

ენგურჰესზე წყლის სიმცირის გამო 15 თებერვლის შემდეგ შესაძლოა, ოკუპირებულ აფხაზეთს ელექტროენერგიის მიწოდება შეუწყდეს და ჩაბნელდეს. ამასთან, გაზაფხულისთვის ჰესზე სარეაბილიტაციო სამუშაოები იწყება, რაც აფხაზეთის ენერგოსისტემას კიდევ უფრო მეტ პრობლემას შეუქმნის. სწორედ, აღნიშნულ საკითხებთან დაკავშირებით გაიმართება შეხვედრა მინსკში საქართველოს ენერგეტიკის მინისტრს, კახა კალაძესა და „ჩერნომორენერგოს" წარმომადგენლებს შორის.

 

აფხაზეთი ელექტროენერგიით ენგურჰესისა და ვარდნილჰესის მიერ გამომუშავებული ელექტროენერგიით მარაგდება. ზამთრის სეზონზე ორივე ჰესის მიერ გამომუშავებული ელექტროენერგიის 85-90%-მდე აფხაზეთს მიაქვს, ზაფხულში ეს მაჩვენებელი შედარებით მცირდება. აღსანიშნავია ისიც, რომ "ენგურჰესის" მიერ გამომუშავებულ ელექტროენერგიას აფხაზები მთლიანად უფასოდ იღებენ.

 

საქართველოს ელექტროენერგიის 2016 წლის ბალანსის მიხედვით, დეკემბერში ენგურისა და ვარდგილჰესების მიერ გამომუშავებული ელექტროენერგია 282,625 მლნ კვტ/სთ იყო, აქედან 253,769 მლნ კვტ/სთ აფხაზეთის რეგიონმა მოიხმარა, ეს იმას ნიშნავს, რომ დეკემბერში აფხაზებმა ამ ორი ჰესის მიერ წარმოებული ელექტროენერგიის 89,7% წაიღეს.

 


რაც შეეხება მთლიან წელს, 2016-ში აფხაზებმა ენგურჰესისა და ვარდნილჰესის მიერ წარმოებული ელექტროენერგიის 45,7%, მიიღეს და თანაც უფასოდ. ესკოს მონაცემებით, შარშან ენგურჰესმა და ვარდნილჰესმა მთლიანად 4211 მლნ კვტ/სთ გამოიმუშავეს, საიდანაც აფხაზებმა 1926 მლნ კვტ/სთ ელექტროენერგია მიიღეს. 

 

"ჩერნომორენერგოს" მთავარი ინჟინერის თემურ კაციას განცხადებით, აფხაზეთში ელექტროენერგიის მოხმარება მაღალია და დღეში 8 მილიონი კილოვატ საათი გამოიყენება.

 

როგორც ცნობილია, "ენგურჰესი" ექსპლუატაციაში 1978 წელს შევიდა, თუმცა სამშენებლო სამუშაოები 1988 წელს დასრულდა. ენგურჰესის წლიური გამომუშავება 3 მილიარდ კილოვატ საათს აღემატება. 1997 წელს დადებული სიტყვიერი შეთანხმების მიხედვით, ენგურჰესისა და ვარდნილჰესების (გალის ტერიტორიაზე) კასკადის მიერ წარმოებული ელექტროენერგიის 40% აფხაზეთის რეგიონს უნდა წაეღო, 60% კი - საქართველოს დანარჩენ რეგიონებს. საქართველოსა და აფხაზეთის დე ფაქტო მთავრობებს შორის კვოტების განაწილებასთან დაკავშირებით ოფიციალური ხელმოწერილი დოკუმენტი არ არსებობს. თუმცა აფხაზებს ყოველთვის 40%-ზე მეტი დენი მიაქვთ და თანაც მუდმივად უფასოდ.

 


ავტორი: "კომერსანტი"



მარკ ცუკერბერგი ცენტი-მილიარდერების კლუბს შეუერთდა

მარკ ცუკერბერგი ცენტი-მილიარდერების კლუბს შეუერთდა
access_time2020-08-08 19:35:02
მარკ ცუკერბერგი ცენტი-მილიარდერების კლუბს შეუერთდა, რაც იმას ნიშნავს, რომ მისმა ქონებამ $100 მილიარდი შეადგინა. ამის შესახებ...

MEI: რუსეთის სამხედრო თავდასხმამ და მისმა შედეგებმა საქართველო დასავლეთთან დაახლოებისკენ მიმავალ გზაზე ვერ დააბრკოლა

MEI: რუსეთის სამხედრო თავდასხმამ და მისმა შედეგებმა საქართველო დასავლეთთან დაახლოებისკენ მიმავალ გზაზე ვერ დააბრკოლა
access_time2020-08-08 18:00:38
„ამ კვირაში სრულდება 12 წელი რუსეთის მიერ საქართველოს ტერიტორიაზე შემოჭრის შემდეგ. მაშინ, როცა მსოფლიოს ყურადღება გადატანილი იყო პეკინის ზაფხულის ოლიმპიადაზე, ოკუპანტი ძალები: ასობით რუსული ტანკი და ჯავშანტრანსპორტიორი როკის გვირაბის გავლით მიადგა რუსეთ-საქართველოს საზღვარს“, - ამის შესახებ არაკომერციული და არაპარტიული ანალიტიკური ინსტიტუტის – „ახლო აღმოსავლეთის...

ევროპული თვალთახედვა დეზინფორმაციასთან საბრძოლველად

ევროპული თვალთახედვა დეზინფორმაციასთან საბრძოლველად
access_time2020-08-08 13:00:39
ლიეტუვას რადიოსა და ტელევიზიის კომისიის თავმჯდომარეს, ბატონ მანტას მარტისიუსს სოციალური სამართლის იურისტი ნინი შენგელია ესაუბრა. დიალოგი გაიმართა „სექტორი 3-ის, ჰაბი განვითარებისთვის“ პროექტის ფარგლებში. თემა შეეხებოდა დეზინფორმაციის საფრთხეს, ყალბ ახალ ამბებს, სოციალურ მედიაში სიძულვილის ენასა და სოციალური მედიის პლატფორმებთან მიმართებაში, როგორც ლიეტუვას, ასევე გლობალურ გამოცდილებას.რუსეთის დეზინფორმაცია ლიეტუვასა და მისი ბალტიელი მეზობლებისთვის, ესტონეთისა და ლატვიისთვის...

აშშ-ის კონტრდაზვერვის ხელმძღვანელი აცხადებს, რომ რუსეთი, ჩინეთი და ირანი 2020 წლის საპრეზიდენტო არჩევნებში ჩარევას შეეცდებიან

აშშ-ის კონტრდაზვერვის ხელმძღვანელი აცხადებს, რომ რუსეთი, ჩინეთი და ირანი 2020 წლის საპრეზიდენტო არჩევნებში ჩარევას შეეცდებიან
access_time2020-08-08 16:30:43
აშშ-ის კონტრდაზვერვის და უსაფრთხოების ეროვნული ცენტრის ხელმძღვანელის,...

პირბადე 8 ენაზე თარგმნის ფუნქციით – იაპონური სტარტაპის გამოგონება

პირბადე 8 ენაზე თარგმნის ფუნქციით – იაპონური სტარტაპის გამოგონება
access_time2020-08-08 14:00:59
როდესაც COVID-19-ის პანდემიამ პირბადე ჩვენი ყოველდღიურობის ნაწილად აქცია, იაპონური სტარტაპი Donut Robotics ახალ შესაძლებლობებზე დაფიქრდა. მაშინ, როცა სხვადასხვა კომპანია სხვადასხვა დიზაინისა...


მსგავსი სიახლეები

up