დედაქალაქში წელს რამდენიმე მსხვილი საგზაო ინფრასტრუქტურული პროექტის განხორციელება დაიწყება

დედაქალაქში წელს რამდენიმე მსხვილი საგზაო ინფრასტრუქტურული პროექტის განხორციელება დაიწყება

access_time2020-02-06 13:50:36

2020-2021 წლებში დედაქალაქში რამდენიმე მსხვილი საგზაო ინფრასტრუქტურული პროექტის განხორციელება იგეგმება. ამის შესახებ თბილისის მერის მოადგილე ირაკლი ბენდელიანმა განაცხადა. ინფორმაციას მერია ავრცელებს.



მერის მოადგილის თქმით, იგეგმება მარშალ გელოვანის გამზირისა და მტკვრის მარჯვენა სანაპიროს ერთმანეთთან დაკავშირება.



„აქ მოეწყობა შვიდი, სხვადასხვა სიგრძის კვანძი, გაუქმდება ყველა არსებული შუქნიშანი და გადაადგილება შეუფერხებლად იქნება შესაძლებელი. ასევე, ხორციელდება ლისიდან ჩამომავალი გზის მოწყობის პროექტი. სწორედ ამ ორი პროექტის განხორციელების შემდეგ დიღმისა და ლისის ტბის მიმართულებით მოძრაობა შეუზღუდავად იქნება შესაძლებელი“, - განაცხადა მერის მოადგილე ირაკლი ბენდელიანმა.



მისივე თქმით, პროექტი უკვე მზადაა და უახლოეს დღეებში ტენდერი გამოცხადდება.



სამუშაოების ღირებულებაა 21 634 083 ლარი და მის დასრულებას დაახლოებით წელიწად-ნახევარი დასჭირდება.




წელსვე დაიწყება უნივერსიტეტის ქუჩისა და წყნეთის გზატკეცილის დამაკავშირებელი სამანქანო ხიდის მშენებლობა, რომელსაც დაახლოებით 2 წელი და 56 029 454 ლარი დასჭირდება.



„600 მეტრამდე სიგრძის ხიდი მდინარე ვერეს კალაპოტში აშენდება. მნიშვნელოვანია, რომ წყნეთსა და ბაგებში, ასევე უნივერსიტეტის ქუჩასა და ზედა საბურთალოზე იმატებს განაშენიანება და სატრანსპორტო ნაკადები. ამ თვალსაზრისით, ხიდი მნიშვნელოვნად განტვირთავს მოძრაობას თამარაშვილსა და ჭავჭავაძეზე“, - განაცხადა მერის მოადგილემ.



ირაკლი ბენდელიანის განმარტებით, ხიდის მოწყობა ასევე ორი კვანძის მოწყობას საჭიროებს უნივერსიტეტის ქუჩასა და წყნეთის გზატკეცილზე.



მერის მოადგილის თქმით, წელსვე განხორციელდება ქეთევან დედოფლის, წერეთლისა და ვაჟა-ფშაველას გამზირების რეაბილიტაცია.



„როდესაც ჩვენ ვსაუბრობთ რეაბილიტაციაზე, აქ იგულისხმება არა მხოლოდ ასფალტის საფარის შეცვლა, არამედ ძირეული, ფუნდამენტური პრობლემების გადაწყვეტა - მიწისქვეშა კომუნიკაციების სრული რეაბილიტაცია. ჩვენ მჭიდრო თანამშრომლობა გვაქვს ყველა საკომუნიკაციო კომპანიასთან და მინდა, მადლობა გადავუხადო მათ ამისთვის. ქეთევან დედოფლის გამზირის რეაბილიტაცია ერთ-ერთი იქნება იმ პროექტებს შორის, რომელსაც ამ კომპანიებთან ერთად განვახორციელებთ. როდესაც ამ სამუშაოებს ვგეგმავთ, მნიშვნელოვანია, რომ ერთდროულად არ მოხდეს ძირითადი საკვანძო არტერიების შეზღუდვა ქალაქში და არ გამოვიწვიოთ კოლაფსი. ვეცდებით, რომ ყველა დაგეგმილი პროექტი ისე განვახორციელოთ, რომ რაც შეიძლება ნაკლები შეფერხება გამოვიწვიოთ დედაქალაქის მასშტაბით. ვაჟა-ფშაველას გამზირზეც ანალოგიურად, მიწისქვეშ გვაქვს ცუდი მდგომარეობა, ფიქსირდება დაზიანებები. რეაბილიტაციის შემდეგ აქ, ისევე როგორც სხვა პროექტების შემთხვევაში, მოეწყობა ავტობუსის ზოლები, რათა საზოგადოებრივი ტრანსპორტით გადაადგილება იყოს სწრაფი და კომფორტული“, - აღნიშნა ირაკლი ბენდელიანმა.



თბილისის მერმა, კახა კალაძემ დღეს 2020-2021 წლებში განსახორციელებელი მსხვილი ინფრასტრუქტურული პროექტების პრეზენტაცია გამართა. ღონისძიებას საკრებულოს თავმჯდომარე გიორგი ტყემალაძე, მერის მოადგილეები, თბილისის მთავრობისა და საკრებულოს წევრები, პარლამენტის დეპუტატები, დიპლომატიური კორპუსის წარმომადგენლები და დარგის ექსპერტები დაესწრნენ.








იტალია - კოლაფსის ზღვარზე

იტალია - კოლაფსის ზღვარზე
access_time2020-03-29 17:00:03
  22 მარტს იტალიის ხელისუფლებამ შემოიღო საგანგებო ეკონომიკური მდგომარეობა - დაიხურა ყველა საწარმო, დაწესებულება, და ორგანიზაცია სასიცოცხლოდ მნიშვნელოვანის გარდა. აგრძელებენ მუშაობას მხოლოდ მაღაზიები, აფთიაქები, ბანკები, საზოგადოებრივი ტრანსპორტი, მიტანის სამსახურები, და პირველადი აუცილებლობის პროდუქციის მწარმოებელი ქარხნები.   1 თვის მანძილზე იტალია გადაიქცა აყვავებული ნახევარკუნძულიდან მთლიანად ჩაკეტილ ქვეყანად, კოლაფსის მდგომარეობასთან მიახლოებული...

Der Spiegel: რუსეთი იგებს პიარ-ომს კორონავირუსთან ბრძოლაში

Der Spiegel: რუსეთი იგებს პიარ-ომს კორონავირუსთან ბრძოლაში
access_time2020-03-29 15:00:11
კორონავირუსის წინააღდეგ ბრძოლაში ევროპული სოლიდარობა თითქმის არ ჩანს და ამ ნიშას სწრაფად ავსებენ რუსეთი და ჩინეთი -  ყველაფერთან ერთად ისინი იღებენ ამით დიდ პროპაგანდისტულ სარგებელს. ათობით ათასი დაინფიცირებული, ათასობით გარდაცვლილია, შოკისმომგვრელი ციფრები, რომლებიც ყოველდღიურად იზრდება, კოლაფსის მდგომარეობაში მყოფი ჯანდაცვის სისტემა - ეს არის დღევანდელი იტალია, რომელსაც შექმნილ ვითარებაში გამოადგება ნებისმიერი დახმარება. და ის მას იღებს - რუსეთისგან  - 9...

ლევან დავითაშვილი - ბიზნესსექტორი უნდა იყოს განსაკუთრებით სოლიდარული, რათა მოსახლეობას პროდუქციის ფასების და მიწოდების კუთხით პრობლემა არ შეექმნას

ლევან დავითაშვილი - ბიზნესსექტორი უნდა იყოს განსაკუთრებით სოლიდარული, რათა მოსახლეობას პროდუქციის ფასების და მიწოდების კუთხით პრობლემა არ შეექმნას
access_time2020-03-29 12:00:35
გარემოს დაცვისა და სოფლის მეურნეობის მინისტრი ლევან დავითაშვილი მეფრინველეობის ფაბრიკების და დარგობრივი ასოციაციების წარმომადგენლებს...

გიორგი ქადაგიძე: თუ ვინმეს იმედი შეიძლება გვქონდეს ამ მსოფლიო კრიზისის დროს, ისევ ამერიკელების და დასავლური სამყაროსი

გიორგი ქადაგიძე: თუ ვინმეს იმედი შეიძლება გვქონდეს ამ მსოფლიო კრიზისის დროს, ისევ ამერიკელების და დასავლური სამყაროსი
access_time2020-03-29 10:00:47
ეროვნული ბანკის ყოფილი პრეზიდენტი გიორგი ქადაგიძე აშშ-ში კორონავირუსის გავრცელებასთან დაკავშირებით სოციალუ ქსელში პოსტს აქვეყნებს: "ბოლო დღეებში დასავლეთზე და მათ შორის აშშ-ზე რამდენიმეჯერ ქილიკი შემომხვდა, ეფექტურად როგორ ვერ შეაჩერეს ვირუსის გავრცელებაო.ჰოდა, გავიხსენოთ რამდენიმე ფაქტი :1. ბოლო 50 წელიწადში 15 წლით რომ მოიმატა სიცოცხლის საშუალო ხანგრძლივობამ და 80 წელს მიუკაკუნა, ვისი დამსახურებაა? (ამერკის პრეზიდენტობის კადიდატი დემოკრატებიდან, 77 ან 79 წლის...

ოკუპირებული აფხაზეთი რუსეთთან ე.წ. საზღვარს კეტავს

ოკუპირებული აფხაზეთი რუსეთთან ე.წ. საზღვარს კეტავს
access_time2020-03-29 11:00:58
ოკუპირებული აფხაზეთის ე.წ....


მსგავსი სიახლეები

up