დედაქალაქში ერთი წლის განმავლობაში განხორციელებული მასშტაბური ინფრასტრუქტურული პროექტები

დედაქალაქში ერთი წლის განმავლობაში განხორციელებული მასშტაბური ინფრასტრუქტურული პროექტები

access_time2018-12-03 13:32:04



თბილისში კაპიტალურად შეკეთდა და რეაბილიტაცია ჩაუტარდა 1 683 539 კვ.მ. გზის საფარს. ამისათვის დედაქალაქის ბიუჯეტიდან 135 744 331 ლარი დაიხარჯა. გზების აღდგენა-რეაბილიტაციის მასშტაბური სამუშაოები დასრულებულია 12 ქუჩაზე. ამის შესახებ დედაქალაქის მერმა კახა კალაძემ ერთწლიანი საქმიანობის ანგარიშის წარდგენისას განაცხადა.


მისი თქმით, თქმით, ამ მასშტაბის სამუშაოები ბოლო წლების განმავლობაში არ განხორციელებულა, თუმცა მომავალ წელს, მერია კიდევ ბევრი პროექტის განხორციელებას გეგმავს.


„არსებობს კონკრეტული ქუჩები, კონკრეტული უბნები, სადაც ამ მხრივ მძიმე სიტუაციაა და სარეაბილიტაციო სამუშაოებს საჭიროებს. გზების მშენებლობისა და აღდგენის დროს, ყველა იმ ლოკაციაზე, სადაც ჩვენ მუშაობას ვიწყებთ, ფუნდამენტურად იცვლება ყველაფერი. იმ პროექტების ფარგლებში, რომელიც უკვე დასრულდა, ყველგან იყო გათვალისწინებული ქვეითებისთვის განკუთვნილი საგზაო ინფრასტრუქტურა, ახალი გაჩერებები, გადასასვლელები და ტროტუარები, ასევე, მიმდინარეობს ქუჩების ადაპტირება შშმპ-ებისათვის. 97 000 კვ.მ. ფართობზე არსებულ გზაგამყოფ კუნძულებზე ბეტონი შეიცვალა მწვანე საფარით. ჩვენ შევცვალეთ მიდგომა და მინდა, რომ სადაც შესაძლებელია, ეს კუნძულები გამწვანდეს. ამის საუკეთესო მაგალითია სააკაძის მოედანი, რომელიც საპილოტე პროექტი იყო და გაამართლა. კუნძულებზე მოეწყო სარწყავი სისტემა, დაიგო ბალახი და დაირგო სხვადასხვა სახეობის 7000-მდე ბუჩქი. გარდა ამისა, მიმდინარეობს მიწისქვეშა კომუნიკაციების მოწესრიგება, რაც მნიშვნელოვანია, რადგან ხშირი იყო შემთხვევები, როდესაც გზის საფარი წესრიგდებოდა, თუმცა, დაზიანდებოდა მილი და შემდეგ გზის საფარს თავიდან თხრიდნენ, რაც ბიუჯეტისთვის დამატებითი ხარჯი იყო“, - განაცხადა კახა კალაძემ.


მისივე თქმით, თბილისის ათივე რაიონში მიწისქვეშა კომუნიკაციები 169 მისამართზე მოწესრიგდა და 3 401 571 ლარი დაიხარჯა.


როგორც კახა კალაძემ განაცხადა, დედაქალაქში მონტაჟდება თანამედროვე სტანდარტის LED სანათები, რაც ელექტროენერგიის 60-70 % დაზოგვის შესაძლებლობას იძლევა. ამავე ტიპის სანათებით განათდა მეტეხის კლდე და აზეულას (ქოროღლის) ციხე.



დედაქალაქის მერის თქმით, თბილისის ათივე რაიონში კეთილმოწყობის სხვადასხვა სამუშაოებისა და გრუნტის დამჭერი კედლების რეაბილიტაცია-მოწყობისთვის, 1 173 მისამართზე დაიხარჯა 9 140 179 ლარი.


მისივე თქმით, დასრულდა როგორც მდინარე ვერეზე, უნივერსიტეტის მაღლივ კორპუსთან მდებარე საქვეითო ხიდის რეაბილიტაცია-რეკონსტრუქცია, ისე, ცინცაძე-კარტოზიას ქუჩების გადაკვეთაზე ახალი სატრანსპორტო კვანძის მშენებლობა, რის შედეგადაც, თავისუფლად გადაადგილდება ავტოტრანსპორტი. აქვე მოწყობილია პატარა სკვერი და გამწვანებულია გზაგამყოფი.


მიმდინარეობს მარშალ გელოვანის გამზირისა და სარაჯიშვილის ქუჩის დამაკავშირებელი ორდონიანი კვანძის მშენებლობა, ზემო და ქვემო ფონიჭალას დამაკავშირებელი გვირაბის მშენებლობა, ასევე, ვარკეთილისა და მდინარე გლდანულაზე გადასასვლელი ხიდების რეაბილიტაცია.


როგორც დედაქალაქის მერმა განაცხადა, წყალარინების ქსელი ეწყობა მუხიანისა და სოფელ დიღმის დასახლებაში.


„მუხიანის აგარაკების დასახლებაში არ არსებობდა წყალარინების ქსელი, მოსახლეობისთვის ეს ძალიან მძიმე ტვირთი იყო. მომავალი წლის გაზაფხულზე სამუშაოები უკვე დასრულებული იქნება და ამის შემდეგ დაიგება გზის საფარი. ასევე, დავიწყეთ სოფელ დიღმის წყალარინების ქსელის მოწყობა, რაც დაახლოებით 30 მილიონი ლარი ჯდება. პირველი ეტაპის სამუშაოები უკვე დაწყებულია“, - აღნიშნა კახა კალაძემ.


თბილისის მერმა, ასევე, ისაუბრა მიწისქვეშა გადასასვლელებში წარსულში არსებულ მძიმე მდგომარეობაზე და აღნიშნა, რომ უკვე მოწესრიგდა გმირთა მოედნისა და ბარათაშვილის ხიდის ქვემოთ არსებული მიწისქვეშა გადასასვლელები, რომელიც უკვე მოიხატა ქუჩის ხელოვნების ქართველი და უცხოელი წარმომადგენლების მიერ, ასევე, პირვანდელი სახით აღდგა სასტუმრო „რუმსთან“ მდებარე მიწისქვეშა გადასასვლელი. კახა კალაძემ მადლობა გადაუხადა ხელოვანებს თანამშრომლობისთვის და აღნიშნა, რომ მიწისქვეშა გადასასვლელების მოწესრიგება მომავალშიც გაგრძელდება.


დედაქალაქის მერმა თბილისის განვითარების ფონდის მიმდინარე პროექტებზეც ისაუბრა, რაც ძველი თბილისის ისტორიული უბნების რეაბილიტაციას ითვალისწინებს.


„თქვენ იცით, თუ რამდენად მნიშვნელოვანია და პრიორიტეტულია, შევინარჩუნოთ ის სიმდიდრე, რომელიც ქალაქს გააჩნია - ჩვენი ისტორიული ძეგლები და ისტორიული არეალები. ამ მიმართულებით დავიწყეთ ორი ძალიან მნიშვნელოვანი პროექტის განხორციელება - ერთ-ერთია ორბელიანის მოედნის რეაბილიტაცია, რომელიც დაახლოებით 70 მილიონი ლარი ჯდება. აქ მიმდინარეობს 20 შენობა-ნაგებობის აღდგენა-რეკონსტრუქცია, რომელთაგან 13 კულტურული მემკვიდრეობის ძეგლია; განხორციელდება 150 ავტომანქანაზე გათვლილი მიწისქვეშა პარკინგის პროექტი; დასრულებულია კომუნიკაციების მოწესრიგება, ხოლო მთლიანად პროექტი დასრულდება იანვარ-თებერვალში. მიმდინარეობს გუდიაშვილის მოედნის რეაბილიტაცია, რაც დაახლოებით 50 მილიონი ლარი დაჯდება. აქაც 20-მდე შენობა-ნაგებობა რეაბილიტირდება, რომელთაგან 15 კულტურული მემკვიდრეობის ძეგლია. საინჟინრო-საკომუნიკაციო სამუშაოები უკვე დასრულებულია და ვფიქრობთ, მომავალი წლის შემოდგომაზე პროექტი იქნება დასრულებული“, - განაცხადა კახა კალაძემ.


მისი თქმით, გრძელდება ამ მიმართულებით მუშაობა, რაშიც მუნიციპალიტეტს მხარს უჭერს ცენტრალური ხელისუფლება.






ფონდი „ქართუს“ განცხადება - vali.ge-ს შეფერხება აქვს

ფონდი „ქართუს“ განცხადება - vali.ge-ს შეფერხება აქვს
access_time2018-12-10 20:00:36
ფონდი ქართუ განცხადებას ავრცელებს, რომელსაც კომესანტი უცვლელად გთვაზობთ:  ფონდი ქართუსა და მთავრობის მიერ დაანონსებული სოციალური სოლიდარობის აქტით, ე.წ. „შავ სიაში“ მყოფ 600 000-ზე მეტ საქართველოს მოქალაქეს ვალები ჩამოეწერება. ამ ინიციატივის განსახორციელებლად, დღეს, სპეციალური ვებ-ვერდი (vali.ge) ამოქმედდა, სადაც მოქალაქეები საკუთარი მონაცემების გადამოწმებას შეძლებენ. იმის გათვალისწინებით, რომ აღნიშნული აქტის...

2018 წლის მესამე კვარტალში პირდაპირი უცხოური ინვესტიციები 48%-ით შემცირდა

2018 წლის მესამე კვარტალში პირდაპირი უცხოური ინვესტიციები 48%-ით შემცირდა
access_time2018-12-10 14:55:46
2018 წლის მესამე კვარტალში საქართველოში პირდაპირი უცხოური ინვესტიციების სახით სულ $322 მილიონი შემოვიდა, რაც 2017 წლის ანალოგიურ პერიოდთან შედარებით 48%-ით ნაკლებია. საქსტატის განმარტებით, შემცირების გამომწვევ ძირითად მიზეზებს შორის აღსანიშნავია მაგისტრალური გაზსადენის მშენებლობის პროექტის დასრულების ფაზა, ასევე რამდენიმე საწარმოს გადასვლა საქართველოს რეზიდენტების საკუთრებაში და არარეზიდენტი პირდაპირი ინვესტორის მიმართ ვალდებულებების შემცირება. რაც...

ახალი წლის ღამეს მთის კურორტებზე სასტუმროს ფასები 260 დოლარიდან 607 დოლარამდე იქნება

ახალი წლის ღამეს მთის კურორტებზე სასტუმროს ფასები 260 დოლარიდან 607 დოლარამდე იქნება
access_time2018-12-10 17:00:00
საქართველოში მთის კურორტების მოქმედი პრემიუმ კლასის სასტუმროები მომხმარებელს საახალწლო პაკეტებს უკვე სთავაზობენ. საახალწლო ღამის გატარება, ტრადიციულად, ჩვეულებრივი დღეებისგან განსხვავდება, რადგან ამ პერიოდში საფასო პოლიტიკა შედარებით მაღალია და მომსახურება უფრო მრავალფეროვანი.   „კომერსანტი“ დაინტერესდა, რა ღირს ახალი წლის გატარება, საქართველოს მთის კურორტების...

მეპურეები პურის ფასის ზრდასთან დაკავშირებით მთავრობის ჩართულობას ითხოვენ

მეპურეები პურის ფასის ზრდასთან დაკავშირებით მთავრობის ჩართულობას ითხოვენ
access_time2018-12-10 16:00:00
სარეალიზაციო წერტილებში პურის ფასმა 5-10 თეთრით მოიმატა.გაძვირების მიზეზად პურპროდუქტების კომპანიის წარმომადგენლები ფქვილზე ფასის მატებას ასახელებენ. მეპურეთა ასოციაციის თავმჯდომარე მალხაზ დოლიძე, პურის ფასის მატებას ეკონომიკურ საკითხებს უკავშირებს და ამბობს, რომ მსოფლიო ბაზარზე ხორბლის ფასის ზრდამ გააძვირა ფქვილი და შესაბამისად პური. „ფქვილის ფასის ზრდიდან გამომდინარე იძულებული ვიყავით გაგვეზარდა პურის...

ვებგვერდი www.vali.ge, სადაც 18:00 საათიდან მოქალაქეების ნაწილი უკვე შეძლებს, ე.წ. შავ სიაში საკუთარი თავი გადამოწმებას

 ვებგვერდი www.vali.ge, სადაც 18:00 საათიდან მოქალაქეების ნაწილი უკვე შეძლებს, ე.წ. შავ სიაში საკუთარი თავი გადამოწმებას
access_time2018-12-10 15:00:09
დღეს, 18:00 საათზე გაეშვება ვებგვერდი www.vali.ge სადაც მოქალაქეების ნაწილი უკვე შეძლებს, ე.წ. შავ სიაში საკუთარი თავი გადაამოწმოს, - ამის შესახებ საქართველოს პრემიერ-მინისტრმა მამუკა ბახტაძემ დღეს, მთავრობის სხდომის წინ გამართულ ბრიფინგზე განაცხადა. მთავრობის მეთაურის თქმით, დღეს და ხვალ ვებსაიტზე აიტვირთება ბაზები, სადაც წარმოდგენილი იქნებიან „საქართველოს ბანკის „თი-ბი-სი ბანკის და „ლიბერთი ბანკის მომხმარებლები. „ეს...


მსგავსი სიახლეები

up