დედამიწაზე გლობალური დათბობა სულ მცირე კიდევ 4 წელი გაგრძელდება

დედამიწაზე გლობალური დათბობა სულ მცირე კიდევ 4 წელი გაგრძელდება

access_time2018-08-18 18:00:51

ახალი კვლევა ადასტურებს, რომ ექსტრემალური ამინდები სულ ცოტა, შემდეგი 4-5 წელი კიდევ გაგრძელდება. ასევე 2022 წლამდე, ადამიანის საქმიანობით გამოწვეული გლობალური დათბობის ტენდენცია პროგრესულად გაგრძელდება და მასთან დაკავშირებული კლიმატური ცვლილებებიც ისევ ძალაში დარჩება. ამის შესახებ "ამერიკის ხმა" წერს.

სამეცნიერო კვლევა შემდეგი 4-5 წლის განამვლობაში მოსალოდნელი დათბობის შესახებ, გამოქვეყნდა ჟურნალში “ნეიჩერ”. მისი ავტორები არიან ფლორიან სეველეკი, ბრესტის უნივერსიტეტიდან (საფრანგეთი) და სიბრენ დრიფუტი, საუთჰემპტონის უნივერსიტეტიდან (ბრიტანეთი).

კლიმატის მსგავსი ცვალებადობის პირობებში, თანდათან გაიზარდა მოთხოვნა სანდო, დასაყრდნობ პროგნოზზე, რომელიც არამარტო უახლოესი კვირის, თუ თვის, არამედ მომავალი წლების ტემპერატურასაც გვამცნობს.

ეს აუცილებელია, რათა უკეთ მოვემზადოთ და დათბობის გამო მომძლავრებულ ბუნებრივ კატასტროფებს უკეთ გავუმკლავდეთ. დედამიწაზე ტემპერატურის მატებას უკავშირებენ გახშირებულ წყალდიდობებს, ქარბორბალებს, ხანძრებს, თუ სხვა ბუნებრივ მოვლენებს.

მეცნიერებმა გრძელვადიანი ამინდის პროგნოზის გამომთვლელი ახალი მეთოდი შეიმუშავეს, რომელიც ადასტურებს, რომ ტემპერატურის ინტენსიური, ექსტრემალური ზრდის ტენდენცია მომავალშიც გრძელდება. თუმცა, ეს არ ნიშნავს, რომ ტემპერატურა ყველგან და ყველასთვის მოიმატებს,- აღნიშნავენ ახალი კვლევის ავტორები.

მკვლევრების თქმით, მათი პროგნოზი არ ნიშნავს, რომ ევროპაში კიდევ უფრო მეტი ცხელი ჰავის შემოტევა იქნება, ან გაიზრდება ხანძრების რაოდენობა ამერიკაში, რომ მოსალოდნელია მეტი გვალვა აფრიკაში, თუ ყინულის მეტად დნობა არქტიკაში. იმის მიუხედავად, რომ მსგავსი მოვლენების ალბათობა იზრდება, “ჩვენ არ ვაკეთებთ ახალი ცხელი ჰავის ტალღის პროგნოზს - თბილი წელი ამას ყოველთვის არ ნიშნავს... პროგნოზი მხოლოდ გლობალურ მაჩვენებელს ეხება, არა რეგიონულ ტემპერატურას მსოფლიოს სხვადასხვა ნაწილში” - უთხრა “დოიჩე ველეს” ფლორიან სეველეკმა, კვლევის თანაავტორმა.


ამავე დროს, მეცნიერების უახლესი პროგნოზით, ოკეანეების წყლები დედამიწაზე 2022 წლამდე კიდევ უფრო დათბება. ცუდია ის, რომ წყალი გაცილებით სწრაფი ტემპით დათბება, ვიდრე ჰაერი ხმელეთზე, რაც სანაპირო რეგიონებში ტაიფუნების, ქარიშხლების და წყალდიდობების ალბათობას კიდევ უფრო გაზრდის.

მკვლევრები ჯერჯერობით თავს იკავებენ 4-5 წელზე უფრო გრძელვადიანი პროგნოზის გაკეთებისგან. მაგრამ, ისინი არც იმას გამორიცხავენ, რომ ტემპერატურის პროგრესულად მატება 2022 წლის შემდეგაც გაგრძელდეს.

კლიმატურ ცვლილებებზე სამეცნიერო კონსენსუსი დიდი ხანია არსებობს. თუმცა, ეს საკითხი პოლიტიკური დაპირისპირებების თემად რჩება და იმის მიუხედავად, რომ ცვლილებებს სამთავრობო სამეცნიერო ორგანიზაციებიც ადასტურებენ, პოლიტიკოსები კლიმატური ცვლილებების არსებობაზე და მის შედეგებთან გამკლავების მეთოდებზე კამათს კვლავ აგრძელებენ.

კლიმატური ცვლიებები დედამიწისთვის ახალი არ არის. მეცნიერები ფიქრობენ, რომ დათბობა დედამიწაზე ბოლო 650 000 წლის განმავლობაში 7-ჯერ მოხდა. მაშინდელი ცვლილებები დედამიწის ორბიტის ცვალებადობას და მზის ენერგიის მიღების ინტენსივობას უკავშირდებოდა.

შესაბამისად, ბოლო 650 000 წელიწადში ყინულის მოცულობამ პლანეტაზე 7-ჯერ იკლო და შემდეგ ისევ გაიზარდა. გამყინვარების ბოლო ეტაპი დედამიწამ 7 ათასი წლის წინ გამოიარა, რის შემდეგაც თანამედროვე კლიმატის და კაცობრიობის ცივილიზაციის ეპოქა დადგა.

“ახლანდელი დათბობის ტენდენცია განსაკუთრებით მნიშვნელოვანია, რადგან მისი უმეტესი ნაწილი უდიდესი ალბათობით (95%-ზე მეტი), მე-20 საუკუნის მეორე ნახევრიდან, დედამიწაზე ადამიანის საქმიანობას უკავშირდება. და ის ისეთი ხარისხით ვითარდება, რომელიც უპრეცედენტოა დეკადებიდან საუკუნემდე” - ამბობს ნასას, შეერთებული შტატების აერონავტიკის და კოსმოსის კვლევის ეროვნული სააგენტოს ვებგვერდი.


Imedinews


თეგები:
კვლევა



დღეს ჩინეთიდან საქართველოში ჩამოსული მგზავრები კორონავირუსზე აეროპორტში შემოწმდებიან

დღეს ჩინეთიდან საქართველოში ჩამოსული მგზავრები კორონავირუსზე აეროპორტში შემოწმდებიან
access_time2020-01-25 16:30:27
...

„თიბისი ბანკის“ დირექტორთა საბჭოში ცვლილებებია - ვინ ტოვებს ბანკს

„თიბისი ბანკის“ დირექტორთა საბჭოში ცვლილებებია - ვინ ტოვებს ბანკს
access_time2020-01-25 15:16:25
„თიბისი ბანკის“ დირექტორთა საბჭოს ერთ-ერთი წევრი დავით ჭყონია ტოვებს. ამის შესახებ ინფორმაცია თიბისი...

კორონავირუსით დაავადებულებისთვის ჩინეთში სპეციალურ ჰოსპიტალს 6 დღეში ააშენებენ

კორონავირუსით დაავადებულებისთვის ჩინეთში სპეციალურ ჰოსპიტალს 6 დღეში ააშენებენ
access_time2020-01-25 10:00:11
ჩინეთის ქალაქ უხანში ახალი კორონავირუსით დაავადებულებისთვის დროებითი საავადმყოფოს მშენებლობა დაიწყო. ამის შესახებ რუსული „კომერსანტი“ წერს და ვიდეოს...

ანაკლია და საქართველოს ადგილი „ახალი აბრეშუმის სავაჭრო გზაზე“

ანაკლია და საქართველოს ადგილი „ახალი აბრეშუმის სავაჭრო გზაზე“
access_time2020-01-25 18:00:28
შუა საუკუნეებში საქართველოს საგარეო პოლიტიკური კურსი ძირითადად სამხრეთით - სომხეთისა და შირვანისკენ (თანამედროვე აზერბაიჯანი) იყო მიმართული. წერილობით წყაროებში შემორჩენილი მწირი ინფორმაციის თანახმად, შავი ზღვის მიმართულებას ნაკლები ყურადღება ეთმობოდა. მხოლოდ XVII საუკუნიდან მოგვეპოვება მრავალი ცნობა ხელსაყრელი საპორტო ადგილის შესახებ, რომელიც უკვე “ანაკლიად” მოიხსენიება.   აღსანიშნავია, რომ ანაკლიის საპორტო აქტივობა დაემთხვა დასავლეთ საქართველოში საქალაქო ცხოვრების ზოგად...

სოსო გალუმაშვილი - სახელმწიფო მზად არ არის მწარმოებლის გაფართოებული ვალდებულებების დანერგვისთვის

სოსო გალუმაშვილი - სახელმწიფო მზად არ არის მწარმოებლის გაფართოებული ვალდებულებების დანერგვისთვის
access_time2020-01-25 11:00:19
სახელმწიფო მზად არ არის მწარმოებლის გაფართოებული ვალდებულებების დანერგვისთვის, რაც კომპანიების მიერ წარმოების შედეგად წარმოქმნილი ნარჩენების გადამუშავებას გულისხმობს, – ამის შესახებ საქართველოს პირველი არხის გადაცემა „ბიზნესპარტნიორის“ თანაწამყვანმა და კომპანია „ჯეპრას“ დამფუძნებელმა, სოსო გალუმაშვილმა გადაცემაში დღეს განაცხადა.   გადაცემაში ნარჩენების გადამუშავების მნიშვნელობა და მასთან დაკავშირებული გამოწვევები განიხილეს. დისკუსიის დროს აღინიშნა, რომ ნარჩენების...


მსგავსი სიახლეები

up