1 ნოემბრიდან საბანკო არხებით გაყიდული  სადაზღვევო პოლისებიდან  საკომისიოს მიღება შეიზღუდება

1 ნოემბრიდან საბანკო არხებით გაყიდული სადაზღვევო პოლისებიდან საკომისიოს მიღება შეიზღუდება

access_time2019-10-03 10:00:31

სსიპ საქართველოს დაზღვევის სახელმწიფო ზედამხედველობის სამსახურის ახალი მითითებით, 1 ნოემბრიდან საბანკო არხებით გაყიდული სადაზღვევო პოლისებიდან საკომისიოს მიღება შეიზღუდება. კერძოდ, სადაზღვევო კომპანიებს, რომლებიც ბანკების ქოლგის ქვეშ არიან, აღარ შეეძლებათ კომერციული ბანკების მიერ გაყიდული სადაზღვევო პოლისებიდან ბანკებს საკომისიო მისცენ.


„დაზღვევის კავშირის“ თანათავმჯდომარე ვასილ ახრახაძე „კომერსანტთან“ აცხადებს, რომ დაზღვევის კავშირის მიერ დაყენებული საკითხი დაზღვევის სახელმწიფო ზედამხედველობის სამსახურმა ნაწილობრივ გაითვალისწინა.


კერძოდ, სამსახურთან შესაბამისი მომართვის საფუძველზე სადაზღვევო კომპანიებს მიეცათ მითითება არ დაუშვან „დაზღვევის აგენტი’’-ს და ,,დამზღვევის’’ აღრევა და, აქედან გამომდინარე, შეუსაბამო სადაზღვევო პრაქტიკის დამკვიდრება/გაგრძელება.



აღნიშნული მითითებიდან გამომდინარე, დაუშვებელია დამზღვევი ამავდროულად წარმოადგენდეს აგენტს და სადაზღვევო საქმიანობის ფარგლებში მასზე გაიცეს მზღვეველის მხრიდან საკომისიო ან სხვა ასეთი ტიპის დანამატი. მისივე განცხადებით, ზედამხედველმა აღნიშნულის გამოსასწორებლად კომპანიებს 1 ნოემბრამდე  მისცა ვადა.



ახრახაძის ინფორმაციით, როგორც გაირკვა, ამ თემის შესწავლის საჭიროება არსებობდა და მან შესაბამისი ინფორმაციის გამოთხოვის მიზნით ყველა სადაზღვევო კომპანიას და ბანკს შეტყობინებები დაუგზავნა ყველა იმ პოლისებთან დაკავშირებით, სადაც დამზღვევად. ბანკი ფიქსირდებოდა 




„საბანკო არხებში რეალიზებულ პოლისებში ძალიან დიდი მარჟები იყო, რომელსაც თავად ბანკები იღებდნენ. გამოდიოდა, რომ ბანკი თავის ქსელში, თავისივე კლიენტზე ყიდდა პოლისს, რომელშიც 50-70%-იანი საკომისიოები იყო ჩადებული. „დაზღვევის კავშირიც“ აფიქსირებდა, რომ როდესაც კლიენტი ხვდება ბანკში, ის უფლებაწართმეულია იმიტომ, რომ სესხიდან გამომდინარე მას სხვადასხვა დაზღვევის პოლისებს სთავაზობს ბანკი, თან საკმაოდ შეზღუდული არჩევანით და კაბალური პირობებით. ეს ფაქტი დადასტურდა და მიღებულ იქნა გადაწყეტილება, რომ დამზღვევი და საკომისიოს მიმღები არ შეიძლება ერთიდაიგივე პირი იყოს,“-აცხადებს ახრახაძე.



მისივე განმარტებით, ეს საკმარისი არ არის, რადგან ე.წ შავი ხვრელები მაინც რჩება და ბანკები მაინც ახერხებენ გაყიდონ პოლისები ძვირად და სადაზღვევო კომპანიისგან კლიენტის ხარჯზე სარგებელი მიიღონ. მაგალითად, პოლისში დამზღვევს არ წერენ და არიან როგორც ბენეფიციარები.


„ე,წ შავი ხვდერლები დარჩა, თუმცა, კოსმეტიკურად ნაბიჯი მაინც გადაიდგა,“-აცხადებს ახრახაძე.



კითხვაზე, დაზღვევის ზედამხდველობის სამსახურის მიერ მიღებული გადაწყვეტილება, ნიშნავს თუ არა იმას, რომ ბანკებს სადაზღვევო კომპანიების ფლობა აეკრძალებათ და, შესაბამისად, თავისივე ჰოლდინგში შემავალი სადაზღვევო კომპანიის პოლისებს ვეღარ გაყიდიან, „დაზღვევის კავშირის“ აღმასრულებელი მდივანი ვახტანგ შურღაია განმარტავს, რომ რეალურად, თუ ბანკი საკომისიოს უკან ვერ მიიღებს, მაშინ სქემა უნდა შეცვალოს.


„ეს ტექნიკურად როგორ დალაგდება უცნობია. ამას უნდა მიჰყვეს ეროვნული ბანკის რეგულაციაც, რომელიც დაარეგულირებს იმას, რომ ბანკებმა კლიენტებს მინიმუმ სამი სადაზღვევო კომპანია შესთავაზონ“-აცხადებს შურღაია.



როგორც ცნობილია, დაზღვევის კავშირი დაახლოებით 15–მდე სადაზღვევო ობიექტს აერთიანებს. მათ შორის, სადაზღვევო კომპანიებს და სადაზღვევო ბროკერებს.



არაპროფილური აქტივების ფლობის საკითხი საფინანსო სექტორში წლებია აქტუალურია. ეს თემა რამდენიმე თვის წინ, „თიბისი დაზღვევის“ გენერალურმა დირექტორმა პაატა ღაძაძემ გააქტიურა და განაცხადა, რომ „თიბისი დაზღვევასა“ და „თიბისი ბანკს“ შორის ბიზნესინტერესთა კონფლიქტი არ არსებობს“ და ბიზნეს ინტერესების კონფლიქტთან იმ შემთხვევაში გვექნებოდა საქმე, თუ სადაზღვევო კომპანია პარალელურად საავადმყოფოს ან სააფთიაქო ქსელის მფლობელი იქნებოდა. ღაძაძის ამ განცხადებას სადაზღვევო სექტორში ურთიერთსაპირისპირო განცხადებები მოჰყვა.



სოფო ქსოვრელი 




პარლამენტის ყოფილ თავმჯდომარეს და საარჩევნო შტაბის უფროსს წარმოდგენა არ აქვს ქვეყნის ეკონომიკურ მდგომარეობაზე

 პარლამენტის ყოფილ თავმჯდომარეს და საარჩევნო შტაბის უფროსს წარმოდგენა არ აქვს ქვეყნის ეკონომიკურ მდგომარეობაზე
access_time2020-09-26 11:28:24
პარტია „ქართული ოცნების“ აღმასრულებელმა მდივანმა და საარჩევნო შტაბის უფროსმა ირაკლი კობახიძემ „რუსთავი 2“-ის ეთერში ილაპარაკა კორონავირუსის პანდემიამდე საქართველოში მშპ-ს ზრდის შესახებ. პარლამენტის ყოფილმა თავმჯდომარემ ეკონომიკის ზრდის მაჩვენებელი არასწორად, მიმდინარე ფასებში დათვალა და თქვა, რომ სამ წელიწადში ეკონომიკა...

„ქართული ოცნების“ პროგრამა ცარიელი რვეულია, რომელსაც სარჩევიც არ აქვს“ - ლევან კობერიძე

„ქართული ოცნების“ პროგრამა ცარიელი რვეულია, რომელსაც სარჩევიც არ აქვს“ - ლევან კობერიძე
access_time2020-09-25 19:30:42
„ლელოს ვაკის მაჟორიტარობის კანდიდატი ლევან კობერიძე დარგობრივი ეკონომიკისა და ეკონომიკური პოლიტიკის კომიტეტის თავმჯდომარის რომან კაკულიას განცხადებას „კომერსანტთან“ საუბრისას პასუხობს, რომლის თქმით, „ლელო საქართველოსთვის ლიდერის მამუკა ხაზარაძის ინიციატივა, რომელიც მევახშეობის აკრძალვას მოიცავს, „მომავალში დასაწერი წიგნის სარჩევს ჰგავს, რომლის შინაარსიც დაწერილი არ არის და თანაც, განძის კუნძულია ალბათ, სადღაც აღმოჩენილი“. „იმის ნაცვლად რომ ქვეყნის...

დავით სონღულაშვილის პასუხი ,,ლელოს”: ნუ იგდებთ თავს უხერხულ მდგომარეობაში

დავით სონღულაშვილის პასუხი ,,ლელოს”: ნუ იგდებთ თავს უხერხულ მდგომარეობაში
access_time2020-09-25 18:50:59
„ლელოს” წევრმა, ბატონმა საბა ბუაძემ გაავრცელა ყალბი განცხადება, რის მიხედვითაც, ჩემს დეკლარაციაში ასახული გადასესხების ფაქტი თითქოს და ეხება თანხის ხელზე გადასესხებას.   პირადად მას მსურს ვუთხრა და საზოგადოებას მივაწოდო ინფორმაცია, რომ კერძო სექტორში საქმიანობის პერიოდში, პირადი კრედიტი გადავასესხე კომპანიაზე, რაც მთელს მსოფლიოში და საქართველოშიც მიღებული პრაქტიკაა.   ბატონ ბუაძეს შეცდომაში შეჰყავს საზოგადოება და ავრცელებს დეზინფორმაციას....

მიმდინარე კვირაში რეგიონში მხოლოდ ლარმა განიცადა რეკორდული გაუფასურება

მიმდინარე კვირაში რეგიონში მხოლოდ ლარმა განიცადა რეკორდული გაუფასურება
access_time2020-09-25 18:10:49
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა და მისი გაუფასურება დღემდე გრძელდება. მიმდინარე კვირაში, Bloomberg-ის სავაჭრო სისტემაში ლარი რეკორდულად თითქმის 11 თეთრით გაუფასურდა. ეროვნული ბანკის მიერ გამოქვეყნებული 21 სექტემბრის ვაჭრობის შედეგად კი ერთი აშშ დოლარის ღირებულება 3.2295 ლარი იყო, ხოლო დღევანდელი მონაცემებით 3.3332 ლარი შეადგინა.   დღეს დილიდან ვაჭრობა Bloomberg-ის სავაჭრო სისტემაში $1/3.3175 ლარით...

„მევახშეები თავის პარტიაში მოიკითხონ“ - „ქართული ოცნების“ პასუხი „ლელოს“

„მევახშეები თავის პარტიაში მოიკითხონ“ - „ქართული ოცნების“ პასუხი „ლელოს“
access_time2020-09-25 17:20:49
„ძალიან ცუდია, რომ ეს ადამიანი კარიერას ტყუილებით იწყებს. მევახშეები თავის პარტიაში მოიკითხოს“, - ასე აფასებს საპარლამენტო უმრავლესობის წევრი ილია წულაია „ლელო“ მიერ გამოქვეყნებული „ქართული ოცნების“ დეპუტატების სიას, რომლებიც მევახშეობით ფულის „ხელზე გასესხებით“ არიან დაკავებულები. ილია წულაია „კომერსანტთან“ საუბარში აცხადებს, რომ გავრცელებული ინფორმაცია სიმართლეს არ შეესაბამება. ამბობს იმასაც, რომ თანხები საკუთარ კომპანიაზე ინვესტიციის სახით აქვს...


მსგავსი სიახლეები

up