„დაზღვევის კავშირი“:დაზღვევის ზედამხედველობის სამსახური ფინანსურ კონგლომერატებში არაპროფილური აქტივების შესაძლო  ფლობას სწავლობს

„დაზღვევის კავშირი“:დაზღვევის ზედამხედველობის სამსახური ფინანსურ კონგლომერატებში არაპროფილური აქტივების შესაძლო ფლობას სწავლობს

access_time2019-07-04 15:00:57

„დაზღვევის კავშირის“ თანა თავმჯდომარე ვასილ ახრახაძე „კომერსანტთან“ არაპროფილური ბიზნესების  საკითხს აგრძელებს. მისი ინფორმაციით, დაზღვევის კავშირმა დააყენა საკითხი როგოროც  ბანკებთან, ისე სამედიცინო ჰოლდინგებთან მიმართებაში ფარმაცევტული და ჰოსპიტალური ბიზნესების  კვეთაზე.. მნიშვნელოვანია ის, რომ  ყოველივე ეს საქართველოს დაზღვევის სახელმწიფო ზედამხედველობის სამსახურმა მხედველობაში  მიიღო  და  საკითხის შესწავლაც დაიწყო.  მან  შესაბამისი ინფორმაციის გამოთხოვის მიზნით ყველა სადაზღვევო კომაპნიას და ბანკს შეტყობინებები დაუგზავნა.


ახრახაძის განმარტებით, დღეის მდგომარეობით, დაზღვევის ზედამხედველობის სამსახური მონაცემების დამუშავების სტადიაშია. უახლოს დღეებში  კი, საბოლოო დასკვნას და რეკომენდაციასაც დადებს.  


„ვინაიდან მიიღო მხედველობაში და შესწავლა დაიწყო, ეს იმას ნიშნავს, რომ ზედამხედველმა ამ საკითხში რაღაც დაინახა. ვსაუბრობ, ბანკების მხრიდან სადაზღვევო სფეროზე გავლენას. ისინი სწავლობენ სადაზღვევო კომპანიების პორტფელს და აკვირდებიან იმ მოცულობას, თუ რა მოცულობითაა საბანკო არხებით პოლისები გაცემული.


გარდა ამისა,რომელ პოლისებში არიან ბანკები დამზღვევები და ბენეფიციარები და ეს ყველაფერი რა დოზითაა. ასევე სწავლობს რა საკომისიოები გაიცემა ასეთ შემთხვევებში.ეს იმიტომ, რომ ჩვენ მუდმივად ვამბობდით იმას, რომ საბანკო არხებით პოლისების გაყიდვები  გაცილებით უფრო ძვირი ღირს. ბანკში უფრო მეტი საკომისიებია ჩადებული და  კლიენტის „გაყვლეფა“ მიდის. ამ დროს კლიენტი იხდის ძალიან დიდ ფასს და ამ ღირებულების ლომის წილი, ხანდახან 30-50%-იც კი, ბანკს  საკომისიოს სახით მიაქვს.“-აცხადებს ახრახაძე.


მისივე განცხადებით, დაზღვევის სახლემწიფო ზედმხდველობის სამსახურში ეს პროცესები უკვე დაახლოებით 2 კვირაა მიმდინარეობს.


მისივე განმარტებით, პარლამენტში წინა კვირას დარეგისტრირდა „კონკურენციის შესახებ“ კანონპროექტი, რომელიც ძალაში შესვლის  შემდეგ  საბანკო მიმართულებითაც გავრცელდება. როგორც ახრახაძე აცხადებს, „დაზღვევის კავშირმა“ რა კონსულტაციებიც გამართა პარლამენტის ეკონომიკური პროფილის და ჯანდაცვის კომიტეტებთან, შედეგი გამოიღო.


„ეს ინიციატივა დარეგისტირებულია, ჩაინიშნება სხდომა და მოხდება განხილვა „კონკურენციის შესახებ„ კანონის გავრცობაზე, მათ შორის საბანკო სექტორზე. ჩვენ ზუსტად ამას ვაპროტესტებთ, რომ „კონკურენციის შესახებ“ კანონი არ ვრცელდება ბანკებზე და ბაზარზე არაჯანსაღ კონკურენციასთან გვაქვს საქმე. ასეთ პირობებში  ბანკები და საბანკო ჰოლდინგები თავიანთ სადაზღვევო კომპანიებთან ერთად გვებრძვიან. დღეს მათზე არ ვრცელდება „კონკურენციის შესახებ“ კანონი, ისინი ამითი სარგებლობენ და ამას ბოროტად იყენებენ,“ აღნიშნავს ახრახაძე.



მისივე განცხადებით, ზუსტ რედაქციაზე საუბარი ჯერ ნაადრევია, თუმცა, კანონის ამ ჩანაწერში საუბარი იქნება არა აკრძალვაზე, არამედ იმაზე, რომ კონკურენციის კანონი გავრცელდეს ყველაზე, მათ შორის საბანკო სექტორზე. ეს კი ახრახაძის შეფასებით, მოგვცემს იმას, რომ საბანკო არხებით გაყიდვადი ან შეთავაზებადი სადაზღვევო სერვისები მოექცევა კანონის ქვეშ და ჯანსაღი კონკურენციის პრინციპებს დაეფუძნება.

 

„ეს პირველი ნაბიჯი იქნება. დღეს ნებისმიერი მომხმარებელი, რომელიც საბანკო არხის გავლით ყიდულობს პოლისს,უფლებაწართმეულია. ის როგორც კი ბანკში მოხვდება, არავინ აღარ ეკითხება მას როგორი ტიპის დაზღვევა უნდა.“

 

მისი თქმით, ამ საკითხზე იმსჯელა და შესაბამისი რეკომენდაციები შეიმუშავა ეროვნულმა ბანკმაც. მისი რეკომენდაციით, კლიენტის თავისუფალი არჩევანის უზრუნველყოფის მიზნით არა ერთი, არამედ რამდენიმე სადაზღვევო კომპანიის სავალდებულო წესით სერვისი უნდა იქნას შეთავაზებული მომხმარებლისთვის, რომლებიც ბანკის გვერდის ავლით ყიდულობენ პოლისებს.


„ეროვნულ ბანკში ამის მუშა ვერსია არსებობს. ეს გვითხრა ეროვნული ბანკის იურიდიულმა სამსახურმა. თუმცა, გამოქვეყნებული არ არის,“-აცხადებს ახრახაძე.


კითხვაზე, რა მოლოდინი არსებობს სექტორში, გაითვალისწინებს თუ არა დაზღვევის ზედამხედველობის სამსახური და პარლამენტი როგორც    დაზღვევის კავშირის და მისი წევრების მოთხოვნას, ისე ევროდირექტივას, სადაც წერია, რომ  საქართველოში ფინანსურ კონგლომერატებში  არაპროფილური აქტივების გამიჯვნა, განაწილება მოხდეს.


 „ამას რამდენად გაიზიარებს პარლამენტი, ეს უკვე ცალკე თემაა. მოლოდინია ის, რომ „კონკურენციის კანონის“ ეს ჩანწერი ბანკებზე გავრცელდება,რაც შეეხება დაზღვევის ზედამხედველობის სამსხურს, იმსჯელებს იმაზე, რომ საბანკო ინსტიტუტების მხრიდან განუზომელი და არაგონივრული ფინანსური ინტერესები  იყოს რეგულირებული დაზღვევის სფეროში. რაც შეეხება იმას, მოხდება თუ არა ამ ეტაპზე დემერჯინგი, ანუ ბანკების მხრიდან არაპროფილური აქტივების გამიჯვნა, ამას უფრო მეტი მუშაობა სჭირდება. მისი განხილვა პლენარულ სხდომაზე უნდა მოხდეს.“


როგორც ცნობილია, დაზღვევის კავშირი  დაახლოებით 15–მდე სადაზღვევო ობიექტს აერთიანებს. მათ შორის, სადაზღვევო კომპანიებს და სადაზღვევო ბროკერებს.


არაპროფილური აქტივების ფლობის საკითხი საფინანსო სექტორში წლებია აქტუალურია. ეს თემა რამდენიმე თვის წინ, „თიბისი დაზღვევის“ გენერალურმა  დირექტორმა  პაატა ღაძაძემ  გააქტიურა და  განაცხადა, რომ „თიბისი დაზღვევასა“ და „თიბისი ბანკს“ შორის ბიზნესინტერესთა კონფლიქტი არ არსებობს“ და ბიზნეს ინტერესების კონფლიქტთან იმ შემთხვევაში გვექნებოდა საქმე, თუ სადაზღვევო კომპანია პარალელურად  საავადმყოფოს ან სააფთიაქო ქსელის მფლობელი იქნებოდა. ღაძაძის ამ განცხადებას სადაზღვევო სექტორში ურთიერთსაპირისპირო განცხადებები მოჰყვა.


სოფო ქსოვრელი

 





„არავინ არ მისცემს „ქართულ ოცნებას“ უფლებას, რომ გზას გადაუხვიოს და ქვეყანა პროპორციულ არჩევნებზე არ გადავიდეს“ - ლევან კობერიძე

 „არავინ არ მისცემს „ქართულ ოცნებას“  უფლებას, რომ გზას გადაუხვიოს და ქვეყანა პროპორციულ არჩევნებზე არ გადავიდეს“ - ლევან კობერიძე
access_time2019-11-12 20:10:35
„საეჭვოა ის, რომ „ქართული ოცნება“ ამ ხალხის მოთხოვნას მხარს დაუჭერს და ბოლომდე მიიყვანს. რა პროცესი მიდის უმრავლესობის შიგნით, გაურკვეველია. თავიანთი შიდა სამზარეულოს პრობლემები, ქვეყნის რეალურ პრობლემებად იქცა.  ამიტომაა მნიშვნელოვანი გუნდში გამჭვირვალობა იყოს.“ - ასე აფასებს საქართველოს პარლამენტის დამოუკიდებელი დეპუტატი ლევან კობერიძე დღეს პარლამენტში განვითარებულ...

ოპოზიციის კანონპროექტი ჩავარდა, ჩავარდება თუ არა „ქართული ოცნების“ მიერ შემოთავაზებული ვარიანტი

ოპოზიციის კანონპროექტი ჩავარდა, ჩავარდება თუ არა „ქართული ოცნების“ მიერ შემოთავაზებული ვარიანტი
access_time2019-11-12 19:16:27
საქართველოს პარლამენტმა ოპოზიციის ინიცირებულ საკონსტიტუციო ცვლილებებს, რომლის მიხედვით 2020 წლის საპარლამენტო არჩევნები სრულად პროპორციული წესით ჩატარდება, მხარი არ დაუჭირა. ახლა კენჭისყრაზე უნდა დადგეს უმრავლესობის მიერ მომზადებული კანონპროექტი, რომელიც პროპორციული არჩევნების ნულოვანი ბარიერით ჩატარებას გულისხმობს. კენჭისყრამდე კი ქართული ოცნების დეპუტატებმა საკითხის დამატებით განხილვა მოითხოვეს.   საპარლამენტო ოპოზიციამ იმ განცხადებებს, რომელიც სხდომათა...

„არ გაბედო ჩვენი გადაგდება! არ გაბედო კანონის ჩაგდება“ - პარლამენტთან აქცია დაიგეგმა

„არ გაბედო ჩვენი გადაგდება! არ გაბედო კანონის ჩაგდება“ - პარლამენტთან აქცია დაიგეგმა
access_time2019-11-12 18:51:39
საპარლამენტო უმრავლესობის რამდენიმე დეპუტატმა პროპორციულ სისტემაზე გადასვლას მხარი არ დაუჭირა, რის გამოც გაჩნდა ეჭვი, რომ „ქართული ოცნება" კანონპროექტის ჩაგდებას აპირებს.   „დღეს პროპორციულის კენჭისყრაა - არ გაბედო ჩაგდება! - ამ ტიპის განცხადებით გამოდიან ფეისბუქზე პროპორციული სისტემაზე გადასვლის მომხრეები, რომლებიც 20:00 საათზე პარლამენტთან გამაფრთხილებელი აქციის გაიმართვას გეგმავენ.   „პარლამენტში დღეს საკონსტიტუციო ცვლილებების განხილვა დაიწყო, რომლის...

თავისუფლების მოედანზე სასტუმრო „მონოგრაფი“ დეკემბერში გაიხსნება

თავისუფლების მოედანზე სასტუმრო „მონოგრაფი“ დეკემბერში გაიხსნება
access_time2019-11-12 17:50:48
თავისუფლების მოედანზე  5-ვარსკვლავიანი სასტუმრო “მონოგრაფი“, რომლის გახსნა  აგვისტოში იგეგმებოდა პირველ სტუმარს დეკემბერში მიიღებს.  ამის შესახებ „კომერსანტს“ „მონოგრაფის“ პრესსამსახურში განუცხადეს.სასტუმროს ფასადი კულტურული მემკვიდრეობის ძეგლს წარმოადგენს, რის გამოც სარესტავრაციო სამუშაოების დასრულება გაჭიანურდა. როგორც ცნობილია, სასტუმროში  100 ადამიანი დასაქმდება. პროექტის განმახორციელებელი  დეველოპერული  კომპანია Well House-ია. მაღალი...

გიორგი კერპულაძე-„შემოსავალი რაშიც გვაქვს, იმ ვალუტაში დავზოგოთ“

გიორგი კერპულაძე-„შემოსავალი რაშიც გვაქვს, იმ ვალუტაში დავზოგოთ“
access_time2019-11-12 17:30:57
„ანაბრების არსებობა მნიშვნელოვანია ეკონომიკისთვის. ბანკი ანაბრებს იზიდავს და შემდგომ გასცემს სესხებს, შესაბამისად, რაც უფრო მეტი თანხა იზოგება ლარში, მით უფრო მეტი საშუალებაა,რომ ეკონომიკა დაკრედიტდეს და უცხოეთიდან არ შემოვიტანოთ თანხა,“ - აღნიშნავს რადიო კომერსანტის რუბრიკა ფინანსურ მრჩეველში გიორგი კეპულაძე. მისი ინფორმაციით, არსებობს რამდენიმე ტიპის ანაბარი, მათ შორისაა, ვადიანი ანაბარი, როცა დიდ თანხას ვდებთ ბანკში და მას გარკვეული დროის შემდეგ პროცენტი...


მსგავსი სიახლეები

up