დავრწმუნდე, რომ ყველაფერი რიგზეა და ჩვენს მოქალაქეებს მაქსიმალურად მივაქციოთ ყურადღება, ეს არის ჩვენი ამოცანა და პირდაპირი ვალდებულება - პრემიერი

დავრწმუნდე, რომ ყველაფერი რიგზეა და ჩვენს მოქალაქეებს მაქსიმალურად მივაქციოთ ყურადღება, ეს არის ჩვენი ამოცანა და პირდაპირი ვალდებულება - პრემიერი

access_time2022-05-21 19:14:37

ჩემი სურვილია, რომ მიმდინარე სამუშაოები პირადად მოვინახულო ყველგან რათა დავრწმუნდე, რომ ყველაფერი რიგზეა- ამის შესახებ საქართველოს პრემიერ-მინისტრმა ირაკლი ღარიბაშვილმა გორში, ჟურნალისტებთან საუბარში განაცხადა.

მთავრობის მეთაურმა აღნიშნა, რომ ხელისუფლების ამოცანა და პირდაპირი ვალდებულებაა, რომ მოქალაქეებს მაქსიმალურად მიაქციონ ყურადღება.


პრემიერ-მინისტრის თქმით, გორში „განახლებული რეგიონების" პირველი ფაზის სამუშაოები მიმდინარეობს, რაც შენობების რეაბილიტაციას, ისტორიული ძეგლების აღდგენას და სკვერების და ბაღების განახლებას მოიცავს.

„ჩვენ დღეს მოვინახულეთ შიდა ქართლის რეგიონის ოთხივე მუნიციპალიტეტი და ამ მუნიციპალიტეტებში მიმდინარე სამუშაოები, რომელსაც ჩვენ, მთავრობა ვახორციელებთ. მოგახსენებთ, რომ ჩვენ ეს პროექტები დავიწყეთ გასულ წელს და ჩემი სურვილი არის, რომ პირადად ჩავიდე, ყველგან მოვინახულო მიმდინარე სამუშაოები, რათა დავრწმუნდე, რომ ყველაფერი რიგზეა და მოსახლეობას, ადგილზე ჩვენს მოქალაქეებს მაქსიმალურად მივაქციოთ ყურადღება. ეს არის ჩვენი ამოცანა და პირდაპირი ვალდებულება. გორში ხედავთ, რომ მიმდინარეობს პირველი ფაზის სამუშაოები, რომელიც „განახლებული რეგიონების" ფარგლებში შენობების რეაბილიტაციას, ისტორიული ძეგლების აღდგენას და სკვერების და ბაღების განახლებას მოიცავს იმისთვის, რომ ჩვენი ქალაქები, რაიონები იყოს მოვლილი, კეთილმოწყობილი და რეალურად შევქმნათ ევროპული ტიპის ცენტრები, რომელიც აუცილებელია. შემდეგი ფაზა, რა თქმა უნდა, გაგრძელდება, მომავალ წელს გავაგრძელებთ სხვა ეტაპებს და გვინდა, რომ ეს პროცესი მომავალშიც გაგრძელდეს. ჯამში, მთლიანად ამ პროექტებზე 46 მლნ ლარი იხარჯება და მთლიანად 400 მლნ ზე მეტი იხარჯება მხოლოდ რეგიონში. ეს მოიცავს როგორც „განახლებულ რეგიონებს", ასევე წყლის პროექტებს, ინფრასტრუქტურას, გზებს და აშ.. ამიტომ, მე მაქსიმალურად დავდივარ რეგიონებში და გავაგრძელებ ამ ვიზიტებს, რომ ადგილობრივ ხელისუფლებას ერთის მხრივ, მხარდაჭერა გამოვუცხადო და მეორეს მხრივ, თავად გავეცნო მიმდინარე სამუშაოებს",- აღნიშნა პრემიერ-მინისტრმა.





7 ივლისი - რეგიონში ქართული ლარი, თურქული ლირა და სომხური დრამი გაუფასურდა

7 ივლისი - რეგიონში ქართული ლარი, თურქული ლირა და სომხური დრამი გაუფასურდა
access_time2022-07-07 17:30:45
ეროვნული ბანკის მიერ 7 ივლისის ვაჭრობის შედეგად, ეროვნული ვალუტა აშშ დოლართან მიმართებით 0.81 თეთრით გაუფასურდა, რის შედეგადაც ერთი დოლარის ოფიციალური ღირებულება 2.9119 ლარი გახდა. ქართული ლარის კურსით ვაჭრობა Bloomberg-ზე დილიდან 0.96%-ით გამყარდა და 17:00 საათისთვის 1 დოლარი 2.8850 იყო. თურქული ლირა დოლართან მიმართებით გაუფასურდა და 17.28 შეადგინა. თუმცა Bloomberg-ის სავაჭრო სისტემაში დილიდან თურქული ლირით ვაჭრობა 1.24%-ით გამყარდა, 17:00 საათისთვის 1 დოლარი...

„ძალიან ვწუხვარ, რომ მსოფლიოში საუკეთესო სამსახურს ვტოვებ!“

„ძალიან ვწუხვარ, რომ მსოფლიოში საუკეთესო სამსახურს ვტოვებ!“
access_time2022-07-07 15:44:18
„ძალიან ვწუხვარ, რომ მსოფლიოში საუკეთესო სამსახურს ვტოვებ!“ — ამ სიტყვებით მიმართა ბორის ჯონსონმა მოსახლეობას. მან ბრიტანეთის პრემიერ-მინისტრის თანამდებობიდან გადადგომის შესახებ განცხადება რამდენიმე წუთის გააკეთა. „ნათელია, პარლამენტის „კონსერვატიული პარტიის“ სურვილია, რომ ამ პარტიას უნდა ჰყავდეს ახალი ლიდერი და შესაბამისად, ახალი...

ქართული თაფლის ექსპორტი 85,5%-ით გაიზარდა - სად ვყიდით თაფლს

ქართული თაფლის ექსპორტი 85,5%-ით გაიზარდა - სად ვყიდით თაფლს
access_time2022-07-07 15:00:00
2022 წლის იანვარ-მაისში ქართული თაფლის ექსპორტი 85,5%-ით გაიზარდა. საქსტატის მონაცემებით, წელს 5 თვეში ქვეყნიდან 90,24 ტონა თაფლის ექსპორტი განხორციელდა (340,4 ათასი დოლარის ღირებულების), გასული წლის ანალოგიურ პერიოდში კი უცხოეთში 48,63 ტონა პროდუქტი (151,9 ათასი დოლარის ღირებულების) გავიდა. გთავაზობთ Top-3 ქვეყანას, სადაც საქართველომ წელს ნატურალური თაფლი გაყიდა: ბულგარეთი - 67,42 ტონა (195,1 ათასი დოლარი)საფრანგეთი - 14,40 ტონა (80,94...

არქიმ არქელებისთვის საზეიმო ღონისძიება გამართა

არქიმ არქელებისთვის საზეიმო ღონისძიება გამართა
access_time2022-07-07 12:25:56
არქის დიდი ოჯახის საზეიმო ღონისძიება, მცხეთაში გაიმართა, სადაც სპეციალურად არქელებისთვის სხვადასხვა გასართობი აქტივობა და ვახშამი მოეწყო. საღამოს წამყვანი, არქელების მეგობარი დუტა სხირტლაძე გახლდათ, ხოლო მუსიკალურ გაფორმებაზე დათო გომართელი და ანსამბლი „შვიდკაცა“ ზრუნავდა. არქელების პირველ საზეიმო ღონისძიებას  ექვსი საცხვრებელი სახლის მაცხოვრებელი ესწრებოდა.   “არქიში წლებია, რაც სხვადასხვა დღესასწაულს არქელები ერთ დიდ ოჯახად აღვნიშნავთ. დღევანდელი ღონისძიების...

Credit Suisse ივანიშვილთან ურთიერთობაში ევროპარლამენტის რეზოლუციას ეყრდნობა

Credit Suisse ივანიშვილთან ურთიერთობაში ევროპარლამენტის რეზოლუციას ეყრდნობა
access_time2022-07-07 12:30:45
საქართველოს ყოფილი პრემიერის ბიძინა ივანიშვილის უფლებადამცველი იურიდიული კომპანიის ინფორმაციით, 5 ივლისს ივანიშვილმა Credit Suisse-სგან წერილი მიიღო, სადაც განმარტებულია, რომ ევროპარლამენტის მიერ ივანიშვილისთვის სანქციების დაწესების თაობაზე მიღებულმა რეზოლუციამ წარმოშვა ბანკის მხრიდან რეგულატორული ვალდებულებები და რომ ტრასტი თავის მოქმედებებს აღარ განახორციელებს სასამართლოს თანხმობის...


მსგავსი სიახლეები

up