21-24 იანვარს მსოფლიო ელიტა შვეიცარიის ქალაქ დავოსში შეიკრიბება, სადაც მსოფლიო ლიდერების, საწარმოების ხელძღვანელების, მეცნიერებისა და სამოქალაქო საზოგადოების წარმომადგენლების შეხვედრა გაიმართება.
Euronews-ის ცნობით, წელს მსოფლიო ეკონომიკური ფორუმის დაარსებიდან 50 წელი სრულდება.
რა არის დავოსი?
დავოსი- შვეიცარიის მთის კურორტია, სადაც მსოფლიო ეკონომიკური ფორუმი ყოველწლიურად იმართება. ის წარმოადგენს არასამთავრობო ორგანიზაციას, რომელშიც მსოფლიოს 1000-მდე უმსხვილესი კომპანია შედის. ამასთან, ღონისძიება აერთიანებს რამდენიმე ათას ბიზნესმენსა და პოლიტიკუ ლიდერებს.
მსოფლიო ეკონომიკური ფორუმი 1971 წელს გერმანელმა ეკონომისტმა კლაუს შვაბმა დააარსა, როგორც ევროპული სამმართველო ფორუმი, რომლის მიზანი ევროპელი მეწარმეებისთვის კორპორატიულ მართვაში დახმარება იყო.
მოგვიანებით ის დიალოგის ფორმატამდე გაფართოვდა. 1987 წელს მან ამჟამინდელი სახელწოდება მიიღო, 2015 წელს კი საერთაშორისო ორგანოზაციად აღიარეს.
რა ხდება ფორუმზე?
ტრადიციულად ღონისძიების წარმომადგენლები ეკონომიკურ საკითხებს განიხილავენ. ბოლო სამი ათწლეულის განმავლობაში ის გლობალური პრობლემებისა და გამოწვევების გასაშუქებლად მნიშვნელოვანი პლატფორმა გახდა.
ფორუმის თემა ყოველწლიურად იცვლება. 2020 წელს ის მდგრად განვითარებას მიეძღვნება.
imedinews.ge