დავით ზალკალიანი - სირცხვილია, როცა „მაპის“ არმიღებას ისე ჰყიდდნენ საზოგადოებაში, რომ „მაპზე“ უფრო მეტი რამ მივიღოთ

დავით ზალკალიანი - სირცხვილია, როცა „მაპის“ არმიღებას ისე ჰყიდდნენ საზოგადოებაში, რომ „მაპზე“ უფრო მეტი რამ მივიღოთ

access_time2019-10-17 23:00:16

მე ვეკითხები მათ, მაშინ, როცა კონფლიქტი ახალი დამთავრებული იყო 2008 წლის შემდეგ და ყველამ კარგად იცის, გაცილებით მარტივია, როცა საკითხი ცხელია, როცა მიმდინარეობს საომარი მოქმედებები, თუნდაც, ის ახალი დასრულებული იყოს, რომ მიაღწიო საერთაშორისო თანამეგობრობის მხრიდან მკაცრ ზემოქმედებას ოკუპანტ ძალაზე. რატომ ვერ მიაღწიეს მათ სანქციებს რუსეთის წინაარმდეგ. ამაშია საქმე. ეს არის სირცხვილი, - ამის შესახებ საგარეო საქმეთა მინისტრმა დავით ზალკალიანმა პარლამენტში, პლენარულ სესიაზე დასკვნითი სიტყვით გამოსვლისას განაცხადა.


„სირცხვილია ის, რომ ადამიანებს ციხეში აწამებდნენ, სირცხვილია ის რომ აპატიმრებდნენ სატელიტურ ანტენებს, სირცხვილია ის, რომ ადამიანებს საკუთრების უფლება ჰქონდათ წართმეული, პოლიტიკური ნიშნით ხდებოდა საგარეო საქმეთა სამინისტროდან დიპლომატების განდევნა და ამ პროცესს ეს ჩვენი კოლეგები დღევანდელი ხელმძღვანელობდნენ მაშინ, როცა ისინი ხელმძღვანელობდნენ საგარეო საქმეთა სამინისტროს და ჩვენი ქვეყნის საგარეო პოლიტიკას. ეს არის ყველაზე დიდი სირცხვილი.


სირცხვილია ის, რომ საქართველო საერთოდ გამქრალი იყო 2008 წლის შემდეგ, გაიხსენეთ, რამდენი ქვეყნის ლიდერი ჩამოვიდა 2008 წლის შემდეგ, მხედველობაში არ მაქვს კონფლიქტის დაცხრომასთან დაკავშირებული მედიაცია, რომელსაც პრეზიდენტი სარკოზი და მაშინელი ლიდერები აწარმოებდნენ. რამდენი ქვეყნის ლიდერი ჩამოვიდა 2008 წლიდან 2012 წლამდე საქართველოში? - არც ერთი. 2012 წლამდე რამდენი საგარეო საქმეთა მინისტრი ჩამოვიდა და შეადარეთ დღევანდელ მდგომარეობას, როგორი ვიზიტები გვაქვს როგორც ქვეყნის შიგნით, ისე ქვეყნის გარეთ. ეს არის სირცხვილი და პასუხი მათ ქმედებებზე.


სირცხვილია მსოფლიო სავაჭრო ორგანიზაციაში რუსეთის გაწევრიანების სანაცვლოდ ვაჭრობა ორმხრივი შეხვედრების ორგანიზების კუთხით. ეს არის სირცხვილი. მე მინდა რომ ამ ყველაფერზე საზოგადოებას ჰქონდეს მკაფიო და ნათელი შეფასება. ჩვენი ხალხი ბრძენია და ყველაფერს კარგად ხედავს.


სირცხვილია, როცა „მაპის“ არმიღებას ისე ჰყიდდნენ საზოგადოებაში, რომ „მაპზე“ უფრო მეტი მივიღეთ. სირცხვილია ის მაღალი მოლოდინები, რომელსაც უქმნიდნენ ვიზალიბერალიზაციასთან და ასოცირების ხელშეკრულების გაფორმებასთან დაკავშირებით და პარალელურად, სინგაპურზე საუბარი. ძალიან ბევრი რამეა მათ ქმედებებში სირცხვილი და მათ სინდისზე და ნამუსზე იყოს ეს. არ ვაპირებდი ამ თემებზე გამოსვლას, მაგრამ სამწუხაროდ მომიწია და ვიმეორებ, საგარეო საქმეთა სამინისტრო, დიპლომატიური კორპუსი, თქვენთან, პარლამენტთან ერთად გააგრძელებს ძალიან აქტიურ საქმიანობას ყველა მიმართულებით, მათ შორის, ევროპული ინტეგრაციის კუთხით, კიდევ უფრო მეტი შედეგის დადების თვალსაზრისით, ნატოში ინტეგრაციის კუთხით და რა თქმა უნდა, ნომერ პირველი ამოცანა ჩემთვის არის ქვეყნისთვის საფრთხეების აცილება, მინიმიზაცია გამოწვევების, რათა უზრუნველყოთ საქართველოში სტაბილურობა, რის გარეშეც არ არსებობს არც განვითარება, არც კეთილდღეობა,“- განაცხადა დავით ზალკალიანმა.


შეგახსენებთ, დავით ზალკალიანს პარლამენტის პლენარულ სხდომაზე „მინისტრის საათის“ ფორმატში უსმენდნენ.


IPN.GE




იპოთეკური სესხის სუბსიდირება მეორად ბინებს არ შეეხება-ვახტანგ ბუცხრიკიძე

იპოთეკური სესხის სუბსიდირება მეორად ბინებს არ შეეხება-ვახტანგ ბუცხრიკიძე
access_time2020-05-28 19:16:24
ახალი, სუბსიდირებული იპოთეკური სესხებით სარგებლობას მოქალაქეები „თიბისიში“ ივნისის შუა რიცხვებიდან შეძლებენ. ამის შესახებ „თიბისის“ დირექტორმა ვახტანგ ბუცხრიკიძემ რადიო „პალიტრასა“ და „პალიტრანიუსის“ გადაცემაში „საქმე“ განაცხადა. მისივე თქმით, სესხების გაცემის დასაწყებად ტექნიკური სამუშაოებია დარჩენილი, რასაც დაახლოებით, 1-2 კვირა დასჭირდება, შესაბამისად, ივნისის შუა რიცხვებში ბანკი მზად იქნება, რომ სესხები გასცეს. „ბოლო 3 კვირის განმავლობაში...

28 მაისი - ქართული ლარი გამყარდა, თურქული ლირა გაუფასურდა

28 მაისი - ქართული ლარი გამყარდა, თურქული ლირა გაუფასურდა
access_time2020-05-28 19:00:55
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს.    ეროვნული ბანკის მიერ გამოქვეყნებული 28 მაისის ვაჭრობის შედეგად, ქართული ლარის კურსი მცირედით გამყარდა და ერთი აშშ დოლარის...

„ნატახტარი“ ბაზარზე 1 კვირაში მწვანე ლაიმის შეცველობის ლუდს გამოიტანს

„ნატახტარი“  ბაზარზე 1 კვირაში მწვანე ლაიმის შეცველობის ლუდს გამოიტანს
access_time2020-05-28 18:45:57
„ნატახტარი“ პროდუქციის ასორტიმენტს აფართოებს. კომპანია დაახლოებით ერთ კვირაში ბაზარზე მწვანე ლაიმის შემცველობის ლუდს გამოიტანს. როგორც „კომერსანტს“   „ნატახტარის“ კორპორატიულმა   დირექტორმა ნიკოლოზ ხუნძაკიშვილმა განუცხადა,ლუდის სეზონზე მნიშვნელოვანი იქნება ისიც, რომ „ნატახტარი“  არსებულ სასმელებზე, კომპანია  ფასებს დააკორექტირებს.    „განახლებული პროდუქციით  ვგეგმავთ გამოვჩნდეთ ბაზარზე და დავიწყოთ ლუდის სეზონი, წინა წელს...

ირაკლი ბურდილაძე - უძრავ ქონებაზე ფასების გაზრდა ან გაყიდვების შემცირება მოსალოდნელი არ არის

ირაკლი ბურდილაძე - უძრავ ქონებაზე ფასების გაზრდა ან გაყიდვების შემცირება მოსალოდნელი არ არის
access_time2020-05-28 16:38:06
მთავრობის მიერ წარდგენილი დეველოპერული სექტორის მხარდაჭერის ანტიკრიზისული გეგმა არის ყოვლისმომცველი და ძალიან კარგად დაბალანსებული, – ამის შესახებ კომპანია „საქართველოს უძრავი ქონება m2“-ის ხელმძღვანელმა, ირაკლი ბურდილაძემ განაცხადა, რომელიც გეგმის პრეზენტაციას დაესწრო. მისი თქმით, ეკონომიკას სტიმულირება ნებისმიერი კრიზისის დროს სჭირდება. „მინდა, ვისარგებლო შემთხვევით და ძალიან დიდი მადლობა გადავუხადო საქართველოს მთავრობას, თბილისის მერიასა...

ფრონტერა მოქმედებს როგორც არაკეთილსინდისიერი ბიზნეს სუბიექტი-ნავთობის და გაზის კორპორაცია

ფრონტერა  მოქმედებს როგორც არაკეთილსინდისიერი ბიზნეს სუბიექტი-ნავთობის და გაზის კორპორაცია
access_time2020-05-28 16:15:17
საქართველოს ნავთობისა და გაზის კორპორაცია (სნგკ/კორპორაცია) ნავთობისა და გაზის სახელმწიფო სააგენტოსთან (ნგსს/სააგენტო) ერთად მოუწოდებს ,,ფრონტერა რისორსიზ ჯორჯია კორპორეიშენს“, თავი შეიკავოს არაკეთილსინდისიერი ქმედებებისგან, საარბიტრაჟო განხილვის რეალური შედეგების საწინააღმდეგო ცნობების გავრცელებისგან და ამ გზით სამართლებრივი დავისთვის პოლიტიკური სახის მიცემისგან. აქვე, „ფრონტერამ“ პატივი უნდა სცეს მხარეთა მიერ შეთანხმებული დავების განმხილველი ინსტიტუტის -...


მსგავსი სიახლეები

up