დავით ზალკალიანი - სერგეი ლავროვთან შეხვედრა იყო საჭირო, დროული და აუცილებელი

დავით ზალკალიანი - სერგეი ლავროვთან შეხვედრა იყო საჭირო, დროული და აუცილებელი

access_time2019-10-03 21:35:54

სერგეი ლავროვთან შეხვედრა იყო საჭირო, დროული და აუცილებელი, – ამის შესახებ საქართველოს საგარეო საქმეთა მინისტრმა, დავით ზალკალიანმა რუსეთის საგარეო უწყების ხელმძღვანელთან, სერგეი ლავროვთან შეხვედრის შეფასებისას განაცხადა.


„ამის თქმის საფუძველს მაძლევს მე ის კომუნიკაცია, რომელიც მქონდა ნიუ იორკში მთელი კვირის განმავლობაში ჩვენს პარტნიორებთან. ყველა ერთხმად აღნიშნავდა, რომ აუცილებელია დამატებითი ნაბიჯების გადადგმა იმისთვის, რომ ბორდერიზაციის პროცესი და ასევე ჟენევის პროცესში არსებული პრობლემატიკა იყოს განსაკუთრებულად განხილული და ამ პროცესს მივცეთ ახალი დინამიკა“,- განაცხადა ზალკალიანმა.


როგორც საქართველოს საგარეო უწყების ხელმძღვანელი ამბობს, ჟენევის ფორმატის ცვლილებაზე საუბარი არ ყოფილა.


„მინდა, კიდევ ერთხელ მეორე სპეკულაცია გავაქარწყლო, რომ თითქოს იქ საუბარი იყო რაღაც ფორმატების ცვლილებაზე და რაღაც ფორმატის ჩანაცვლებაზე. არამც და არამც, არანაირი ფორმატის ცვლილებაზე საუბარი არ ყოფილა. პირიქით, კიდევ ერთხელ იქნა დადასტურებული, რომ ჩვენ ვაგრძელებთ ურთიერთობებს, ჩვენ ვაგრძელებთ მუშაობას ჟენევის ფორმატში. რა თქმა უნდა, პერსონალიები შეიცვალა, მაგრამ ახალი პერსონალიები, რომლებიც ეყოლება რუსეთის ფედერაციას, მისი მონაწილეობით იქნება გაგრძელებული ჟენევის მოლაპარაკებები“, – აღნიშნა ზალკალიანმა.



მისივე თქმით, ლავროვთან შეხვედრის ინიციატორი და ორგანიზატორი შვეიცარიის მხარე იყო, რაზეც ქართულმა მხარემ თანხმობა განაცხადა.


„ნიუ იორკში მთელი კვირის განმავლობაში მქონდა შეხვედრა პარტნიორებთან. განვიხილავდით ოკუპირებულ ტერიტორიებზე შექმნილ უმძიმეს მდგომარეობას. რამდენიმე დღით ადრე, ამ შეხვედრამდე, მე მქონდა შეხვედრა შვეიცარიის საგარეო საქმეთა მინისტრთან, რომელმაც ჩემთან საუბრის დროს აღნიშნა, რომ ხომ არ იქნებოდა განხილული ჩვენი მხრიდან ამ შეხვედრის შესაძლებლობა გაერო-ს ფორმატის ფარგლებში შვეიცარიელების ინიციატივით, მათი ორგანიზებით და შუამდგომლობით. რა თქმა უნდა ეს, ჩვენი მხრიდან იყო განხილული და დავთანხმდით ამ შეხვედრაზე. რატომაც არა. გაერო-ს ფორმატებში ყველა ყველას ესაუბრება. იქ მიდის საუბარი ისეთ ქვეყნებს შორის. რომლებთაც დიპლომატიური ურთიერთობა არ აქვთ. იცით თქვენ, რომ ყარაბახის კონფლიქტთან დაკავშირებით სომხეთი და აზერბაიჯანი საუბრობს. სერბეთი და კოსოვო საუბრობს ირანის თემატიკასთან. ეს არის უნიკალური შესაძლებლობა და რატომაც არა, როდესაც ასეთი მძიმე მდგომარეობაა. ამიტომ მივიღეთ ჩვენ გადაწყვეტილება“,- განაცხადა ზალკალიანმა.


ამასთან, დავით ზალკალიანის თქმით, სერგეი ლავროვთან შეხვედრაზე ავიამიმოსვლის აღდგენის საკითხზეც იყო საუბარი.


„ფრენებთან დაკავშირებით საუბარი იყო და ბუნებრივია, ამას მივესალმეთ. ფრენებთან დაკავშირებით ამ შეხვედრის წინა დღეს გაკეთდა კომენტარი რუსეთის საგარეო საქმეთა მინისტრის მხრიდან ერთ-ერთ გამოცემაში. ჩვენ მხოლოდ მივესალმებით ამას. შეხვედრაზეც აღვნიშნე, რომ ხალხთა შორის ურთიერთობის წინააღმდეგი ვინ შეიძლება იყოს? მთელი ამ პერიოდის განმავლობაში ერთი რუსეთის მოქალაქე ვერ იტყვის, რომ მას რაიმე პრობლემები შეექმნა. ამიტომ, მხოლოდ და მხოლოდ მისასალმებელია. ჩვენ ძალიან რაციონალურად, პრაგმატულად გავაგრძელებთ ამ პოლიტიკას და ეს ყველაფერი არის ჩვენი, საქართველოს გადასაწყვეტი“,- განაცხადა დავით ზალკალიანმა.





რას წარმოადგენს Samsung-ის ოფიციალური ჰოლოგრამა?

რას წარმოადგენს Samsung-ის ოფიციალური ჰოლოგრამა?
access_time2021-02-25 18:10:04
სამსუნგი საქართველოში სმარტ მოწყობილობებისათვის ოფიციალურ ჰოლოგრამას იყენებს. ჰოლოგრამა სმარტფონის ყუთის წინა მხარეს არის განთავსებული, მასზე არსებული წარწერები ქართულ ენაზეა (ოფიციალური Samsung საქართველოსთვის), ხოლო ფონად საქართველოს რუქის კონტურია დატანილი. სამსუნგის ოფიციალური ჰოლოგრამით თქვენ მარტივად შეგიძლიათ განასხვაოთ ოფიციალური პროდუქტი არაოფიციალურისაგან. სამსუნგის ოფიციალური სმარტფონის შეძენისას თქვენ გაქვთ ოფიციალური გარანტია და ავტორიზებული სერვის ცენტრის...

დღის Top 10 საინტერესო ამბავი

დღის Top 10 საინტერესო ამბავი
access_time2021-02-25 21:00:23
1. როგორი იქნებოდა საქართველოს ეკონომიკა, რომ არა 1921 წლის 25...

Washington post: ბაიდენის ადმინისტრაცია რუსეთის წინაამღდეგ ახალ სანქციებს ამზადებს

Washington post: ბაიდენის ადმინისტრაცია რუსეთის წინაამღდეგ ახალ სანქციებს ამზადებს
access_time2021-02-25 20:00:09
ბაიდენის ადმინისტრაცია რუსეთის წინაამღდეგ ახალ სანქციების, ამჯერად ოპოზიციონერის ალექსეი ნავალნის და ამერიკის საჯარო სტრუქტურებზე კიბერშეტევის გამო ამზადებს.   დამსჯელი ზომების მიზანია მსოფლიოსთვის მკვეთრი სიგნალს გაგზავნა იმაზე, რომ რუსეთი აშშ-ს და მოკავშირეების წინაამღდეგ კიბერ-ინსტრუმენტებს წლების მანძილზე იყენებს, არჩევნებში ერევა, ჰაკერებთან თანამშრომლობს და ბოლო პერიოდში - აშშ-ს სახელმწიფო ორგანოების მუშაობას აფერხებს.   სასჯელი...

GeoFresh სპარსეთის ყურის ქვეყნებში ლურჯი მოცვის და სატაცურის ექსპორტს იწყებს

GeoFresh სპარსეთის ყურის ქვეყნებში ლურჯი მოცვის და სატაცურის ექსპორტს იწყებს
access_time2021-02-25 19:00:13
კომპანია GeoFresh 2021 წელს ლურჯი მოცვის და სატაცურის ექსპორტის დაწყებას სპარსეთის ყურის ქვეყნებში გეგმავს.   კომპანია 2016 წელს 2-მა ებრაელმა ბიზნესმენმა დააარსა და ის დღეს კახეთში 13 ჰექტრის სატაცურის, ხოლო სამეგრელოში ლურჯი მოცვის 7 ჰექტრის  პლანტაციებს ფლობს. სავარაუდოდ, 2021 სატაცურის მოსავალი 20-25, ხოლო ლურჯი მოცვის - 60-70 ტონას მიაღწევს.   ამ დროისთვის კომპანია Global G.A.P  სერტიფიკატის მიღებაზე მუშაობს, რაც შემდგომში...

„ოკტოპუს ფიტნეს კლუბი“ მუშაობის განახლებისთვის 200 000-მდე ლარს დახარჯავს

„ოკტოპუს ფიტნეს კლუბი“ მუშაობის განახლებისთვის 200 000-მდე ლარს დახარჯავს
access_time2021-02-25 18:00:46
„ოკტოპუს ფიტნეს კლუბის“ დირექტორი გიორგი ასათიანი  აცხადებს, რომ კომპანია 15 მარტიდან მუშაობის გასაახლებლად ემზადება. მისი განცხადებით, დაგეგმილია კომპანიის ყველა ფილიალის გახსნა.   როგორც ასათიანი განმარტავს, იმ პირობებში, როდესაც სპორტული დარბაზები 9-10 თვის განმავლობაში დაკეტილები იყვნენ, მუშაობის გასაახლებად საკმაოდ დიდი ფინანსური რესურსია საჭირო.   „სასურველი იქნებოდა, სექტორს გარკვეული ტიპის საგადასახადო შეღავათები ჰქონოდა, რადგან მართლა...


მსგავსი სიახლეები

up