დავით ზალკალიანი - „საქართველო-აშშ-ის სტრატეგიული პარტნიორობა არასდროს ყოფილა ისეთ მაღალ ნიშნულზე, როგორც ეს „ქართული ოცნების“ მმართველობის პერიოდში“

დავით ზალკალიანი - „საქართველო-აშშ-ის სტრატეგიული პარტნიორობა არასდროს ყოფილა ისეთ მაღალ ნიშნულზე, როგორც ეს „ქართული ოცნების“ მმართველობის პერიოდში“

access_time2020-10-26 16:51:36

საქართველოს საგარეო საქმეთა მინისტრმა, დავით ზალკალიანმა „ქართული ოცნება-დემოკრატიული საქართველოს“ საარჩევნო პროგრამის თემატურ პრეზენტაციაზე 2012 წლიდან დღემდე საქართველო-აშშ-ს პარტნიორობასა და 8 წლის მანძილზე ამ კუთხით მიღწეულ წარმატებაზე ისაუბრა. ინფორმაციას „ქართული ოცნება - დემოკრატიული საქართველოს“ პრესსამსახური ავრცელებს.



დავით ზალკალიანის თქმით, საქართველო-აშშ-ის სტრატეგიული პარტნიორობა არასდროს ყოფილა ისეთ მაღალ ნიშნულზე, როგორც „ქართული ოცნების“ მმართველობის პერიოდში.



„ჩვენ ვართ მშვიდობიანი ქვეყანა, რომელიც ყველაფერს აკეთებს იმისთვის, რომ რეგიონში განვითარდეს მშვიდობა და ამაში გვეხმარებიან ჩვენი სტრატეგიული პარტნიორები. როგორც არასდროს, ისეთ მაღალ ნიშნულზე არის საქართველო-ამერიკას შორის სტრატეგიული პარტნიორობა. არასდროს დამოუკიდებელი საქართველოს ისტორიაში ამდენი ხელშესახები შედეგი ამერიკასთან ჩვენ არ გვქონია. შარშან მიღებულ იქნა დეკლარაცია, რომელმაც სტრატეგიული პარტნიორობის 10 წელი მოიცვა. ეს დეკლარაცია არის ყოვლისმომცველი. ჩვენ ვთანამშრომლობთ თავდაცვის, უსაფრთხოების, ეკონომიკის, დემოკრატიული აღმშენებლობის, ჩვენი ინსტიტუტების გაძლიერების, ხალხთა შორის ურთიერთობის მიმართულებით. ჩვენ გვაქვს უპრეცედენტოდ მაღალი ორპარტიული მხარდაჭერა. ჩვენ დავამტკიცეთ, რომ ეს არ გახლავთ მხოლოდ პოლიტიკური ალიანსი, არამედ არის საერთო ფასეულობებისა და ღირებულებების ერთგულებით ჩამოყალიბებული კავშირი,“ - განაცხადა მინისტრმა.



დავით ზალკალიანის თქმით, საქართველომ განამტკიცა სტრატეგიული პარტნიორის ნდობა და გააძლიერა თანამშრომლობა თავდაცვისა და უსაფრთხოების სფეროში, აშშ-ს მხრიდან მიიღო უპრეცედენტო მხარდაჭერა სუვერენიტეტისა და ტერიტორიული მთლიანობის მიმართ, რაც გამოიხატა აშშ-ს საბიუჯეტო კანონში მნიშვნელოვანი ჩანაწერით და ითვალისწინებს სანქციების დაწესებას იმ ქვეყნების მიმართ, ვინც აღიარებს საქართველოს ოკუპირებული რეგიონების დამოუკიდებლობას.




დავით ზალკალიანმა ხაზგასმით აღნიშნა, რომ საქართველო სარგებლობს აშშ-ს კონგრესის მტკიცე ორპარტიული მხარდაჭერით და რომ პირველად სტრატეგიული პარტნიორობის ისტორიაში კონგრესში ინიცირებული იქნა და წარმომადგენლობითმა პალატამ დაამტკიცა „საქართველოს მხარდამჭერი აქტი“ თავისი შინაარსითა და ფორმით უმნიშვნელოვანესი დოკუმენტი, რომელიც პირველი ცალკე მდგომი საკანონმდებლო აქტია საქართველოს შესახებ.



საგარეო უწყების ხელმძღვანელმა ასევე ისაუბრა აშშ-ს მხრიდან საქართველოს ფინანსური მხარდაჭერის გაძლიერებასა და წარმატებით მიმდინარე, C ჰეპატიტის აღმოფხვრის პროგრამაზე და აღნიშნა, რომ ქვეყნის მთავარი სტრატეგიული პარტნიორის მიერ გამოყოფილმა დახმარებამ 132 მილიონი აშშ შეადგინა და შესაბამისად, რეკორდულ ნიშნულს მიაღწია. ასევე, ამერიკის შეერთებული შტატების კონგრესმა ბოლო ოთხ წელიწადში 50 მილიონით გაზარდა საქართველოსათვის გამოყოფილი დაფინანსება, აშშ-ს კერძო უცხოური ინვესტიციების კორპორაციამ საქართველოსთვის გამოყოფილი დაფინანსების ლიმიტის გაორმაგების გადაწყვეტილება მიიღო.



დავით ზალკალიანმა საქართველო-აშშ-ს თანამშრომლობის კუთხით სამომავლო გეგზმებზეც გაამახვილა ყურადღება.



„მომავალში მაქსიმალურ ძალისხმევას მივმართავთ აშშ-სთან სტრატეგიული პარტნიორობის განმტკიცების მიმართულებით: ინტენსიური თანამშრომლობა გაგრძელდება სტრატეგიული ქარტიით გათვალისწინებული ყველა ძირითადი მიმართულებით; კიდევ უფრო გაღრმავდება და ახალ სამართლებრივ ჩარჩო-ინსტრუმენტში გაღრმავდება თანამშრომლობა თავდაცვისა და უსაფრთხოების მიმართულებით; მაქსიმალურ ძალისხმევას მივმართავთ იმისათვის, რომ აშშ-სთან სავაჭრო- ეკონომიკური ურთიერთობები ავიყვანოთ ისეთ უმაღლეს ნიშნულამდე, როგორიც დღეს არის პოლიტიკური და თავდაცვისა და უსაფრთხოების სფეროში თანამშრომლობა. ამ მიზნით აქტიურად ვიმუშავებთ აშშ-სთან თავისუფალი ვაჭრობის შეთანხმების გაფორმების კუთხით. ჩვენ შევინარჩუნებთ ამერიკის კონგრესში არსებულ მტკიცე ორპარტიულ მხარდაჭერას და მათ შორის ვიმუშავებთ იმაზე რომ კონგრესში საბოლოოდ დამტკიცდეს „საქართველოს მხარდამჭერი აქტი,““ - განაცხადა მინისტრმა.









წინანდლის სახლ-მუზეუმში საგამოფენო სეზონი გაიხსნა

წინანდლის სახლ-მუზეუმში საგამოფენო სეზონი გაიხსნა
access_time2021-05-11 10:54:33
ალექსანდრე ჭავჭავაძის წინანდლის სახლ-მუზეუმში მორიგი საგაზაფხულო სეზონი გაიხნა. „მეხსიერების ფრაგმენტები“ სერგო ფარაჯანოვის და გოგი ალექსი-მესხიშვილის ნამუშევრების ერთობლივი გამოფენის სახელწოდებაა, რომელიც ამ ორი ხელოვანის შემოქმედებას განსაკუთრებული რაკურსით წარმოაჩენს.     კერძო კოლექციებიდან შეგროვებული ნამუშევრების უმეტესობას დამთვალიერებელი წინანდლის მუზეუმის საექსპოზიციო სივრცეში პირველად იხილავს. მათი შემოქმედებისთვის ვიზუალური თხრობაა დამახასიათებელი და...

„თიბისის“ და „საქართველოს ბანკის“ სესხების შესაძლო დანაკარგების რეზერვის ოდენობა რადიკალურად შემცირდა - რა გამოიწვია „ამორეზერვებამ“?

„თიბისის“ და „საქართველოს ბანკის“ სესხების შესაძლო დანაკარგების რეზერვის ოდენობა რადიკალურად შემცირდა - რა გამოიწვია „ამორეზერვებამ“?
access_time2021-05-11 10:00:53
კომერციული ბანკების ფინანსური ანგარიშგებების 2021 წლის I კვარტლის მონაცემების მიხედვით, Top 5 კომერციული ბანკის სესხების შესაძლო დანაკარგების რეზერვის ოდენობა მნიშვნელოვნად შემცირდა. საბანკო ასოციაციის პრეზიდენტი ალექსანდრე ძნელაძე „კომერსანტთან“ ამბობს, რომ პანდემიის გამო საბანკო სესხების ნაწილი „ამორეზერვდა“, რამაც რადიკალურად შეამცირა სესხების შესაძლო დანაკარგების რეზერვის მაჩვენებელი. „ბანკებმა მსესხებლებს 2 ეტაპად...

„რითეილ ბაზრის მოთამაშეები არათანაბარ პირობებში არიან და მათ თანაბარი შესაძლებლობები არ ეძლევათ“ – „ფრესკო“

„რითეილ ბაზრის მოთამაშეები არათანაბარ პირობებში არიან და მათ თანაბარი შესაძლებლობები არ ეძლევათ“ – „ფრესკო“
access_time2021-05-11 11:00:25
ხელისუფლების მხრიდან რითეილ ბიზნესების არათანაბარ პირობებში ჩაყენებაზე არაერთი ამ ბაზრის მოთამაშე საუბრობს. ძირითად შემთხვევაში პრობლემა ჰიპერმარკეტების ქსელ „კარფურს“ უკავშირდება და მის მიმართ ხელისუფლების მხრიდან პრივილეგიების მინიჭებას. არსებულ არაკონკურენტულ გარემოზე „ფრესკოშიც“ საუბრობენ და აღნიშნავენ, რომ რითეილ სექტორისთვის ასევე პრობლემაა გამჭვირვალობის ნაკლებობა და ერთიანი სტანდარტის არ არსებობა. „კომერსანტთან“ ფრესკოს გენერალურმა დირექტორმა...

10 მაისი - რეგიონში ყველა ვალუტა გამყარდა

10 მაისი - რეგიონში ყველა ვალუტა გამყარდა
access_time2021-05-10 18:00:34
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 10 მაისის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 16 პუნქტით გაუფასურდა. შედარებისთვის, დაახლოებით 62 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 10 მაისის ვაჭრობის შედეგად (რომლის ოფიციალური კურსი 11 მაისისაა) ეროვნული ვალუტა აშშ დოლართან...

დღის Top 10 საინტერესო ამბავი

დღის Top 10 საინტერესო ამბავი
access_time2021-05-10 21:00:50
საერთაშორისო ორგანიზაციების მიერ შავ სიში შეყვანილ კომპანიას საქართველოს მთავრობამ 805 843 391 ღირებულების 7 კონტრაქტი გაუფორმა ერთ-ერთი ასეთი კომპანია „SINOHYDRO Corporation Limited“ - ია, კომპანია რომელიც მსოფლიოში თავისი ცუდი რეპუტაციით...


მსგავსი სიახლეები

up