დავით ზალკალიანი - აუცილებელია სწორი ბალანსის დაცვა, გამკლავება გამოწვევებთან, საფრთხეების მინიმიზაცია, რათა გავლენა არ მოახდინოს ჩვენს ქვეყანასა და მთლიანად, რეგიონზე

დავით ზალკალიანი - აუცილებელია სწორი ბალანსის დაცვა, გამკლავება გამოწვევებთან, საფრთხეების მინიმიზაცია, რათა გავლენა არ მოახდინოს ჩვენს ქვეყანასა და მთლიანად, რეგიონზე

access_time2021-04-14 23:00:00

აუცილებელია სწორი ბალანსის დაცვა, გამკლავება გამოწვევებთან, საფრთხეების მინიმიზაცია, რათა გავლენა არ მოახდინოს ჩვენს ქვეყანასა და მთლიანად, რეგიონზე, – განაცხადა საქართველოს საგარეო საქმეთა მინისტრმა, დავით ზალკალიანმა აშშ-ის სახელმწიფო მდივანთან, ენტონი ბლინკენთან გუშინ გამართული სატელეფონო საუბრის კომენტირებისას.


„ჩვენი ერთ-ერთი განხილვის თემა იყო უკრაინა და უკრაინის გარშემო შექმნილი სიტუაცია. მე მას ვესაუბრე ჩემი სატელეფონო საუბრის შესახებ უკრაინელ კოლეგასთან, რომელიც რამდენიმე დღის წინ შედგა და ბუნებრივია, გავუზიარე ამ საუბრის ძირითადი მიმართულებები. კიდევ ერთხელ დავაფიქსირეთ ჩვენი სოლიდარობა უკრაინის მიმართ, მისი სუვერენიტეტის და ტერიტორიული მთლიანობის მხარდაჭერის კუთხით და ასევე, საუბარი იყო, რომ გამოწვევა, რაც არის უკრაინაში დღეს, მსგავსია საქართველოს ოკუპირებულ ტერიტორიებთან მიმართებაში. ამიტომ აქ, როგორც არასდროს, ისე საჭიროა საერთაშორისო თანამეგობრობის კონსოლიდაცია.


ვთანხმდებით იმაზე, რომ აუცილებელია, გადაიდგას ძალიან სერიოზული ნაბიჯები სიტუაციის დეესკალაციის მიმართულებით. თუკი რეგიონში, როგორც უკრაინის გარშემო, ისე ეს შავი ზღვის არეალში, არ იქნა სტაბილურობა, ეს ძალიან სერიოზულ გავლენას ახდენს ჩვენს განვითარებაზე, ჩვენ სტაბილურობაზე, ჩვენს კეთილდღეობაზე, ეკონომიკური განზომილებაზე. ამიტომ, ამერიკის შეერთებული შტატები, როგორც ერთ-ერთ მნიშვნელოვანი მოთამაშე და აქტორი გლობალური უსაფრთხოების კონტექსტში, არის უაღრესად მოწადინებული, რომ გაასმაგდეს მცდელობები სიტუაციის დეესკალაციის მიმართულებით.


ჩვენ ვნახეთ, რომ გუშინდელი დღის განმავლობაში მაღალი დონის ზარები განხორციელდა ამერიკის შეერთებული შტატების უმაღლესი თანამდებობის პირების მხრიდან, როგორც პრეზიდენტ ბაიდენის მხრიდან, ასევე უშუალოდ სახელმწიფო მდივანი გვესაუბრა ძირითად პარტნიორ ქვეყნებს, მათ შორის საქართველოს, ასევე იყო შეხვედრა უკრაინელ კოლეგასთან, რომელიც ბრიუსელში იმყოფება, ასევე შედგა სატელეფონო საუბარი ჩვენს მეზობელ თურქეთის საგარეო საქმეთა მინისტრთან. ეს კიდევ ერთხელ მიანიშნებს საქართველოს როლზე და ფუნქციაზე რეგიონალური უსაფრთხოების კონტექსტში. მე ძალიან ვაფასებ ამ ზარს დროის გათვალისწინებით, ასევე შინაარსიდან გამომდინარე და სწორედ კონტექსტი ზარის, რაც იყო განხორციელებული, კიდევ ერთხელ ხაზს უსვამს ამერიკის შეერთებული შტატებისთვის საქართველოს მნიშვნელობას რეგიონში“, – განაცხადა დავით ზალკალიანმა.



ზალკალიანის თქმით, როგორც წესი, კრიზისულ სიტუაციებს ორი მხარე აქვთ.


„ეს არის სერიოზული გამოწვევა, მაგრამ ამავე დროს, ეს არის შესაძლებლობაც, რომ ის შესაძლებლობები, რაც არის, კიდევ უფრო მეტი დინამიზმით წავიდეს წინ. ამიტომ ჩვენ ვხედავთ, როგორც გამოწვევას, ასევე შესაძლებლობებს. ამიტომ აუცილებელია სწორი ბალანსის დაცვა, გამკლავება გამოწვევებთან, საფრთხეების მინიმიზაცია, რათა გავლენა არ მოახდინოს ჩვენს ქვეყანაზე, მთლიანად, რეგიონზე და გამოწვევების ფონზე ჩვენი შესაძლებლობის კიდევ უფრო მეტი დინამიზმით წინ წაწევა, სწორედ ეს იყო საუბრის თემა და აქ ვთანხმდებით, რომ შესაძლებლობებიც არის და ეს დიდწილად იქნება დამოკიდებული ჩვენს კოორდინირებულ საქმიანობაზე მომავალში. შევთანხმდით, რომ ამას ძალიან შეუწყობდა ხელს ორმხრივი ვიზიტები, მე ის დავპატიჟე საქართველოში. ასევე, გამოვთქვი სურვილი, რომ საქართველოს ხელისუფლების უმაღლესი თანამდებობის პირების ვიზიტები შედგეს აშშ-ში, როგორც კი პანდემია ამის შესაძლებლობას მოგვცემს, რადგანაც ერთია კომუნიკაცია დისტანციურად და მეორე, როდესაც უკვე პირისპირ და უფრო საგნობრივად და დეტალურად მოხდება ყველა აქტუალური საკითხის განხილვა, რაც მნიშვნელოვანია საქართველო-აშშ-ის სტრატეგიული პარტნიორობის კუთხით“, – განაცხადა ზალკალიანმა.



1tv.ge







ირაკლი ნადარეიშვილი: „ყველა საკითხი, რასაც ბიზნესი აყენებს რეგულაციების შემსუბუქების თუ ვაქცინაციის კუთხით, საქართველოს მთავრობის დღის წესრიგშია და მიმდინარეობს აქტიური განხილვა

ირაკლი ნადარეიშვილი: „ყველა საკითხი, რასაც ბიზნესი აყენებს რეგულაციების შემსუბუქების თუ ვაქცინაციის კუთხით, საქართველოს მთავრობის დღის წესრიგშია და მიმდინარეობს აქტიური განხილვა
access_time2021-05-15 11:53:01
„ბიზნესთან აქტიური კომუნიკაცია წარმოადგენს საქართველოს მთავრობის პრიორიტეტს და პანდემიასთან დაკავშირებული გამოწვევების ფონზე განსაკუთრებით აქტუალურია, მათთან ერთად ვიმსჯელოთ როგორც რეგულაციების შემსუბუქების ან ეტაპობრივი მოხსნის, ასევე ვაქცინაციის და სხვა მნიშვნელოვან საკითხებზე, რათა დავიცვათ ბალანსი და ვიპოვოთ ისეთი შუალედი, რომ მაქსიმალურად დავიცვათ როგორც ბიზნესის, ასევე ჩვენი საზოგადოების ინტერესები და ეპიდემიოლოგების რეკომენდაციები - ამის შესახებ...

14 მაისი - რეგიონში ქართული ლარი და თურქული ლირა გამყარდა

14 მაისი - რეგიონში ქართული ლარი და თურქული ლირა გამყარდა
access_time2021-05-14 18:00:19
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 14 მაისის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 16 პუნქტით გაუფასურდა. შედარებისთვის, დაახლოებით 62 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 14 მაისის ვაჭრობის შედეგად (რომლის ოფიციალური კურსი 15 მაისისთვისაა) ეროვნული ვალუტა აშშ...

584 000 ლარიანი ჯარიმა ფულის გათეთრებისთვის - სებ-მა ბანკი და მისო დააჯარიმა

584 000 ლარიანი ჯარიმა ფულის გათეთრებისთვის - სებ-მა ბანკი და მისო დააჯარიმა
access_time2021-05-14 16:00:30
ეროვნულმა ბანკმა კომერციული ბანკი, მიკროსაფინანსო ორგანიზაცია, საგადახდო მომსახურების პროვაიდერი და ვალუტის გადამცვლელი პუნქტი (რაოდენობა უცნობია) ფულის გათეთრებისა და ტერორიზმის დაფინანსების აღკვეთის ხელშეწყობის შესახებ საქართველოს კანონმდებლობის დარღვევისათვის დააჯარიმა. ფულის გათეთრებისა...

ბაზარზე ზეითუნის ზეთის და ზეთისხილის 20-22% უკვე ქართულია - „ქართული ზეთისხილი“

ბაზარზე ზეითუნის ზეთის და ზეთისხილის 20-22% უკვე ქართულია - „ქართული ზეთისხილი“
access_time2021-05-14 17:00:56
,,კარგი მოვლის შემთხვევაში, 1 ჰექტრიდან 8-9 ათასი დოლარის შემოსავლის მიღება არის შესაძლებელი“ - ამის შესახებ ,,ბიზნესპრესნიუსთან“ საუბრისას ,,ქართული ზეთისხილის დამფუძნებელმა და მსოფლიო ზეთისხილის საბჭოს პრეზიდენტმა განაცხადა.   გიორგი სვანიძის თქმით, წელს გასულ წელთან შედარებით 2-ჯერ გაზრდილ მოსავალს ელოდებიან, ქართული ზეთისხილი კი რუსეთსა და ნიდერლანდებშიც გაიყიდება.   ,,წელს, საკმაოდ კარგი მოლოდინი გვაქვს მოსავლის კუთხით. დაახლოებით 2-ჯერ მეტს...

Los-Angeles times: ახალ ამერიკულ სანქციებს არასწორი სამიზნე აქვთ

Los-Angeles times: ახალ ამერიკულ სანქციებს არასწორი სამიზნე აქვთ
access_time2021-05-14 20:00:23
აშშ-ს საელჩომ მოსკოვში რუსეთის მოქალაქეებისთვის არასაემიგრაციო ვიზების გაცემა შეაჩერა. რუსები, რომლებსაც შტატებში ბიზნესისთვის ან სასწავლებლად წასვლა სურთ, ვიზების მიღება მესამე ქვეყნებში შეუძლიათ.   საკონსულო მომსახურეობის შეჩერება - ვაშინგტონს და მოსკოვს შორის სანქციების გაცვლის შედეგებია - პრინციპი „თვალი თვალის წილ“ დიპლომატიაშიც მოქმედებს.   ამერიკა უფრო შორს წავიდა და მოსკოვში თავის საელჩოში რუსეთის მოქალაქეების დასაქმება აკრძალა, რაც...


მსგავსი სიახლეები

up