დავით ზალკალიანი - ასეთი სახის უპრეცედენტო, მაღალი დონის საკანონმდებლო ინიციატივა საქართველო-ამერიკას შორის პარტნიორობის ისტორიაში არ გვქონია

დავით ზალკალიანი - ასეთი სახის უპრეცედენტო, მაღალი დონის საკანონმდებლო ინიციატივა საქართველო-ამერიკას შორის პარტნიორობის ისტორიაში არ გვქონია

access_time2019-10-23 21:00:03

ასეთი სახის უპრეცედენტო, მაღალი დონის საკანონმდებლო ინიციატივა საქართველო-ამერიკას შორის პარტნიორობის ისტორიაში და საერთოდ, საქართველოს დამოუკიდებლობის ისტორიაში არ გვქონია, - ასე აფასებს საქართველოს საგარეო საქმეთა მინისტრი დავით ზალკალიანი აშშ-ს წარმომადგენელთა პალატის მიერ საქართველოს მხარდამჭერი ორპარტიული აქტის დაამტკიცების საკითხს.

 

მისი თქმით, ეს იმ სტარატეგიული პარტნიორობის კიდევ ერთი დასტურია, რომელიც ამერიკა-საქართველოს გააჩნია.

 

„მინდა, მადლიერება გამოვხატო ჩვენი მთავარი სტრატეგიული პარტნიორის, აშშ-ს მიმართ ამ მართლაც უპრეცედენტო საკანონმდებლო აქტის მიღებისთვის. მე მხედველობაში მაქვს წარმომადგენლობითი პალატის მხრიდან ერთხმად დამტკიცება. რა თქმა უნდა, ამ აქტმა უნდა გაიაროს შესაბამისი პროცედურები სენატში. შემდეგ უკვე, როცა აშშ-ს პრეზიდენტი მას ხელს მოაწერს, ძალაში შევა“, - განაცხადა ზალკალიანმა.

 

მინისტრის თქმით, ამ დოკუმენტის მიღება ასევე ადასტურებს იმას, რომ საქართველოს აქვს აშშ-ს საკანონმდებლო შტოს ორპარტიული მხარდაჭერა. მისი თქმით, თავად ის ფაქტი, რომ აშშ-ს დღევანდელი პოლიტიკური დღის წესრიგი უაღესად დახუნძლულია მრავალი სერიოზული საკითხით და ამ დროს, აშშ-ს მხრიდან ამ სახის მაღალი დოკუმენტის მიღება ხდება საქართველოსთან მიმართებით, ადასტურებს იმას, თუ რაოდენ მნიშვნელოვანია აშშ-სთვის საქართველოსთან სტრატეგიული პარტნიორობა. ზალკალიანის განმარტებით, ასევე ადასტურებს იმას, რომ საქართველოს საკითხს ამერიკის პოლიტიკურ დღის წერიგში უაღრესად მოწინავე პოზიციები უკავია.

 

„დოკუმენტი ყოვლისმომცველია. ის განსაზღვრავს ჩვენს თანამშრომლობას ყველა ძირითადი მიმართულებით, მათ შორის, თავდაცვისა და უსაფრთხოების სფეროში მხარდაჭერასა და დახმარებას, რომელიც უპრეცედენტოა, უკვე გვაქვს და აუცილებელია ამ მიმართულებით თანამშრომლობის გაღრმავება. ასევე ჩვენი სურვილია, რომ ჩვენი ურთიერთობის დონე ეკონომიკურ და ვაჭრობის სფეროში იყოს თანასწორი იმ ურთიერთობისა, რომელიც გვაქვს თავდაცვისა და უსაფრთხოების სფეროში. თავად ის ფაქტი, რომ ამ დოკუმენტში ხაზგასმულია აშშ-სთან თავისუფალი სავაჭრო ურთიერთობის კუთხით შემდგომი თანამშრომლობის გაღრმავების შესაძლებლობა, ეს უაღრესად მნიშვნელოვანია“, - განაცხადა დავით ზალკალიანმა.

 

მისი თქმით, აღსანიშნავია, რომ ამ დოკუმენტის მიღებას წინ უძღოდა 28 კონგრესმენის ერთობლივი მიმართვა აშშ-ს შტატების სავაჭრო წარმომადგენლის მიმართ.

 

„მიმართვაში სწორედ ამ საკითხზეა ფოკუსირება და იმაზე, რომ საქართველოში მეტი ამერიკული ინვესტიცია გვჭირდება და ამერიკის მონაწილეობა გვჭირდება ყველა მნიშვნელოვან სტრატეგიულ ინფრასტრუქტურულ პროექტში. დარწმუნებული ვარ, რომ ეს დოკუმენტი, როგორც პოლიტიკური, ისე სავაჭრო ეკონომიკური ურთიერთობის მხრივ კარგი საშუალებაა ურთიერთობის გაღრმავებისთვის", - განაცხადა დავით ზალკალიანმა.

 

მისივე თქმით, ამ დოკუმენტში ასევე არის მინიშნება და ბმა ე.წ. ტატუნაშვილი-ოთხოზორიას სიასთან მიმართებაში და შესაძლო სანქციების დაწესებაზე იმ პირების მიმართ, რომლებიც ამ სიაში არიან შეყვანილები.

 

„ის ავალდებულებს ამერიკის აღმასრულებელ ხელისუფლებას, მუშაობა დაიწყოს შემზღუდავი ზომების მიღებასთან დაკავშირებით და ამ თვალსაზრისითაც ვფიქრობ, ის ხელშესახებ შედეგს მოიტანს. ასევე მოწოდებაა რუსეთის ფედერაციასთან მიმართებით, პატივი სცეს მის მიერ ნაკისრი ვალდებულებების შესრულებას და საქართველოს ოკუპირებული ტერიტორიიდან ჯარები გაიყვანოს", - განაცხადა დავით ზალკალიანმა.





იპოთეკური სესხის სუბსიდირება მეორად ბინებს არ შეეხება-ვახტანგ ბუცხრიკიძე

იპოთეკური სესხის სუბსიდირება მეორად ბინებს არ შეეხება-ვახტანგ ბუცხრიკიძე
access_time2020-05-28 19:16:24
ახალი, სუბსიდირებული იპოთეკური სესხებით სარგებლობას მოქალაქეები „თიბისიში“ ივნისის შუა რიცხვებიდან შეძლებენ. ამის შესახებ „თიბისის“ დირექტორმა ვახტანგ ბუცხრიკიძემ რადიო „პალიტრასა“ და „პალიტრანიუსის“ გადაცემაში „საქმე“ განაცხადა. მისივე თქმით, სესხების გაცემის დასაწყებად ტექნიკური სამუშაოებია დარჩენილი, რასაც დაახლოებით, 1-2 კვირა დასჭირდება, შესაბამისად, ივნისის შუა რიცხვებში ბანკი მზად იქნება, რომ სესხები გასცეს. „ბოლო 3 კვირის განმავლობაში...

28 მაისი - ქართული ლარი გამყარდა, თურქული ლირა გაუფასურდა

28 მაისი - ქართული ლარი გამყარდა, თურქული ლირა გაუფასურდა
access_time2020-05-28 19:00:55
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს.    ეროვნული ბანკის მიერ გამოქვეყნებული 28 მაისის ვაჭრობის შედეგად, ქართული ლარის კურსი მცირედით გამყარდა და ერთი აშშ დოლარის...

„ნატახტარი“ ბაზარზე 1 კვირაში მწვანე ლაიმის შეცველობის ლუდს გამოიტანს

„ნატახტარი“  ბაზარზე 1 კვირაში მწვანე ლაიმის შეცველობის ლუდს გამოიტანს
access_time2020-05-28 18:45:57
„ნატახტარი“ პროდუქციის ასორტიმენტს აფართოებს. კომპანია დაახლოებით ერთ კვირაში ბაზარზე მწვანე ლაიმის შემცველობის ლუდს გამოიტანს. როგორც „კომერსანტს“   „ნატახტარის“ კორპორატიულმა   დირექტორმა ნიკოლოზ ხუნძაკიშვილმა განუცხადა,ლუდის სეზონზე მნიშვნელოვანი იქნება ისიც, რომ „ნატახტარი“  არსებულ სასმელებზე, კომპანია  ფასებს დააკორექტირებს.    „განახლებული პროდუქციით  ვგეგმავთ გამოვჩნდეთ ბაზარზე და დავიწყოთ ლუდის სეზონი, წინა წელს...

ირაკლი ბურდილაძე - უძრავ ქონებაზე ფასების გაზრდა ან გაყიდვების შემცირება მოსალოდნელი არ არის

ირაკლი ბურდილაძე - უძრავ ქონებაზე ფასების გაზრდა ან გაყიდვების შემცირება მოსალოდნელი არ არის
access_time2020-05-28 16:38:06
მთავრობის მიერ წარდგენილი დეველოპერული სექტორის მხარდაჭერის ანტიკრიზისული გეგმა არის ყოვლისმომცველი და ძალიან კარგად დაბალანსებული, – ამის შესახებ კომპანია „საქართველოს უძრავი ქონება m2“-ის ხელმძღვანელმა, ირაკლი ბურდილაძემ განაცხადა, რომელიც გეგმის პრეზენტაციას დაესწრო. მისი თქმით, ეკონომიკას სტიმულირება ნებისმიერი კრიზისის დროს სჭირდება. „მინდა, ვისარგებლო შემთხვევით და ძალიან დიდი მადლობა გადავუხადო საქართველოს მთავრობას, თბილისის მერიასა...

ფრონტერა მოქმედებს როგორც არაკეთილსინდისიერი ბიზნეს სუბიექტი-ნავთობის და გაზის კორპორაცია

ფრონტერა  მოქმედებს როგორც არაკეთილსინდისიერი ბიზნეს სუბიექტი-ნავთობის და გაზის კორპორაცია
access_time2020-05-28 16:15:17
საქართველოს ნავთობისა და გაზის კორპორაცია (სნგკ/კორპორაცია) ნავთობისა და გაზის სახელმწიფო სააგენტოსთან (ნგსს/სააგენტო) ერთად მოუწოდებს ,,ფრონტერა რისორსიზ ჯორჯია კორპორეიშენს“, თავი შეიკავოს არაკეთილსინდისიერი ქმედებებისგან, საარბიტრაჟო განხილვის რეალური შედეგების საწინააღმდეგო ცნობების გავრცელებისგან და ამ გზით სამართლებრივი დავისთვის პოლიტიკური სახის მიცემისგან. აქვე, „ფრონტერამ“ პატივი უნდა სცეს მხარეთა მიერ შეთანხმებული დავების განმხილველი ინსტიტუტის -...


მსგავსი სიახლეები

up