დავით უსუფაშვილი - ვისაც რა უნდა ის მეძახოს, მათ შორის, ციციკორე გვარამიამ, რომელიც მოგვევლინა ყველას ჭკუის დამრიგებლად

დავით უსუფაშვილი - ვისაც რა უნდა ის მეძახოს, მათ შორის, ციციკორე გვარამიამ, რომელიც მოგვევლინა ყველას ჭკუის დამრიგებლად

access_time2019-07-02 15:45:08

ვისაც რა უნდა ის მეძახოს, მათ შორის, ციციკორე გვარამიამ, რომელიც ამ ქვეყანაში მოგვევლინა ყველას ჭკუის დამრიგებლად და ყველა სტანდარტის დამწესებლად. სადაც იქნება საჯარო ღონისძიება პროპორციული არჩევნების თაობაზე, თუ ფეხზე ვდგავარ და ცოცხალი ვარ, იქ ვიქნები,- ასე ეხმაურება "შენების მოძრაობის" ლიდერი დავით უსუფაშვილი გუშინ მისი მისამართით გაკეთებულ განცხადებებს, რომელიც "ქართული ოცნების" მიერ პროპორციულ არჩევნებთან დაკავშირებულ შეხვედრაზე დასწრებას ეხება.


უსუფაშვილის თქმით, იმ სიტუაციაში, რომელიც დღეს არის, ოპოზიციის მიერ ერთმანეთის კრიტიკა არ არის სწორი.


"ცოტა ტერმინებს გავუფრთხილდეთ. გუშინდელ ღონისძიებაზე მივედი, მანამდე მივედი იმ ახალგაზრდებთან, ვინც პარლამენტთან დგას პროტესტით, შევედი ღონისძიებაზე და ვთქვი ჩემი სათქმელი. ეს იყო ჩემი ღრმა რწმენით სწორი ქცევა. ვინც მონდომებულია რაღაც განხეთქილებებზე, პოლიტიკური სპექტრის თუ საზოგადოების დაყოფაზე და ა.შ. ეს მისი არჩევანია. ვისაც რა უნდა ის მეძახოს, მათ შორის, ციციკორე გვარამიამ, რომელიც ამ ქვეყანაში მოგვევლინა ყველას ჭკუის დამრიგებლად და ყველა სტანდარტის დამწესებლად. უნდა მოღალატე მეძახოს ციციკორე გვარამიამ და რაც უნდა ის. სადაც იქნება საჯარო ღონისძიება პროპორციული არჩევნების თაობაზე, თუ ფეხზე ვდგავარ და ცოცხალი ვარ, იქ ვიქნები",- განაცხადა უსუფაშვილმა.



რაც შეეხება პროპორციული წესით არჩევნების ჩატარებას 2020 წელს, უსუფაშვილის შეფასებით, ეს არის მონაპოვარი, რომლის შეფერხებაც არ შეიძლება.


"ძალიან მნიშვნელოვანია იმის აღნიშვნა, რომ პროპორციული არჩევნები იძულებითი ნაბიჯია "ქართული ოცნების" მხრიდან, ამიტომ "ოცნებას" აქვს მოცემულობა, რომ თუ რაიმე მიზეზის გამო პროპორციული არჩევნები ვერ შედგება, არ იქნება ამით უკმაყოფილო. მეორე მხრივ, ჩვენ მოვისმინეთ გარედან შემონათვალი ყოფილი პრეზიდენტის მხრიდან, რომ ვინც ამას დათანხმდება, ან ბიძინას ნაყიდია ან სულელია და ა.შ. ჩვენ გვყავს პოლიტიკური მოთამაშე, რომლისთვისაც პროპორციული არჩევნები არ არის მისაღები. ამ ვითარებაში განსაკუთრებით მნიშვნელოვანია არ დავუშვათ ამ პროცესის შეფერხება“,- განაცხადა უსუფაშვილმა.



IPN





ეროვნული ორკესტრი საკონცერტო დარბაზის გარეშე - ნიკოლოზ რაჭველი მთავრობას მიმართავს

ეროვნული ორკესტრი საკონცერტო დარბაზის გარეშე - ნიკოლოზ რაჭველი მთავრობას მიმართავს
access_time2019-12-09 21:00:20
ეროვნული ორკესტრის ხელმძღვანელი ნიკოლოზ რაჭველი საკონცერტო დარბაზის უქონლობაზე სოციალურ ქსელში  წერს და მთავრობას მოუწოდებს ამ საკითხის მიმართ მეტი სენსიტიურობა გამოიჩინონ. „კომერსანტი“სტატუსს უცვლელად გთავაზობთ:   "ეჰ, რამდენ რამეზე ვფიქრობ, რამდენ ვინმეზე ვფიქრობ...   მაგრამ ახლა მაინც ყველაზე მეტად ვფიქრობ ჩვენს ქვეყანაზე, მოსაგვარებელ პრობლემებზე და მათ შორის ჩვენი ეროვნული ორკესტრის ისევ გადაუჭრელ და ჩემთვის გულის გახეთქვამდე მტკივნეულ...

არც ერთ ადამიანზე, რა რანგისაც არ უნდა იყოს, ხელის დაფარება არ მოხდება – ივანე მაჭავარიანი დღგ-ს თაღლითობის საქმეზე

არც ერთ ადამიანზე, რა რანგისაც არ უნდა იყოს, ხელის დაფარება არ მოხდება – ივანე მაჭავარიანი დღგ-ს თაღლითობის საქმეზე
access_time2019-12-09 19:15:54
„სრული პასუხისმგებლობით მინდა გითხრათ, რომ არც ერთ ადამიანზე, ვინც არ უნდა იყოს და რა რანგის მატარებელიც, ხელის დაფარება არ მოხდება“, – ამის შესახებ ფინანსთა მინისტრმა, ივანე მაჭავარიანმა დღგ-ს თაღლითობის საქმესთან დაკავშირებით განაცხადა. “გამოძიებაში ყველა საგამოძიებო უწყებაა ჩართული. თემა უმაღლეს პოლიტიკურ დონეზეა აყვანილი, შესაბამისად არანაირი დანდობა ამ მიმართულებით არ იქნება,”-აღნიშნა მაჭავარიანმა. მისივე თქმით, 100-მდე...

ევროკავშირმა Facebook-ის კრიპტოვალუტა აკრძალა

ევროკავშირმა   Facebook-ის კრიპტოვალუტა აკრძალა
access_time2019-12-09 20:00:53
ევროკავშირის ფინანსთა სამინისტროებმა  Facebook-ის ვირტუალური ვალუტის - ლიბრას  მოძრაობა აკრძალეს. აღნიშნული შეეხება ასევე  სხვა „სტებლკოინებს“, ანუ კრიპტოვალუტებს, რომლებიც მიმაგრებულია ან ჩვეულებრვი ვალუტებთან, ამ საქონელთან. მინისტრებმა განაცხადეს, რომ დღევანდელი კანონმდებლობა ჯერ არაა მზად ახალი საგადამხდელო საშუალების მისაღებად. მთავრობების...

„გაუგებარია, რატომ ახდენს ჯანდაცვის სამინისტრო ჰოსპიტალური ბიზნესის მოგების დემონიზაციას“

„გაუგებარია, რატომ ახდენს ჯანდაცვის სამინისტრო ჰოსპიტალური ბიზნესის მოგების დემონიზაციას“
access_time2019-12-09 17:00:10
„ჩემთვის სრულიად გაუგებარია, რატომ ახდენს  ჯანდაცვის სამინისტრო ჰოსპიტალური  ბიზნესის მოგების დემონიზაციას, მითუმეტეს, როდესაც სამედიცინო დაწესებულების მოგების მარჟა არის საკმაოდ დაბალი“,- ასე აფასებს ჯანდაცვის მინისტრის განცხადებას კლინიკა „პინეო სამედიცინო ეკოსისტემის“ დირექტორი იაგო კალანდაძე. ტელეკომპანია იმედის ეთერში ეკატერინემ ტიკარაძემ განაცხადა, რომ მისთვის მიუღებელია, ჯანდაცვა განიხილოს როგორც მომგებიანი...

„სოკარის“ ეკონომიკური ექსპანსია ქართულ ენერგეტიკაში

„სოკარის“ ეკონომიკური ექსპანსია ქართულ ენერგეტიკაში
access_time2019-12-09 15:45:00
აზერბაიჯანული სახელმწიფო კომპანია”სოკარი” ქართულ ბაზარზე უკვე მრავალი წელია ოპერირებს. “სოკარი” მულტინაციონალური კომპანიაა და ის საქართველოს გარდა 5 სხვა ქვეყანაშია წარმოდგენილი. კომპანია საქართველოში”სოკარ ჯორჯია პეტროლიუმი”-ს სახელით 2006 შემოვიდა და მას შემდეგ არაერთ დარგში ოპერირებს. კომპანია პირველ ეტაპზე მხოლოდ ბენზინისა და დიზელის იმპორტს და რეალიზაციას ეწეოდა, თუმცა სხვადასხვა დროს სასათბურე პირობებითა, თუ კანონის გვერდის ავლით, მისი...


მსგავსი სიახლეები

up