დავით უსუფაშვილი - თითი თითზე რომ მქონოდა დადებული, ვერაფერს გავაკეთებდი, ხან კალამი მეჭირა, ხან კომპიუტერზე ვაწკაპუნებდი, რათა პროპორციულ არჩევნებზე დოკუმენტი შექმნილიყო

დავით უსუფაშვილი - თითი თითზე რომ მქონოდა დადებული, ვერაფერს გავაკეთებდი, ხან კალამი მეჭირა, ხან კომპიუტერზე ვაწკაპუნებდი, რათა პროპორციულ არჩევნებზე დოკუმენტი შექმნილიყო

access_time2019-11-18 14:02:46

ხელისუფლება ქვეყანაში არსებული კრიზისის განმუხტვის მცდელობის ნაცვლად, შედის კინკლაობაში ისეთ თემებზე, რომელიც სრულიად წარმოუდგენელი და გაურკვეველია, მათ შორის წარსულის თემებზე, – ამის შესახებ „შენების მოძრაობის“ ლიდერმა, დავით უსუფაშვილმა განაცხადა.



მისი შეფასებით, ხელისუფლებამ ქვეყანაში მასშტაბური კრიზისი შექმნა, რომელიც მოსაგვარებელია. ამიტომაც ოპოზიცია ხელისუფლებას საარჩევნო სისტემის ე.წ გერმანულ მოდელს სთავაზობს.



„მინდა, კიდევ ერთხელ მივმართო ხელისუფლებას, ის, რაც თავად თქვენი მოქმედებით გამოიწვიეთ, ანუ შექმენით ქვეყანაში მასშტაბური პოლიტიკური კრიზისი, რომელზეც არა მხოლოდ საქართველო, არამედ დემოკრატიული მსოფლიო არის გადარეული, ეს არის მოსაგვარებელი. პროპორციული არჩევნები, რომელიც იყო ოპოზიციის მოთხოვნა და ბიძინა ივანიშვილის დაპირება, ეს არის შეუსრულებელი. ნაცვლად იმისა, რომ ამ დაპირების შესრულების ვარიანტებზე მუშაობდეთ, ამასაც ჩვენ ვაკეთებთ, ოპოზიცია და გთავაზობთ გერმანულ მოდელს, რომელსაც 76 ხმით შეუძლია, გადაწყვიტოს ყველა პრობლემა – ამბოხებულ მაჟორიტარებსაც მივცეთ უფლება, თავიან მაჟორიტარულ ოლქებში იყარონ კენჭი, პარლამენტში 73 მაჟორიტარი გვყავდეს და თან ოპოზიციის მოთხოვნაც შესრულდეს, რომ ჯამურად მანდატები პროპორციულად განაწილდეს“, – განაცხადა დავით უსუფაშვილმა.



მისი თქმით, აღნიშნულ ცვლილებას სჭირდება მხოლოდ 76 ხმა.



„ამას აღარ სჭირდება 113 ხმის მოგროვება, თუ ამხელა გავლენა აღარ გაქვთ საკუთარ გუნდში. ამას სჭირდება 76 ხმა და „ქართული ოცნებიდან“ სულ რაღაც 25-27 ხმის მობილიზება. ესეც აღარ შეგიძლიათ? ალბათ ასეა“, – განაცხადა დავით უსუფაშვილმა მმართველი გუნდის მისამართით.




ამასთან, „შენების მოძრაობის“ ლიდერი პარტია „ქართული ოცნების“ გენერალური მდივნის, თბილისის მერის, კახა კალაძის დღევანდელ განცხადებას გამოეხმაურა.



„დღეს კალაძემ გამოაცხადა, რომ თურმე მე წინა საკონსტიტუციო კომისიაში თითი თითზე არ დამიდია ამ საქმის მოსაგვარებლად. მართალია, რომ თითი თითზე არ დამიდია, რადგან თითი თითზე რომ მქონოდა დადებული, ვერაფერს გავაკეთებდი, ამ თითებში ხან კალამი მეჭირა და ხან კომპიუტერზე ვაწკაპუნებდი, რადგან შექმნილიყო ეს 90 გვერდიანი დოკუმენტი, რომელიც ახლა ხელში მიჭირავს და, რომელშიც 90 სიტყვა არ არის შეტანილი მისი დღევანდელი თანაგუნდელების მხრიდან. ამ დოკუმენტში წერია სწორედ პროპორციული არჩევნების თაობაზე. აქვე მაქვს მტკიცებულება, რომ ეს დოკუმენტი ელექტრონული ფოსტით მაქვს გაგზავნილი ფრაქციებისთვის თხოვნით, რომ აგერ არის წინადადებები და იქნებ რამე გვითხრათ ხმამაღლა, მითხრათ მხარს უჭერთ თუ არ უჭერთ“, – განაცხადა დავით უსუფაშვილმა.



მისი თქმით, ამ წინადადებებზე არანაირი პასუხი არ მიუღია.



„გითხრათ რა გამომიგზავნეს პასუხი ამ საკითხზე? არაფერი, რადგან მათ არ სურდათ მაშინ პროპორციული არჩევნები. აქვეა ხელმოწერილი დოკუმენტი, საკონსტიტუციო ცვლილებები იყო ინიცირებული“, – აღნიშნა „შენების მოძრაობის“ ლიდერმა.



დავით უსუფაშვილის შეფასებით, ტყუილი და მანიპულაციები ხელისუფლების ხასიათის თვისებად იქცა.



„ჩვენ ახლა 2019 და 2020 წლებზე ვსაუბრობთ. ამ ამბების გარჩევა თუ უნდათ, გავარჩიოთ, კი ბატონო, ყველა დოკუმენტს დავუდებ, მაგრამ დღეს პასუხია გასაცემი კითხვაზე, რას ეუბნება ხალხის სამართლიან პროტესტს ხელისუფლება“, – განაცხადა დავით უსუფაშვილმა.



პარტია „ქართული ოცნების“ გენერალურმა მდივანმა, კახა კალაძემ დღეს განაცხადა, რომ „ნაციონალური მოძრაობა“ წლების განმავლობაში საკონსტიტუციო უმრავლესობით მართავდა ქვეყანას და შერეული საარჩევნო სისტემის პროპორციულით შეცვლა ერთხელაც არ უფიქრია, ასევე მოგვიანებით, დავით უსუფაშვილს, ოთხი წლის განმავლობაში, თითი თითზე არ დაუკარებია საკონსტიტუციო რეფორმის განსახორციელებლად, მათ შორის პროპორციულ საარჩევნო სისტემაზე გადასასვლელად.




1tv.ge







Financial Times: რუსული ფული ბრიტანულ პოლიტიკაში

Financial Times: რუსული ფული ბრიტანულ პოლიტიკაში
access_time2020-09-23 21:00:36
ბრიტანეთის კონსერვატიული პარტიის ერთ-ერთი უმსხვილესი დონორის მეუღლე  კრემლთან დაკავშირებული რუსი ბიზნესმენისგან დაფინანსებას იღებდა. ეს დონორი - რუსული წარმოშობის ბრიტანეთის მოქალაქე ლუბოვ ჩერნუხინაა, რომლის გვარიც საეჭვოდ ემთხვევა ახლო წარსულში რუსეთის ფინანსთა მინისტრის მოადგილის გვარს.   არსებული ინფორმაციის თანახმად, ეს რუსი მილიარდერია პუტინის კარის ოლიგარქი სულეიმან კერიმოვი, რომელიც ამერიკული სანქციების ქვეშაა.   პირველმა ეჭვები...

კრიპტოვალუტის მაინინგის გამო აფხაზეთი ენერგოკოლაფსის ზღვარზეა

კრიპტოვალუტის მაინინგის გამო აფხაზეთი ენერგოკოლაფსის ზღვარზეა
access_time2020-09-23 20:00:02
ამ დღეებში აფხაზეთის დე ფაქტო რესპუბლიკის მთავრობამ კრიპტოვალუტის მოპოვების რეგულირების თაობაზე კანონი მიიღო.   პარალელურად კი არ აღიარებული რესპუბლიკის სახელმწიფო ენერგეტიკული კომპანია „ჩერნომორენერგო“-ს დირექტორმა მიხაილ ლოგუამ განაცხადა, რომ უახლოეს პერიოდში სავარაუდოდ ენერგიის პერიოდული გათიშვები დაიწყება.   „ისეთი დატვირთვა ენერგოსისტემაზე, როგორიც დღეს არის არასდროს ყოფილა, მაშინაც კი, როდესაც ტურისტული სეზონი ძალიან აქტიური იყო. დღეს მოხმარება...

დავა სასამართლოში მიმდინარეობს, თუ მათი ბრალდებები სიმართლეს შეესაბამება გამართლდებიან, - ილია წულაია

დავა სასამართლოში მიმდინარეობს, თუ მათი ბრალდებები სიმართლეს შეესაბამება გამართლდებიან, - ილია წულაია
access_time2020-09-23 19:00:54
„დავა სასამართლოში მიმდინარეობს, თუ მათი ბრალდებები სიმართლეს შეესაბამება გამართლდებიან“, - ასე ეხმაურება „არქი ჯგუფის“ დამფუძნებელი ილია წულაია კომერსანტის სტატიას, სადაც თამარაშვილის ქუჩაზე მცხოვრები მოსახლეობის პროტესტზეა საუბარი. მმართველი გუნდის დეპუტატი აცხადებს, რომ ძველი იპოდრომის ტერიტორიაზე დეველოპერული კომპანია მშენებლობას დარღვევების გარეშე, კანონის სრული დაცვით ახორციელებს.   „მესმის რომ მეზობლებს არ სიამოვნებთ მშენებლობა, ერჩიათ როდესაც ​გადმოიხედავდნენ...

დღის TOP 10 საინტერესო ამბავი

დღის TOP 10 საინტერესო ამბავი
access_time2020-09-23 21:30:55
დღის TOP 10 საინტერესო ამბავი:  1.უბანი წყალზე - როგორ აშენებს „არქი“ პრემიუმ კლასის პროექტს „კომერსანტს“ თამარაშვილის ქუჩაზე მცხოვრები მოსახლეობა დაუკავშირდა, ისინი წლებია ძველ იპოდრომთან მაღალსართულიანი კორპუსების მშენებლობას აპროტესტებენ, თუმცა უშედეგოდ. ,,არქის  წინააღმდეგ დავა წლებია სასმართლოშიც მიმდინარეობს,   მაგრამ პრობლემის...

აშშ-ის სამი ყოფილი ელჩი საქართველოში დემოკრატიის და ბიზნესგარემოს გაუარესებაზე ერთობლივ სტატიას აქვეყნებს

აშშ-ის სამი ყოფილი ელჩი საქართველოში დემოკრატიის და ბიზნესგარემოს გაუარესებაზე ერთობლივ სტატიას აქვეყნებს
access_time2020-09-23 18:13:22
საქართველოში ამერიკის შეერთებული შტატების სამი ყოფილი ელჩი, ჯონ ტეფტი, უილიამ კორტნი და კენეტ იალოვიცი საქართველოში დემოკრატიისა და ბიზნესგარემოს უკუსვლის შესახებ გამოცემა The National Interesrt-ში ერთობლივ სტატიას აქვეყნებენ.   დიპლომატები აღნიშნავენ, რომ პოლარიზებული პოლიტიკური ვითარება, საარჩევნო პროცესში არსებული დარღვევები და საერთაშორისო ინვესტორთა შევიწროების...


მსგავსი სიახლეები

up