დავით უსუფაშვილი - სამთავრობო ცვლილებები სხვა არაფერია თუ არა ივანიშვილის მიერ საარჩევნო “ცივი ომის მთავრობის“ შექმნა

დავით უსუფაშვილი - სამთავრობო ცვლილებები სხვა არაფერია თუ არა ივანიშვილის მიერ საარჩევნო “ცივი ომის მთავრობის“ შექმნა

access_time2019-09-04 13:00:30

ივანიშვილისთვის დღევანდელი გახარია ისევ საჭირო კაცია, ამასობაში აღარ არის სახიფათო ადამიანი, - ამის შესახებ "შენების მოძრაობის" ლიდერმა დავით უსუფაშვილმა სამთავრობო ცვლილებებზე საუბრისას განაცხადა.


მისი თქმით, ბიძინა ივანიშვილმა შექმნა "მთავრობა აქცენტებით ძალოვნებზე." დავით უსუფაშვილის განმარტებით, "ქართულ ოცნებას" საზოგადოებასთან ძალის არგუმენტების გარდა, სხვა არგუმენტები სასაუბროდ ნაკლებად დარჩა.


"ის, რაც სამთავრობო ცვლილებების ფორმით მოხდა, სხვა არაფერია თუ არა ივანიშვილის მიერ საარჩევნო “ცივი ომის მთავრობის“ შექმნა. ეს არ არის მთავრობა, რომელიც მოწოდებული იქნება კონკურენტული გარემოს უზრუნველყოფაზე არჩევნებში, რომლის მთავარი დანიშნულება იქნება უზრუნველყოს, რომ პოლიტიკურ ძალებს შორის იყოს სამართლიანი შეჯიბრი. ეს არის მთავრობა, რომელიც იმუშავებს მთლიანად ერთი პოლიტიკური ძალის წარმატებისთვის,"- განაცხადა დავით უსუფაშვილმა.


მისი თქმით, "ქართული ოცნებისა" და ბიძინა ივანიშვილის თამაშს ოპოზიცია არ უნდა აჰყვეს, რადგან გახარიას პრემიერ-მინისტრად დანიშვნის თაობაზე მიღებული გადაწყვეტილება რადიკალიზაციას ემსახურება.


"გახარიას შერჩევით ივანიშვილმა ძალიან მკაფიო ნაბიჯი გადადგა. მან ღიად გვითხრა, რომ "ქართული ოცნება" პოზიტიური მიღწევებით ვეღარ გააკვირვებს ქართულ მოსახლეობას, ამიტომ ერთადერთი ამოცანაა პოლიტიკური პროცესების სუპერრადიკალიზაცია, სუპერ პოლარიზაცია, ანუ ისეთი ტიპის ფიგურის შერჩევა პრემიერ-მინისტრად, რომელიც მისი აზრით, ყველაზე უკეთ მოახერხებს "ოცნების" მხარდამჭერების კრისტალიზაციას, რომლებიც 20 ივნისის ღამით შესაძლოა კმაყოფილებიც კი არიან, რადგან "ცუდ ხალხს" კარგად სცემა გახარიას სპეციალური დანიშნულების რაზმმა", - აღნიშნა დავით უსუფაშვილმა.



მისივე თქმით, ბიძინა ივანიშვილისთვის გახარია სახიფათო ადამიანს აღარ წარმოადგენს, როგორც ეს წელიწადნახევრის წინ იყო.


"ივანიშვილმა გახარიას სწორედ ახლა მოკიდა ხელი და პრემიერ-მინისტრად დანიშნა. შეგახსენებთ, მან ეს არ გააკეთა წელიწადნახევრის წინ, როდესაც ბახტაძე მოჰყავდა, რაშია საქმე ? რატომ არ დანიშნა გახარია მაშინ და დანიშნა დღეს? იმიტომ, რომ გახარია მაშინ, წელიწადნახევრის წინანდელი გახარია იქნებოდა გაცილებით უფრო ძლიერი ფიგურა, თავისთავადი ფიგურა, ინდივიდუალურად, პერსონალური ავტორიტეტისა და ძალის მქონე, ვიდრე დღევანდელი გახარია, რომელიც ძალიან სერიოზულად დაჭრილია, სერიოზული პრობლემა აქვს კისერზე ჩამოკიდებული და შესაბამისად, მას ინდივიდუალური მოძრაობის საშუალება არ აქვს. ივანიშვილისთვის წელიწადნახევრის წინანდელი გახარია იყო საჭირო კაცი, მაგრამ თან საფრთხის შემცველი, რომ თავისი ჭკუითაც არ გადადგას ნაბიჯები და დღევანდელი გახარია მისთვის ისევ არის საჭირო კაცი, ამასობაში აღარ არის სახიფათო ადამიანი. იმიტომ, რომ მას დამოუკიდებელი მოქმედებების პოლიტიკური რესურსი სწორედ ამ პრობლემების გამო აღარ აქვს", - განაცხადა დავით უსუფაშვილმა.


მისივე თქმით, ივანიშვილთან და მის მთავრობასთან "შენების მოძრაობას" აქვს მხოლოდ ერთი ძირითადი საკითხი მოსაგვარებელი.


„სხვა საკითხების მოგვარებაში ჩვენი თანამონაწილეობა დიდად აზრიანად არ მიგვაჩნია, რადგან მთავრობამ დაკარგა საღი აზრის მოსმენისა და გააზრების უნარი. ეს ერთი საკითხი არის პროპორციული არჩევნების კონსტიტუციური დამაგრება და საარჩევნო კოდექსში მისი სათანადოდ ასახვა. სანამ ეს ყველაფერი არ იქნება კონსტიტუციაში და საარჩევნო კოდექსში ასახული, საფრთხეებს ვხედავ“, - განაცხადა დავით უსუფაშვილმა.


„ქართულმა ოცნებამ“ გუშინ პრემიერ-მინისტრის პოსტზე გიორგი გახარიას კანდიდატურა წარადგინა. ამასთან, შინაგან საქმეთა მინისტრის პოსტს ვახტანგ გომელაური, თავდაცვის მინისტრის თანამდებობას კი ირაკლი ღარიბაშვილი დაიკავებს.



IPN





„ჩვენ გვგონია, რომ ღარიბები ვართ ამ დროს ძალიან მდიდრები ვართ“ - გიორგი ვაშაძე პრივატიზაციის პროექტზე

„ჩვენ გვგონია, რომ ღარიბები ვართ ამ დროს ძალიან მდიდრები ვართ“ - გიორგი ვაშაძე პრივატიზაციის პროექტზე
access_time2019-12-10 20:30:01
„მე ამის არა მხოლოდ მომხრე ვარ, არამედ შინაარსობრივადაც მზად ვარ, მონაწილეობა მივიღო ამ გეგმის საბოლოოდ დამუშავებაში, რომ ჩვენ დაძინებული 150 მილიარდი ამერიკული დოლარი, რომელიც აქ გვიდევს და გაყინულია, გავაღვიძოთ“-ამის შესახებ ახალი საქართველოს თავჯდომარემ და სტრატეგია აღმაშენებლის ავტორმა, გიორგი ვაშაძემ, ვახტანგ მეგრელიშვილის საავტორო გადაცემა თავისუფალ ბაზარში, პრივატიზაციის პროექტზე...

პენტაგონს ჯარში პრორუსული განწყობების ზრდა აშფოთებს

პენტაგონს ჯარში პრორუსული განწყობების ზრდა აშფოთებს
access_time2019-12-10 19:30:24
გამოკითხვის თანახმად, ამერიკელი ჯარისკაცების და მათი ოჯახების წევრთა 46% რუსეთს აშშ-ის მოკავშირედ მიიჩნევს.იმის მიუხედავად, რომ ამერიკელთა უმრავლესობა კვლავაც მოსკოვს ერთ-ერთ მთავარ მოწინაამღდეგედ თვლის თავს, ახალი სოციოლოგიური კვლევა აჩვენებს, რომ ეს აზრი უკვე ნელა-ნელა იცვლება, განსაკუთრებით კი - შეიარაღებულ ძალებში. რეიგანის ფონდის ეროვნული თავდაცვის კვლევა, რომელიც...

პარლამენტმა 2020 წლის სახელმწიფო ბიუჯეტი დაამტკიცა

პარლამენტმა 2020 წლის სახელმწიფო ბიუჯეტი დაამტკიცა
access_time2019-12-10 17:25:14
პარლამენტმა 2020 წლის სახელმწიფო ბიუჯეტი დაამტკიცა. პლენარულ სხდომაზე 2020 წლის ბიუჯეტის პროექტის საბოლოო ვერსია პარლამენტმა მხარი 83 ხმით 1-ის წინააღმდეგ დაამტკიცა. რაც შეეხება ბიუჯეტის პროექტის ძირითად მაჩვენებლებს, 2020 წლის ბიუჯეტის პროექტის საბოლოო ვარიანტის თანახმად, მთლიანი შიდა პროფუქტის რეალური ზრდის პროგნოზი 2020 წლისთვის 4.5%-ით განისაზღვრა, რაც ბიუჯეტის პროექტის თავდაპირველ ვარიანტში არსებულ 5 %-იან მაჩვენებელს 0.5%-ით ჩამორჩება. ამასთან, 2020 წლის ნომინალური...

„საქართველოს მოქალაქეების თითქმის 64%-ს აშშ-ის B კატეგორიის ვიზის მიღებაზე უარი ეთქვა“

„საქართველოს მოქალაქეების თითქმის 64%-ს  აშშ-ის B კატეგორიის ვიზის მიღებაზე უარი ეთქვა“
access_time2019-12-10 18:10:54
„საქართველოს მოქალაქეების თითქმის 64%-ს უარი ეთქვა აშშ-ის B კატეგორიის ვიზის მიღებაზე“ - ამის შესახებ ფინანსისტი თემურ ბასილია „ფეისბუქის“ საკუთარ გვერდზე პოსტს აქვეყნებს, რომელსაც „კომერსანტი“ უცვლელად გთავაზობთ:  „ნამდვილად არ ველოდი ასეთ მძიმე სურათს: საქართველოს მოქალაქეების თითქმის 64%-ს უარი ეთქვა აშშ-ის B კატეგორიის ვიზის მიღებაზე. ეს გახლავთ სახელმწიფო დეპარტამენტის 2019 ფისკალური წლის მონაცემები. სურათი კიდევ უფრო მძიმე შთაბეჭდილებას...

„ლარის კურსი ემიგრანტებმა გაამყარეს“

„ლარის კურსი ემიგრანტებმა გაამყარეს“
access_time2019-12-10 16:30:59
მიმდინარე კვირის განმავლობაში ეროვნული ვალუტის კურსი მკვეთრად მყარდება. დღეს 13:56 საათზე Bloomberg-ის სავაჭრო სისტემაში ერთი აშშ დოლარის ღირებულება 2.88 ლარსაც კი გაუტოლდა, რაც გასული რამდენიმე თვის განმავლობაში ლარის ყველაზე მყარი კურსია. ეკონომიკის დოქტორი აკაკი ცომაია ლარის კურსის გამყარებას ეროვნული ბანკის მონეტარული პოლიტიკის გამკაცრებას და წინა საახალწლო პერიოდს...


მსგავსი სიახლეები

up