დავით სონღულაშვილი - გურჯაანი ღვინის მუნიციპალიტეტად ყალიბდება

დავით სონღულაშვილი - გურჯაანი ღვინის მუნიციპალიტეტად ყალიბდება

access_time2019-10-09 22:09:40

გურჯაანი 12 ოქტომბერს მასშტაბური ღვინის ფესტივალისთვის ემზადება. ფესტივალზე საქართველოს სხვადასხვა რეგიონებიდან 200-ზე მეტი ღვინის კომპანია იქნება წარმოდგენილი, ვიზიტორების რიცხვი კი, წინასწარი გათვლებით, 10 ათასს გადააჭარბებს. სამომავლოდ გურჯაანი მეღვინეობის მუნიციპალიტეტად ჩამოყალიბებას გეგმავს. ამის შესახებ გურჯაანის მაჟორიტარმა დეპუტატმა დავით სონღულაშვილმა საქართველოს პირველი არხის გადაცემა „ბიზნესპარტნიორის“ ეთერში განაცხადა.


გადაცემაში წლევანდელი რთველი და მეღვინეობა-მევენახეობასთან დაკავშირებული პრობლემები განიხილეს. დისკუსიის დროს 12 ოქტომბერს გურჯაანში დაგეგმილი ღვინის ფესტივალის მნიშვნელობას და პერსპექტივებსაც შეეხო საუბარი, რომელიც წელს მესამედ გაიმართება.


„ღვინის ფესტივალი გურჯაანში მესამე წელია ტარდება. ეს ღვინის ფესტივალი შარშანწინ იმით დაიწყო, რომ 27 მეღვინე დარეგისტრირდა და ვიზიტორების რიცხვიც საკმაოდ ცოტა იყო. დაახლოებით, ათასამდე სტუმარი გვყავდა. შარშან 100-მდე მეღვინე დარეგისტრირდა და სტუმრების რიცხვი ექვსი ათასამდე ავიდა. წელს უკვე 200-ზე მეტი მეღვინეა დარეგისტრირებული. ეს არის ადგილი, სადაც მცირე მეღვინეებს საშუალება ეძლევათ, იქ ჩამოსულ სტუმრებს საკუთარი ღვინო დააგემოვნებინონ და გააცნონ. ეს არის ერთ-ერთი საკმაოდ კარგი პლატფორმა, რაც მეღვინეობის მიმართულებით იქმნება. წელს 10 ათასზე მეტ სტუმარს ველოდებით. ეს ფაქტია მნიშვნელოვანია, როგორც მეღვინეებისთვის, ისე მთლიანად რეგიონისთვის, რადგან მეღვინეები წარმოდგენილი არიან მთელი კახეთის რეგიონიდან და მთელი საქართველოდან: ბაღდათიდან, გორიდან, სამცხე-ჯავახეთიდან, აჭარიდან. ფაქტობრივად, ეს არის საშუალება, როცა მეღვინეს შეუძლია თავისი ღვინო გააცნოს არა მხოლოდ ქართველს, არამედ უცხოელსაც. შარშან იყო რამდენიმე შემთხვევა, როცა პირდაპირ იქვე მოხდა ხელშეკრულებების გაფორმება დიდ ქსელურ ობიექტებში შესვლაზე, ან ექსპორტზე გასვლის. ერთ-ერთმა მონაწილემ მთელი წლის მოსავალი იქვე გაყიდა და აღარ ჰქონდა საწვალებელი“, – განმარტა სონღულაშვილმა.




გურჯაანის მაჟორიტარის ინფორმაციით, სამომავლოდ გურჯაანს მეღვინეობის მუნიციპალიტეტად ჩამოყალიბებაზე აქვს ამბიცია.


„საბოლოო ჯამში გურჯაანი პოზიციონირებას აკეთებს, როგორც მეღვინეობის მუნიციპალიტეტი, რამდენიმე არგუმენტის გამო. პირველი, რაც ყველაზე მნიშვნელოვანია, არის ის, რომ ყველაზე მეტი ადგილწარმოშობის ღვინოები არის გურჯაანში – საქართველოს ადგილწარმოშობის ღვინოების 33 პროცენტი მოდის გურჯაანზე; მეორე – ყველაზე მეტი სავენახე ფართობები არის გურჯაანში; ყველაზე მეტი ღვინის მარნები და ღვინის ქარხნები არის გურჯაანში. ჩვენ გურჯაანელებს გვაქვს იმის ამბიცია, რომ მეღვინეობის მუნიციპალიტეტად ჩამოყალიბდეს. ამ ყველაფრის გათვალისწინებით, ამ მიმართულებით საკმაოდ აქტიურად ვმუშაობთ“, – განუცხადა დავით სონღულაშვილმა „ბიზნესპარტნიორს“.


1tv.ge





Glovo პარტნიორ კურიერებს ანაზღაურების ახალ სისტემას სთავაზობს

Glovo პარტნიორ კურიერებს ანაზღაურების ახალ სისტემას სთავაზობს
access_time2021-05-16 09:55:32
Glovo პარტნიორ კურიერებს ანაზღაურების ახალ სისტემას სთავაზობს: საათების მაქსიმალურად შემცირება და ბონუსების სტრუქტურის თითოეულ შეკვეთაში გადატანა - კურიერების უსაფრთხოება და ანაზღაურების უფრო სამართლიანი სტრუქტურა Glovo მსოფლიოს ერთ-ერთი წამყვანი მოთამაშეა მულტი კატეგორული მიტანის სერვისის ინდუსტრიაში. კომპანია 26-ზე მეტ ქვეყანაში ოპერირებს და თანამშრომლობს 25 000-ზე მეტ პატნიორ კურიერთან. Glovo უკვე ორ...

მაისი-ივნისში ბათუმში ფრენებს ყაზახური, პოლონური, უკრაინული და არაბული ავიაკომპანიები განაახლებენ

მაისი-ივნისში ბათუმში ფრენებს ყაზახური, პოლონური, უკრაინული და არაბული ავიაკომპანიები განაახლებენ
access_time2021-05-15 15:51:59
ბათუმის განახლებულ საერთაშორისო აეროპორტში დღეს პირველი რეისი შეასრულა ყაზახურმა ავიაკომპანიამ „ეარ ასტანა", რომელმაც რეგულარული რეისების შესრულება განაახლა ალმათი - ბათუმი - ალმათის...

ირაკლი ნადარეიშვილი: „ყველა საკითხი, რასაც ბიზნესი აყენებს რეგულაციების შემსუბუქების თუ ვაქცინაციის კუთხით, საქართველოს მთავრობის დღის წესრიგშია და მიმდინარეობს აქტიური განხილვა

ირაკლი ნადარეიშვილი: „ყველა საკითხი, რასაც ბიზნესი აყენებს რეგულაციების შემსუბუქების თუ ვაქცინაციის კუთხით, საქართველოს მთავრობის დღის წესრიგშია და მიმდინარეობს აქტიური განხილვა
access_time2021-05-15 11:53:01
„ბიზნესთან აქტიური კომუნიკაცია წარმოადგენს საქართველოს მთავრობის პრიორიტეტს და პანდემიასთან დაკავშირებული გამოწვევების ფონზე განსაკუთრებით აქტუალურია, მათთან ერთად ვიმსჯელოთ როგორც რეგულაციების შემსუბუქების ან ეტაპობრივი მოხსნის, ასევე ვაქცინაციის და სხვა მნიშვნელოვან საკითხებზე, რათა დავიცვათ ბალანსი და ვიპოვოთ ისეთი შუალედი, რომ მაქსიმალურად დავიცვათ როგორც ბიზნესის, ასევე ჩვენი საზოგადოების ინტერესები და ეპიდემიოლოგების რეკომენდაციები - ამის შესახებ...

14 მაისი - რეგიონში ქართული ლარი და თურქული ლირა გამყარდა

14 მაისი - რეგიონში ქართული ლარი და თურქული ლირა გამყარდა
access_time2021-05-14 18:00:19
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 14 მაისის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 16 პუნქტით გაუფასურდა. შედარებისთვის, დაახლოებით 62 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 14 მაისის ვაჭრობის შედეგად (რომლის ოფიციალური კურსი 15 მაისისთვისაა) ეროვნული ვალუტა აშშ...

„2020 წელი ბაზრის საერთო მდგომარეობით კარგი იყო, თუმცა ზოგადად სადაზღვევო კომპანიებისთვის კარგი წელი არ ყოფილა“ - არდი

„2020 წელი ბაზრის საერთო მდგომარეობით კარგი იყო, თუმცა ზოგადად სადაზღვევო კომპანიებისთვის კარგი წელი არ ყოფილა“ - არდი
access_time2021-05-16 10:00:44
„2020 წელი ბაზრის საერთო მდგომარეობით კარგი იყო, თუმცა ამ კუთხით მაინც მინდა აღვნიშნო, ის რომ ეს გამოწვეული იყო ცალკეული, რამოდენიმე, კომპანიების წარმატებით, რომელმაც ჯამურად კარგი სურათი მოგვცა, თუმცა ზოგადად სადაზღვევო კომპანიებისთვის კარგი წელი არ ყოფილა” - ამის შესახებ რადიო კომერსანტის გადაცემაში „დაზღვევის დრო გიორგი ჩაჩუასთან ერთად“ არდის გენერალურმა დირექტორმა მიხეილ ჯაფარიძემ ისაუბრა. მისი თქმით, 2020 წელი „არდისთვის“ გამოწვევებით სავსე და ფინანსურად რთული წელი იყო....


მსგავსი სიახლეები

up