დავით საგანელიძე - წინააღმდეგი ვარ და ყოველთვის წინააღმდეგი ვიყავი, ფონდი ბიუჯეტიდან დაფინანსებულიყო - ჩვენ უნდა ვიყოთ ის, ვინც ბიუჯეტში ფული უნდა გავაჩინოთ

დავით საგანელიძე - წინააღმდეგი ვარ და ყოველთვის წინააღმდეგი ვიყავი, ფონდი ბიუჯეტიდან დაფინანსებულიყო - ჩვენ უნდა ვიყოთ ის, ვინც ბიუჯეტში ფული უნდა გავაჩინოთ

access_time2021-12-01 11:55:00

მე პირადად წინააღმდეგი ვარ და ყოველთვის წინააღმდეგი ვიყავი, რომ ფონდი ბიუჯეტიდან დაფინანსებულიყო. ჩვენ უნდა ვიყოთ ის, ვინც ბიუჯეტში ფული უნდა გავაჩინოთ და არა მივიღოთ და ასეც ვაკეთებთ , - ამის შესახებ „საპარტნიორო ფონდის“ ხელმძღვანელმა, დავით საგანელიძემ “ახალგაზრდა ფინანსისტთა და ბიზნესმენთა ასოციაციასთან“ შეხვედრისას განაცხადა.


შეხვედრის შემდეგ საგანელიძემ ჟურნალისტებთან საუბრისას აღნიშნა, რომ რეფორმირება ეტაპობრივად უნდა მოხდეს, თუმცა, ეს ხანგრძლივი პროცესი არ იქნება.


„ის ცვლილებები, რომელიც სავარაუდოდ, იქნება მიღებული პარლამენტის მიერ, იქნება პირველი ეტაპი იმიტომ, რომ ფონდი ბევრ საერთაშორისო ინსტიტუტთან და სახელმწიფო სტრუქტურასთან არის ურთიერთობებში, ამიტომ რთული იქნება ერთბაშად ყველაფრის გადაწყვეტა, ეს ეტაპობრივად უნდა მოხდეს. ეს იქნება არცთუ ისე ხანგრძლივი პერიოდი. 2010-2011 წლებში შექმნილ ფონდს სულ სხვა ამოცანები და ფუნქცია ჰქონდა, ახლა აღარ არის საჭიროება, რომ ყველა მსხვილი საწარმო ერთ ფონდში იყოს თავმოყრილი. ამიტომ საჭიროა სტრუქტურის დაშლა და მიმართულების შეცვლა. ამ წლების განმავლობაში ფონდს სახელმწიფო სტრუქტურებიდან, ასევე შვილობილი კომპანიებიდან დივიდენდების სახით მიღებული აქვს 245 მილიონი დოლარი, რომელიც ჩადებულია სხვადასხვა მიმართულებით, სხვადასხვა სექტორში ინვესტიციების სახით. ამ 245-მა დოლარმა შეძლო და მოიზიდა 2,5 მილიარდი ამერიკული დოლარი. დასაქმდა ათასობით ადამიანი და ბიუჯეტში შესულია ასობით მილიონი. 3 წლის წინ სავალუტო ფონდთან შეთანხმებით მოხდა ფონდის საქმიანობის შეჩერება ახალი სტრუქტურის ჩამოყალიბებამდე. პრემიერის ეს ინიციატივა ჩვენთვის არის ყველაზე კარგი. ჩვენ დღეს ერთი მხრივ „ვითვლებით“ როგორც სახელმწიფო სტრუქტურების მმართველი კომპანია, მათ შორის, „საქართველოს რკინიგზის“, „გაზის და ნავთობის კორპორაციის“, მაგრამ არანაირ მართვაში არ ვმონაწილეობთ. წლის ბოლოს კი, მათი ბალანსები ჩვენს ბალანსში ითქვიფება და ხშირად ვერავის გაურკვევია შემოსავლები ვისი რა იყო და როგორ. პირველ რიგში, ეს არის გასასწორებელი. ამასთან, თუ ეს დამოუკიდებელი ფონდია და თავად უნდა წყვეტდეს საინვესტიციო და საკრედიტო პორტფელის მიმართულებებს, მაშინ მთავრობის უშუალო ჩარევა არ უნდა იყოს “, - განაცხადა საგანელიძემ.


ამასთან, მისივე თქმით, ფონდის რეორგანიზაციას ის 2016 წლიდან ითხოვდა, თუმცა, წინა პრემიერების მოუცლელობის გამო ეს ვერ მოხერხდა.


„ეს არ იყო წინა პრემიერების სისუსტე, მიზეზი მათი მოუცლელობა, თუმცა, ისინიც მიიჩნევდნენ, რომ ფონდს რეორგანიზაცია სჭირდება. არცერთ წინა პრემიერს გულგრილობაში არ დავადანაშაულებ, ან საკითხის ვერ დანახვაში, მაგრამ ვერ მოიცალეს ამ თემებისთვის. ვფიქრობ, ფონდი დაკარგულს აანაზღაურებს, თუ ჩვენ სწორი ფორმით რეფორმირებას მოვახდენთ“, - განაცხადა საგანელიძემ.


რაც შეეხება საპარტნიორო ფონდის დაფინანსების საკითხს, როგორც საგანელიძემ აღნიშნა, ეს ყველაზე რთული საკითხია და რამდენიმე ვარიანტი განიხილება.



„მე პირადად წინააღმდეგი ვარ და ყოველთვის წინააღმდეგი ვიყავი, რომ ფონდი ბიუჯეტიდან დაფინანსებულიყო. ჩვენ უნდა ვიყოთ ის, ვინც ბიუჯეტში ფული უნდა გავაჩინოთ და არა მივიღოთ და ასეც ვაკეთებთ, ვაჩენთ ბიუჯეტში ფულს. ასევე შესაძლებელია, რომ სხვადასხვა საფინანსო ინსტიტუტებიდან გარკვეული პირობებით ავიღოთ თანხა, გავაჩინოთ ახალი ბიზნესები და ჩვენივე რესურსებით გავისტუმრებთ. ასევე, შესაძლებელია, რომ ის ობიექტები, რომელიც ჩვენვე დავაფინანსეთ და სახელმწიფოს გადავეცით, მაგრამ არ ვსაუბრობ სახელმწიფოს შვილობილი კომპანიებიდან დივიდენდზე, ჩვენივე შექმნილი პროექტებზე მაქვს საუბარი, იქიდან მივიღოთ დივიდენდი, ან დავიბრუნოთ ეს კომპანიები, ან გაიყიდოს და მათი ღირებულება ფონდის შემოსავალში გაჩნდეს. ეს ერთ-ერთი ალტერნატიული ვარიანტია ან ორივე ერთად. მესამე არის ის, რომ გაიყიდოს ფონდის აქციები და ამ აქციების გატანით მოხდეს ფონდის ფინანსური შევსება, რაც ძალიან კარგი და მნიშვნელოვანი გზაა. მაგრამ აქ ვითვალისწინებ იმას, რომ ვინაიდან, ფონდის შვილობილი კომპანიები სახელმწიფოს სტრატეგიული ობიექტებია ამ შემთხვევაში აქციების გაყიდვა ნიშნავს, რომ ყიდი მათ აქტივებსაც. ეს პოლიტიკური საკითხია და პოლიტიკური გადაწყვეტილება სჭირდება. ამიტომ ამ საკითხს ჩვენ არ დავაყენებთ“, - განაცხადა საგანელიძემ.


მისივე თქმით, რეფორმირებულ ფონდში ის ისევ ხედავს „საქართველოს რკინიგზას“ და „გაზისა და ნავთობის კორპორაციას“.


„ეს გადაწყვეტილება რომ მივიღოთ ასე ერთი ხელის მოწერით ვერ მოხდება. ისინი თავიანთი ვალდებულებით არიან დატვირთულები და ამის უკან ფონდი დგას. დარჩებიან თუ გავლენ ისინი ფონდიდან, ამას თავისი პოზიტიური და ნეგატიური მხარეები აქვს. ამიტომ არ მიმაჩნია სწორად ამაზე რაიმე რეცეპტი დავდოთ“, - განაცხადა საგანელიძემ.


ამასთან, საგანელიძემ აღნიშნა, რომ ჰიდროელექტროსადგურების და ტრადიციული ელექტროსადგურების მშენებლობაში საპარტნიორო ფონდი არ უნდა მონაწილეობდეს და ეს არის ენერგეტიკის ფონდის გადასაწყვეტი საკითხი.


„რაც შეეხება აღდგენითი, მწვანე ენერგეტიკულ პროექტებს, როგორიც არის ქარის, მზის, წყალბადი და ა.შ. პროექტები არის ჩვენი ფონდის საქმიანობის სფერო. ეს მაღალრისკიანი, მაგრამ მაღალმომგებიანი პროექტებია და გარემოს დაცვის მხრივაც უალტერნატივო პროექტებია“, - განაცხადა საგანელიძემ მედიის წარმომადგენლებთან საუბრისას.


რაც შეეხება ფონდის მენეჯმენტში ცვლილებებს, როგორც საგანელიძე ამბობს, ეს თავისთავად მოხდება, თუ ბორდს პრემიერი აღარ უხელმძღვანელებს და მის შემადგენლობაში მინისტრებიც აღარ იქნებიან.


შეგახსენებთ, რომ ”საპარტნიორო ფონდის“ რეფორმის შესახებ პრემიერმა, ირაკლი ღარიბაშვილმა მთავრობის სხდომაზე გუშინ განაცხადა. როგორც მან თქვა, ფონდის რესტრუქტურიზაცია მოხდება. აღნიშნულის თაობაზე საკანონმდებლო ცვლილებები პარლამენტში მიმდინარე თვეში დარეგისტრირდება. ეკონომიკისა და მდგრადი განვითარების მინისტრის, ნათია თურნავას განცხადებით, „საპარტნიორო ფონდის“ რეფორმის ფარგლებში შეიცვლება მენეჯმენტ-სტრუქტურები - რებრენდინგის შემდეგ მას „საქართველოს განვითარების ფონდი“ დაერქმევა.


IPN.GE






რუსეთის თავდაცვის ბიუჯეტი უკრაინისას 13-ჯერ აჭარბებს

რუსეთის თავდაცვის ბიუჯეტი უკრაინისას 13-ჯერ აჭარბებს
access_time2022-01-22 21:00:29
მსოფლიო ელის, როდის შეიჭრება რუსეთი უკრაინაში. 2014 წელს ყირიმისა და დონბასის ნაწილის (ლუგანსკის და დონეცკის ოლქები) ანექსიის შემდეგ, რუსეთი უკრაინას ახალი ომით ემუქრება, რასაც წინ უძღოდა ნატო-რუსეთის საბჭოს უშედეგოდ...

სილქფესტი ორი დღით სასაუბრო და ინტერნეტ პაკეტებს შესთავაზებს მომხმარებლებს!

სილქფესტი ორი დღით სასაუბრო და ინტერნეტ პაკეტებს შესთავაზებს მომხმარებლებს!
access_time2022-01-22 17:48:07
სილქნეტს 22 და 23 იანვარს მრავალფეროვანი შეთავაზებები აქვს მობილური ქსელის მომხმარებლებისთვის. „სილქფესტის“ ხუთი განსხვავებული პაკეტიდან სასურველი პირობის გააქტიურებას ფიზიკური, იურიდიული პირები კომბინაციით *202# შეძლებენ: 300 წუთი - 5 ₾  5 GB + 100 წუთი - 7 ₾  700 წუთი - 9 ₾ 15 GB უსწრაფესი ინტერნეტი  - 10 ₾ 20 GB უსწრაფესი ინტერნეტი  - 12 ₾ მომხმარებელი არ...

ინფლაციის ყველაზე დიდი რისკი გეოპოლიტიკური არეულობაა - მოსაზრება

ინფლაციის ყველაზე დიდი რისკი გეოპოლიტიკური არეულობაა - მოსაზრება
access_time2022-01-22 19:00:32
ინფლაცია არ არის მხოლოდ ქვეყნის შიდა პრობლემა. შეერთებულ შტატებში წლიური ინფლაცია 7%-ს აღწევს, რაც ყველაზე მაღალი მაჩვენებელია ბოლო ოთხი ათწლეულის განმავლობაში. ეს საფრთხეს უქმნის ჯო ბაიდენის...

აშშ-ის “ლეტალური” სამხედრო დახმარება უკრაინაში ჩავიდა

აშშ-ის “ლეტალური” სამხედრო დახმარება უკრაინაში ჩავიდა
access_time2022-01-22 13:00:31
კიევში ამერიკის საელჩოს ცნობით, პარასკევს ღამით უკრაინაში აშშ-ის სამხედრო დახმარების მიწოდება დაიწყო, რაც ქვეყანას რუსეთის შესაძლო ინტერვენციისგან თავის დაცვაში...

რუსული "დიდება" ციფრებში - გიორგი ქადაგიძის მიმოხილვა

რუსული
access_time2022-01-22 18:00:58
დღევანდელ რუსეთს არ გააჩნია არანაირი ფინანსური, სამხედრო თუ ინტელექტუალური რესურსი აწარმოოს თუნდაც საშუალო მასშტაბის და ვადის სამხედრო კამპანია,“-ამის შესახებ ეროვნული ბანკის ყოფილი პრეზიდენტი გიორგი ქადაგიძე  სოციალურ ქსელში...


მსგავსი სიახლეები

up