დავით საგანელიძე: „საპარტნიორო ფონდი“ ბიუჯეტიდან არ უნდა ფინანსდებოდეს,მას აქვს საშუალება თავად მოიზიდოს თანხები

დავით საგანელიძე: „საპარტნიორო ფონდი“ ბიუჯეტიდან არ უნდა ფინანსდებოდეს,მას აქვს საშუალება თავად მოიზიდოს თანხები

access_time2020-01-20 11:30:36

„საპარტნიორო ფონდის“ ხელმძღვანელი დავით საგანელიძე მიიჩნევს, რომ „საპარტნიორო ფონდი“ ბიუჯეტიდან არ უნდა ფინანსდებოდეს და მას აქვს საშუალება თავად მოიზიდოს თანხები. ამის შესახებ დავით საგანელიძემ საპარტნიორო ფონდის სტრუქტურულ რეფორმაზე საუბრისას განაცხადა და აღნიშნა, რომ ფონდს დღეს უკვე სხვა გამოწვევები და ამოცანები აქვს, ამიტომ აუცილებელია სტრუქტურული რეფორმა სწრაფად განხორციელდეს.


ამასთან, დავით საგანელიძე მიიჩნევს, რომ სახელმწიფო საწარმოები არ უნდა წარმოადგენდნენ ფონდის შვილობილ კომპანიებს.


„რაც შეეხება სახელმწიფო საწარმოებს, რომლებიც დღეს ფონდის შვილობილ კომპანიებად ითვლება, ფონდი აბსოლუტურად არ ერევა მათ მართვაში, სულ ვამბობდი, რომ ეს არის კვაზი სისტემა და უნდა იყოს აბსოლუტურად შეცვლილი. ვფიქრობ, „გაზისა და ნავთობის კორპორაცია“, „საქართველოს რკინიგზა“, „საქართველოს ელექტროსისტემა“ დღეს არის ეკონომიკის სამინისტროს მართვის ქვეშ და შესაბამისად, მათთან უნდა იყოს გადასული და არ უნდა ითვლებოდეს ისინი ფონდის შვილობილ კომპანიებად ფორმალურად და ის ამოცანები, რაც ფონდს გააჩნია, საქართველოში ინვესტიციების მოზიდვა, ახალი საწარმოების, ახალი სამუშაო ადგილების შექმნა, ქვეყნის პრიორიტეტების გამოკვეთა, რეგიონების განვითარება - ეს უნდა იყოს ჩვენი ძირითადი საქმიანობა და არა ის ფორმალიზმი, რაც დღეს ფონდში სამწუხაროდ, არსებობს.



შვილობილი საწარმოებით ფინანსდება ფონდი, მაგრამ უნდა გითხრათ, რომ ბოლო წლების განმავლობაში ფაქტიურად არ დაფინანსებულა, იმიტომ, რომ ამ საწარმოებს აქვთ თავიანთი პრობლემები, თავიანთი რეაბილიტაციის გეგმა, ისინი მიღებულ შემოსავლებს თავიანთ განვითარებაში დებენ და უნდა ჩადონ კიდეც და სწორია, ამიტომ ჩვენ მათი დივიდენდებით არ უნდა ვიყოთ. მეორე მხრივ, მიმაჩნია, რომ ბიუჯეტის კმაყოფაზე არ უნდა იყოს ფონდი. ფონდი ასეთი სტრუქტურით თვითონ უნდა ახერხებდეს, რომ მოიძიოს ფინანსური სახსრები უცხოეთიდან, ეს იქნება კრედიტის სახით, გარკვეული თანადაფინანსებების სახით და ჩვენ ამ თემაზეც ვმუშაობთ. ასე რომ, არ არის აუცილებელი და არც ვაყენებთ საკითხს, რომ ფონდი ბიუჯეტს დააწვეს. ფონდს, რომელსაც გააჩნია დღეს თავის აქტივები, აქვს იმის საშუალება, რომ დამატებით მოიზიდოს გარედან როგორც საფინანსო რესურსი, ასევე თანაინვესტირების მიზნით შემოიტანოს დამატებით ინვესტიციები ქვეყანაში. ფონდს დღეს 1 დოლარზე დაახლოებით 8 დოლარი აქვს ქვეყანაში შემოტანილი. ეს ნიშნავს, რომ ფონდის მიერ 250 მილიონიანი ინვესტიცია იყო იმის პირობა, რომ ქვეყანაში 2 მილიარდზე მეტი თანხა შემოიტანა, ჩვენ ზუსტად ასე გავაგრძელებთ და არ დაგვჭირდება დარწმუნებული ვარ, ბიუჯეტის თანხები,“- განაცხადა დავით საგანელიძემ.


მისი ინფორმაციით, რეფორმის ვადები უკვე დადგინდა და წლის პირველ ნახევარში ახალი სტრუქტურული რეფორმა უნდა განხორციელდეს.


წყარო: ipn.ge





დღის Top 10 საინტერესო ამბავი

დღის Top 10 საინტერესო ამბავი
access_time2020-08-06 21:00:03
დღის Top 10 საინტერესო ამბავი: 1.მაია სიდამონიძე: უახლოესი ორი წლის განმავლობაში ტურიზმის სექტორი ჩვეულ რიტმს ვერ დაუბრუნდება ეკონომიკისა და მდგრადი განვითარების მინისტრის ნათია თურნავას ინფორმაციით, საქართველოში უცხოელი ტურისტები გამოჩნდნენ. როგორც მინისტრმა განაცხადა, საქართველოში შემოსული ავიარეისების ¾-ს სწორედ ქვეყნის...

პირველად ბოლო 6 წელში რკინიგზას სატვირთო გადაზიდვით შემოსავალი გაეზარდა

პირველად ბოლო 6 წელში რკინიგზას სატვირთო გადაზიდვით შემოსავალი გაეზარდა
access_time2020-08-06 17:40:00
პირველად ბოლო 6 წლის განმავლობაში საქართველოს რკინიგზას ტვირთის გადაზიდვით მიღებული შემოსავალი გაეზარდა. სატვირთო გადაზიდვები სახელმწიფო კომპანიის შემოსავლის ყველაზე დიდ ნაწილს აგენერირებს. 2019 წელს რკინიგზამ ამ გზით 109.4 მლნ დოლარი მიიღო, რაც წლიურად 14%-ით გაზრდილი მაჩვენებელია. შემოსავლის ზრდაზე დადებითი გავლენა იქონია როგორც მშრალი, ასევე თხევადი ტვირთების გადაზიდვებმა. ჯამში რკინიგზამ გასულ წელს 174.2 მლნ დოლარის შემოსავალი...

AIRBALTIC-მა თბილისის მიმართულებით რეგულარული ფრენები განაახლა

AIRBALTIC-მა თბილისის მიმართულებით რეგულარული ფრენები განაახლა
access_time2020-08-06 16:00:25
6 აგვისტოს, ლატვიურმა ავიაკომპანია airBaltic თბილისის მიმართულებით რეგულარული ფრენები განაახლა. ინფორმაციას თბილისისა და ბათუმის საერთაშორისო აეროპორტების ოპერატორი კომპანია TAV Georgia ავრცელებს. რიგიდან თბილისში 126 მგზავრი ჩამოფრინდა, ხოლო თბილისიდან რიგის მიმართულებით 141 მგზავრი გაფრინდა. აეროპორტში მოსულ მგზავრებს, ტავის ბრენდირებული პირბადეები დაურიგდათ. 20 აგვისტომდე ფრენები კვირაში ერთი სიხშირით შესრულდება:✔️ რიგა - თბილისი | ყოველ...

პირველი ბრენდირებული ქართული ქვევრის ლუდი ამერიკისა და იაპონიის ბაზარზე

პირველი ბრენდირებული ქართული ქვევრის ლუდი ამერიკისა და იაპონიის ბაზარზე
access_time2020-08-06 16:30:15
ქვევრის ლუდის გამოჩენამ არამარტო ქართულ, არამედ საერთაშორისო ბაზარზე დიდი დაინტერესება გამოიწვია. როგორია დამზადების ტექნოლოგია, როგორ ხვდება ლუდი ქვევრში, რამდენად მაღალია მომხმარებლების დაინტერესება და რა პოზიცია უჭირავს ქვევრის ლუდს საერთაშორისო ბაზარზე – ამ დეტალების გასარკვევად „კომერსანტი“ მწარმოებელი კომპანიის Gotsa Wines-ის მფლობელს ბექა გოცაძეს დაუკავშირდა. „როგორც მეღვინეობაში მთავარი არის ყურძენი და ვენახი, ისე ლუდში მთავარია ალაოდა...

Die Welt: ამერიკა ეკონომიკურ კატასტროფას განიცდის

Die Welt: ამერიკა ეკონომიკურ კატასტროფას განიცდის
access_time2020-08-06 19:50:38
ბოლო თვეებში ამერიკა ეკონომიკურ კატასტროფას განიცდის, 5 წლიანი უწყვეტი ზრდის შედეგები მე-2 კვარტალში დაინგრა, როდესაც ქვეყნის მშპ, ინვესტიციების და შიდა მოხმარების ვარდნის გამო 9,5%-ით დაეცა. 2020 წლის მე-2 კვარტალი ეკონომიკური თვალსაზრისით, ბოლო 75 წლის მანძილზე ყველაზე საშინელი იყო. ამის კარგი მაგალითია ნიუ-იორკი, სადაც მარტის დასაწყისიდან 2800 საწარმო დაიხურა, ხოლო 240 000 მცირე ოჯახური კომპანიიდან (ყავახანები, სილამაზის სალონები, პატარა...


მსგავსი სიახლეები

up