დავით საგანელიძე: მალე რომანოვების სასახლე იქნება ერთ-ერთი საუკეთესო ტურისტული ცენტრი საქართველოში

დავით საგანელიძე: მალე რომანოვების სასახლე იქნება ერთ-ერთი საუკეთესო ტურისტული ცენტრი საქართველოში

person access_time2016-07-25 09:37:15

საპარტნიორო ფონდი კულტურული მემკვიდრეობის დაცვის ეროვნულ სააგენტოსთან, არქიტექტორებთან და დარგის სპეციალისტებთან ერთად რომანოვების სასახლის რესტავრაცია-რეაბილიტაციის კონცეფციას განიხილავს.


რომანოვების სასახლის რესტავრაცია-რეაბილიტაციასთან დაკავშირებით პროექტირების პროცესის მორიგი სამუშაო შეხვედრა საპარტნიორო ფონდში შედგა, რომელსაც კულტურული მემკვიდრეობის დაცვის ეროვნული სააგენტოს ხელმძღვანელი ნიკოლოზ ანთიძე, მუზეუმებისა და მუზეუმ-ნაკრძალების სამსახურის უფროსი ირმა დოლიძე, ამავე სამსახურის წარმომადგენელი ეკა კაჭარავა და არქიტექტორები გაგა კიკნაძე და ალა პროზოროვი ესწრებოდნენ. თავის მხრივ, საპარტნირო ფონდიდან შეხვედრას ესწრებოდნენ, ფონდის აღმასრულებელი დირექტორი დავით საგანელიძე.


ასევე, ფონდის საინვესტიციო დეპარტამენტისა და ბორჯომ-ლიკანის ტერიტორიაზე მდებარე სასტუმრო კომლექსის „რიქსოს ბორჯომის“ წარმომადგენლები.


საპარტნიორო ფონდის აღმასრულებელ დირექტორს დავით საგანელიძეს სამუშაო ჯგუფის წევრებმა რომანოვების სასახლის რეაბილიტაციის კონცეფციის სამუშაო პროექტი გააცნეს, რომელიც კულტურული მემკვიდრეობის დაცვის ეროვნულ სააგენტოსთან ერთად მაღალი კვალიფიკაციის მქონე, შესაბამისი დარგის სპეციალისტების ჯგუფმა შეიმუშავა.



შეხვედრაზე მხარეებმა რომანოვების სასახლის რესტავრაცია-რეაბილიტაციის და შემდგომი განვითარების გეგმაზე იმსჯელეს და საკუთარი მოსაზრებები გამოთქვეს.


რომანოვების სასახლის რესტავრაციის შემდეგ დაცული იქნება ობიექტის ძეგლის სტატუსი. შენარჩუნდება მისი ავთენტურობა. სასახლეში მოეწყობა მუზეუმი, სადაც განთავსებული იქნება კულტურული მემკვიდრეობის მოძრავი ძეგლის სტატუსის მქონე რესტავრირებული ნივთები, გამოყენებითი ხელოვნების ნიმუშები და კულტურული ფასეულობები. შეხვედრაზე მხარეებმა მიმდებარე ტერიტორიიის ტურისტული ინფრასტრუქტურის მოწყობისა და 7 ჰექტარი პარკის განვითარების გეგმის შემუშავების საკითხი განიხილეს.


„პროექტის განხორციელების პროცესი იქნება ღია და გამჭვირვალე, რადგან გაცნობიერებული გვაქვს ძეგლის კულტურული ღირებულება, მისი ისტორიული მნიშვნელობა და ფართო საზოგადოების ინტერესი. დარწმუნებული ვარ, მალე რომანოვების სასახლე იქნება ერთ-ერთი საუკეთესო ტურისტული ცენტრისაქართველოში. სასახლის რესტავრაცია-რეაპილიტაციის შემდეგ მისი პირველყოფილი სურათის აღდგება. განვითარდება ტურისტული ინფრასტრუქტურა. ბორჯომ-ლიკანის ტერიტორიაზე მდებარე რომანოვების სასახლე და ყოფილი სამთავრობო რეზიდენცია მულტიფუნქციურ სახეს შეიძენს, რაც რეგიონში ტურისტების მოზიდვის სერიოზული წინაპირობა გახდება“. -აცხადებს საპარტნიორო ფონდის აღმასრულებელი დირექტორი დავით საგანელიძე.


რომანოვების სასახლის პროექტირების პროცესი ერთ თვეში უნდა დასრულდეს, საიმპერატორო სასახლის რესტავრაცია-რეკონსტრუქციის საბოლოო კონცეფციას საპარტნიორო ფონდი მთავრობას სექტემბრის თვეში წარუდგენს. ბორჯომ-ლიკანის ტერიტორიაზე მდებარე რომანოვების სასახლე, ყოფილი სამთავრობო რეზიდენცია და მიმდებარე ტერიტორია განვითარებისთვის და სამართავად საპარტნიორო ფონდს ეკონომიკისა და მდგრადი განვითარების სამინისტრომ 25 წლიანი მართვის უფლებით გადმოსცა.



თბილისის შუაგულში არსებულ ყველა ბიზნეს ცენტრზე დაბალი ფასები გვაქვს-„ქარვასლას“ გენერალური დირექტორი

თბილისის შუაგულში არსებულ ყველა ბიზნეს ცენტრზე დაბალი ფასები გვაქვს-„ქარვასლას“ გენერალური დირექტორი
access_time2020-07-03 16:30:44
„კომერსანტი“ გთავაზობთ ინტერვიუს სავაჭრო და ბიზნეს ცენტრ “ქარვასლა’’-ს გენერალურ დირექტორ ზურაბ შავლაყაძესთან -რა კვადრატულობის საოფისე ფართების ქირავნობა არის შესაძლებელი სავაჭრო და ბიზნეს ცენტრ “ქარვასლა’’-ში? -“ქარვასლა’’-ში მეორე...

დღის Top-10 საინტერესო ამბავი

დღის Top-10 საინტერესო ამბავი
access_time2020-07-03 21:30:18
დღის Top-10 საინტერესო ამბავი 1.თუ ღვინო ყურძნისგან გაკეთდება და ხარისხის პრობლემა მოგვარდება, რთველის სუბსიდირება საჭირო აღარ იქნება - ირაკლი იაშვილი კომპანია „ისთ გეით ჯგუფის“ სამეთვალყურეო საბჭოს თავმჯდომარე და ღვინის მწარმოებელი კომპანია „ვაზიანის“...

„დაჩეხილი კოდექსი“: რა აზრი აქვს ახალ კანონს, თუ შრომის ინსპექცია სუსტი დარჩება?

„დაჩეხილი კოდექსი“: რა აზრი აქვს ახალ კანონს, თუ შრომის ინსპექცია სუსტი დარჩება?
access_time2020-07-03 18:00:58
იმედი, რომ ახალი „შრომის კოდექსი“, რომელზეც ახლა პარლამენტში მსჯელობენ, არსებულზე გაცილებით სრულყოფილი და ევროპულ სტანდარდარტებთან მიახლოებული იქნებოდა, ნელ-ნელა უქრებათ მშრომელთა უფლებებზე მომუშავე არასამთავრობო ორგანიზაციებს.კომიტეტებში კანონპროექტის განხილვისას გამოჩნდა, რომ უმრავლესობაში არსებობს წინააღმდეგობა კანონში არაერთი ჩანაწერის მიმართ.კანონპროექტის თავდაპირველი ვერსია უკვე საგრძნობლად შეცვლილი და როგორც სამოქალაქო სექტორი ამბობს, „დაჩეხილია“. თუმცა მთავარი...

მობილური ბაზრის კვლევა : ევროპასთან შედარებით ჩვენთან ტარიფები ორჯერ უფრო დაბალია-„გრანთ თორნთონი“

მობილური ბაზრის კვლევა : ევროპასთან შედარებით ჩვენთან ტარიფები ორჯერ უფრო დაბალია-„გრანთ თორნთონი“
access_time2020-07-03 13:50:14
გადაცემაში „ჩემი აუდიტორი“ გრანთ თორნთონ საქართველოს ბიზნეს საკონსულტაციო მიმართულების ხელმძღვანელმა გიორგი უსანეთაშვილმა საქართველოს მობილური ბაზრის კვლევის შედეგებზე ისაუბრა. ჩვენ შევაფასეთ მობილური ბაზრის მთავარი ინდიკატორები : აბონენტთა რაოდენობა ,შეღწევადობა, რაც გულისხმობს, აქტიური სიმბარათების ჯამურ რაოდენობას, შეფარდებული მოსახლეობასთან,ასევე საშუალო შემოსავალი ერთ აბონენტზე. აბონენტთა რაოდენობით, საქართველო ევროპაში 26-ე ადგილზეა. 2019 წლის...

სამტრედია-გრიგოლეთის გზა სურამის ციხესავით ვერ აშენდა

სამტრედია-გრიგოლეთის გზა სურამის ციხესავით ვერ აშენდა
access_time2020-07-03 16:00:19
სამტრედია-გრიგოლეთის გზის მონაკვეთის საერთო სიგრძე 51.5 კმ-ია, პროექტი 4 ლოტად ხორციელდება და დაფინასების წყარო ევროპის საინვესტიციო ბანკია (EIB). აღნიშნული გზის მშენებლობა 2014 წელს დაიწყო. უნდა აღინიშნოს, რომ სამტრედია-გრიგოლეთის გზის ოთხივე მონაკვეთის მშენებლობა შეფერხებით მიმდინარეობდა. განსაკუთრებით პრობლემური გზის მეორე მონაკვეთი აღმოჩდა, სადაც პროექტის დასრულების შემდეგ გზაზე ჯდენები წარმოიშვა, რამაც გზის საფარის მოწყობა შეაფერხა და შესაბამისად,...


მსგავსი სიახლეები

up