დავით ნარმანიას განცხადებით, კომუნალურ გადასახადებზე დაწესებულ შეღავათზე უარი უკვე 1000-მდე მოქალაქემ თქვა

დავით ნარმანიას განცხადებით, კომუნალურ გადასახადებზე დაწესებულ შეღავათზე უარი უკვე 1000-მდე მოქალაქემ თქვა

access_time2020-04-09 16:17:01

ენერგეტიკისა და წყალმომარაგების მარეგულირებელი კომისიის თავმჯდომარის, დავით ნარმანიას განცხადებით, კომუნალური გადასახადების სახელმწიფოს მიერ დაფარვაზე უარი უკვე 1000-მდე მოქალაქემ თქვა.


ნარმანიას თქმით, მსგავსი სოციალური პასუხისმგებლობის გამოჩენით დაიზოგება საბიუჯეტო სახსრები და მთავრობას შესაძლებლობა გაუჩნდება, დაზოგილი თანხა უფრო მნიშვნელოვანი ღონისძიებებისკენ მიმართოს.


„პლატფორმა რეალურად გუშინ ამოქმედდა. გუშინ, დღის მეორე ნახევრიდან, შესაბამისად, გავრცელდა ინფორმაცია პლატფორმის ამუშავებასთან დაკავშირებით. საკმაოდ მაღალია მომართვიანობა. უკვე 1000-მდე მოქალაქემ თქვა უარი კომუნალური გადასახადების სახელმწიფოს მხრიდან გადახდაზე, გამოიჩინეს მათ თავიანთი სოციალური პასუხისმგებლობა, გადაწყვიტეს, რომ ვინაიდან მათ ეს არ სჭირდებათ, სახელმწიფო მხარდაჭერაზე თქვან უარი. შესაბამისად, ეს თანხა დაიზოგება ბიუჯეტიდან და თვითონ მოქალაქეები გადაიხდიან კომუნალურ გადასახადებს.


პლატფორმა არის ძალიან მარტივი და პლატფორმის შემუშავება რეალურად გამოიწვია იმან, რომ ჩენთან იყო მომართვიანობა ცალკეული სოციალურად პასუხისმგებლიანი მოქალაქეების მხრიდან,  მათ სურდათ, თვითონ გადაეხადათ ეს გადასახადი და დაზოგილიყო საბიუჯეტო სახსრები,   მთავრობას ეს სახსრები ამ შეჭირვებულ პერიოდში სხვა უფრო მნიშვნელოვანი ღონისძიებების დასაფინანსებლად მიემართა. სწორედ ამიტომაც ჩვენ, ჩვენი აიტი დეპარტამენტის მეშვეობით, ძალიან სწრაფად გავაკეთეთ ეს პლატფორმა“ , – განაცხადა დავით ნარმანიამ.


მისივე თქმით, პლატფორმა ძალიან მარტივია. კერძოდ, ენერგეტიკისა და წყალმომარაგების მარეგულირებელი კომისიის ვებვერდზე მოცემულია ბანერი, სადაც დაინტერესებულ პირებს შეუძლიათ მონიშნონ ის კომუნალური კომპანია, რომლის გადასახადის გადახდაზეც უარს ამბობენ.



„ეს იქნება თელასი, თუ ენერგო პრო ელექტროენერგიის ნაწილში, ბუნებრივი გაზის ნაწილში თბილისი ენერჯი, სოკარი ან სხვა პატარა ლიცენზიატი კომპანიები. ასევე ანალოგიურად, ავტომატურად წყალმომარაგების მოსაკრებლის გადახდაზე უარის თქმაც ხდება, როცა ნიშნავენ ელექტროენერგიის გადასახადს, მათ შეუძლიათ, უარი თქვან როგორც ერთი თვის გადახდაზე, ამ შემთხვევაში მარტის, ასევე შემდგომ დანარჩენ ორ თვეზე. ანუ, სამივე თვეზე ერთადაც შეუძლიათ თქვან უარი ერთი მოქმედებით. შეყავთ აბონენტის ნომერი, ის მობილური ტელეფონის ნომერი, რომლითაც ისინი რეგისტრირებულნი არიან ბაზაში და რითაც მოსდით „ესემესი“, მოკლე ტექსტური შეტყობინება კომუნალური კომპანიიდან, შეყავთ სახელი და გვარი, აბონენტის სახელი და გვარი, ვის სახელზეც არის რეგისტრირებული მრიცხველი.


შესაბამისად, აჭერენ დადასტურებას და მოსდით შეტყობინება, რომ ოპერაცია არის დადასტურებული. ამის შემდგომ ჩვენი შესაბამისი დეპარტამენტი ამ მონაცემს უგზავნის კომუნალურ კომპანიებს. 11 აპრილის ჩათვლით შესაძლებელია ეს ოპერაციები განახორციელონ მოქალაქეებმა და შესაბამისად, შემდეგ უკვე 11-დან 15 რიცხვამდე კომუნალური კომპანიების ბაზაში ეს ყველაფერი აისახება.


კომუნალური კომპანიები უკვე დაფილტრულ ბაზას გადასცემენ სახელმწიფოს, რათა იმ მოქალაქეებს, რომელთაც ეკუთვნით და უარი არ თქვეს გადახდაზე, აუნაზღაუროს სახელმწიფომ, უფრო სწორად, გადაურიცხოს კომუნალურ კომპანიას მათი კუთვნილი გადასახადი, ხოლო ის, ვინც თვითონ არის მზად გადახდაზე, მათ, რა თქმა უნდა, მოუვათ მოკლე ტექსტური შეტყობინება, რომ მათზე დარიცხულია შესაბამისი თანხა და მოუწევთ, თვითონ გადაიხადონ.


ეს მოქმედება, რომელიც ხორციელდება პლატფორმის მეშვეობით, ზოგავს საბიუჯეტო თანხას. თუ ბიუჯეტს მოუწევდა ვთქვათ ჯამში ყველა კომუნალურ მომსახურეობაზე პირობითად 50 მილიონის გადახდა და 2,3 მილიონზე უარს იტყვიან მოქალაქეები, ვინც ამ პლატფორმით ისარგებლებს, ასეთ შემთხვევაში ბიუჯეტი კომუნალურ კომპანიებს 50 მილიონის ნაცვლად გადაურიცხავს 47,48 მილიონს, ანუ დაზოგავს 2,3 მილიონ ლარს. ბიუჯეტის თანხა, რომელიც ერიცხებოდათ კომუნალურ კომპანიებს, დაიზოგება ბიუჯეტში და ბიუჯეტიდან მთავრობას შეეძლება, სხვა უფრო მნიშვნელოვანი ღონისძიებების დაფინანსებაზე მიმართოს“ , –  განუცხადა საქართველოს პირველ არხს სემეკის თავმდომარემ დავით ნარმანიამ.


შეგახსენებთ, მთავრობის გადაწყვეტილებით, ყველას, ვინც მოიხმარს 200 კილოვატზე ნაკლებ ელექტროენერგიას და 200 კუბურ მეტრზე ნაკლებ ბუნებრივ აირს, კომუნალური გადასახადი სამი თვის განმავლობაში სრულად უფინანსდება.


სუბსიდიაზე უარის თქმის ელექტრონული პლატფორმა ყველასთვის ხელმისაწვდომია მარეგულირებელი კომისიის ოფიციალურ ვებგვერდზე www.gnerc.org.


1tv.ge





28 ოქტომბერი - რეგიონში მხოლოდ ქართული ლარი და თურქული ლირა გაუფასურდა

28 ოქტომბერი - რეგიონში მხოლოდ ქართული ლარი და თურქული ლირა გაუფასურდა
access_time2020-10-28 18:10:22
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 28 ოქტომბრის ვაჭრობის შედეგად, ეროვნული ვალუტა აშშ დოლართან მიმართებით გაუფასურდა, რის შედეგადაც ერთი დოლარის ოფიციალური ღირებულება...

მსოფლიო ავიაციაში სამუშაო ადგილები 40%-ით შემცირდება

მსოფლიო ავიაციაში სამუშაო ადგილები 40%-ით შემცირდება
access_time2020-10-28 17:30:17
IATA-ს შეფასებით, 2021 წელს სასურველი საოპერაციო შედეგების მისაღებად და ფინანსური რესურსების შემცირების გასანეიტრალებლად, საჭირო იქნება, ხარჯების კიდევ 30%-ით შემცირება.   ”კრიზისის პირობებში ყოველდღიურად სამუშაო ადგილების დაკარგვის და ეკონომიკური შეფერხების ალბათობა იზრდება. თუ კი სახელმწიფოები სწრაფად არ იმოქმედებენ ავიაციაში 1.3 მლნ სამუშაო ადგილი საფრთხის ქვეშ დადგება. ამას კი დომინოს ეფექტი ექნება, რაც საავიაციო სექტორში დამატებით 3.5 მლნ სამუშაო ადგილს შეუქმნის...

საქართველოსთვის პირველი ვიკინგური ტიპის თევზსაჭერი გემის მშენებლობა იწყება

საქართველოსთვის პირველი ვიკინგური ტიპის თევზსაჭერი გემის მშენებლობა იწყება
access_time2020-10-28 15:25:13
ფოთის საზღვაო სასწავლო-საწვრთნელი ცენტრში ხელი მოეწერა პირველ სამმხრივ მემორანდუმს ეკონომიკისა და მდგრადი განვითარების სამინისტროს სააგენტოს „აწარმოე საქართველოში“, კომპანია „თი-ბი-სი ლიზინგსა“ და თევზსაჭერი გემის მფლობელს შორის, რომლის საფუძველზეც „აწარმოე საქართველოში“ ინდუსტრიული მიმართულების ფარგლებში, პირველად დაფინანსდა ახალი თევზსაჭერი გემის მშენებლობა.   მოხარულები ვართ, რომ დღეს უკვე გვაქვს პირველი წარმატება. ჩვენ ბანკებთან აქტიურ რეჟიმში ვმუშაობთ კიდევ...

საარჩევნო კომპასი - საით იხრება პარტიების ეკონომიკური პოლიტიკა?

საარჩევნო კომპასი - საით იხრება პარტიების ეკონომიკური პოლიტიკა?
access_time2020-10-28 15:00:25
რამდენიმე დღეში საქართველოს მოსახლეობა ისტორიულ, დიდწილად პროპორციულ საპარლამენტო არჩევნებში მიიღებს მონაწილეობას. საარჩევნო სუბიექტად ათეულობით პარტია დარეგისტრირდა. რამდენად ემთხვევა მათი ხედვები თქვენსას საჯარო პოლიტიკის სხვადასხვა მნიშვნელოვანი მიმართულების მიხედვით? ამ კითხვაზე დეტალური პასუხი შეგიძლიათ მიიღოთ “საარჩევნო კომპასი საქართველოს” ციფრულ პლატფორმაზე.   საერთაშორისო რესპუბლიკური ინსტიტუტის (IRI) უახლესი საზოგადოებრივი აზრის გამოკითხვის მიხედვით,...

კომპანია ,,ბევრილი ჯგუფის’’ განცხადება

კომპანია ,,ბევრილი ჯგუფის’’ განცხადება
access_time2020-10-28 12:20:50
გვსურს საზოგადოებას მივაწოდოთ სრული და ამომწურავი ინფორმაცია ბოლო დროს მედიაში გავრცელებულ ცრუ და ცილისმწამებლური კამპანიის პასუხად, რომელიც ახლა უკვე მიმართულია კერძო სექტორის წინააღმდეგაც. 2020 წლის 24 ოქტომბერს, ტელეკომპანია პირველის ეთერში გასული სიუჟეტი, ცილისმწამებლური ინფორმაციის შემცველი იყო და არაფერი ჰქონდა საერთო ჟურნალისტური ეთიკის სტანდარტებთან.  გთავაზობთ კომპანიის განცხადებას: "დღევანდელი მდგომარეობით, საქართველოში ოთხი წარმოშობის ხორბალი...


მსგავსი სიახლეები

up