დავით ნარმანია - ამ ეტაპზე, ბუნებრივ აირზე ტარიფის ზრდა მოსალოდნელი არ არის

დავით ნარმანია - ამ ეტაპზე, ბუნებრივ აირზე ტარიფის ზრდა მოსალოდნელი არ არის

access_time2019-12-14 10:50:54

„ამ ეტაპზე, ბუნებრივი აირის სამომხმარებლო ტარიფის ზრდა მოსალოდნელი არ არის, ქვეყანაში არსებობს სავალუტო კურსთა შორის სხვაობის დაბალანსების მექანიზმი, რომლის გამოყენებასაც საქართველოს ენერგეტიკისა და წყალმომარაგების მარეგულირებელი ეროვნული კომისია მთავრობასთან ერთად აპირებს, რათა კურსის რყევის შემთხვევაშიც ამან გაზის ტარიფებზე გავლენა არ მოახდინოს, – ამის შესახებ სემეკ-ის თავმჯდომარე დავით  განაცხადა.

 

 

 

სემეკ-ის ხელმძღვანელი განმარტავს, რომ ტარიფის დადგენისას დიდი მნიშვნელობა სამ კომპონენტს ენიჭება, როგორიცაა ენერგოკომპანიების მომავალი წლის საინვესტიციო გეგმა, ვალუტის კურსი და საოპერაციო ხარჯები.

 

 

„ინვესტიციების მოცულობა დიდწილად სისტემის გამართვას ემსახურება. კერძოდ, გაზგამანაწილებელი ქსელის მოწესრიგებას, მრიცხველების გამართვას, რაც გაზის ხარისხიან და სტაბილურ მიწოდებასთან არის დაკავშირებული. სწორედ ამიტომ ვსწავლობთ კომპანიების განაცხადებს, ამაზე დაყრდნობით ვწურავთ წინადადებებს და საბაზრო ფასებით ვამტკიცებთ წარმოდგენილ საინვესტიციო გეგმებს. ასევე, ვსწავლობთ პროექტების მიზანშეწონილობას და თუ პროექტი მიზანშეუწონელია, არ ვითანხმებთ. ასე რომ, ერთია, კომპანიები რას წარმოადგენენ და მეორე, ჩვენ რას ვამტკიცებთ“, – განაცხადა ნარმანიამ.

 


 

 

მისი თქმით, უკვე დამტკიცებულია გაზის ტრანსპორტირებისა და მცირე გაზგამანაწილებელი კომპანიების საინვესტიციო განაცხადები. რაც შეეხება აზერბაიჯანულ „სოკარს“, რომელიც საქართველოსთვის ბუნებრივი აირის მთავრი მომწოდებელია და „თბილისი ენერჯის“, რომელიც დედაქალაქში გაზგამანაწილებელი ქსელს ფლობს და მართავს, მათი საინვესტიციო განაცხადები უახლოეს დღეებში დამტკიცდება.

 

 

რაც შეეხება პროგნოზს, თუ რამდენად მოსალოდნელია ლარის გაუფასურების ფონზე სამომხმარებლო ტარიფის ზრდა, სემეკ-ის თავმჯდომარის მოსაზრებით, ამ ეტაპზე არსებული მდგომარეობა ტარიფის ზრდის საფუძველს არ იძლევა.

 

 

„ძალიან აქტიურად ვმუშაობთ ეკონომიკისა და მდგრადი განვითარების სამინისტროსთან, მის დაქვემდებარებაში მყოფ ნავთობისა და გაზის კორპორაციასთან, რომელსაც ბუნებრივი აირის გარკვეული რესურსი აქვს. სამინისტრო მოლაპარაკებებს აწარმოებს აზერბაიჯანულ „სოკართან“, რომელიც გაზის დიდი წილის მომწოდებელია. ამ მოცემულობების გათვალისწინებით და ამ ეტაპზე არსებული მდგომარეობით, გაზის ფასის ზრდა მოსალოდნელი არ არის. მით უმეტეს, ვალუტის კურსის ბოლო პერიოდის ოპტიმისტური მაჩვენებლებიც გარკვეული თვალსაზრისით ამცირებს ამ მოლოდინს. გასულ წელს, როდესაც ერთწლიანი ტარიფი დადგინდა, ლარის კურსი 2.66 იყო. თუმცა, ბოლო პერიოდში, თუ ბოლო რამდენიმე დღეს არ ჩავთვლით, სცენარი პესიმისტური იყო – ახალა შედარებით ოპტიმისტურია. მიუხედავად ყველა მოცემულობისა, ქვეყანაში არსებობს კურსთა შორის სხვაობის დაბალანსების მექანიზმი, რომლის გამოყენებასაც მთავრობასთან ერთად ვაპირებთ, რათა კურსის რყევის შემთხევაშიც ამან ტარიფზე გავლენა არ მოახდინოს“, – განაცხადა დავით ნარმანიამ.

 

წყარო: პირველ არხი





ანესთეზიოლოგ მაგდა ხოჭოლავას განცხადება

ანესთეზიოლოგ მაგდა ხოჭოლავას განცხადება
access_time2020-08-05 12:00:45
ანესთეზიოლოგ მაგდა ხოჭოლავას განცხადება: „მინდა განცხადებით გამოვეხმაურო გუშინ, 4 აგვისტოს საქართველოს პროკურატურის მიერ, ჩემ მიმართ, წარდგენილ უსაფუძვლო ბრალდებებს, უკანონო საექიმო საქმიანობასთან დაკავშირებით. პირველ რიგში, ხაზგასმით მინდა აღვნიშნო, რომ არ ვეთანხმები პროკურატურის მიერ წარდგენილ ბრალს და იმედი მაქვს, მალე სასამართლოს მიერ მიღებული იქნება ობიექტური და სამართლიანი გადაწყვეტილება. ასევე, მინდა...

პანდემიის მიუხედავად თბილისში Mcdonalds-ის რესტორნების ქსელი ფართოვდება

პანდემიის მიუხედავად თბილისში Mcdonalds-ის რესტორნების ქსელი ფართოვდება
access_time2020-08-05 14:00:40
თბილისში, კახეთის გზატკეცილზე Mcdonalds-ის ახალი რესტორანი გაიხსნა. პანდემიის მიუხედავად კომპანია რესტორნების ქსელების გაფართოებასა და განვითარებას არ წყვეტს და სულ მალე დიღმის ტრასაზე, კიდევ ერთ ფილიალს გახსნის. როგორც „კომერსანტს“ „კოკა-კოლა ბოთლერს ჯორჯიას“ დამფუძნებელმა თემურ ჭყონიამ განუცხადა, ახალი და განსხვავებული დიზაინის მქონე „მაკდონალდსის“ რესტორნების ანალოგი წელს ჯერ არსად...

საქართველოში პირველი ტურისტები გამოჩნდნენ - ნათია თურნავა

საქართველოში პირველი ტურისტები გამოჩნდნენ - ნათია თურნავა
access_time2020-08-05 13:30:13
„როგორც ეკონომიკის მინისტრს არ შემიძლია სიხარულით არ ავღნიშნო, რომ ქუჩაში უკვე გამოჩდნენ პირველი უცხოელი ტურისტები“ - ამის შესახებ ნათია თურნავამ მთავრობის ადმინისტრაციაში ბრიფინგზე განაცხადა. მან აღნიშნა, რომ საქართველოში ჩამოსული მგზავრების ¾ ტურისტები არიან, რადგან საქართველო მიმზიდველობასთან ერთად უსაფრთხოებითაც გამოირჩევა. თურნავას განცხადებით მოლაპარაკებები მიმდინარეობს და ეპიდ სიტუაციის გათვალისწინებით აგვისტოსა დ ა სექტემბრის...

„კომერსანტის“ ექსკლუზივი - ბეირუთის პორტში სელიტრა აფეთქდა, რომელიც ბათუმიდან მოზამბიკში მიმავალ გემს ჩამოართვეს

„კომერსანტის“ ექსკლუზივი - ბეირუთის პორტში სელიტრა აფეთქდა, რომელიც ბათუმიდან მოზამბიკში მიმავალ გემს ჩამოართვეს
access_time2020-08-05 12:10:50
„კომერსანტმა“ ექსკლუზიურად მოიპოვა ბეირუთის ტელევიზიის მასალა. ბეირუთში მომხდარი დიდი აფეთქება, რომელსაც მრავალრიცხოვანი მსხვერპლი ჰყავდა 2 750 ტონა „სელიტრას“ (ამონიუმის ნიტრატის) დეტონაციის გამო მოხდა, რომელიც 2014 წელს Rhosus-ის გემიდან იყო ჩამოტვირთული. ეს ინფორმაცია, ლიბანის თავდაცვის უმაღლესი საბჭოს სხდომის დასრულების შემდეგ LBCI არხმა (ბეირუთის ტელევიზია) გადმოსცა. როგორც Rhosus-ის მეზღვაურები ამტკიცებენ, გემის მფლობელი ბიზნესმენი იგორ გრეჩუშკინი იყო. 2014...

შპს თბილისის ცენტრალური საავადმყოფოს თანამშრომლების დაკავების თაობაზე

შპს თბილისის ცენტრალური საავადმყოფოს თანამშრომლების დაკავების თაობაზე
access_time2020-08-05 11:35:43
2020 წლის 03 აგვისტოს, შპს „თბილისის ცენტრალური საავადმყოფოს“ თანამშრომლების დაკავების ფაქტთან დაკავშირებით, სამედიცინო დაწესებულება ერთმნიშვნელოვნად და სრულადუარყოფს დაკავებულ პირთა მიმართ, პროკურატურის მიერ წარდგენილ ბრალდებებს (სამსახურეობრივი გულგრილობა, სამსახურებრივი მდგომარეობის გამოყენებით თაღლითობა, უკანონო საექიმო საქმიანობა) და მიიჩნევს, რომ ბრალდების საფუძვლად მოყვანილი არგუმენტაცია არის აბსურდული და სრულებით არ შეესაბამება საქმის ფაქტობრივ...


მსგავსი სიახლეები

up