დავით მირცხულავა კალაძეს ეთანხმება - აუცილებელია ენერგეტიკის სამინისტროს არსებობა

დავით მირცხულავა კალაძეს ეთანხმება - აუცილებელია ენერგეტიკის სამინისტროს არსებობა

access_time2019-09-16 10:00:07

საპარლამენტო უმრავლესობის წევრმა რევაზ არველაძემ პრემიერმინისტრს ეკონომიკის სამინისტროსგან ენერგეტიკის სამინისტროს გამოყოფის შესახებ წერილით მიმართა. წერილი გიორგი გახარიას უკვე გადაეგზავნა. ამის პარალელურად ენერგეტიკის ყოფილი მინისტრი და თბილისის მერი კახა კალაძე აცხადებს, რომ ისეთი მნიშვნელოვანი სფერო, როგორიც არის ენერგეტიკა, ცალკე სამინისტროდ უნდა არსებობდეს.


კალაძის თქმით, თავის დროზე, როდესაც მმართველმა გუნდმა ენერგეტიკის სამინისტროს ეკონომიკის სამინისტროში გაერთიანების შესახებ მიიღო გადაწყვეტილება, თავად ამ გადაწყვეტილებას მხარს არ უჭერდა.


“კომერსანტი“ აღნიშნულ საკითხთან დაკავშირებით, კიდევ ერთი ენერგეტიკის ყოფილი მინისტრის დავით მირცხულავას პოზიციით დაინტერესდა. მირცხულავას განცხადებით, ქვეყანაში არსებულმა ვითარებამ ენერგეტიკის სამინისტროს აღდგენის აუცილებლობა აჩვენა.

 

„იმ პერიოდში, როდესაც სამინიტრო გაუქმდა მე არ ვყოფილვარ ამის წინააღმდეგი, თუმცა ახლა ნამდვილად  ვგრძნობ, რომ სამინისტრო საჭიროა. იმიტომ, რომ იმდენად მნიშვნელოვანი პროექტები და იმდენად მნიშნელოვანი გარდაქმნებია დაგეგმილი, რომ აუცილებელია სამინისტროს არსებობა, გარდა ამისა ენერგეტიკაში იქნება ერთ-ერთი ყველაზე  მსხვილი საინვესტიციო პაკეტი. თუ გვინდა ინვესტიციებს უფრო შეეწყოს ხელი და საინვესტიციო კლიმატი გაუმჯობესდეს, მიმაჩნია, რომ სამინისტრო უნდა აღდგეს და ახლებურად უნდა მიუდგეს მრავალ პრობლემას. ძნელია იმის თქმა, შეცდომა იყო თუ არა ენერგეტიკის სამინისტროს გაუქმება, ყოველ შემთხვევაში მე მქონდა მოლოდინი, რომ მრავალი საკითხი უფრო მარტივად იქნებოდა გადაწყვეტილი ეკონომიკის სამინისტროში ყოფნის დროს“,- აცხადებს დავით მირცხულავა.

 

ენერგეტიკის ყოფილი მინისტრი განმარტავს, თუ რატომ იყო ენერგეტიკის სამინისტროს გაუქმების წინააღმდეგი.


 

„იმ პერიოდს დაემთხვა მორატორიუმების გამოცხადება, ისეთი პერიოდი იყო, რომ რაღაც გასაკეთებელი იყო და ვიფიქრე, ეკონომიკის სამინისტროსთან გაერთიანება ერთი ფანჯრის პრინციპს დანერგავდა. როგორც პრაქტიკამ აჩვენა ვფიქრობ, უკეთესია კონცენტრირებული ერთი ფანჯრის პრინციპი იყოს, რადგან კიდევ გავიმეორებ, რომ ერთ-ერთი ყველაზე დიდი პოტენციურად საინვესტიციო დარგია“,- განმარტავს დავით მირცხულავა.

 


დავით მირცხულავა ამბობს, რომ თუ  ენერგეტიკის სამინიტრო აღდგება, უწყებამ ახლებური ხედვებით უნდა იმუშაოს, რათა ენერგეტიკის მიმართულებით არსებული პრობლემები მოგვარდეს.


 

„გამოწვევები არის გაცილებით დიდი და  მნიშნელოვანი. იმის გამო, რომ უნდა ჩამოვყალიბდეთ საინვესტიციო კლიმატზე, უნდა ჩამოვყალიბდეთ სხვადასხვა პროექტების, კერძოდ განახლებადი პროექტების სტიმულირების მექანიზმზე. საბაზრო ძალა ჯერ-ჯერობით არ არის ჩვენ ქვეყანაში ისეთი ძლიერი, რომ ინვესტორებისთვის ეს იყოს გარანტია და რისკები იყოს შემცირებული. აქედან გამომდინარე, უნდა მოიძებნოს რაღაც მექანიზმი, რომლებიც პროექტების განხორცილებას და ინვესტორებისთვის შექმნის ისეთ კლიმატს, რომ ისინი მოვლენ ამ დარგში. ძალიან ბევრ ქვეყანაში არის მოძებნილი ასეთი სტიმულირების მექანიზმი. დღეს არის საჭირო სტიმულირების მექანიზმების ჩამოყალიბება, ასევე ლიბერალურ ბაზარზე გადავდივართ და აქაც უამრავი ამოცანა გამოჩნდა. ასევე არის კანონი, რომელიც დახვეწას მოითხოვს და ა.შ. ჩემთვის მნიშვნელოვანია, რომ მოთხოვნა იზრდება ელექტროენერგიაზე და რაც შეიძლება სწრაფად უნდა იქნეს მიღებული გადაწყვეტილებები“,- განაცხადა დავით მირცხულავამ.

 

შეგახსენებთ, რომ ენერგეტიკის სამინისტროს 2017 წელს გაუქმდა, მისი ფუნქციები კი ეკონომიკისა და მდგრადი განვითარების სამინისტროს გადაეცა. 2018 წლის ივნისში მამუკა ბახტაძის გაპრემიერების შემდეგ კი რეგიონული განვითარებისა და ინფრასტუქტურის სამინისტროს ფუნქციები დაემატა და ენერგეტიკის საკითხებიც შეუერთდა.

 


ბაჩო ადამია




Kaveuli Parfum აბასთუმნის ტყის სურნელით გაჯერებული ქართული სუნამო

Kaveuli Parfum აბასთუმნის ტყის სურნელით გაჯერებული ქართული სუნამო
access_time2021-01-16 16:00:10
პირველი ქართული არტიზანული სუნამო Kaveuli Parfum ქალებისა და მამაკაცებისთვის, თამარა ქაფიანიძემ თავისი დის დახმარებით, იტალიელ პარფიუმერის ბოტეგა მალატინის ჩართულობით შექმნა.     ქართული სოჭი, ციტრუსი, წიწაკა, კიპარისი, ჩინური ღვია... ქართული სუნამოსთვის ინგრედიენტები მსოფლიოს სხვადასხვა ქვეყნიდან ერთიანდება და საბოლოო ჯამში 30 მლ-იან ფლაკონში იყრის თავს.     სუნამო იტალიაში, იტალიელი პარფიუმერის სახელოსნოში ისხმება და გავლილი...

ქართული ოცნების ახალი პოლიტსაბჭოს შემადგენლობა ცნობილია [სია]

ქართული ოცნების ახალი პოლიტსაბჭოს შემადგენლობა ცნობილია [სია]
access_time2021-01-16 14:44:25
ქართული ოცნების ყრილობაზე ახალი თავმჯდომარის გარდა, რომელიც ირაკლი კობახიძე გახდა, განახლებული პოლიტიკური საბჭო აირჩიეს. საბჭოს შემადგენლობა...

საქართველოში კორონავირუსით ინფიცირების 1236 ახალი შემთხვევა გამოვლინდა

საქართველოში კორონავირუსით ინფიცირების 1236 ახალი შემთხვევა გამოვლინდა
access_time2021-01-16 10:59:15
ინტენსიური ტესტირების ფარგლებში, ბოლო 24 საათში ქვეყნის მასშტაბით ჩატარდა 15 152 კვლევა ტესტით, მათ შორის 9 208 კვლევა ანტიგენის ტესტით და 5 944 PCR...

მმართველი პარტიის შემომწირველებთან დაკავშირებულმა კომპანიებმა 2020 წელს 68 მლნ ლარამდე ღირებულების ტენდერები მოიგეს

მმართველი პარტიის შემომწირველებთან დაკავშირებულმა კომპანიებმა 2020 წელს 68 მლნ ლარამდე ღირებულების ტენდერები მოიგეს
access_time2021-01-16 11:20:15
ქართული პოლიტიკური პარტიების შემომწირველთა დაახლოებით 38%-ს იმაზე მეტი აქვს შეწირული, ვიდრე ერთი წლის საშუალო დარიცხული ხელფასია საქართველოში (დაახლოებით 11,900 ლარი). ასეთ შემომწირველებზე ყველა პარტიის მიერ მიღებული შემოწირულების დაახლოებით 85% მოდის, რაც მათ მსხვილ დონორებზე დამოკიდებულებას მიუთითებს – ამის შესახებ „საერთაშორისო გამჭვირვალობა – საქართველოს“ ანგარიშშია აღნიშნული, რომელიც 2020 წლის 1 სექტემბრიდან 17 ნოემბრის ჩათვლით საპარლამენტო არჩევნების...

Signal Advance და 5 შემთხვევა, როდესაც ინვესტორებმა აქციები შეცდომით იყიდეს

Signal Advance და 5 შემთხვევა, როდესაც ინვესტორებმა აქციები შეცდომით იყიდეს
access_time2021-01-16 15:00:24
რამდენიმე დღის წინ აქამდე ნაკლებად ცნობილმა მესენჯერმა Signal-მა მოულოდნელად დიდი პოპულარობა მოიპოვა - ეს იმის შემდეგ მოხვდა, რაც მესენჯერმა WhatsApp-მა განაცხადა, რომ მომხმარებელთა პირად მონაცემებს Facebook-ს გადასცემს.   უცნობ აპლიკაციაზე მოთხოვნის ნახტომისებრი ზრდა ილონ მასკის ტვიტმა გამოიწვია - „გამოიყენეთ  Signal».   Tesla-ს დამაარსებელს უამრავი თაყვანისმცემელი ჰყავს და მისმა მოწოდებამ ინტერესი არა მხოლოდ მომხმარებლების, არამედ ინვესტორების...


მსგავსი სიახლეები

up